09/12/2025
( إما أن تتحمل مسؤولية ما تتمناه أو تكتفي بما سمحت به لنفسك )
بمجرد إن القائل هو #زحل 🪐
كانت أغلب التعليقات تميل إلى ( أستر يآرب )
على الرغم من إن لو كان القائل هو #الزمن أو العام الجديد
ل إختلف وقع تأثير الكلمه . لكنه زحل يا ساده
بس أصله هو حاكم الوقت و الكارما !
يعني أغلب ما نتمناه
و نرجوه يقع تحت طاقته!
تعالوا نشرح أصلا الجمله 👌🏻
(( إتحمل مسؤولية ما تتمناه = أوافق أدفع ثمن اللي بطلبه بالفعل مش بالتمني ))
يعني ثمن إختياراتي + حدودي + عاداتي
و شغلي على نفسي
يعني مثلاً في فرق بين أنا عايزة و بين أنا #مستعدة
أغلبنا بنقول عايز حب حقيقي عايز فلوس أكتر عايز راحة نفسية عايز جسمي صحي عايز شغل يليق بيا
زُحل بقى 👌🏻 هيسأل طيب إنت مستعد تعيش ازاي علشان ده يحصل؟ مش بس تتمناه؟"
و تتحمل المسؤولية دي عليها شوية دربكه يعني المسؤولية مش أنا السبب في كل المصايب 🙄
لأ 🤚🏻 المسؤولية يعني أنا ليا دور فعال في صناعة الواقع مش بس متفرج
هقولكم مثال واضح بيتكرر كتييير في الجلسات
( أنا عايزة حب محترم وناضج )
في طاقة التمني هيكون كالتالي عايزة حد يحبني يحترمني يبقى سند عايزة علاقة هادية وثابتة عايزة حد يفهم روحي
و يكون حقيقي ( صح ؟ )
هنا زُحــل هيسألك حلو و الله بس بتتصرفي كإمرأة مستعدة لعلاقه ناضجه ولا لسه ماسكه في الفُتات؟
و لو كانت نفس الجمله بس في طاقة المسؤوليه هتكون
أقول لأ للعلاقات النص نص اللي مش تمام اللى مش مبنيه على الوضوح 🪄
مش هعمل في أى تواصل واضح إنه مكسور من البداية
مش فاضي مش صريح مش جاهز بيقلل من إحتياجك 😐
ما أنتظرش سنه على شخص معلقني بين السما والأرض
أروح أشتغل على جروحي
(تعلق خوف من الهجر إدمان المنقذ)
بدل ما ألوم بس اللي قدامى
مثال تانى زي عايز فلوس أكتر ووفرة مادية
طاقة التمني هتكون عايز دخل ثابت وكويس عايز ميبقاش عندي قلق فلوس عايز مشروعي يكبر ويجيب ربح
زُحل هيسأل ماشى بس بتتعامل إزاي مع الفلوس اللي معاك دلوقتي؟ ومع وقتك؟ ومع طاقتك؟
#ملحوظه : زحل بيسأل بالمواقف و الأحداث مش
ك شعور خفي باطني ها 🙄
المسؤولية هنا يعني أبدأ أتابع دخلي ومصاريفي أبطل أصرف و خلاص أبطل أدي شغلي ببلاش لحد ما يستاهلش عشان ما يزعلش !
أظبط لائحة أسعاري بدل ما أقلل من نفسي
ألتزم بوقت شغل حقيقي
أتعلم مهارة واحدة جديدة تزود قيمة ما أُقدمه
أبطل أقول مكانش قصدي أصل الظروف البلد الناس
هى الظروف حقيقية بس فيه جزء أنا ماسكاه بإيدي 👌🏻
قبل ما تكتب أهداف أو خطط العام الجديد
لازم تُبصر ما أنت عليه الآن
و تقيمه صح و بميزان الحق
العام الجديد 👑 رقمه ( 1 )
يعني بدايه لكل واحد فينا
ركز في النهايه عشان البدايه تكون شبهك
#عروض جلسات و خدمات بداية العام الجديد #مستمره
سلام 😌
t.me/nerminelsaify
