23/07/2022
كان في ولد صغير و جميل بيحب باباه ومامته
هما الاتنين كل دنيته بيشوف الدنيا بعنيهم سهل عليه يسمع كلامهم لان هما اللي بيختاروا البيئه الموجود فيها واللي هما واثقين انها شبههم وشبه قيمهم فالمشاكل بينهم كانت قليله وفي حاجات محدده
الولد بدأ يكبر شويه لسه بيحب ماما وبابا زي زمان بس الحقيقه بدأ يحس انه تايه ما بين كلام ماما وبابا وكلام اصحابه اللي بقوا خارج سيطرة مامته وباباه وما بين اللي بيشوفه في التلفزيون وفي الشارع وفي التمارين
بقى مش قادر يقاوم الاغراءات اللي حواليه في كل مكان
نفسه يبقى قد توقعات اهله منه وفي نفس الوقت عايز يجاري اصحابه ويلاقي مكان بينهم
كبر اكتر وبقى حاسس بضغط شديد لانه دلوقت بقى يتقاله ان مستقبلك بيترسم ويتحدد واللي بتعمله دلوقت هتحصده قدام وفي نفس الوقت هو عايز يتمرد ومش عايز يسمع غير لصوت دماغه وبس
الصراع بقى شديد عليه قوي
مامته وباباه على الناحيه التانيه حاسين بقلق وحيره وخوف على ابنهم ونفسهم يساعدوه
بيحبوه قوي بس حبهم مش واصل ليه من كتر الخلافات والتوجيهات المستمره
الصراع ده موجود في كل بيت بصوره او باخرى
وفي رحلة سفينه حياتي بحاول اقدم الدعم لكل طفل في المرحلة العمريه من ١٠ ل ١٤ سنه وبحاول اساعده يوصل لانه
👈🏻 يعرف نفسه اكتر ويفهمها
👈🏻 يعرف يوزن تصرفاته ويقرر بنفسه مدى الفايده اللي بتعود عليه منها
👈🏻 يعرف ازاي يختار اهدافه ويحددها
👈🏻 ازاي يوصل انه يحدد اولوياته بناء على اهدافه
👈🏻 ازاي ينظم وقته ويومه واسبوعه بما يتناسب مع الاهداف دي
👈🏻 يعرف اللي حواليه ويفهمهم بصوره افضل
👈🏻 ازاي ممكن يكون رصيد من الموده والاحترام والنفع المتبادل في علاقاته
👈🏻 كل ده وحاجات تاني كتير
عن طريق العاب وانشطه وقصص مختلفه تقدر توصلهم المفاهيم دي بطريقه بسيطه و سلسله باذن الله
وكل ده باذن الله يوصلنا لهدف اننا نوصل بيه انه يحسن علاقته بنفسه واللي حواليه
متفوتش على ابنك او بنتك فرصة انه يكون موجود ويستفيد بالمعلومات والتطبيقات والتمارين اللي هتكون موجوده في البرنامج ده وانه يكون موجود وسط مجموعه تدعمه وتشاركه
لو عايزين تعرفوا اكتر عن الرحله دي ومكوناتها سيبوا تعليق تحت البوست 🌷
