08/12/2025
⚠️ مهم جدًا… برجاء القراءة للنهاية 🙏
يا جماعة، كلكم عارفيني بقالّي أكتر من 8 سنين في شغل تعليم السواقة، وعمري ما قصّرت مع حد.
بس الفترة الأخيرة جبت آخِري بصراحة، ولازم يتحط قواعد واضحة احترامًا ليا ولمجهودي ووقتي.
🔒 أولًا: احترام الخصوصية
أي سؤال شخصي يخصّني ممنوع تمامًا
(زي: عندك كام سنة؟ العربية ملك مين؟ ساكنة فين؟ متجوزة؟… إلخ).
التعامل مهني فقط… ومعلوماتي مش للنقاش ولا الفضول.
أي تجاوز = إلغاء الحصة فورًا بدون أي استرجاع.
🚗 ثانيًا: بخصوص العربية
من حقّك تسألي عن نوع العربية وطريقة الشغل… لكن
ملكية العربية موضوع يخصّني أنا فقط.
سؤال: “العربية بتاعتك ولا لأ؟”
بجد كفايــــــــا كلام فيه… دا مش من حق أي حد.
⏰ ثالثًا: المواعيد
الالتزام بالميعاد مهم جدًا.
التأخير أكتر من 10 دقايق = الحصة تتحسب.
وارد يحصل ظروف عندي أو عندك…
بس زي ما أنا عمري ما بسيب حد واقف في الشارع… مطلوب نفس الاحترام.
بلاش:
اللي تقفل فونها
اللي تلغي قبلها بـ 10 دقايق
واللي تسيبني واقفة في الشارع
أو باباها يتصل يلغي
كل دا مش مقبول.
💵 رابعًا: الحجز والديبوزيت
الحجز لا يتم إلا بدفع ديبوزيت لتثبيت الميعاد.
بدون ديبوزيت = لا يوجد ميعاد.
الديبوزيت غير قابل للاسترجاع في حالة الإلغاء/التأخير المتكرر.
📚 خامسًا: أثناء الحصة
الالتزام بتعليماتي… مش جدال، مش نقاش، مش عناد.
ممنوع دخول أي مرافق نهائيًا… الحصة للمتدربة فقط.
لو في أي ظرف… يتم التواصل قبل الميعاد بوقت كافٍ.
📵 سادسًا: سياسة التصوير
أغلب المتدربات بترفض التصوير وأنا بحترم ده.
ممنوع رفع الكاميرا أو التصوير من غير إذني.
أي مخالفة = إلغاء السيشن نهائيًا.
🚫 سابعًا: ممنوع طلب خدمات خارج التدريب
بلاش أسئلة أو طلبات ملهاش علاقة بالشغل زي:
“تعالي وصّليني المكان الفلاني”
“لفّة زيادة بعد الحصة”
“رايحة فين بعد ما نخلص؟”
“عندك معاد بعدي؟”
حضرتك جاية تتعلمي… مش من حقك أي أسئلة شخصية أو طلبات برا التدريب.
👥 ثامنًا: ممنوع وجود مرافق
وجود أي حد مع المتدربة في العربية = إلغاء الحصة فورًا.
💳 تاسعًا: نظام الدفع
الدفع يكون بالسيشن فقط… مفيش دفع كورس كامل مسبقًا.
وطريقة الدفع:
We Cash – Instapay
مش هيتم الحجز من غير تحويل.
💬 وأخيرًا…
القواعد دي علشان الشغل يكمّل باحترام وتنظيم…
أنا بقدّم شغلي بإخلاص، وبطلب نفس المعاملة
015 50916895
