https://geoalex71.wordpress.com/

Geo Alex 71, Alexandria (2026)

13/04/2024

عرفت مؤخرا إن أكثر حاجة تخليك تنجز أعمالك وتستغل وقتك أحسن استغلال إنك تحدد أولويات الأعمال اللي لازم تعملها في وقتها المناسب، ما ينفعش مثلا يبقى عندك امتحان كيمياء بكرة وأنت متعرفش عنها حاجة فتذاكر فيزياء، غالبا أنت أدرى بحالك تماما وتعرف كويس جدا إيه الحاجة اللي المفروض تعملها دلوقتي وبتعمل غيرها.

الأمر كذلك في مصيرك في الآخرة، عايز تنال رضا ربنا وتدخل الجنة وتبعد عن النار، يبقى تلزم أولويات الأعمال وأحبها لله عزوجل وده اللي كان بيعمله الصحابة مع النبي صلى عليه وسلم، ففي الحديث الصحيح الذي رواه ابن مسعود -رضي الله عنه- عن النبي -صلى الله عليه وسلم- قال فيه:

سَأَلْتُ النبيَّ صَلَّى اللهُ عليه وسلَّمَ: أيُّ العَمَلِ أحَبُّ إلى اللَّهِ؟ قالَ: الصَّلاةُ علَى وقْتِها، قالَ: ثُمَّ أيٌّ؟ قالَ: ثُمَّ برُّ الوالِدَيْنِ، قالَ: ثُمَّ أيٌّ؟ قالَ: الجِهادُ في سَبيلِ اللَّهِ، قالَ: حدَّثَني بهِنَّ، ولَوِ اسْتَزَدْتُهُ لَزادَنِي.

07/10/2018

الحفاظ علي النوع هي سنة من سنن الحياة, حالة فطرية كل الكائنات الحية بتحاول تعملها في تناغم تام بينها وبين بعضها, الأمر نفسه في الطبيعة نباتات الفواكه بتعتمد في تكاثرها علي الحيوانات الآكلة للفاكهة لنشر بذورها في كل أنحاء الغابة وبالتالي فرص أكبر في التكاثر والحفاظ علي النوع وده المطلوب.

لكن الموضوع مش بالسهولة دي !
علشان النبات يضمن نشر بذوره في أنحاء الغابة - من خلال الحيوانات اللي هتتغذي علي ثماره ومنها تخرج فضلاتها المحملة بالبذور في أنحاء الغابة - محتاج إنه يجذب الحيوانات لثماره بطريقة أو بأخري وعلشان الموضوع يكون أصعب نجاح العملية مرتبط بتوقيت وهو الوقت اللي الثمار بتكون فيه طازجة فقط لأن البذور لو تم ابتلاعها قبل كده هتكون غير مكتملة النمو ومش هتكون صالحة للنمو من جديد لما تخرج مع فضلات الحيوان ونفس الكلام بعد لو بعد ما النضوج وبداية التعفن هتكون البذور بدأت في التحلل !

طب إيه الحل !
سبحان الله فعلا النباتات علشان تتغلب علي المعضلة دي عملت نظام بمثابة جرس إنذار للحيوانات لجذبها لأكل ثمارها بمجرد ما الثمرة ماتكون طازجة وده من خلال الألوان الجذابة للفواكه, لكن للأسف دي بتجذب بس الحيوانات والطيور اللي بتعتمد علي النظر في البحث عن الغذاء زي معظم الطيور لكن الحيوانات اللي بتعيش علي الأشجار زي القرود نظرها ضعيف غالبا ومش بتقدر تشوف كل الألوان لأنها بتعتمد في غذائها علي حاسة الشم وده اللي النباتات استغلته وبدأت في إنتاج ثمار تنشر روائح نفاذة عند النضوج وده اللي قدر مجموعة من الباحثين إثباته في غابات مدغشقر ولقوا إن معظم الفواكه اللي بتتغذي عليها قرود الليمور ملهاش لون جذاب لكن ليها رائحة عطرية قوية بتجذبها عند النضوج !!

02/08/2018

تتوقع تكون إيه العلاقة بين الصورتين ؟!

النحل أو النمل أو الحشرات اللي بتعيش في تجمعات دائما هتلاقيها تحت دراسة بسبب تعدد نشاطتها و نظامها الدقيق جدا بالرغم من إن أعداها بالآلاف .
الطريقة اللي النحل بيجمع بيها غذائه من الرحيق من آلاف الزهور المنتشرة حول العالم تستحق الدراسة قعلا, ممكن نكون بتشوف إنها عملية عشوائية لكن خليني أقولك إن الطريقة دي ألهمت العلماء في اختراع أنظمة كتيرة بحيث تقلل الجهد و تزود من فاعلية المهمة المراد عملها.

النحل كأفراد مش بالذكاء الكافي اللي يخليهم يقوموا بكل الأنشطة علشان كده ربنا عوضهم بميزة تانية حلت المشكلة دي و هي التجمعات " Swarm " خلية النحل بيبقي فيها آلاف النحل و مع ذلك مش بيحصل أي مشاكل أو همجية نتيجة الأعداد الرهيبة دي و العشوائية اللي يمكن أنت شايفها كده من بره هي في الحقيقة عبقرية .

أثناء البحث عن الغذاء النحل بيستخدم أعداده الهائلة في عمل نظام متكامل و منظم بالرغم إن مفيش أي قائد أو حاكم مركزي ليهم كل واحد عارف دوره, النحل بيتواصل مع بعضه عن طريق بعض الحركات اللي بترشدهم لأماكن الغذاء و مش بس كده دي بتقولهم علي أقصر طريق للتنقل بين الزهور المختلفة و بالتالي بيحافظ علي الطاقة المبذولة و يزود الإنتاجية في الحصول علي فرص غذاء أكتر !!

و ده بالظبط اللي النظام اللي استخدمته أحد شركات الطاقة و طبقته علي أجهزتها, فكرته اعتمدت علي عدم وجود تحكم مركزي بين مصادر الطاقة و الأجهزة المستهلكة ليها و إن يكون كل جهاز مستقل بذاته و في نفس الوقت يتواصل مع الأجهزة التانية لتقليل الإستهلاك العام للطاقة يعني مثلا : لو عندك تكييف و مروحة و غسالة و فرن كهربائي, النظام ده هيخلي التكييف قبل ما يشتغل يتأكد الأول إن المروحة مش شغالة و بالتالي يشتغل هو 15 دقيقة و بعدها يفصل و يشغل المروحة و بالتالي يقلل قيمة أعلي استهلاك خصوصا أيام الذروة لأن استهلاكك لو زاد بشكل مفاجيء كل يوم حتي لو ساعة واحدة بس ده هيدخلك في شريحة تانية يعني هتتاحسب بسعر أعلي علي كيلووات استخدمته يعني مثلا : لو كان سعر الكيلووات في حالة استهلاكك 50 كيلووات لـ 100 كيلووات 2 جنيه للكيلووات الواحد هيبقي 4 جنيه مثلا في حالة استهلاك أكتر من 100 كيلووات شهريا و بالتالي النظام ده هيمنع أساسا إنك توصل للشريحة دي و توفر في الطاقة :D

موضوع Biomimcry أو الاعتماد علي الطبيعة في كل حياتنا شاسع جدا و مستقبلا هنلاقي كل حلول لمشاكلنا هناك, حاولوا تقروا عن الموضوع ده لأنه فعلا هو المستقبل !

01/02/2017

طب مبدأيا لحد ما ناخد الايلتس :D
اللغة اتعملت علشان الناس تتواصل بيها مع بعضها بمعني إن الحد الأدني من معرفتك لأي لغة هو مدي قدرتك علي التواصل بيها مع متحدثيها و الكلام مش علي الانجليزي بس علي أي لغة تانية !

اخدنا انجليزي اكتر من 12 سنة و بعد كل ده مهارات التواصل بيها صفر تقريبا !! و بعد كده لما دخلنا في مرحلة التشتت بسبب كترة اللينكات و المصادر و يقينا حرفيا مش عارفين نبدأ منين ؟؟

علشان تتعلم حاجة شوف مصدر كويس و ركز عليه و ابعد نفسك عن أي حاجة تشتتك خصوصا لو الكورس ده علي النت, أنا شفت مواقع و لينكات و فيديوهات و صور و كورسات و منح و أي حاجة تخطر علي بالك في الانجليزي و تقريبا مكملتش في واحد منهم :D

المهم بعد عناء لقيت كورس رائع علي Coursera :D
اسمه Improve Your English Communication Skills و ده عبارة عن تخصص كامل من 4 كورسات هتتعلم خلالها ازاي تتواصل بشكل كويس بالانجليزي و الكورسات كالتالي :

1) Write Professional Emails in English
2) Speak English Professionally: In Person, Online & On the Phone
3) Build Your Professional ePortfolio in English
4) Take Your English Communication Skills to the Next Level

كل ده بالاضافة لحاجة شبه مشروع التخرج و هو تدريب عملي علشان تثبتلهم إنك اتعلمت و بعد كده هتاخد الشهادة اللي هي المفروض بفلوس لكن هتاخدها ببلاش .

هتقدم علي الكورس إزاي و هتاخد الشهادة ببلاش إزاي ؟
الكورس تكلفته تقريبا 79$ لكن الموقع عامل دعم مالي للغلابة اللي من الدول اللي زينا كده :D و ده

08/10/2016

يمكن دي تكون أفضل صورة صورتها بموبايلي :D

مصر فيها موارد و خيرات مهملة بشكل غريب و ملفت للنظر! كل دول العالم المتقدم بتحاول تستغل مواردها أحسن استغلال لدرجة إن في يوم في السنة اسمه overshoot day و ده اليوم اللي بيحدد استهلاك البشر للموارد الطبيعية اللي الأرض بتنتجها لمدة سنة و السنادي اليوم ده كان في 8 أغسطس اللي فات نفس اليوم كان في 13 أغسطس السنة اللي فاتت 2015 و ده طبعا بيدل علي زيادة معدل الاستهلاك الرهيب للموارد الطبيعية خلال سنة كاملة !

حاليا معظم دول العالم المتقدم بعد استغلال مواردهم اتجهوا لثقافة إعادة التدوير أو Recycling لدرجة إنهم مش بس بيعيدوا من تدوير المخلفات لكن دخلوا في صناعة كل حاجة -حرفيا- لتكون قابلة لإعادة التدوير و الأمثلة علي ده كتير زي أقلام رصاص و وورق جرائد قابل للزراعة بعد الانتهاء من استخدامه و أمثلة كتير لا حصر لها :]

بحكم دراستي للجيولوجيا خلال 4 سنين طلعت فيهم 5 رحلات معظمهم كانوا في أماكن نائية في الصحراء و أو مأهولة بعدد قليل من السكان زي الواحات أو مدن صغيرة كنت بشوفها لأول مرة, ما استفدتش من الرحلات دي في دراستي بقدر ما أدركت كم الموارد اللي ممكن نستغلها لعشرات السنين بدون حتي ما نفكر في إعادة تدويرها فما بالك لو اعملنا إعادة تدوير !!

أماكن كتير في مصر لسه مفيش حد مشي عليها أساسا بحكم بعدها الجغرافي أو صعوبة مناخها أو أي أسباب تانية المهم إنها موجودة و لسه في امكانية لتعميرها فعلا و لكن مع كل ده ؟ ليه مفيش حد استغل الموارد دي أو حتي أسندها لأي مستثمر أجنبي هيموت و ياخدها و تحقق منها أرباح و أنت قاعد مكانك سؤال محير ؟؟

يمكن يوم ما الملك فاروق منع استغلال منجم السكري من أجل حفظ حقوق الأجيال القادمة أو إن التكنولوجيا في الوقت ده كانت ضعيفة و بالتالي قللت من استهلاك المصريين في الوقت ده لكل الموارد المتاحة كان تدبير من ربنا فعلا لحفظ الموارد اللي احنا عايشين عليها دلوقتي, نفس الموضوع بيتكرر مع الموارد الغير مستغلة دلوقتي يمكن ربنا عمي أعين الفاسدين عنها علشان ما تتسرقش زي اللي قبلها و بالتالي يدخرها لمن يستحقها لأننا فعلا أثبتنا إننا منستحقش نتمتع بيها :[

# في شويه صور في الكومنتات شوفوها :]

06/10/2016

ليه لحد دلوقتي - مع تطور العلم في كل حاجة- الإنسان مش عارف يربي الحمار الوحشي Zebra كحيوان أليف زي ولاد عمامه الحصان و الحمار (البلدي) :D !!

لعقود طويلة الإنسان حاول ترويض الحمار الوحشي علشان يشتغل في الزراعة أو في حمل البضائع و كوسيلة موصلات و غيرها و لكن الموضوع كان في غاية التعقيد.
من زمان الإنسان عرف ركوب الحصان و استخدمه في كل حاجة لدرجة إن دولة التتار العظيمة اللي كانت في يوم من الأيام امتدت من كوريا شرقا للمجر غربا و حضارتهم كانت قائمة حرفيا علي الأحصنة سواء في الحروب أو الزراعة و غيرها .

العجيب بقي إن كل الخيليات Equids مجموعة الحيوانات اللي شبه بعضها دي الحصنة و الحمير بأنواعها من آكلات العشب عندها القدرة علي حماية نفسها و الهجوم وجها لوجه مع المفترس علي عكس الحمار الوحشي اللي وجد نفسه في إفريقيا في سهول استوائية واسعة اسمها -السافانا- و مع مفترسات لا حصر لها من أسود و ضباع و فهود و بالتالي كان خيار الجري -كل الجدعنة- هو الأمثل للنجاة لدرجة إنه في حالة الأسر بيقاوم بأقصي درجة ممكنة و برفصة يقدر يكسر فك أسد بالإضافة لأنه بيعض !, و بالتالي أصبح ترويضه صعب جدا :]

04/10/2016

أكيد في مرة كنت قاعد بتتقفرج علي ماتش وشفت جول من بره الـ 18 و الكورة عملت Curve قبل ما تدخل جول, و هنروح بعيد ليه مفيش أشهر من جول ربيرتو كارلوس في فرنسا اللي الكورة لفت فيه مرتين قبل ما تدخل جول :D

المهم إيه اللي بيخلي الكورة تتحرك في شكل منحني Curve كده بدل ما تمشي في مسار مستقيم ؟
لو لاحظت إن الكورة ما بتتحركش في منحني كده إلا و لازم تكون بتلف بسبب احتكاكها بالهواء, المبدأ ده اسمه Magnus Effect و هو إن أي كرة أو أسطوانة بتلف في الهواء هتتأثر به و ده نتيجة إن أثناء دوران الكرة أو الأسطوانة هتلاقي إن الهواء بيتحرك في نفس اتجاه دوران الكرة و عكس الدوران في الناحية التانية و ده بيعمل فرق ضغط بيأثر علي حركة الكرة عمودي علي مسارها و بيخليها تتحرك في منحني :D

القانون ده مش بس استفدنا منه في الكورة أو أي لعبة فيها كورة عموما, قريب مهندس ياباني اسمه Shimizu شميزو أعلن عن اختراعه لطاحونة رياح للاستفادة من القوي الرهيبة للأعاصير اللي بتهب بشكل سنوي علي سواحل اليابان و بالرغم من فاعلية الطاحونة المتصلة بتوربينات لتوليد الكهرباء أقل من الطاحونة العادية إلا إنها بتشتغل في الأعاصير و بتولد منها طاقة, طاحونة الهواء اعتمدت علي نفس المبدأ و هي عبارة عن 3 اسطوانات بتلف متصلة بعمود بيعمل علي تقليل سرعة الدوران إذا زادت عن الازم خصوصا في الرياح القوية, المشروع ده متوقع إنه هيخلي اليابان من أولي الدول المستغلة لطاقة الرياح في العالم و يكفي إعصار واحد بس علشان يمد اليابان بالكهرباء الازمة لسنوات :]

في نوع من السفن اسمه Roto Ships و بيتحرك بنفس المبدأ عن طريق اسطوانة مثبتة علي المركب و بتلف بواسطة محرك و بتظبط بحيث إن تأثير Magnus يحركها للجهة المطلوبة و بالمناسبة القوي دي كافية تماما علشان تحرك السفينة و نفس الفكرة اتطبقت علي بعض الطائرات لكن الموضوع لم ينتشر :]

# الكومنتات فيها تفاصيل أكتر :D

18/09/2016

لندن بدأت في تنفيد نظام للاستفادة من الطاقة المتولدة من المترو لما يقف :D !!!

المعروف إن أي احتكاك بيحصل بينتج عنه طاقة حرارية و ده اللي بيحصل فعلا لما المترو يقف بينتج طاقة حرارية كبيرة جدا و من أهم مشكلاتها إنها بتأثر علي المترو نفسه و في نفس الوقت بتسخن المحطة كلها و بتزود من تكاليف التهوية و التبريد للمحطة !

النظام هيعتمد علي توليد الكهرباء من فرامل المترو قبل ما تتحول لطاقة حرارية هيتم تحويلها لطاقة كهربية و بالتالي هيحصل علي طاقة كهربية يقدر يستغلها في محطة المترو و كمان هيقلل من تكاليف التبريد في المحطة . الغريب بقي في الأمر إن الكهرباء المتولدة من النظام ده خلال يوم واحد كافية تماما لتشغيل أكبر محطات مترو لندن لمدة يومين !

مش بس كده النظام هيقلل من تكاليف الكهرباء بمقدار 5% سنويا و هيوفر تكلفة حوالي 9 مليون دولار و اللي ممكن تتصرف لتطوير الخط كله بدل ما كانت هتبقي طاقة مهدرة في فرامل المترو :D

احنا مش محتاجين موارد بس علشان نوفر احنا محتاجين إدارة علشان تعمل موارد من لاشيء حرفيا :]

13/09/2016

تخيل إن في 4 عدائين في البطولة البارامبية -أوليمبياد ذوي الإعاقة- كانوا أسرع من حامل ذهبية البطولة الأوليمبية العادية نفسها !, في سباق 1500 متر كسب الجزائري عبد اللطيف باكا بزمن قدره 3 دقائق و 48.29 ثانية علشان يتخطي العداء الأوليمبي الأمريكي بـ 3 ثواني كاملة اللي كسب الميدالية الذهبية في البطولة الأوليمبية العادية .

عبد اللطيف باكا الأول و ثاني و ثالت و حتي رابع -أخو عبد اللطيف :D - السباق كانوا أسرع من العداء الأمريكي الحاصل علي ذهبية الأوليمبياد العادية عن نفس السباق 1500 متر و العجيب إن عبد باكا و كل المشاركين في نفس السباق عندهم إزدواجية الرؤية و دي بتصعب من مهمة المشي أساسا فمابالك بالجري و الحصول علي ميدالية ذهبية عالمية و رقم تاريخي في السباق كله و مش بس في فئة ذوي الإعاقة !

شيء عجيب -سبحان الله- و بيثبت لنا كل يوم إن الإعاقة الحقيقية في دماغنا وذو الإعاقة فعلا في الشخص الكسول اللي مش بيحاول حتي يبدأ في الخطوة الأولي في تحقيق هدفه !

# في الكومنتات في فيديو بيوضح الرؤية عن مزدوجي الرؤية و طبعا المصدر :]

12/09/2016

أكيد جربت في مرة تجري علي السيراميك و تفرمل علشان تستمتع بشويه الزحلقة دي :D أو سمعت عن حوادث عربيات بسبب إنها بتتزحلق بسبب بقع الزيت عندنا أو التلج في الدول الباردة -الساقعة :D - بره, لكن عمرك سمعت عن قطر اتزحلق علي القضيب و عمل حادثة ؟!!! o.O

أثناء الخريف معظم أوراق الأشجار بتقع علي الأرض و بالتالي الجزء القريب من قضبان السكك الحديدية بيرمي كل ورقه عليها و هنا الخطر ؟؟!! o.O

مع حركة القطارات المتتالية علي القضبان عجل القطر بيضغط علي ورق الشجر الكثيف المتراكم علي القضبان الحديدية نفسها, ورقة الشجر لما تتعرض لضغط بيطلع منها زيوت أشبه بالصابون كده و دي بالظبط بتعمل علي تقليل قوي احتكاك عجلات القطر بالقضبان و بالتالي تقلل من استقرار القطر خصوصا عند التوقف لأنه ساعتها هيتزحلق علي القضيب لمسافة كبيرة أكبر من المنوقعة و في النهاية يصطدم, علشان كده في بعض محطات لندن غالبا هتسمع عن إن في قطر اتأخر بسبب ورق الشجر ده و لأن السواق بيضطر يقلل من سرعته و يفرمل قبل ما يوصل المحطة بفترة !!

حاولوا يحلوا المشكلة دي بشتي الطرق سواء بإضافة مواد تزود من قوي احتكاك القطر بالقضبان أو بمعرفة أماكن نمو الشجر ده تحديدا و إزالتها لكنهم واجهوا صعوبات كتير جدا لحد ما وصلو لحل عبقري جدا :D

الحل اعتمد علي نفس فكرة فرن الميكروف, لكنهم استغلوا الحرارة المتولدة من القطر لما يعمل فرامل و حولوها لموجات حراية Microwave و ده عن طريق إنهم وضعوا مجموعة من الكابلات قدام كل عجلة و عن طريق نظام خاص قدروا يحولوا الطاقة الحرارية المتولدة نتيجة الفرامل لموجات حراية أشبه بموجات الفرن لكنها أقوي منه بـ 100 مرة و قدروا يشتتوا المياه و ورق الشجر المنتشر علي القضبان, النظام لسه في مرحلة التجريب و متوقع إنه يدخل بشكل رسمي خلال سنتين في كل قطارات لندن :]

10/09/2016

الإقتصاد من أهم العلوم اللي بتمس حياتنا بشكل مباشر و معرفتك بأهم أساسياته بقي شيء حتمي علشان تفهم الدنيا حواليك ماشية إزاي و عل أساسها هتاخد قرارات مصيرية من شأنها إنها تأثر علي مستقبلك سواء بالسلب أو بالإيجاب خصوصا في الأزمة الإقتصادية اللي احنا فيها دي !

الأزمة الإقتصادية الحادة اللي دخلنا فيها من سنتين تقريبا, أثرت علي أسعار السلع اللي بنشتريها لدرجة إن معظم السلع قيمتها زادت أضعاف في أقل من سنة بس, علشان كده من هنا و رايح متخليش أي خبر يخص الإقتصاد يمر عليك مرور الكرام كده زي مثلا " الأهلي كسب الزمالك أو البرسا كسب الريال :D "

لكن للاسف الأخبار المزيفة اللي بينشرها إعلامنا الوطني بتصعب من الأزمة أكتر و أكتر بالإضافة طبعا لتفشي الفساد و حتي إنعدام أي رؤية لبدايات إصلاح إقتصادي علي المدي القريب.

في مقال للمجلة الإقتصادية الشهيرة فوربس Forbes بتتكلم فيه عن الأزمة الإقتصادية عندنا و شروط صندوق النقد اللي تتضمن تخفيض لقيمة العملة و رفع الدعم لضمان سداد القرض في معاده و إلا فإن قيمة القرض بتضاعف أو ممكن توصل بإستحواذ الصندوق علي بعض من ممتلكات الدولة لحين الدفع في حالة عدم السداد في الموعد المتفق عليه, الأهم من كل ده هو تقليل قيمة العملة المحلية " الجنيه المصري " أمام الدولار ليصبح قيمته الرسمية من 8.88 ل 12.07 و هو ما ينذر بأزمة إقتصادية حادة و بالتالي لو كانت فلوسك بالمصري فغالبا هتفقد جزء كبير من قيمتها و مع الوقت هتقل القوة الشرائية للضعف و الحل هو تحويلها لأي حاجة قمتها ثابتة أو بتزيد مع الوقت زي العقارات أو الذهب أو تحويلها لدولارات أو أي عملة قيمتها ثابتة نسبيا .

احنا في أزمة حقيقية هتطول الكل مع فارق التأثير علي الطبقات و الحلول البشرية للأسف نفذت كلها, الحل فعلا هو الدعاء إن ربنا ينجينا من الأزمات المتلاحقة دي و خصوصا في يوم مشهود زي بكرة " يوم عرفة " تقبل الله منا و منكم و كل سنة و أنتم طيبين :]

05/09/2016

مجموعة شباب في ليتوانيا بيطبعوا علي الأتوبيسات علشان تظهر و كأنها مختفية و متطابقة تماما مع الخلفية :D

Geo Alex 71

13/04/2024

07/10/2018

02/08/2018

01/02/2017

08/10/2016

06/10/2016

04/10/2016

18/09/2016

13/09/2016

12/09/2016

10/09/2016

05/09/2016

Address

Telephone

Website

Alerts

Contact The School

Shortcuts

Share

Category

Listing takedown request