22/08/2026
رحله السباح المصري بين الإلتزام والأعذار
🏊♀️
التدريب في مصر له نظام خاص جدًا…..
السباح ممكن يلتزم شهر واحد في السنة
وبعدها تبدأ الرحلة 😂👇
🏖️ #مصيف:
"معلش يا كابتن، إحنا مسافرين المصيف."
🏖️ :
(( الرحله المقدسه))
"هنرجع وننتظم إن شاء الله"
📚 #الدراسة :
"معلش يا كابتن المدارس بدأت… هنقعد شويه عشان المذاكره"
🌙 #رمضان :
"مش هنقدر ننزل رمضان الصيام والتعب"
🎉 #العيد :
"أصل إحنا مسافرين في العيد"
✈️ :
"رايحين لبابا نجدد الإقامه"
☀️ :
"أصل لازم نشوف أهلنا ونقضي كام يوم"
وهكذا…..
السباح يختفي من التدريب في رحله سياحيه تمتد من أول الصيف لآخر الصيف 😂😂
وبعد كل ده فجأة :
"كابتن هو ليه مستوانا نزل⁉️ 🤔"
"إمتى هنشوف نتيجة⁉️"
"عايزين السباح يدخل بطولة بقي يا كابتن بقالنا كتييييرررر اوي بنتدرب" ‼️‼️
و طبعًا السباح ينقطع ومكانه لازم يفضل محفوظ في المجموعه ويرجع علي نفس مستواه ونفس زمايله اللي مبيغيبوش خالص ومستواه بقي اقل منهم "
"وآه… هنغيب شوية كمان ومش هنقدر ندفع الإشتراك في الفترة دي " 🤕‼️
طيب يا جماعه مش هكلمكم عن آثار الانقطاع عن التدريب ولا تأثر المستوي نتيجه التوقفات دي كلها لان ده امر كده كده معروف للجميع
لكن خلوني اسأل سؤال :
هو إحنا بنتمرن سباحة علشان نوصل لحاجه وعندنا خطه لأولادنا في الرياضه
وللا بنتمرن عشان يقولوا علينا بنلعب سباحه ‼️
اصل في فرق كبير اوووي
السباحة رياضة استمراريه وإلتزام وتراكم.
مفيش جسم رياضي بيفهم : "أنا كنت بتمرن قبل المصيف" 😅
ومفيش مستوى بيستنى صاحبه لحد ما يخلص سفر ودراسه ورمضان وعيد وتجديد إقامه ومصيف آخر الموسم....الخ
عايز نتيجة ..التزم.
عايز مستوى.. استمر.
عايز مكان محفوظ.. حافظ على إلتزامك.
عايز توقف...طبيعي بس متطلبش من المستوى إنه يقف مستنيك! 😂🏊♀️
وبكل الحب والاحترام لأولياء الأمور ❤️
إحنا فاهمين إن الحياة فيها ظروف وإجازات وسفر ودراسه…
لكن الإستثناء لما يبقى هو القاعدة النتيجه بتبقى استثناء هي كمان 😐
السباحة اساسها الإلتزام
بنمارسها كل اوقاتنا مش في الوقت الفاضي وبس ‼️🥺🏊♀️
مع تحياتي 💙
