Ahmed Samir أحمد سمير

متضيعش عمرك تحاول تغير اللي بتحبه:
● لو هو في المجمل كويس ويناسبك، ركز على شعور الرضا بمميزاته وتعايش، وبالتدريج ناقشه في عيوبه من غير ما تخليها عقدة في المنشار.
● ولو عيوبه دي تخليه فعلاً مش مناسب، اتأكد الأول إن تقييمك دة صح، ولو فعلاً مش نافع ارحل، وبرضه استشعر الرضا إنك قادر تمشي لقدام.
في كل الأحوال إحنا ناقصنا شعور الرضا.


للحجز والاستفسار عن الدورات والجلسات الرجاء التواصل مع خدمة العملاء واتس علي الرقم

https://wa.me/201129873525

لو لقيت إنسان سوي أنصحك بحاجتين:
١. أمسك فيه ومتستغناش عنه بسهولة.
٢. خليك عارف إن فيه جانب جواه متألم وممكن الجانب دة يكون مش سوي.
الإنسان مش سطر واحد، الإنسان رسمة بيانية معقدة.


للحجز والاستفسار عن الدورات والجلسات الرجاء التواصل مع خدمة العملاء واتس 0112973525

مع كل تريند بينتشر، كل مشارك في التريند بيظهر منه:
مستواه الفكري/ العلمي
مستوى خضوعه لنظرية المؤامرة بمعناها النفسي.
مستوى اضطرابه / سواءه النفسي.
مستوى تحيزاته الفكرية.

عشان كدة بلاش تحاول تجادل حد مندفع جداً في اتجاه تريند، هو ببساطة آمن بنظريات وأحداث بلا دليل عليها، يبقى إزاي أنت هتقنعه بشيء حتى لو معاك دليل؟
فكرة الأدلة بالنسبة له مرفوضة أصلاً، هو عاوز يؤمن بشيء عشان الشيء دة بيريحه نفسياً ويحسسه إنه جامد، مش عشان الشيء دة صح.

لو أنت طبقت البوست دة على المؤيدين والمعارضين للتريند الحالي، هتعرف إن مفيش فرق كبير نفسياً.


للحجز والاستفسار عن الدورات والجلسات الرجاء التواصل مع خدمة العملاء واتس علي الرقم

https://wa.me/201129873525

إحساسك إن الناس اللي على الفيسبوك مختلفين عن الناس اللي على الحقيقة طلع إحساس في محله:
من كام أسبوع في أوروبا اتقبض على عصابة متخصصة في (الذباب الإلكتروني) وكانوا اعتقد ٧ أفراد.
السبع أشخاص دول بيديروا ٤٩ مليون أكونت على السوشيال ميديا 😱.
كل أكونت منهم عليه صور شخصية، وبوستات، وتعليقات، ورد على الناس، وسخرية من المعترضين.
وكانوا بيستخدموا الأكونتات دي لتوجيه رأي الناس تجاه أهدافهم.

تخيل دة تشكيل عصابي واحد.

أومال الحقيقة إن فيه كام أكونت بيسخر منك ويوجه دماغك وينشر رأي عام وهو أصلاً مش بني آدم؟

ودة بالنسبة لي خبر كويس، إن الحمد لله إن أغلب أصحاب الآراء والسلوكيات الغريبة على الميديا هما لجان أصلاً، ولازال قطاع كبير من البشر الحقيقيين دماغهم طبيعية ولو نسبياً.

طبعاً فيه ناس حقيقية لكن دماغهم أوحش من الذباب الإلكتروني مية مرة، لكن الحمد لله مش بالكثافة اللي احنا متخيلينها.


للحجز والاستفسار عن الدورات والجلسات الرجاء التواصل مع خدمة العملاء واتس 0112973525

الشر اللي أنت بتشوفه على السوشيال ميديا بيتضخم جواك وبياخد أكبر من حجمه بكتير، عارف ليه؟

عشان الخبر الواحد لما بيتنشر على صفحات كتير، وعينك تشوفه في أماكن مختلفة، دة بيعمل كثافة حسية عالية على عقلك، يعني بالنسبة لعقلك دة مش حادث واحد.... دي حوادث كتيرة.

وحادثة ورا التانية مخك بيدخل في حالة استرجاع للحوادث بس والتركيز عليها.

رغم ان بين الحادث والحادث فيه ألف حاجة إيجابية صغيرة عينك شافتها، بس مخك بيرميها برا الذاكرة، ويجمع ملفات السلبيات ويركز عليها.

آه الشر بينتشر، بس هو بينتشر منذ بدء الخليقة.... والخير كذلك.


للحجز والاستفسار عن الدورات والجلسات الرجاء التواصل مع خدمة العملاء واتس 0112973525

الوحدة ساعات بتكون مؤلمة
بس إياك تتعرف على اي حد عشان تهرب من وحدتك
اندفاعك دة ممكن يتسبب لك في ألم أكبر من ألم الوحدة
اصبر واختار ناسك صح

لحجز جلستك واستشارتك معنا كلمنا علي الواتس

https://wa.me/201129873525

مفيش حلم بعيد .. لكن فيه عقول بتيأس ... بلاش تيأس صدقني

لحجز جلستك واستشارتك معنا كلمنا علي الواتس

https://wa.me/201129873525

قاعدة نفسية بسيطة في التواصل:
لو حد حط قدامك بديلين، هو كدة بيلهيك بقصد أو بدون عن البديل التالت، وبيوجه تفكيرك.
مثال:
واحد بيقولك: "هي الست لما تعلي صوتها على جوزها، بيكون قدامه يا إما يضربها بالقلم، يا إما يسيب البيت ويسهر على القهوة بدل ما يكسر وشها".

لو أنت وقعت معاه في الفخ هتختار انه يقعد على القهوة، وهو كدة حصل على الدعم والتأييد اللي بيدور عليه.

لكن في الحقيقة إنه اتحكم فيك وأنت مش واخد بالك، عشان كدة أول ما اللي قدامك يحط بديلين، أوتوماتيك فكر في بديل تالت.


للحجز والاستفسار عن الدورات والجلسات الرجاء التواصل مع خدمة العملاء واتس 0112973525

والله بص، مهما الناس تحاول، هيفضل وعي البشر وعقلهم درجات متفاوتة، طب إيه لزمة وجع القلب والمناهدة والتوعية والتثقيف؟
فايدتها إن ناس كتير على حافة الوعي الإيجابي، دول لما بيتعرضوا للتوعية بيرتقوا لأعلى.
بس كدة.


للحجز والاستفسار عن الدورات والجلسات الرجاء التواصل مع خدمة العملاء واتس 0112973525

هو أنت مش واخد بالك إن نفسيتك بتتقلب زي سمكة بلطي على الزيت؟
ركز شوية كدة آخر ٣٠ يوم بس، يا ترى مخك انشغل واتسحل بكام تريند؟
وكل تريند لعب في معتقداتك وإرائك وأفكارك أد إيه؟
تفتكر لو فضلت كدة هتبقى تمام؟
يا راجل دة الفص الجبهي الأمامي بتاع مخك لو نطق هيقول كلام +١٢٤٥
اتعلم تتجاهل وتتغافل وتركز على اللي ينفعك فعلاً



للحجز والاستفسار عن الدورات والجلسات الرجاء التواصل مع خدمة العملاء واتس 0112973525

أكبر خدمة ممكن تقدمها لنفسك هي إنك تبحث عن دوافعك، يعني ايه؟؟

أنت ببساطة لما بتعمل أي حاجة على أرض الواقع، زي كلمة بتقولها، او حركة بتعملها، أو مشوار بتروحه…. الافعال الحقيقية دي بنسميها (سلوك).

إنما السبب اللي خلاك تعمل السلوك دة، بنسميه (دافع).

الدافع دة هو البنزين اللي بيحركك، ودة عبارة عن حاجات كتير اوي، ممكن يكون:

دافع داخلي:

زي فكرة جواك، أو هدف عاوز تحققه… إلخ.

دافع خارجي:

زي حد قدر يسخنك، أو مديرك أدالك أمر … إلخ.

وطبعاً الدوافع ممكن تكون سلبية أو إيجابية.

أول خطوة في طريق تعديل نفسك، هي إنك تفهم دوافعك.

كل تصرف بتعمله فكر لثواني، إيه السبب الحقيقي اللي خلاك بتعمله؟

هتكتشف بالتدريج أمور عميقة جداً عن نفسك.

وواحدة واحدة هتعرف أكتر عن مميزات شخصيتك وعيوبها، ودة هيسهل عليك تغيير نفسك للأحسن.

وبصراحة كون إنك تبص على نفسك من جوة، هتلاقي نفسك بطلت تبص على الناس من برا 😉🤭.


للحجز والاستفسار عن الدورات والجلسات الرجاء التواصل مع خدمة العملاء واتس 0112973525