الشركسى فى الرياضيات

الشركسى فى الرياضيات معلم رياضيات للمرحلة الثانوية

24/08/2026

مبرووووك التفوق
#تكريمات #السيدالشركسى

الثلاثاء ٢٥ /٨ الساعة ٥ م بداية الإحصاء ثانوية عامة أدبى وثانوية أزهرية ادبى بسنتر جاردينيا السيوف.. بالتوفيق ل
24/08/2026

الثلاثاء ٢٥ /٨ الساعة ٥ م بداية الإحصاء ثانوية عامة أدبى وثانوية أزهرية ادبى بسنتر جاردينيا السيوف.. بالتوفيق ل

23/08/2026

اهلا بكم فى تفاصيل الأون لاين

23/08/2026

🚀 البداية الصح بتبدأ من سنتر جراند التعليمي 😎💪
طلاب الصف الثالث الثانوي مستعدين لأول خطوة في الرياضيات⁉ 🔥
مع مستر
استنونا في واقوي حصه بدايه شرح✨
📚 شرح قوي + طريقة مختلفة + مفاجآت كتير في انتظاركم 😍
خليك جاهز… لأن البداية مع مستر السيد غير أي بداية 💪🔥
ميعادنا غدا الاحد 8/23 الساعه ٥ عصرا
💖
💯🥇 #صُنــــــــــــاع_الأوائــــــــــــــل 🥇💯
العنوان
الحضره الجديده شارع الزهور امام سوبر ماركت بندق اعلي حلواني سواريه🔻🔻
01039838221 / 01039838229📞

20/08/2026

كل مرة بقول حتغير بس النتيجة فييييين ؟؟؟

هتكلم عن كلية فنون جميلة قسم عمارة - جامعة الإسكندرية حبيت أقولكم على شوية حاجات مهمة بما إنني خلصت سنة إعدادي وداخلة سن...
20/08/2026

هتكلم عن كلية فنون جميلة قسم عمارة - جامعة الإسكندرية
حبيت أقولكم على شوية حاجات مهمة بما إنني خلصت سنة إعدادي وداخلة سنة أولى:
مين يقدر يدخلها؟ وازاي؟
القسم ده لعلمي رياضة بس، مش زي باقي فنون جميلة اللي بتدخلها علمي علوم أو أدبي وتتخصص بعدين.
عشان تدخلها لازم حاجتين: تجيب مجموعها في الثانوية العامة، وتعدي امتحان القدرات وتجيب فيه لائق.
أهم حاجة، لما تتخرجوا بتطلعوا باشمهندس أو باشمهندسة وبتكونوا تابعين لنقابة المهندسين.
نصيحة مهمة جداً في التنسيق!
لما تيجوا تكتبوها في الرغبات، اكتبوها في كل المحافظات. لأن لو جاتلكم في مكان بعيد، تقدروا تعملوا تقليل إغتراب ويتقبل وترجعوا محافظتكم. معايا ناس كتير اتقبل تقليل إغترابهم من أسيوط للأسكندرية.
كان فيه حد أعرفه كتبها في محافظته بس، ولما مجابهاش الكلية ضاعت منه خالص، فخلوا بالكم من التفصيلة دي.
سنوات الدراسة
الكلية 5 سنين: أول سنة اسمها إعدادي، وتاني سنة اسمها أولى، وهكذا لحد سنة رابعة اللي هي سنة التخرج.
وعددنا مش بيكون كتير حوالي ٢٨٠ طالب
أسئلة بتيجي في بالنا كلنا
* هل لازم أكون شاطر في الرسم؟
الرد لأ خالص، ملهاش علاقة. أنا قبل ما أدخل الكلية مكنتش بحب الرسم أساساً، فالموضوع عادي جداً وهتتعلموا كل حاجة.
* موضوع الغياب والحضور:
الكلية بتهتم جداً بالحضور وليه درجات. الغياب بيكون بعذر، لأنك لو اتخطيت نسبة الغياب المسموحة ممكن تتمنع من دخول الامتحان.
الدرجات مش زي ما إحنا متعودين إننا هنذاكر أيام الامتحانات وخلاص، لا.. كل يوم بتقضيه في الكلية لازم تعمل المطلوب منك لأن اللوح والمشاريع اللي بتسلمها طول السنة عليها الدرجات الكبيرة.
* هل الكلية سهلة؟
بصراحة الكلية مش سهلة وعايزة مجهود كبير، بس ده مش معناه إنها مستحيلة.. بنستعين بالله ونعمل اللي علينا والباقي على ربنا.
المصاريف والأدوات
* مصاريف الكلية نفسها حوالي 3000و شويه جنيه.
* الأدوات في إعدادي بتجيبوا بحوالي 4000 وشوية أدوات في بداية السنة، وبعد كده بتشتروا ورق كانسون بتشتغلوا بيه طول السنة، وفوتوهول للمشاريع حسب ما يطلبوا منكم.
* بالنسبة للاب توب: أول سنة وتاني سنة بتشتغلوا عملي بالمسطرة والشاسيه بس في أول سنة بيبقي في ماده اسمها كمبيوتر وبنستخدم فيها لاب توب طب لو مش هقدر أوفره الكليه بتوفر معامل تقدروا تشتغلوا هناك ، أو ممكن تشتغلوا مع حد من زمايلكم. بس من تالتة سنة لازم يكون معاك اللاب توب بتاعك عشان الشغل بالمسطرة بياقف وبيبقى كله برامج.
علاقتكم بزمايلكم في الكلية
مهم جداً تكون علاقتكم كويسة بكل الباشمهندسين اللي معاكم. الكلية فيها مشاريع جماعية بتتعمل في مجاميع من 5 أو 10 أفراد[وده بيكون في سنين معينه مش في الخمس السنين كلهم ]. ولأن الكلية عملية، فهتتعلموا من بعض، وبيبقى في ناس من معاهد أو غيره فاهمين أكتر يقدروا يساعدوكم، فساعدوا بعض على قد ما تقدروا لأنكم هتحتاجوا بعض.
بندرس إيه؟
بندرس في الترم الأول ٧ مواد والترم التاني ٨ مواد والكلية مش مواد عملية بس، في مواد نظرية وعملية:
* المواد النظرية: زي هندسة وصفية وتاريخ ورياضة وأصول بحث علمي (وفي الرياضة هتاخدوا حاجات اخدناها في الثانوية العامة).
* المواد العملية: زي مادة إنشاء معماري، ودي بندرس فيها المبنى بيتبني إزاي وبنتعلم نرسم واجهة المبنى، و"البلان" (اللي هو لو قطعت أفقياً وبصيت من فوق هشوف إيه)، و"السيكشن" (لو قطعت رأسي وبصيت هشوف
ايه)
إحنا هنا مش بنخلص السنة وناخد الإجازة ونريح زي أيام إعدادي وثانوي! الإجازة دي وقتك عشان تطور من نفسك، تنزل تدريبات، تحضر ندوات، أو تاخد كورس في برنامج معين عارف إنك هتحتاجه في الكلية أو السوق. مفيش حد هييجي يقولك "اعمل كذا"، لازم إنت بنفسك تدور وتشتغل على نفسك وتطور إمكانياتك.

19/08/2026

بيتسرق منك وإنت قاعد مش واخد بالك

تعريف تفصيلى عن قسم مهم جداااا من كلية تكنولوجيا العلوم الصحية التطبيقية - جامعة برج العرب 🤔تفتكر إنك لازم تدخل طب أو هن...
19/08/2026

تعريف تفصيلى عن قسم مهم جداااا من كلية تكنولوجيا العلوم الصحية التطبيقية - جامعة برج العرب

🤔تفتكر إنك لازم تدخل طب أو هندسة علشان تبقى ناجح؟
طيب اسمحلي أقولك… ممكن تكون بتفكر غلط!

لو لسه مخلص ثانوية عامة أو مستني النتيجة، فالمعلومة دي هتغير تفكيرك…

في تخصص في مصر لسه ناس كتير جدًا مش عارفاه، مع إنه تخصص المستقبل فعلًا، واسمه:

🧪 قسم الصناعات الدوائية (الهندسة الصيدلانية)
📍 تابع لكلية تكنولوجيا العلوم الصحية التطبيقية – جامعة برج العرب التكنولوجية

---

🔬 التخصص ده بيجمع بين:

💊 الصيدلة → فهم الدواء وتركيبه
⚙️ الهندسة → تصميم وتطوير الماكينات
💻 التكنولوجيا → تحكم – خطوط إنتاج – Automation

يعني إنت مش بس هتدرس، إنت هتنتج… وهتبتكر.

👩‍🔬 خريج القسم ده بيكون:
أخصائي صناعات دوائية أو Pharmaceutical Industries Specialist
وده حسب القرار الوزاري الرسمي للجامعة ✍️

مش شغلته في صيدلية، لكن:

✅ بيشتغل في مصانع الأدوية
✅ بيشارك في تصميم وتطوير خطوط الإنتاج
✅ بيشتغل في الجودة والتحليل والتصنيع
✅ بيفهم في المواد الخام، الماكينات، والتكنولوجيا اللي بتنتج الدواء

---

💡 الفرق ببساطة بين:

🔹 **صيدلة**:
- بتدرس علم الدواء، تركيبه، وكيفية وصفه للمريض
- الشغل غالبًا في: الصيدليات – مندوب طبي – تنظيم دوائي – شركات أدوية

🔹 **الهندسة الطبية**:
- بتركز على تصميم وصيانة الأجهزة الطبية (أشعة – أطراف صناعية – أجهزة قلب... إلخ)
- الشغل غالبًا في: المستشفيات – شركات أجهزة طبية – شركات صيانة

🔹 **الصناعات الدوائية**:
- بتجمع بين الصيدلة والهندسة
- بتدرس إنتاج الدواء من المادة الخام لحد الماكينة اللي بتعبّيه
- الشغل في: مصانع وشركات أدوية – تصميم وتطوير خطوط الإنتاج – مراقبة الجودة – التطوير الدوائي

---

🎓 إيه اللي بيميز التخصص ده فعلًا؟

📌 **مشروع تخرج في سنة تانية**:
بيركز على الجانب الهندسي والتكنولوجي، زي تصميم أو تطوير جهاز حديث ومبتكر يُستخدم في صناعة الأدوية.
أحيانًا بيتحوّل لفكرة **startup** أو شركة فعلية.

📌 **مشروع تخرج في سنة رابعة**:
بيركز على الجانب الصيدلي والكيميائي، وبيهدف لتطوير تركيبة دوائية جديدة أو منتج مبتكر…
حاجة ممكن فعلاً تغيّر حياة ناس، وتكون غير مسبوقة!

🧾 ومن المواد اللي بندرسها:
GMP – clean rooms – خطوط الإنتاج – التركيب الصيدلي – الماكينات – الجودة – formulation … وغيرهم كتير!

---

🌍 مستقبل التخصص ده؟

🇩🇪 **في ألمانيا**:
مطلوب جدًا، وبيتفوق على الصيدلي والمهندس لأنه بيجمع مهارات الاثنين معًا.

🏙️ **في الخليج**:
فرص قوية في مصانع الأدوية والـ biotech.

🇪🇬 **في مصر**:
شركات كتير بدأت تفتح المجال للتخصص ده، وبتوفر تدريبات وفرص حقيقية.

---

🧠 طب ليه تختاره؟

✔️ لأنه تخصص حديث، مطلوب، ومفيش عليه منافسة
✔️ لأنه بيجمع بين العلم والتكنولوجيا والتطبيق
✔️ لأنه عملي ومش بيعتمد بس على الحفظ
✔️ لأنه بيفتحلك مجالات مختلفة داخل مصر وخارجها
✔️ لأنه ممكن يوصلك لفكرة مشروع، شركة، أو حتى اختراع

💥 مش لازم تدخل كلية الناس كلها بتدخلها…
ادخل الكلية اللي هتخلي الناس كلها تتمنى تكون مكانك!

18/08/2026

تالتة ثانوى مش حتمشى معاك عشوائى أبدااااا

📌*كلية الدراسات الإسلامية قسم أصول الدين:* - يشتمل على قسم التفسير و الحديث والعقيدة ولكن التخصص بيتحدد في سنة تالتة اول...
18/08/2026

📌*كلية الدراسات الإسلامية قسم أصول الدين:*
- يشتمل على قسم التفسير و الحديث والعقيدة
ولكن التخصص بيتحدد في سنة تالتة
اولى وتانية الطلاب بيدرسوا مواد من ال ٣ أقسام بالإضافة إلى مادة من قسم اللغة العربية و مادة لغة إنجليزية

بالإضافة إلي مادة من قسم الشريعة ( مادة فقهية ) ، ومادة من قسم الدعوة ، ودول بيكونوا ثابتين في الاربع سنين

- قسم من أمتع الأقسام على الإطلاق ، الطالب فيه بيكون مُلم بعلوم كتيرة جدا بتجعله قوي علمياً فعلا ، ومُلم بالعلوم الشرعيه بشكل عميق ، فأي حد مُحب للعلم القسم ده هيكون رائع بالنسبه ليه ، وحقيقي الدراسة فيه مش شبه اي حاجة تانيه ، شكل فريد من الدراسة مشفتهوش في اي حاجه تانية
اغلب المواد بتتدرس من كتب التراث ودا شيء بيربط الطلاب بالعلماء الأوائل وبيفهمهم منهجية العلماء وأساسيات ومباديء وأصول كل علم بشكل عميق

- وكل دا بيخلق عند الطلاب ملكة علمية كبيرة ، وقدرة علي فهم نصوص الدين وتفسيرها تفسير صحيح ، وقدرة على استنباط الأحكام الفقهية بشكل صحيح
، وكذلك كل الحصيلة العلمية دي بتحمي الطالب من الوقوع في الشبهات اللي بتثار حول الدين هنا وهناك ، بل بتجعل الطالب عنده قدرة علي رد وابطال الكثير من الشبهات اللي بتثار حول الدين والأحاديث وكتب التراث

نقدر نقول إن قسم أصول الدين بوجه عام بيهدف حقاً لبناء فرد راسخ في العلم

- القسم مش صعب خالص في أول سنتين ودا شيء بيزيد الدراسة فيه متعة ، وبيزود من احتمالية إن الطلاب المجتهدين بطبعهم يكونوا من الأوائل
سنتين التخصص بيكونوا أثقل شويه ولكن الطالب بيكون مستواه العلمي بقا افضل فالدنيا بتمشي وبتتيسر

- دكاترة القسم أكثرهم - باستثناء البعض طبعا _ ناس هينة لينة متواضعة و ودودة ، حريصة علي إيصال المعلومة والتسهيل على الطلاب ونفعهم ، ودي ميزة كبيرة جداً قي القسم من ناحيتين
الاولى : إن الطالب لو حب الدكتور هيحب المادة وهيحب يذاكرها وهيجب القسم
التانيه : إن دا بيزود من احتمالية إن مستوى الإمتحان يكون معقول والتصحيح حلو

- اهم حاجة لو حد عايز يكون من الأوائل إنه يحضر المحاضرات ، يحاول يفهم نظام كل دكتور بمعنى انه يفهم مين الدكتور اللي بيعتمد علي الكتاب فيذاكرله م الكتاب ، ومين الدكتور اللي بيعتمد علي المحاضرات بس فيركز انه يذاكر المحاضرات ويكتبها أو يفرغها من ريكورد
ويركز الدكاترة بيركزوا علي اي في الشرح لأن ده اللي بيجي منه اغلب الامتحان غالباً
وحتى لو مكنش بيذاكر اول بأول ايام المحاضرات فال ٣ اسابيع اللي بيكونوا اجازة قبل الامتحانات لو الطالب قفل علي نفسه فيهم و قعد يذاكر فيهم بجد دا كفيل انه يخليه يجيب امتياز ويطلع م الأوائل كمان لو كان بيحضر المحاضرات وفاهم الدنيا في كل مادة ماشيه ازاي وكل دكتور عايز ايه

- دايما بشوف القسم دا بيعبر عنه حديث ( من يرد الله به خيراً يفقهه في الدين )
ولو الطب علم بيداوي الأبدان ، فأصول الدين علم بيداوي الأرواح والقلوب والعقول
كفى شرفاً لطالب أصول الدين إنه بيفني شبابه مابين الآيات والتفسير والأحاديث ودروس العقيدة والتوحيد والفقه ودراسة وسائل وأساليب الدعوة
بيذاكر وهوا مُحتسب كل تعبه وكل وقته وكل السنين دي لله ، ويأمل إن الله عز وجل يستعمله في سد ثغر من ثغور الأمة

علم بيربط الإنسان بالله ورسوله والدار الآخرة ، وبيصغر في عينه الدنيا
وحقيقي مهما الإنسان يحكي عن القسم مش هيوفيه حقه
فالحمد لله على النعمة

Address

الاسكندرية/السيوف شماعة
Alexandria

Telephone

+201205009564

Website

Alerts

Be the first to know and let us send you an email when الشركسى فى الرياضيات posts news and promotions. Your email address will not be used for any other purpose, and you can unsubscribe at any time.

Contact The School

Send a message to الشركسى فى الرياضيات:

Shortcuts

Share

Category