Start Learning - إبدأ إتعلم

Start Learning - إبدأ إتعلم هنساعدك تبدأ تعلم نفسك الحجات الى انت محتاجها والى بتحبها

01/02/2020

Here you will find a great collection of Kitchen and Home tools

23/05/2018





الاسطوانات (Cylinders) – الشمايز :

الاسطوانات نوعين اما بتكون مجهزة مع البلوكة وبتم تصفيتها بالمقاس المطلوب او بيستخدم زى جلب ال بتسمى cylinder liners او الشمايز، و بيتم كبسها فى البلوك ، وده بيكون افضل علشان لو فى حالة تلف او شرخ حصل للإسطوانة يتم تغيرها بسهولة .
و الشمايز تعتبر مسارات للبساتم وبيبقى حواليها فى الاغلب مسارات مياه لتبريد الاسطوانة وبيتم تزيتها عن طريق حركة البساتم.

واى خلل فى التبريد او التزيت ممكن يعمل لشروخ فيها و تسليخها لان الاسطوانات بيحصل عليها اجهادات وضغط عالى جدا بيوصل من 40 إلى 60 بار في محركات البنزين ومن 50 إلى 80 بار في محركات الديزل ، درجة الحرارة على الاسطوانة بتوصل إلى 2000 درجة في لحظة الإشعال ، علشان كده بنحتاج ان الاسطوانة تتعمل من معدن يستحمل فبيستعمل عادة حديد الزهر الرمادى علشان الاسطونات الى بتتبرد بالماء . اما الاسطوانات الى بتتبرد بالهواء فبتتعمل غالبا من سبائك الألمونيوم و بتتميز بتوصيلها الجيد للحرارة وخفة وزنها.

فى نوعين من الاسطوانات او الشمايز النوع الاول : الاسطوانات او الشمايز الجافة الغير معرضة مباشرة لماء التبريد وملامسة لسطح البلوك على طول وبيكون سمكها حوالى 2 مم وتنتج بعض المحركات وهى مجهزة بجلب جافة كجزء موحد مع البلوكة فى عملية الصب او بيتم كبسها فى البلوكة وبيتكون الخلوص بينهم قليل جدا يعنى شحط زى ما بيقولوا و فى نوع تانى من الجافة بيكون بيكون فى فى اخر الاسطوانة زى حز بيركب فى مجرى فى البلوكة
وبيكون الخلوص كبير شوية و ساعتها بيكون فى قابلية لتغير الاسطوانة لوحصل فيها اى حاجة

النوع الثانى : الاسطوانات او الشمايز المبللة ، بيكون حوالين الاسطوانة ميه التبريد وده بيساعد على انتقال الحرارة بسرعة من عند الاسطوانة وبتكون الاسطوانة محكمة كويس جدا بسيلات من فوق ومن تحت علشان ميحصل تسريب لميه التبريد لغرفة الاحتراق او عند عمود الكرنك . و فى عيب فى النوع ده بسبب تلامسة المستمر مع ميه التبريد انه حيحصل تأكل مع الوقت وعلشان كده النوع ده بيكون سمكة اكبر من النوع الجاف وده علشان موضوع التاكل وعلشان يكون ماسك نفسة اكتر لان حواليه زى تجويف مش زى النوع الجاف الى بيكون كده كده ساند على البلوكة

و الاسطوانات هى الى بنقدر نحدد منها سعة المحرك بإننا بنقيس حجم الازاحة الى بتم داخل الاسطوانة عن طريق البساتم و بنضربها فى عدد الاسطوانات الموجودة .

حلقة مكونات المحرك كاملة على اليوتيوب :
https://youtu.be/6D3vs3WA8jQ

14/05/2018

(مكونات المحرك) اعرف عربيتك - 23raf 3rabetk الحلقة الأولى الموسم الأول (Engine components) حرفيين أونلاين - 7rafyeen online S01E01 تابعونا على الفيس بوك: htt...

16/04/2018

(مقدمة عن العربية) اعرف عربيتك - 23raf 3rabetk الحلقة الأولى الموسم الأول ( Vehicle-Car-Automobile intro) حرفيين أونلاين - 7rafyeen online S01E01 تابعونا على...

26/02/2018
30/01/2018

لايك وشير للصفحة دى حتعجبكوا 👌

https://www.facebook.com/7rafyeenonline/

حرفيين أون لاين ... دليلك علشان تفهم عربيتك
قناة اليوتي?

25/01/2018




الزيت والفلتر

أجزاء المحرك المتحركه بيتم تزيتها وتنظيفها وتبريدها بالزيت.
علشان كده الاهتمام بتغير الزيت والفلتر بيحافظ على المحرك نظيف من الداخل وكون ان لون الزيت يتحول للون اغمق ده شىء كويس جدا وده بيدل على أنه بينظف المحرك .. انت تقلق لو لون الزيت شكله نظيف كده وابن ناس 😃.. و طبعا الزيت بيحافظ على اجزاء المحرك من التهالك نتيجة الاحتكاك او الحرارة.

والزيت بيتم تغيرة حسب دليل التشغيل بتاع العربية و حسب فترات الزيت المستخدم الى بتيقى تقريبا ما بين 3000 لى 20000 و لو انت طبيعة مشيك بالعربية بيبقى معظمها فى الزحمة والعربية بتقف وتمشي كتير وفى ظروف جو وحشة زى حرارة شديدة او برد شديد او غبار حاول انك تقلل فترة تغير الزيت عن الطبيعى .

وطبعا لازم من وقت للتانى نفحص الزيت ونشوف المستوى بتاعه علشان اى نقص فى الزيت بيبقى ليه دلالات كتير وده حيخلينا نلحق بدرى لو فى أى مشكلة فى المحرك .. والى عايزين نوضحة للناس إن مفيش حاجة اسمها ان لزوجة الزيت تتشاف بالإيد 😃 علشان ده عمرة ما حيبقى مؤشر للزوجة .

نيجى بقى لإزاى نقيس مستوى الزيت بشكل دقيق :

١- حتشغل العربية تسخن لمدة ١٥ دقيقة حتى لو سواقة
٢- حتبطل العربية وتستنى ١٠ دقايق علشان الزيت يرجع تانى فى الكرتيرة بشكل كامل وتكون واقف طبعا على ارض مستوية
٣- حتطلع مقاس الزيت وتمسحة كويس بقماشه وبعدين تدخلة تانى وتشوف المقاس

واخر حاجة بقى ملحوظة فى منتهى الاهمية اوعى تزود الزيت عن مقاسه الطبيعي لان ساعتها ممكن يوصل مع التشغيل لعمود الكرنك وحيعمل ساعتها رغاوى ومش حيتم ضغطة بطلمبة الزيت بشكل كويس وبكده مش حيوصل لأجزاء المحرك بشكل سليم .

لو لقيت البوست مفيد شييير 😀

قناة اليوتيوب بتاعتنا :
https://www.youtube.com/channel/UCpp6SUZwdTAwuLeU3p7MyqA

20/01/2018




1600 سي سي ؟! 1300 سي سي ؟! 4700 سي سي ؟!

كتير بنسمع الأرقام دى مقترنه بلفظ سي سي لما نيجى نتكلم عن محركات العربيات

بس بتعني ايه الأرقام دى ، وهل بالفعل لها تأثير على خصائص العربية من حيث كمية استهلاك الوقود أو سرعتها القصوى؟!.

المحرك هو قلب للعربية، وتتكون محركات الاحتراق الداخلي Internal Combustion Engines ICEs المستخدمه في العربيات التقليدية -وهي العربيات الى بتعمل بالوقود زى البنزين والديزل في الغالب من اسطوانات فبيتم حيث يتم حرق خليط الوقود والهواء
داخل الاسطوانة.

حجم الاسطوانات مجتمعه يسمي بالسعة اللترية للمحرك، بمعني أنه إذا كانت السعة اللترية لمحرك 1.6 لتر ويتكون من 4 اسطوانات، يكون حجم الاسطوانة 0.4 لتر او 400 سم مكعب ،Centimeter Cube وهو ما يطلق عليه اختصارا سي سي CC، حيت اللتر الواحد يساوي 1000 سي سي.

وبالتالي السعة اللترية بتؤثر بشكل مباشر على استهلاك الوقود، فزيادتها تعني زيادة معدل احتراق الوقود في المحرك علشان بيزيد ساعتها خليط الهاواء والوقود

ولكن هل للسعة اللترية كمان تأثير على قدرة المحرك Engine Power؟!
بالتأكيد، فالقدرة الحصانية للمحرك تنتج من احراق الوقود وكما ذكرنا، فإن زيادة السعة اللترية تعني زيادة حجم الوقود المحترق مما يزيد منطقيا من القدرة الناتجة ولكنها ليست العامل الوحيد.

وفى الفترة الجاية حتلاقوا فيديوهات حتنزل حتوضحلك حجات وألغاز كتير فى عربيتك .. تابعونا

19/01/2018

صفحة حلوة على الفيس فيها معلومات مهمة ونصايح لكل الى عندهم عربيات

https://www.facebook.com/7rafyeenonline/

حرفيين أون لاين ... دليلك علشان تفهم عربيتك
قناة اليوتي?

04/09/2017

صفحة جديدة لمهندسين المدنى 👌😃
#شير و #منشن لصحابك المدنى

صفحة تهتم بكل ما يخص مهندسين المدنى لتنمية مهارتهم

Address

Alexandria
21515

Website

Alerts

Be the first to know and let us send you an email when Start Learning - إبدأ إتعلم posts news and promotions. Your email address will not be used for any other purpose, and you can unsubscribe at any time.

Shortcuts

Share