"Kiddy planet nursery"

الرجاء الأهتمام بتغذيه الأطفال لأن تقويه الجهاز المناعي اللي ربنا أنعم علينا بيه هو أهم شئ لمقاومه الأمراض ورجاء التدليل الزائد غير مستحب هنعتبر الوجبات الصحيه جرعه مضاد حيوي لازم الطفل يخدها حتى لوزعل ولو مكلش طول اليوم برده مش هتديه الأكل الغير صحي في الأخر هيستسلم ويأكل ومتنسوش ده دوركم كأمهات تختاري اختيارات صحيه وتلزمي أفراد أسرتك بيها عشان ربنا هيحاسبنا عليهم

الناس كلها بتحكي علي المرض الجديد المنتشر بين الأطفال🤔😓😥......
كل العيال في المدرسة عيانين😓😥😢.....
إبني وبنتي منعتهم يروحوا الحضانة والمدرسة✌️✌️
هو انتم يا دكتور مش عارفين تعالجوا المرض الجديد ده يا دكتور ليه😡😡😡.....

إطمئنوا مفيش مرض منتشر جديد ولا حاجة ، دي موجة عادية من الامراض اللي بتنتشر كل سنة في نفس التوقيت في بداية دخول المدارس🤧
غياب الطفل حل مؤقت........
ولكن رفع مناعته والتغذية الجيدة وتطعيمات في موعدها ، وانتظام طفل الحساسية علي العلاج الوقائي أفضل شئ في الفترة الصعبة دي.....

اليكي ياسيدتي شويه حاجات كدا بيساعدوا في رفع مناعه العيال الغلابه دي ..

اولا الحاجات الطبيعيه واللي أهمها فيتامين سي الجميل اللي في اللمون والبرتقال والجوافه ، اهري العيال فيتامين سي 😂 وكمان التغذيه الكويسه المتوازنة بلاش طول اليوم عصائر وشيبس وفي الاخر عاوزه الواد زعبوله مايتعبش خالص 😬....

تانيا في عندنا بقي شويه أمصال لوز العنب كدا واهمهم طبعاً وبلا نقاش ايوا (عارف أنكم هاتقولوا الانفلونزا ) بس بصراحه تطعيم المكورات الرؤية prevnar 13 او synflorix اهم بكتير جداً وبيتاخد من عمر شهرين مع التطعيمات الخارجيه عند ٢،٤،٦،١.٥ ...وطبعا تطعيم الانفلونزا الموسميه اللي بيتاخد الايام دي في شهر ١٠ و١١ له أهميه كبيره في رفع كفائه الجهاز المناعي 👌.....

ثالثاً الادويه اللي بتحسن المناعه زي broncho vaxom واللي بتحسن كفائة الجهاز المناعي وبيتاخد ١٠ ايام شهريا لمده ٣ شهور 👌......

رابعاً بقي وأخيرا عشان انا تعبت وصوتي راح وتعبت من المناهده ، ياناس ياهو المضاد مش علاج دور برد بسيط ولا شويه حراره ورشح محتاجين مضاد ارحموا العيال اللي لو نطقت هاتشتم علي فكره 😁....
بلاش ادويه كتير بلاش مليون دوا ولكل حاجه نعطي دوا كتير ......

رشح بسيط تسليك الانف ونقط للرشح وتقليل الخروج
كحه خفيفه سوايل دافيه وادويه الكحه اللي كلها اعشاب افضل كتير....
شويه حراره اعملي كمادات وخافض حراره واعطي الواد زعبولا اجازه كم يوم ..😬

تطور الامر بلاش تنفخوا العيال حقن ومضادات حيويه من نفسك بلاش ادويه من نفسك وللاسف احيانا كتير بتكون الادويه دي مفعولها عكس بعض 😏.....

التهويه الكويسه ، النظافة العامه والشخصية وتغيير الهدوم يوميا اساسيات مش هاتكلم فيها بقي 😊.....

طبعاً زعبولا اللي عنده حساسيه انف او حساسيه صدر معلش زياره بس للدكتور عشان يحدد نظام العلاج الوقائي خلال الفتره دي اللي هو غالباً بخاخة نازونكس بخه يومياً مساءاً..🤧......

شير بقي وكدا 😀.....


د دكتوراة طب الأطفال
أخصائي حساسية صدر الأطفال

كل عام وحضراتكم بخير . الحضانه أجازه غدا بمناسبه نصر أكتوبر.

أولادنا الحلوين وهما بيتعلموا ازاي يساعدوا مامي في تزيين الكاب كيك

لما تدوري على حضانه لابنك بتدوري على إيه؟ 🤔

أولا : أكيد الأمان.

ثانيا : التربيه (الأخلاقيات اللي زرعتيها في ابنك تحافظي عليها وسلوكيات إيجابيه جديده تتمني ابنك يرجعلك بيها).

ثالثا : التعليم الأكاديمي (أكيد عايزه ابنك يكون مؤهل لاختبارات أي مدرسه وياسلام لو أخد فكره عن المنهج الدراسي اللي هيخده في المدرسه).

رابعا : الجانب الترفيهي (طبعا مش هنقدر نعمل كل ده منغير ميكون في حافز للأطفال).

كل هذا وأكثر في حضانه كيدي بلانت للغات ومستوى أطفالنا خير شاهد على تقدمنا.

للاستعلام والحجز للعام الدراسي الجديد زورونا في مقرنا
(العجمي - البيطاش - شارع مسجد زمزم متفرع يمين من شارع الحنفيه آخر فيلا شمال.)

ت : 01272174914 - 01282740703

نقبل الأطفال من سن ٣شهور إلى سن دخول المدرسه

https://m.facebook.com/Kiddyplanetnursery1/?ref=bookmarks

أطفالنا الحلوين وهما بيرسموا وبيلونوا رسوماتهم