Fekra Thanwy

13/08/2019

https://drive.google.com/open?id=1Ksc39_12jzGgXRMFolX0HYOPDCDoIEPD Facebook : https://www.facebook.com/abdelhamed999

17/07/2019

﷽

زي كل صيف عدا علينا بنقدم كورسات الصيف
و اول كورس معانا وهو الانجليزي لأنه الأكثر طلباً
بنقدم ليكوا كورس انجليش تأسيسي يخص المرحلة الثانوية و الاعدادية و ممكن لو حد اكبر و حابب يحضر مفيش مشكلة و اكيد هيستفاد
مميزات الكورس :
١-تأسيسي يعني هنبدأ من اول الأزمنة و نبسط كل قاعدة بنظام جديد احنا ابتكرناه و جربناه مع دفعات سابقة
٢-ينفع اي حد يحضره بداية من المرحلة الاعدادية و ما فوق
٣-جزء الجرامر لامم كل منهج الثانوية العامة و تعالي و جرب بنفسك
٤- سعره رخيص جدااا مقارنةً بأي كورس سمعت عنه
٥- الكورس مدته ١٥ ساعة هيتقسموا علي ٤لـ٦ حصص
٦-هيكون موجود اسئلة و اختبار علي كل جزء هيتشرح لضمان ان المعلومة وصلت و اتأكدت
٧-لو انت متعرفش حاجة عن الجرامر و خايف منه و بالتالي كاره المادة ف تعالي و جرب بنفسك و هتستمتع معانا بالكورس
٨-من أهم مميزات الكورسات السنة ديه انها هتكون في اكتر من سنتر يعني تشوف اقرب سنتر ليك و تروح تحجز
و لو تعرف سنتر قريب منك ابعتلنا عنوانه و هنحاول يكون لينا شغل هناك
—————————————————————
•و أول مكانين تم التعاقد معاهم لحجز كورسات الصيف
و الحجز عندهم
١-معــهــد الصــفــوة التعــليمــى بالمعمورة
٢-سنتر الرشيدي -كامب شيزار

•و لو عندك اي سؤال ممكن تكلمنا علي رسايل البيدج او الاتصال بـ
01151433340

05/02/2019

لو انت طالب في ثانوية عامة وعندك مشكلة في اي مادة او تعبت من استغلال المدرسين يبقي البوست ده عشانك‼️🔊

كورسات فكرة للسنة التالتة علي التوالي بتقدملك الحل وهتلملك اللي واقع منك ومش هتكلفك كتير .. بس متنساش تملي ال Form اللي في اخر البوست👇🏻👇🏻

هنشرحلك ونراجعلك احصاء ورياضة وانجليزي وفيزيا وايطالي وكمان هنحل معاك امتحانات و مش هنسيبك غير لما تقفل بإذن الله😍😊

1️⃣تفاصيل الاحصاء هتتشرح في 4 حصص وهتحل عليها كمان والكورس كامل ب 150ج شامل المذكرات وهتضمنها ان شاء الله🤓

2️⃣تفاصيل الأنجلش هتبقي شرح ال Grammar كامل في 4 حصص وحل اسئلة الامتحانات عليهم و ب 150ج برضو😎🇬🇧

3️⃣تفاصيل الأيطالي هنشرحلك ونراجعلك المنهج كله في 4 حصص و ب 100ج بس!!🇮🇹

4️⃣بالنسبة للفيزيا هنشرح اهم الاجزاء اللي اسئلتها موجوده في الامتحانات وهنعملك ملخص لكل باب هيظبطلك افكاره كلها

5️⃣اخيرا الرياضة هنحل معاك كتاب المدرسة كله وامتحانات السنين اللي فاتت ولو عندك مشكله في فرع معين هنشرحهولك برايفت وبأسعار مخفضة📐📋

🔖كل المطلوب منك تملي ال Form دي👇🏻 وتكتب بياناتك عشان نعرف نتواصل معاك .. وبداية الشرح هتكون بعد اسبوعين هنبقي نبلغك بالمواعيد اول باول🗞️

https://goo.gl/forms/KwNOFaiVx0YON4mX2

أي استفسارات هتبقي علي مسدجات البيدج💞

19/07/2018

بــســم الله الرحـمـن الرحـــيــم.
________________________

البــوســت الأســبــوعـي المُـجمـَّع: الأول - ثـانـويـة عـامة.

كيمياء (عمرو جمال) : الدرس الأول - العناصر الانتقالية.
ماث Maths (عبدالرحمن الغرياني): Calculus - Paper1
رياضة (هيثم أشرف) : تفاضل وتكامل - اشتقاق الدوال المثلثية.
فيزكس Physics (عمر خالد) : Chapter One -A
أحياء (أحمد رجب) : الباب الأول
جيولجيا (جهاد جمال) : الباب الأول
انجليزي (عبدالحميد ممدوح) : Lesson One
إيطالي (عبدالرحمن شريف) Lezione una
فرنساوي (عبدالرحمن رضا) : Leçon un

لينك الدرايف اللي عليه كل دا PDF :

https://drive.google.com/drive/folders/1-RK9aZXMKtSi8afrJyjqOSk_F_GiIsVE

-لو فيه حاجة ناقصة حتترفع خلال ساعات.
-Leave your feedback in comments.

17/07/2018

ازيكم يا شباب 👋
ده اختبار بسيط علي جزء من الجرامر اللي شرحناه في أول محاضرة من محاضرت كورس الانجلش..
منشنوا صحابكم اللي حضروا معاكم الكورس ..و ابعتولنا سكرينات لنتيجة الاختبار ^^

Grammar Exercises, Simple Past, Present Perfect, English tenses, Online Exercise

12/07/2018

الناجح يرفع أيده ✋🏻😍 تهنئة خاصة لطلبه الثانوية العامة ❤️ وشكر خاص لأبنائنا اللي طمنونا علي نتائجهم . الحمد لله الذي بنعمته تتم الصالحات . قدرنا نساعد ونفرح ناس كتير 💙💙 من جيل لجيل ومكملين 💪🏻
#فكرة

12/07/2018

السلام عليكم 😍
طلابنا الاعزاء🙈 خلاص النتيجة الثانوية علي وشك الظهور 🙊 ....
مش عايزك تتوتر 🙏🏻 افتكر ان ربنا قال "فاستجاب لهم ربهم اني لا اضيع اجر عامل منكم"😍❤️❤️
ربنا يوفق الجميع ويكتبلكو الكليات اللي بتتمنوها بإذن الله 💙
ده فيديو ل د. حسام موافي رائد الباطنه ف مصر بيحكي قصه عظيمه عن الرضا بالقدر لازم لازم تشوفه واعمل منشن لاي حد ثانويه عامه
ثق ف ربنا وارضي باللي هيختارهولك ف في اسوء السيناريوهات اوعي تزعل بقضاء ربنا " لا تدري لعل الله يحدث بعد ذلك امرا"
بالتوفيق 🌸🌸

10/07/2018

السلام عليكم ورحمة الله وبركاته
ازيكم يا شباب عاملين ايه 😀
انا عمرو جمال وهكون مسئول المادة اللي كلكم بتحبوها : الكيماء 😂💔
ولو لا قدر الله حد فيكم بيكرهها هيحبها وهيستمتع بيها جدا السنة دا 😍
الكيميا عبارة عن 60 درجة موزعة على 5 ابواب
الخمس ابواب ساهلين جدا و افكارهم بسيطة بس معتمدين شوية عالحفظ ودا افضل بكتير عشان هتبقى ضامن ان معظم الاسئلة هتجيلك زي ما هي بالنص 😀
منهج السنة دي مش ملوش علاقة بمناهج سنة اولى او تانية فاطمن جدا
ذاكر الدرس من مذكرة الشرح وراجع عليها في نفس اليوم من كتاب المدرسة ، ودا مهم جدا عشان بيثبت المعلومة في مخك وبيلملك الدنيا ، وحل كتير خصوصا في المسائل ، مهم تخلص كتاب الامتحان على قد ما تقدر ، ولو اتبقى وقت هات كتاب من اللي اسئلتهم خرافية ومبتجيش واتسلى فيه 🙂
ان شاء الله النظام اللي هنزل بيه كالآتي :
- مذكرة شرح لكل درس شاملة الفاظ كتاب المدرسة ومواطن الاسئلة متلونة بألوان تحديد + شرح زيادة للفهم وتفسير لكل كلمة
- اخر كل درسين بيبقى في واجب على الدرسين عبارة عن اسئلة كتاب الامتحان كاملة
-بعد كل درسين بتنزل مذكرة حل للواجب
- وبعد كل درسين برضو بينزل ملخص للدرسين دول
دا لينك الدرايف اللي هتنزل عليه المذكرات بصيغة PDF جودتها عالية :
https://drive.google.com/drive/folders/1BjBJRrjmhTv3a9RBaE2g6YqdXlo48fs2
ولو عندك سؤال عن اي حاجة في المنهج او حول المنهج او في الكيمياء عامة او تعديل لحاجة في المذكرات او اقتراح كلمني او ابعتلي واتساب عالرقم 01014736767
او ابعتلي ماسنجر (ودا الافضل) على الحساب اللي منزل بيه البوست
او اكتب سؤالك على جروب فكرة اللي احنا فيه مع هاشتاج #كيميا واعملي منشن في البوست او الكومنتات
Enjoy Your Vacation To Start Fresh

08/07/2018

Buonasera a tutti 💙🇮🇹🇮🇹
اهلا بيكوا ! معاكوا عبدالرحمن المسئول عن اللغه الايطاليه لحد اخر السنه إن شاء الله 💙
هنخلي البوست ده مخصص لل داخل 3 ثانوي
بص يا سيدي انت كويس جدا انك اخترت ودخلت ايطالي
لان اللايطالي لغه ممتعه جدا وامتحانها بيجي سهل خالص اسهل من الفرنساوي والالماني
الايطالي 40 درجه والكويس فيهم ان ال 40 درجه مضمونين بسهوله بس لازم حل كتير جدا لان فيه افكرا كتير
اخدت الافكار دي كلها وعرفتها مبروك عليك ال 40
طب ال 40 بيتقسموا ازاي ؟
12 درجات قطع 9 مواقف
10 جراماتيكا 5 تيما 4 ايميل
كده ال 40 درجه بتوعك إن شاء الله تضممن ال 40 كلهم
بس خد بالك انت كطالب 3 ثانوي مطالب ب منهج اولي و 2 قبل ميتشرحلك منهج 3 لانك من غيره مش هتفهم منهج 3 واصلا مطالب بيه في الامتحان
عارف انك في اولي و2 مكنتش بتذاكر ومقضيها وتاخد حصه ليله الامتحان وتخش تحل
متشلش هم ده
نا هبدأ معاااك من الصفر خالص من اول درس في اولي ثانوي باسلوب بسيط ومفهوم ومش هياخد منك وقت ان شاء الله

ده لينك اول درس pdf وكل درس هينزل علي الدرايف إن شاء الله
ربنا معاكوا متشلوش هم الايطالي او اي ماده تيم فكره معاكو عشان يسهل عليكوو كل حاجه وكله هيبقي تمام ان شاء الله
بالتوفيق 😍💙💜

05/07/2018

‎السلام عليكم 👋

‎ف البداية بنرحب بدفعة 19 وبإذن الله تكون سنة سعيدة عليكوا في الأول بنعرفكوا بنفسنا وبفكرتنا احنا تيم " فكرة ثانوية " ودي النسخة التانية لينا ، الفكرة بدأت معانا قبل ما نقرر نعمل الجروب ده ب سنة .. لما كنا ( ثانوية عامة ) ومن هنا جت فكرة الاسم (( فكرة ثانوي ))
‎الثانوية عبارة عن فكرة .. لو عرفتها وقدرت تتعامل معاها هتحقق اللي هتتمناه
‎الحكاية وما فيها هدف قدامك ، وبالعزيمة والاصرار وبزقه من ناس هتكون معاك علي طول الطريق هتوصله وهو ده دور تيم فكرة 😊
‎اوقات كتير كانت بتواجهنا مشاكل واحنا ف ثانوى زى الهوس اننا مش هنوصل لحلمنا والخوف من المواجهة ف نستسلم ونختار الطريق السهل وناجل وان طاقتنا بتخلص علي مدار السنه والوقت بيسرقنا والدنيا صعبة و و و
‎ف خلال السنة ديه كان نفسنا يبقى حد جنبنا حد يكون قريب مننا وده دورنا ..
‎دورنا اننا منحسسكمش بمعاناة الثانوية ونعدى بيكم الفترة دي .. دور تيم فكرة انه يشجعك وينظم مذاكرتك ويكون معاك فى وقت شدتك من اول يوم فى الثانوية ، اي مادة هتقابلك فيها مشكلة دورنا اننا هنديك فيها زقة قبل م تقع ، بنقدملك اخواتك الجدد هنكون معاك علي طول الطريق كل ال عليك انك هتحدد مين فيهم ال مزعلك واحنا هنقعد مع بعض و نشوف كذا ميعاد يناسبك وهنعمل محاضرة بالجزء ده وهيكون معاكم حد من التيم ( مش اول مره يشرح منهج الثانوية) هيشرحه وبطريقة ملخصة وهنركز على اهم النقاط وهنحل الاسئله المهمة عليها اكننا قاعدين بنذاكر سوا ،دورنا مش هيكون مقتصر ع محاضرات في المنهج بس لا هيكون ف تفاعل مننا اونلاين سواء فيديوهات أو تلخيصات أو الدرايف.. ويارب يساعدكو ويتنفذ زي م احنا بنتمني
‎درايف فكرة هنتكلم عنه ف بوست تاني مفصل ..ان شاء الله كل المطلوب منكم تشجعينا اننا نستمر لتاني سنه ونكبر بالكيان سوا ونكون ف خدمتكم دايما ❤

‎هنكون معاك لغاية م توصل عافية بإذن الله ...طلب اخير ضيفوا كل صحابكو اللي من دفعة 19 للجروب لعل وعسى يكون وسيلة تنفعه السنادي
‎ لينا كلام سوا ف بوستات تانية ان شاء الله واسفين علي الكلام الكتير 😂❤
‎ استنونا الفترة الجايه كذا مفاجاة بنقدمها ليكو وبإذن الله هتفيدكوا ونقدر نضيف حاجات جديدة السنادي
stay tuned ❤😉

03/07/2018

دورنا مع دفعه 18 انتهي وجه الوقت الي محتاجين فيه مساعدتكو اي حد اتعامل معانا سواء اونلاين او علي أرض الواقع ياريت يسيبلنا فيدباك يخلينا نطور من نفسنا ونستمر ونقدم كل ما عندنا للدفعات الجايه ^^
بالتوفيق باذن الله 🌸

الفيد باك ده مهم بالنسبالنا جداا و هو ده اللي هيساعدنا ننجح و نقدم كل ما عندنا للدفعات الجايه ^^

01/07/2018

نقدر نقول مبروك ؟
مبرووووك لكل طلبة ٣ثانوي علي مرور سنة من اصعب السنين سنة تحديد المصير
اكيد كلنا اتضايقنا منها كتير بس برده اتعلمنا كتيرر و فعلا بعد السنة ديه هتلاقي حاجات كتير.في شخصيتك اتغيرت..
يا رب نكون قدرنا نساعدكم في خلال السنة و يت رب نقدر نساعدكوا بعد كده ^^
بنتمني منكم الدعوة 💕
و اللي عاوز يشتغل معانا في تيم فكرة يتواصل معانا و هنحدد معاه انترفيو و هيبقي ليه أولوية بالقبول
و مبروك تاني ليكوا يا دفعة ١٨ ❤️