الfamilia

خُلق العطاء
العطاء مش بس مادى كمان فى عطاء معنوى من حب و احتواء و اهتمام ودعم و علم اى انسان سوى محبوب دايماً لا يخلو من صفه العطاء العطاء بيزين اى بنى ادم وبيزين اى علاقه سواء علاقه اسريه صداقة علاقه عمل العطاء المتوازن بيدى للحياة روح وبيملى خزان الود وكمان خزان الحسنات ولا ينقص منك شيك قال الله تعالى (لَن تَنَالُوا الْبِرَّ حَتَّىٰ تُنفِقُوا مِمَّا تُحِبُّونَ ۚ وَمَا تُنفِقُوا مِن شَيْءٍ فَإِنَّ اللَّهَ بِهِ عَلِيمٌ) (فَأَمَّا مَنْ أَعْطَى وَاتَّقَى وَصَدَّقَ بِالْحُسْنَى فَسَنُيَسِّرُهُ لِلْيُسْرَى وَأَمَّا مَنْ بَخِلَ وَاسْتَغْنَى وَكَذَّبَ بِالْحُسْنَى فَسَنُيَسِّرُهُ لِلْعُسْرَى)
لو لقيت نفسك بسبب تجارب سيئة او معتقدات غلط او حتى ضيق الحال او خوفك ان حد يتفوق عليك مش عايز تدى فعيد تانى حسباتك واحي خُلق العطاء

من الحاجات اللى بتبسط جداً لما بتدخل رمضان حاجه وتطلع حاجه تانيه و يا سلام بقى لو طول دا معانا ميبقاش مجرد احساس ويخلص ركز على خُلق واحد بس فيك او عادة معينه واشتغل عليها واطلع من رمضان مُغتنمه تحب تغير ايه فيك؟

مودة ورحمة
لما الشيطان يبدأ يوقع بين زوجين بيركز اوى على انه يكبر اوى اوى اوى المساوئ ويصغر اوى اوى اوى المحاسن بتاعة الطرف الاخر يعنى زوجك يكون كريم وحنين وبيساعدك قدر اسطاعته وكل تركيزك وخناقة واللى مركزلك عليه الشيطان قعدته على القهوه او انه مش موجود او والدته او عيلته
وزوجتك تبقى ست الستات وشيلاك وسنداك ومربيالك اولادك وحفظاك فى عرضك ومالك ومخليا بالها منك وانت كل اللى مركز عليه الكام كيلو الزياده اللى مش لاحقه تنزلهم او انها بتصرف كتير شويه او انها قصرت ١٪؜ مع الاولاد اللى اخدين كل وقتها
الزواج عمره ما كان بالمسطره ولا اتنين زى بعض
بالظبط ولا ان فرد يتشكل تبع دماغ الفرد التانى
كل زوج وزوجه ليهم شخصيتهم المستقله المبنيه من طبيعه الشخصيه والتربيه والتجارب والقيم وخلافه مطلوب مننا بس نتألف نفهم نفسنا ونفهم احتياجتنا واولوياتنا ونفهم ازواجنا ونفهم احتياجاتهم واولوياتهم ونحاول نتواصل مع بعض فدا لحد ما نوصل لنقطه مُرضيه للطرفين ممكن زوجى يكون اولوياته اهتمامى بنفسى وقدام دا مستعد يشيل عنى مهمه الطبخ او بعض مهام الاولاد فليه مشيلش عن نفسى واشبعله احتياجه طالما هو مش فارق معاه الطوان والحلو والمالح بتاعى واهم واولى شكلى
ممكن زوجتى تكون اولوياتها انك تقضى وقت معاها وتتشاركوا وتتكلموا وتقضوا وقت مع بعض ممكن بأقل القليل ومش فارق معاها كتير الهدايا ولا الخروجات ولا الاكلات اللى بتجبهالها
افهموا اولويات واحتياجات بعض هتريحوا نفسكم وتريحوا ازواجكم
مودة ورحمة وسكن

العلاقات الناجحه مش هى ابداً اللى دا بيحب دا وفى تأجج المشاعر وكل واحد عنده طاقه كبيره انه يبهر الاخر ويجتذبه ويحسسه ان مفيش احسن منه دى مش علامه نجاح اصلاً النجاح فى العلاقه هو النضج النفسى والفهم الواعى يعنى عارف طبيعه الشخص الاخر وعارف حقوقى وحقوقه عارف اعبر عن نفسى ومشاعرى واحتياجاتى وعارف ادى للى قدامى احتياجاته النفسيه والعاطفيه عارف ان اريحلى انى اجى من الشغل واطنش الجميع عشان انا تعبان بس انى ادى من وقتى الثمين نص ساعه او ساعه اسمع اللى عنده احتياج انه يتسمع يتشاف اشارك اللى عنده احتياج للمشاركه ادعم اللى عنده احتياج للدعم واشبع انا كمان احتياجاتى منهم ولوحدى افهم اللى قدامى ان الوقت دا انا محتاج اكون لوحدى او محتاج هدوء هيتفهم لان عارف انك فى وقت تانى بتديله المشاركه والدعم والحب اللى محتاجه مش لازم كل طرف ياخد كل حاجه لان دى علاقه انانيه وهتصب عليا انا اول واحد بالضيق ريحوا بعض يا جماعه ادوا لبعض اللى عايزينه اتكلموا عبروا عن نفسكم راحه اللى قدامك واشباعه هيصب عليك انت كمان بالراحه العلاقه كل واحد بيسيب حته ويوصلوا سوا ل win win situation العلاقه الناجحه هى تفهمك لتوازن اجزاء حياتك هى شغلك على علاقتك للمحافظه عليها واشباعها الاول وتحسينها ثانياً والوصول بيها للمتعه الحقيقيه فى الحياة ليه بنطنش البيت ونزهق ونروح ندور على اشباع احتياجتنا برا؟؟
ليه مش بنحب نبذل شويه مجهود صغننين للتفاهم والتحسين الدائم وبنفضل اننا نطنش ونسبها تخرب او ندور على طرف تالت اصلاً اسهل؟
العلاقات عامله زى السهل الممتنع سهل جداً انها تكون جميله ومشبعه بس محتاجه شخصيتين وعيين متفهمين عندهم رغبه حقيقيه واستعداد لبذل الجهد للعيش حياة بجوده عاليه حياة مريحه مستقرة ممتعه

صباح الخير يا دكتوره
صباح الخير يا حبيبتى
انا مبعرفش انام يا دكتوره وتعبانه من كتر التفكير
خير ان شاء الله
يا دكتوره ايه الضمان اللى انا فى دلوقتى من اسرة او ولاد ميروحش منى ايه الضمان ان سعيى الجامد فى شغلى والسنين اللى قضيتها عشان ابنى اللى انا فى دا متروحش انا كل يوم بشوف حواليا ناس كانت فى مكان وكله راح منها ربت وتعبت وولدها بهدلوها او جوزها خانها او شغلها اللى فضلت تبنى فيه ضاع منها او اترفدت وحد بعدها خد مجهودها من غير ما يعمل حاجه فين الامان يا دكتوره؟؟
مفيش امان
ايه؟؟
مفيش ضمان ولا امان ؟؟
ازاى يعنى ونرتاح ونطمن ازاى؟
بصى يا حبيبة قلبى الامان والضمان فى الله وحده بس بس غير كدا تضيع وقت ومجهود
كام مره من يوم ما اتولدتى نزلتى الشارع وكان مصاحبك حفظ الله
كام مره سعيتى وتعابتى ولقيتى ترقيه وتسهيل وكرم ووسع من الله
مين اكتر حد كلامه بالنسبالنا موثوق مليون فى الميه
ربنا ودايماً بيطمنا فى القرءان
(إن الله لا يُضيع اجر من احسن عملا)
(فليظن بى ما يشاء إن خيراً فخيراً وإن شراً فشراً)
(الظانون بالله ظن السوء عليهم دائره السوء)
(ومن يتوكل على الله فهو حسبه)
(وما كان الله مغير بنعمة انعمها على قوم حتى يغيروا ما بأنفسهم)
فهمك وادراكك العميق وعيشك بالايات دى هتديكى كم امان غير عادى وفهمك العميق اننا نفخه من روح الله وعايشن لله ورايحين فى الاخر لله هيخليكى اهدى واريح
وعلى رأى حبيبتى الله يرحمها (اقدارنا مكتوبه فلنعش بهدوء)

المرونه والاختيارات المتعدده بتبسط كل حاجه دخلها فى الشغل دخلها فى العلاقات فى الاسره هتكون دايماً مريحه وسهله الاختيارات بتخلى الاولاد يستجيبوا لان فيها احترام لرغبتهم وكونهم بنى ادمين مسمُعين وليهم حق الاختيار بتفيد جداً فى الشغل لان فيها احترام لما هو مناسب لكل شخصيه واحترام للاختلاف ورغبه فى تسهيل الاعباء وتفهم لقدره اللى قدامك ومفيد جداً فى البيت لانه بيدعم جداً الموده والرحمه والرغبه فى راحه الطرف الاخر واحترام ارادته ورغباته المرونه زى الاستك بتخلى الحاجه الكبيره جداً بسيطه جداً اسهل واريح لجميع الاطراف

اطفالنا امانه في ايدينا وفي ظل الظروف والفتن المحاوطه بينا وانشغالنا بالحياة والدراسة لازم نفرغ جزء صغير تذكير لولادنا وغرس فيهم القيم والعادات الدينية للوصول ببناء طفل سوي متفوق في جميع جوانب الحياه 🌷
فقررنا نبدئ دورات مبسطه كنشاط صيفي ممتع للاطفال
مع المحفظة والباحثة في مجال التربية النفسية /روضة عمرو عطية
وهي عباره عن شهرين
هنبتدي ب تجهيز الطفل للاساسيات الدينية والاجابة عن اسئلة الطفل العقائدية,
وكمان مش هننسي اداب وسلوكيات احسن الخلق سيدنا محمد عليه الصلاة والسلام ،
وطالما اتحدثنا عن افضل الخلق يبقي لازم نتعرف علي بعض الاحاديث القصيرة مصورة ال الرسول علمنا بيها الاخلاق والتعامل،
ومع بعض هنحفظ ونعرف معاني الكلمات واسباب النزول لبعض السور القصيرة من القرآن الكريم

وطبعا كل ده هيتم بطريقة تفاعيليه وتربوية وانشطه تتناسب مع الفئة العمرية بطريقة مرحة وممتعة،❤️
ويوجد العديد من المفاجآت🎉 خلال الكورس بإذن
الله
للحجز والاستعلام أ/رانيا مديرة السنتر:٠١٢٢٥٧٦١١١٨

مشروع المهندس الصغير 😎
يالا بينا نعمل روبوت 😉

احجز مكانك في كورس الروبوتيكس المكثف 💪 وفي خلال 3 أشهر ممكن نتأهل للمسابقات الدوليه والمحليه زي كل سنه مع
‏I Engineer ❤️

👈 كل ده بنتك او/ ابنك يقدر يعمله لوحده ومن المرحلة الاولي فقط

🌟 ريموت
🌟 سنسور حراري
🌟 دوائر كهربية
🌟 سوفت وير لغة ( C)
🌟 تصنيع كامل لروبوت من A to Z
🌟 حقدر بنفسه ينفذ الشغل في ورش تقطيع وتجميع وكهرباء وميكانيكا

للحجز يرجى التواصل مع استاذه رانيا مديرة السنتر:٠١٢٢٥٧٦١١١٨