المركز الجامعي للتطوير المهني - جامعة أسيوط UCCD Assiut

19/09/2026

عام دراسي جديد… وبدايات أروع 👏🏻

لسه بتبدأ مشوارك الجامعي؟
خلي السنة دي مش بس محاضرات وامتحانات… خليها سنة تكتشف فيها نفسك، تطور مهاراتك، وتبدأ تبني مستقبلك المهني من بدري 👌🏻

في المركز الجامعي للتطوير المهني – UCCD | Assiut University
احنا هنا علشان نساعدك تاخد أول خطوة صح نحو سوق العمل من خلال:
- برامج تدريبية متنوعة
- ورش عمل وملتقيات توظيف
- دعم وتطوير الـ CV والمهارات المهنية
- فرص تدريب وتأهيل
- وتنمية مهاراتك وبناء مستقبلك المهني

مستقبلك مش بيبدأ بعد التخرج… مستقبلك بيبدأ من دلوقتي 👏🏻

ابدأ السنة الجديدة بخطوة جديدة…
وخلي UCCD جزء من رحلتك نحو مستقبل مهني أفضل 💛

18/09/2026

👏🏻

مش كل خريج جاهز لسوق العمل.

الفرق بيتبني من أول يوم في الجامعة.....

مهارات خبرات وتجارب بتفرق معاك بعد التخرج.

اعمل فولو وخليك معانا نجهزك لسوق العمل، خطوة بخطوة.

14/09/2026

المركز الجامعي للتطوير المهني UCCD – Assiut University بالتعاون مع شركة Kazyon كازيون بيوفر فرصة مميزة للخريجين للانضمام إلى فريق العمل في وظيفة:

Area Manager | مدير منطقة

لو أنت خريج كلية التجارة – جامعة أسيوط دفعات 2024 | 2025 | 2026، الفرصة متاحة من جميع الأقسام، بما في ذلك PP*S & BIS

والأهم لحديثي التخرج:
هيكون فيه تدريب وتأهيل داخلي لمدة 6 أشهر داخل الشركة لإعدادك عمليًا لمهام ومسؤوليات الوظيفة

📌 قدم الآن من خلال لينك التسجيل :

https://forms.gle/mq6kZnewQuKzhdFc7

*S *S

08/09/2026

لو مركزنا الجامعي للتطوير المهني كان موجود في التمانينات…😂📸

كان الـCV بيتكتب على الآلة الكاتبة ⌨️
والـLinkedIn؟ 🤔 كان اسمه “اعرف حد يعرف حد” 😂
والـCareer Coaching غالبًا كان: «يا ابني اتخرج وبعدين نشوف» 😎

بس رغم ان الصورة من زمن الفلاش والشرائط 📼✨
كان هدفنا واحد ولسه مستمر لحد النهارده:

نساعدك تعرف طريقك المهني، تطور مهاراتك، وتكون جاهز لسوق العمل

من أيام التمانينات…
لحد عصر الـAI والـLinkedIn
المركز بيتطور… وانت كمان لازم تتطور معاه💛

08/09/2026

وصلنا لخط النهاية… لكن رحلتكم المهنية لسه بتبدأ 🧭✨

اختتمنا النهارده آخر أيام Career Compass – بوصلة المستقبل المهني، وكان يوم مليان تطبيق، تفاعل، وتحديات خلت كل مشارك يخرج بخطوة جديدة ناحية مستقبله المهني 👏

اتكلمنا خلال اليوم عن:
- السلوك المهني وإزاي تكون صورتك المهنية انعكاس حقيقي لشخصيتك وقدراتك.
- السلوك الجماعي وأهمية التعاون والعمل بروح الفريق.
- البحث عن وظيفة… منين تبدأ؟ وإزاي تدور بذكاء وتوصل للفرصة المناسبة؟
- مهارات العرض والتقديم، والأهم إن كل مشارك خاض التجربة بنفسه 🎤

ومن أجمل لحظات اليوم… إن كل مشارك وقف قدام الجمهور وقدم Presentation بنفسه، وواجه رهبة الوقوف أمام الآخرين بثقة أكبر 💪

لأننا في Career Compass مش هدفنا انك تسمع معلومات وخلاص…
هدفنا انك تتعلم، تطبق، وتجرب بنفسك؛ علشان تخرج مستعد أكتر للخطوة اللي جاية في طريقك المهني.

3 أيام من التعلم والتطبيق والتفاعل…
والحصيلة؟ مهارات أقوى، ثقة أكبر، ورؤية أوضح للمستقبل

📍 المركز الجامعي للتطوير المهني – جامعة أسيوط

08/09/2026

احنا مش بس بنتكلم عن سوق العمل… احنا بنستعد من دلوقتي 💪

في اليوم الثاني من كورس بوصلة المستقبل المهني | Career Compass، خاض المشاركون تجربة عملية ومُلهمة مع د. محمد سامي القاضي، وتعرفوا على:

- أهم المهارات الشخصية والقيادية المطلوبة في سوق العمل
- ازاي تطور من نفسك وتكون أكثر جاهزية للفرص؟
- أهمية التواصل والتعامل الفعال في البيئة المهنية
- و ازاي المهارات الشخصية والقيادية ممكن تكون نقطة فارقة في مستقبلك المهني؟

لأن سوق العمل مش بيدور بس على شخص عنده معلومات…
بيدور على شخص يعرف يتواصل، يقود، يتطور، ويحول مهاراته لنتائج حقيقية.

📸 شوفوا معانا لقطات من اليوم الثاني من التدريب، واستمتعوا بأجواء التعلم والتفاعل داخل Career Compass.

لسه الرحلة مستمرة… ولسه في مهارات أكتر هنكتشفها سوا 🧭

Career Compass — ابدأ من دلوقتي، وخلي خطواتك الجاية أذكى.

📍 المركز الجامعي للتطوير المهني – جامعة اسيوط

07/09/2026

🧭 Career Compass | Day 2

03/09/2026

في المركز الجامعي للتطوير المهني، بنؤمن إن دورنا مش بس نقدم تدريب… لكن نسمعك، نشجعك، ونساعدك توصل للفرصة المناسبة 🤝

لو عندك فكرة، مشروع، أو حتى مجرد بداية لفكرة…
احنا مستنيينك في المركز في أي وقت
تعالى احكيلنا فكرتك، والباقي نبدأه سوا 👏🏻

01/09/2026

عندك فكرة مشروع؟ متخليش فكرتك تفضل مجرد فكرة 💡

لو انت طالب أو خريج وعندك فكرة مشروع ومعاك Prototype (نموذج أولي)، فـ المركز الجامعي للتطوير المهني UCCD بيرحب بيك 🤝

تعالى المركز في أي وقت، واحكيلنا عن فكرتك 💡
وإحنا هنكون معاك في الرحلة من أول خطوة:

- نشجعك ونساعدك تطوّر فكرتك
- نساعدك تشوف مشروعك بشكل أوضح
- نوجهك للفرص المناسبة
- ونوصلك بالجهات والبرامج اللي ممكن تساعد فكرتك تكبر وتتحول لخطوة حقيقية

فكرتك تستحق فرصة… واحنا مستعدين نبدأ معاك ❤️

📌 سجل فكرتك من خلال الفورم:

https://forms.gle/aTkpyFQMsb2nVKa58

📍 المركز الجامعي للتطوير المهني UCCD – جامعة أسيوط