Happy baby nursery

سيتم استئناف العمل بالحضانة والرجوع يوم الأثنين ان شاءالله..نراكم على خير
و ياريت ناخد بالنا من تظبيط نوم الولاد وعدم السهر اللى اكيد اتلغبط فى الأجازة عشان يرجعوا بكل نشاط وحيوية ان شاءالله

اللى فى الصورة ده كان فى يوم من الايام طفل من اطفال حضانة هابى بيبى كان جميل ومؤدب وشاطر ومحبوب جدا من الجميع واليوم انتقل الى رحمة الله وبجد مفيش وجع أقصى من وجع أم فقدت ابنها 💔
النهارده مش بس ابن اتدفن النهارده قلب أم اتكسروضحكة بيت اختفت وكرسي هيفضل فاضى
ربنا يرحم الملاك الصغير ويجعل كل لحظة وجع في قلب أمه رفعة ليها في الجنة ويصبر قلبها على فراق عمره ما كان سهل
انا كأم الصورة دي كسرتني جدا 💔
فكرة إن ابن يودع الدنيا وسط دموع امه وابوه وأخوه واهله واصحابه تودعه للمرة الأخيرة وجع فوق احتمال أي قلب عشان كده ربنا جعل جزاء الصبر على هذا الابتلاء الجنة للابوين
يارب يهون على أمه وابوه وأخوه نار الفقد ويربط على قلبهم وان شاءالله ياحبيبى ربنا يجعلك من ابناء الجنة الذين ينتظرون أهلهم على أبوابها 🤲🏻
برجاء كل اللى شاف البوست ده غدا ان شاءالله كلنا صايمين وقفة عرفة والدعاء مستجاب نتذكر وندعو لام ساجد من قلوبكم ربنا يربط على قلبها ويصبرها لأنها فى حالة صعبة جدا...
ولا أراكم الله مكروه في عزيز لديكم

من فعاليات اليوم نشاط تلوين خروف 🐑 العيد

من فعاليات اليوم نشاط تلوين خروف 🐑 العيد🎈

كل مناسبة دينية بنهتم نحكى لاطفالنا قصة المناسبة طبعا الأيام دى الأطفال بتشوف الخرفان فى الشوارع وعارفين ان خلال ايام هيجى عيد الاضحي إن شاءالله اللى بندبح فيه الخرفان دى
طبعا لازم نبسط ونحكي لهم ايه هى قصة الأضحية 👇
كان فيه نبي طيب اسمه النبي إبراهيم وكان بيحب ربنا جدًا 🤍
وربنا رزقه بولد جميل اسمه النبي إسماعيل 🐑💛
وفي يوم شاف سيدنا إبراهيم رؤيا إن ربنا بيختبر طاعته وإنه لازم يذبح سيدنا إسماعيل 😢
فسأل ابنه وقاله:
“يا إسماعيل… ربنا أمرني بكده إيه رأيك؟”
فسيدنا إسماعيل كان طفل مؤمن وشجاع جدًا ✨
وقال لوالده:
“يا أبي افعل ما تؤمر” 🤍
ولما سيدنا إبراهيم نفّذ أمر ربنا ربنا فرح بطاعتهم ❤️
وبدل سيدنا إسماعيل بكبش كبير 🐏✨
علشان يعرفنا إن الطاعة والإيمان أهم حاجة 🌙
ومن هنا جه عيد الأضحى 🐑🎉
العيد اللي بنتعلم فيه الطاعة، والحب، ومساعدة الناس والفرحة الجميلة 🤍

النهارده سلمنا اطفالنا نتيجة امتحانات التقييم ...... طبعا الأمتحانات دى بعملها عشان اعرف مدى تقدم مستوى الأطفال على مدار الشهور يلااا ... اللى وصلته النتيجة يعلق ويقولى ايه رأيه فى مستوى طفله بعد ماشاف نتيجة الأمتحان
شكر خاص لميس فيفى وميس سامية على مجهودهم الشديد اللى بيذلوا مع اطفال هابى بيبي وياريت الماميز تكون متعاونة وتتابع وماتعتمدش اعتماد كلى على الميس بحجة آن عندها اطفال اكبر واخدين وقتها .أدى لكل طفل حقه ومرحلة التأسيس دى من اهم المراحل المهمة جدا هتتبنى عليها كل اللى جاى .طبعا فيه امهات بتهتم وبتتابع ومابتكسلش ومنتظمة فى الحضور والمتابعة بشكرهم وان شاءالله ربنا مش هيضيع تعبك وهتلاقي دايما نتيجة حلوة تفرحك فى طفلك تنسيكى تعبك معاه ..

🌙✨ متنسوش التكبير في الأيام المباركة ✨🌙
من أجمل السنن في العشر من ذي الحجة
إن بيوتنا وقلوبنا تفضل عامرة بالتكبير 🤍
🕌 “الله أكبر الله أكبر الله أكبر، لا إله إلا الله،
الله أكبر الله أكبر ولله الحمد”
عودوا أطفالكم يسمعوا التكبير ويرددوه معاكم 💛
علشان تفضل الأجواء مليانة فرحة وطاعة وبركة ✨
اغتنموا الأيام الجميلة دي بكثرة الذكر والتكبير 🤲

عملنا لأطفال هابى بيبى 👇

نشاط مساطر تهيئة الكتابة🤩

هدفها : 😊
تقوية عضلات يد الطفل والتدريب على الكتابة و الامساك بالقلم بشكل صحيح بتمرين يد الطفل على التحكم فى القلم واتباع الشكل المحدد يجعل الطفل متحكما بالقلم و مؤهلاً لاتباع الاتجاهات التى سيكتب بها الحروف فيما بعد

استخداماتها 😊
- تهيئة يد الطفل لكتابة الحروف من خلال تعويده على المنحنيات التى سيواجهها عند كتابة الحروف.
- تعويد الطفل على فكرة المتاهات فى اطار بسيط

طرق الاستخدام
الطريقة الأولى : اعطاء مسطرة واحده للطفل وكراسة رسم صغيرة ويقوم الطفل بالرسم داخل فراغ المسطرة حتى يتمكن من منحنياتها ثم اعطاؤه مسطرة اخرى ذات صعوبه اكبر