Lingoact

التانتوني 🇹🇷 من اشهر الاكلات التركية ، عبارة عن قطع لحم او فراج متقطعة حتت صغيرة وبتتقلي في الزيت وبتتعمل ساندوتش او دوروم بس بتبقى مليانة زيت

اكلت تانتوني فراخ النهاردة ب ١٢٠ ليرة

ياترى اكلتوه بكام ؟؟

مش بس رام ماضى اللي راح المنتزة 😁 انا كمان روحت اهو

اولو جامع ، بورصا 🇹🇷 من اهم معالم مدينة بورصة اللي هيا في وسط الطريق بين بلدي يالوفا والمدينة الجديدة اللي عايشة فيها اسكي شهير ، ويالوفا بتعتبر في وسط الطريق بين بورصا و اسطنبول ، معظم الجوامع في تركيا طرازها المعماري واحد لكن الجامع ده مختلف تماما ، انصحكم تزوروه وتتمشوا حواليه وتقدروا تاخدوا صور حلوة من التبة دي اللي شايفة الجامع وكل بورصا

جربتوا الكفتة النية ؟؟ 🇹🇷🇹🇷 ايوة من اسمها كدة بالتركي تشي كفتة يعني الكفتة النية وبكل بساطة في الماضي كانت بتتعمل من اللحمة النية والبرغل ، لكن حاليا ولاسباب صحية مبقتش تتعمل من اللحمة النية ومكوناتها من البرغل فقط ونباتية ١٠٠ ٪

من اشهر المأكولات التركية وموجودة في كل شارع ، المطاعم التقليدية بتوفرها بالخص فقط وممكن ليمون وطماطم وطبعا دبس الرمان ، لكن في مطاعم مودرن شوية واشهرها كوماجيني ودي اكبر سلسلة تشي كفتة في تركيا 🇹🇷 بتوفر اضافات كتير ممكن تتحط عليها زي الذرة والفلفل والجبنة والدوريتوس والطماطم وحاجات كتير جدا وصوصات كتير

ياترى جربتوها ؟ بتحبوها سادة ولا بانهي اضافات ؟

البوظة من اهم مشروبات الشتاء في تركيا 🇹🇷 ومن اهم المشروبات في اسكي شهير ، مش هتلاقوه منتشر في مدن ثانية بنفس الانتشار في اسكي شهير ، البوظة عبارة عن مشروب متخمر مزيج من الذرة والقمح والارز والبرغل وحاجات مختلفة بس هو مش مشروب كحولي

بس عرفت ان البوظة ليها معاني مختلفة في دول مختلفة ، مثلا في الشام الاسم بيتقال على الايس كريم 😃 ياترى جربتوا البوظة التركي ؟ وياترى البوظة في بلدكم معناها ايه ؟؟

دي مش فينيسيا 🇮🇹
دي برضو تركيا 🇹🇷

في اسكي شهير حتلاقي الجوندولا زي اللي في فينيسيا

اسكي شهير عبارة عن متحف كبير وتماثيل متنوعة في كل شارع 🇹🇷
عددها كبير جدا ومنها اللي قاعد على الكراسي بيحاكي الحياة اليومية

لو جيت اسكي شهير ؟ ايه تمثالك المفضل منهم ؟

ياترى قصر الديزني لاند في اسكي شهير كان فيه اي من جوا ؟؟

مجسمات لشخصيات وافلام من ديزني 🥳
مسرح وعروض وورش عمل للاطفال 👯
كافيتريا ☕

سعر تذكرة دخول القصر بدون العروض والانشطة ٧٠ ليرة للفرد

القصر موجود في حديقة سازوفا وهناك كمان في حديقة حيوانات كبيرة حانزللكم صورها لما اروح 🐘🐒🦒🐪🐅 ومركز للعلوم ومينيا ترك بس اصفر من بتاعة اسطانبول طبعا 🇹🇷

تقدر تشرب كوباية شاي ب ١٥ ليرة فقط في اماكن كتير جدا في تركيا 🇹🇷

السر بكل بساطة ، دور على الكافيهات والمطاعم التابعة للبلدية ، ودي منتشرة جدا في كل انحاء تركيا ، لكن في اسطانبول بتكون زحمة جدا

الصورة من مكان اسمه هاللر في اسكي شهير عبارة عن زي فوود كورت بيضم عدد من الكافيهات والمطاعم اللي اسعارها رخيصة جدا ، وفيه كمان مسرح ومركز لانشطة الشباب

اللي باشربه ده مش شاي ، ده اسمه كوشبورنو وبرضه ب ١٥ ليرة او بالانجليزي Rosehip ومش عارفة بالعربي يبقى ايه 🤣

صحابي المصريين قالوا كركديه في الاول لان الطعم مشابه بس طلع حاجة مختلفة خالص

انا مش في ديزني لاند باريس 🇨🇵

ده قصر ديزني لاند بتاعنا في تركيا 🇹🇷

Masal şatosu, Eskişehir 📌

أنشطتنا مش مجرد تطوير ذات بس
هي عن الإحساس بالانتماء، وعن إننا نحس إن المكان ده مكاننا بجد.

إحنا بنؤمن إن الإنسان لما يشتغل على نفسه، لازم في نفس الوقت يكون واعي بالمكان اللي عايش فيه،
وبإن الاهتمام بالبيئة مش حاجة جانبية، ده جزء أساسي من الوعي والمسؤولية.

من هنا جات فكرة إننا نشتغل بروح الفريق،
نتعلّم نكون مسؤولين عن مدينتنا،
ونرجّع علاقتنا بالطبيعة خطوة خطوة.

تنضيف الشواطئ واحد من أنشطتنا،
مش بس علشان المكان يبقى أنضف،
لكن علشان نتقابل، نشتغل سوا،
ونحس إن لينا دور حقيقي وتأثير واضح.

لما بنحافظ على مدينتنا،
إحنا في الحقيقة بنحافظ على نفسنا 🌊🤍💪💪💪🫡