Basma Abd Elsalam

Global gold is facing a sharp decline The price of an ounce is now 1888 bones Global gold is facing a sharp decline The price of an ounce is now 1888 bones Get link Facebook Twitter Pinterest Email Other Apps August 18, 2023 Gold prices have been declining  lately. According to an composition by **FX Empire** , the gold  request remains vulnerable and could continue to fac...

توني كروس وتلميحاته: كشف النقاب عن تقارب مبابي وريال مدريد عالم كرة القدم يعج بالتوقعات والتكهنات حين يتعلق الأمر بانتقالات اللاعبين، ويبقى للرموز والإشارات دورٌ فعّالٌ في تسليط الضوء على مستجدات الساحة الكروية.

كل وحدة تخلي واحد من اطفالها يشوف الصورة وتساله ليه البنت دي بتعيط خلينا نشوف رد كل واحد منهم هايكون ايه ..

ملاحظة

انتبهو على أجوبة اطفالكم اغلبهم هيجاوب من خلال الحاجة اللي تزعجه او يخاف منها❤️

6
يلا صلوا على النبى ^_^
ميلاد الحبيب ﷺ ❤

ونكمل كلامنا مع النبى صلى الله عليه وسلم و ميلاده ♡ ..
تقول آمنة ( مامته ) : " ما رأيت حملا أخف منه ولا أيسر ّمنه ورأيت حين حملت به نورا يخرج مني تضئ به أعناق الإبل ببصرة ولم يقع كما يقع الصبيان .. وقع معتدلا جالس واضعا كفيه إلى الأرض رافعا وجهه إلى السماء .. وكان الصِّبيانُ يُصبِحون رُمْصًا شُعْثًا (شعرهم منعكش) ويُصبِح محمدٌ دَهِينًا كَحِيلًا " ..

أول واحدة كان ليها الشرف فى ضم النبى ، أجمل مخلوق صلى الله عليه وسلم هى أم أيمن و أسمها الحقيقى " بركة الحبشية " مربية النبى صلى الله عليه و سلم .. و عشان كده كانت من أكتر النساء أرتباطآ بالنبى ﷺ .. ( طيب تعرفوا أن الرسول ﷺ كان ديما بيقول : " أم أيمن ، أمي بعد أمي " .. وأنها رضى الله عنها هتكون من أوائل الناس الى آمنوا برسول الله بعد كده ، وأنها هاجرت وحدها سيرا على الأقدام وهي المرأة الوحيدة التي هاجرت وحدها وكانت صائمة .. وعندما أشتد بها العطش والحر أنزل الله لها دلو من السماء به ماء فشربت منه .. فقالت : " لم يصيبني ظمأ في صوم بعدها قط ".. وطبعاً دى معجزة إكراماً لها ﻷكرمها لرسول الله ♡ ) ..

نرجع لكلامنا بركة كانت جارية عند عبد الله أبو النبى عليه الصلاة والسلام وبعد وفاة عبد الله فضلت بركة تخدم آمنة .. جه عبد المطلب جد النبى صلى الله عليه وسلم و شاف أجمل مخلوق بين يديه .. كان مولود يأخد العين من الجمال ♡.. فيحضنه عبد المطلب و يضمه لصدره و يأخده ويطوف بيه حوالين الكعبة ويدخل جوف الكعبة ويرفع إيده و يحمد ربنا و يخرج بيه من جوف الكعبة ويطوف بيه مرة كمان ويبص للسماء ويقول يااارب سأسميه محمد ♡
وكان أسم جديد والعرب مش متعودة عليه .. ويرجع لآمنة ويقول لها : " أسميته محمد " فتقول له : " ولما " ( يعنى ليه ؟ ) ... فيقول : " ليحمده أهل الأرض و السماء ♡ " ..

و يفضل المولود مع أمه آمنة ولكن بتحصل مشكلة .. آمنة مش قادرة ترضعه ..
وأخد العرب وقريش عادة أن أى رضيع يتولد .. بتيجى قبيلة لمكة أسمها " بنى سعد " فيها مرضعات بالأجر ، كل مرضعة بتاخد طفل بره مكة .. ده لمدة سنتين وتاخد أجر عليه و بعد ما تفطم الولد ، بترجعه لأهله وتاخد مبلغ تانى بعد ما تسلم الولد ليهم .. وده لأن مكة تعتبر بالنسبة لباقى البلدان الى حولها الحضر وجرت العادة أن لازم الطفل يذهب إلى منطقة بادية لينشئ على تعلم الجلد والصبر والقوة ( ذى مثلا الفرق دلوقتى بين حياة الحضر " المدينة " وحياة البدو ) ..

وبعد أيام من ميلاد النبى ﷺ جت قبيلة بنى سعد و كانت من بينهم " حليمة السعدية " نسبة لبنى سعد وهيه فعلا هيسعدها ربنا عز وجل بشرف إرضاع النبى ﷺ ♡ .. وصلت القبيلة لمكة وكل مرضعة بدأت تاخد طفل .. وكانت المرضعة الشاطرة هيه اللى تلحق تاخد ولد أهله أغنياااا ( وده طبعاً ﻷن أهله حيكرموها ويدوها فلوس كتير ) ..

و أخر وحدة وصلت كانت حليمة لأنها كانت فقيرة وكانت بتركب على " أنثى حمار " ضعيف
و بطئ جداً فوصلت متأخر لمكة .. حليمة بتقول أنها بمجرد ما وصلت لاقت كل واحدة من أصاحبها خدت رضيع .. ومتبقاش إلا طفل واحد ! و هو النبى ﷺ ...
و أن محمد ﷺ أتعرض على كل المرضعات ومفيش ولا واحدة رضيت تاخده .. يا ترى ليه ؟
و إيه اللى حيحصل لما تقرر حليمة تاخده .

هنعرف سوا المرة الجاية إن شاء الله ❤

7

يلا صلوا على النبى ^_^

وقفنا المرة اللى فاتت و أحترنا أوى أن مفيش ولا مرضعة من مرضعات بنى سعد رضيت
تاخد النبى ﷺ .. طب ليه ؟ .. لأن محمد ﷺ يتيم :'( ..

كل مرضعة قالت هعمل أيه بولد يتيم .. مش هينفعنى (لأن اللى بيكرم المرضعة أبو الرضيع) بيدينى فلوس أكتر عشان أخد بالى من إبنه أكتر .. طب جده هيهتم أنه يدينى زيادة ! ولا هيدينى الأجر وبس ؟ .. فرفضت المرضعات أنها تاخد النبى ﷺ ..

وحليمة لاقت أن متبقاش غير محمد ﷺ .. فقالت : " وماذا أفعل بيتيم عبد المطلب " ( يعنى هعمل بيه إيه ! ) .. فرجعت لزوجها وقالت له : " كل واحدة من صحيباتى أخدت رضيعا و أنا لا أحب أن أرجع بينهم من غير رضيع " .. ماذا أفعل ؟ آخذ يتيم عبد المطلب ؟ ... فزوجها قالها : " خذيه لعل الله يجعل فيه بركة "..

وفعلا حليمة خدت النبى عليه الصلاة والسلام .. وبتقول : " أنى بمجرد إنى ضميت محمد ﷺ لصدرى أمتلئ صدرى باللبن " متعرفش إزاى ﻷنها مكنش أصلا عندها ولا نقطة لبن بسبب الفقر و قله الأكل .. وفضل محمد ﷺ يرضع و يرضع .. كان جعان أوى .. و هى مش عارفة ومستغربة منين كل اللبن ده ..

و بعد كده حليمة قالت لزوجها أنه يجرب يشوف فى لبن فى الشاه بتاعتهم وللا لأ .. فقال لها يا حليمة أنتى عارفة إنها مفيهاش لبن .. قالتله جرب ممكن تلاقى ولو حبه نقط .. فلما راح
لاقى فى لبن فى الناقة وفضل يحلب الناقة لحد ما أتملا كل الطبق بلبن كتير أوى .. و راح لحليمة مش مصدق نفسه .. إيه ده ! .. إزاى ده بيحصل يا حليمة ؟ قالت له مش عارفة " لعل الله أعطنا نسمة مباركة .. رضيع عبد المطلب ده مش عادى " ..

و بتقول حليمة شربت لبن وشرب زوجى وشبع محمد ﷺ وأبنى كمان .. ونمنا مرتاحين أوى و والله ما كنا بنقدر ننام قبل كده من الجوع ومن عياط ابنى بسبب شدة الجوع .. وبتقول حليمة قضينا يوم فى مكة وصحينا الصبح عشان نرجع لبنى سعد بالأطفال الرضع .. فركبت على الحمار بتاعى ، فلاقيت الحمار بيجرى بيجرى وبيسابق نوق أصحابى .. فقالولى حليمة
إيه ده .. مش ده نفس الحمار اللى جيتى بيه لمكة ؟ فقالت أيوه .. قالولها مش ممكن ،
ده كان بطئ جداً ومش قادر يمشى ..حتى وصلتى بعدينا وكنتى آخر واحدة !!
قالت : لأ .. دى هيه لكنى أحمل عليها رضيع مبارك ♡..

و الحمد لله وصلوا لبنى سعد وتقول حليمة كنت بحب محمد ﷺ أوي .. وكان بيكبر فى اليوم الواحد قد اللى بيكبره أى طفل فى شهر ويكبر فى الشهر قد اللى أى طفل بيكبره فى سنة فكان بيكبر بسرعة أوى .. وحليمة لاحظت ده رغم أن أصلا العرب كانوا بيكبروا بسرعة فى البادية .. ومعروف أن جو الصحرا بيساعد على ده لكن النبى عليه الصلاة والسلام كان برده دايماً مختلف عن الأطفال التانيين .. و بتقول حليمة كنت أنا وزوجى بنحب محمد ﷺ أكتر من أبننا ♡ ..

و مرت الأيام وخلصت السنتين ولازم حليمة تفطم محمد ﷺ وترجعه لأمه .. لكنها كانت بتحبه أوى وعيزاه يفضل عندها كمان شوية .. ياترى هترجعه لأمه بسهولة ولا حتعمل إيه ؟

حنعرف سوا بكرة إن شاء الله ❤

5
يلا صلوا على النبى ^_^
وصف الحبيب ﷺ ❤

يلا نقرب أكتر بقى من التفاصيل .. كان شكله إيه الرسول صلى الله عليه وسلم ؟!!
فيه صحابي اسمه " حسان بن ثابت " كان مشرك وكان شاعر كبير فجاتله قريش و قالتله :
" يا حسان خد هذا المال في مقابل أن تهجو محمد " ( يعنى تشتمه بالشعر ) ، فحسّان قال : " ﻻبد أن أرى فيه عيباً أولاً " ( أنا لازم ألاقي حاجة فيه وحشة أبدأ أقول عليها ) ، فوقف أستنى النبي من الصبح لغاية بليل فوق جبل كده ولكن مجاش ، فبيقول : " فإذا بي وأنا أنصرف رأيته يأتي من بعيد ونظرت إليه وحاولت أن أدقق به " ، بعد كده راح أخد الفلوس وأداها لقريش وقال لهم : " والله لن أهجو محمد " فقالوا : " لمَ يا حسان ؟ " فقال : " أما
أنا فأشهد أن لا إله إلا الله وأشهد أن محمداً رسول الله " ، فقالوا : " يا حسّان ما دهاك ؟
ما لهذا أرسلناك ! " .. فقال :
" فلما رأيت أنواره سطعت ... وضعت من خيفتي كفي على بصري
خوفا على بصري من حسن صورته ... فلم أكن أنظره إلا على قدر
روح من النور في جسم من القمر ... كحليه نُسجت من الأنجم الزُهر " ..
و على فكرة سيدنا " حسّان بن ثابت " ده بعد إسلامه هيلقب بى " شاعر النبى " ، وهو برضوا صاحب البيت المشهور :
" وأجمل منك لم تر قط عين ... و خيرآ منك لم تلد النساء
خلقت مبرأً من كل عيب ... كأنك قد خُلقت كما تشاء " ..

فى واحد تانى اسمه " جابر بن ثمرة " بيقول : " خرجت في ليلة أضحيات ( ليلة القمر فيها مكتمل يعنى بدر ) وجعلت أنظر إلى القمر ، فإذا برسول الله يأتي من بعيد .. فجعلت أنظر إليه و إلي القمر ووالله هو أجمل وأحلى من القمر 😍 ..
تعرفوا إن سيدنا يوسف ربنا إداله شطر الجمال ( نصفه ) وأعطى سيدنا محمد الجمال كله ، سيدنا يوسف النسوة قطعن أيديهن لما شافوه .. لكن سيدنا محمد ربنا ألقى عليه هيبة فمحدش يقدر يحُدُّ النظر إليه ولا يُفتَن بيه :) ..

طيب شكله إيه ﷺ !!
سيدنا الحسن بن عليّ بن أبى طالب لما كبر بدأت ملامح الرسول تروح من دماغه لأنه مات وهو عنده 7 سنين ، فراح لواحد إسمه " هند بن أبي هالة " ( ابن زوج خديجة الأول ) وقاله : " يا خال .. صفلي شيئا من حلية رسول الله أتمسك به ، فوصفله الوصف اللي حقولهولك ده
( أنا مش حقولكم نص الحديث لأنه فيه كلام صعب شوية ) فقال : " كان فخماً مفخماً وكان ليس بالطويل البائن ولا بالقصير ( يعنى ولا قصير أوى ولا طويل أوى ) لكن كان أقرب إلى الطول ..

نبدأ من أول رأسه إلى قدمه ، قال : كان وجهه أبيض مُشرب بحمرة فاض الجبين ، دقيق الحاجبين أزجّ سوابغ في غير قرن ( بيقولك حواجبه كانت رقيقة كلمه أزجّ يعني رفيعة ومقوسة ، سوابغ يعني الحاجب ممتلئ مش فاضي ، في غير قرن يعني مفيش شعر فوق ولا تحت حاجبه ) ، واسع العينين شديد سوادهما في شدة بياضهما ( يعنى السواد أسود أوى والبياض أبيض أوى ) ، أكحل وما هو بأكحل ( يعنى كأنه حاطط كحل ) ، أهدب الأشفار
( الأشفار : الرموش ، وأهدب يعني طويلة ومن كتر ما هي طويلة متنية ) ..

كان أسيلُ الخدين ( يعني خدوده ناعمة لا فيها حبوب ولا حتة خشنة ولا فيه شعر لأن لحيته بادئة من تحت ) .. وكان أقنى العرنين ( يعنى الأنف وأقنى يعني مناخيره رفيعة صلى الله عليه وسلم زى ما بنسميها أحنا الأنف الأرنبية ) ، ممتلئ الشفاه ( بقه مش كبير لكن شفايفه ممتلئة ) .. مثلج الأسنان كأنها نظْم لؤلؤ ( سنانه بتلمع وكل سنة جنب التانية ) ، وإذا تكلم خرج النور من بين ثناياه وكانت في لحيته كثوفة وكانت تصل إلى صدره ، كانت ناعمة ومهذبة

ورقبته صلى الله عليه وسلم كأنها جِيدُ فضة ( يعنى كأنها مصبوبة زى الفضة كده ) ، أنور متجرد ( يعني جسمه اللي متغطي ده منور .. فعائشة كانت بتقول إنه مثلا لو عمل أي حركة وحته من جسمه ظهرت فيه نور يخرج من تحت العباية ) ، بعيد ما بين المنكبين .. عاري الصدر والذراعين من دونهما ( يعني معندهوش شعر في صدره وذراعه وعنده شعر خفيف جداً من الكوع لحد الكتف و عنده خط خفيف من الشعر من السرة لتحت شوية ) ...
طيب الصحابة عرفوا ده إزاي قالك يوم الحج لما كان بيفتح الرداء عشان يطلع أيده اليمين في اللقطة دي هم شافوه ..

أسيل القدمين ينئو عنهما الماء كأنهما إسطوانة فضة ( يعني ناعمة جداً لدرجة إن لما تصبي الميه تجري عليها ) .. وكان شعره أسود من الليل وكان ناعم جداً و أوقات يصل شعره تحت أذنه و أوقات إلى الكتف و أغلب الأحيان في منتصف الظهر وكان يضعه خلف أذنيه إذا فرق عقيقته فرق ( يعني لما بأيده كده يفرق شعره يثبت شعره ميرجعش تاني ) وكأن شعره طوعاً له ♡ .. وكانت رقبته طويلة كأنها جيد دُمية ، وكان سواء الصدر والبطن ( معندهوش كرش ) ، وكان بادر متماسك ( معندهوش ترهلات ) .. وكان إذا مشى كأنما ينحط من صبب
( كأن نصه اللي فوق مسابق نصه اللي تحت وهو ماشي ) ..
يقول الراوي : " ما رأيت أجمل منه ولا رأيت أحسن منه صلى الله عليه وسلم ❤ " .

نكمل بكرة إن شاء الله ❤

4
يلا صلوا على النبى ^_^
أجمل قصة حب ❤

شفنا إمبارح حب الصحابة للنبى ورحمة وحب النبى ﷺ لهم .. دلوقتى هنشوف حب عائشة للنبي وحب النبي لعائشة من أجمل القصص اللي ممكن تسمعوها ♡ .. كانت بتحبه وكانت بتغير عليه وأوقات كانت تعمل حاجات يستغرب منها الصحابة وعلى فكرة كانت شديدة الحسن ، فكانت تقول دايما بيت شعر :
لست أملك ما ببالي ... فإن حالي أبلغ من مقالي
رسول الله زوجي لم أر غيره ... به زوجني ربي وحباني

فهي بتحكي وبتقول كان رسول الله يحبني وكان يفضلني وكنت أفخر بذلك على صوحيباتي
( الى هما زوجاته الآخريات .. النبى كان متزوج أكتر من زوجة حنحكي ليه وحنحكي أسباب زواج كل واحدة وكل حاجة بالتفصيل لما يجي وقتها ) .. وكانت بتغير على النبي جداااً ،
مرة كان النبي عازم الصحابة في يوم عائشة وعائشة لسه يعني صغيرة مش عارفة تطبخ أوي فالسيدة " زينب بنت جحش " (زوجة الرسول التانية) سمعت إن الصحابة جايين يتغدوا عند النبي فراحت عملت أطيب الطعام .. وزينب كانت بتطبخ حلو أوي وكان أكلها راائع كانت
السيدة عائشة تقول : " ما رأيت أطهى من زينب " ..

فزينب جابت الخادم بتاعها وقالت له : " يا غلام خذ هذه القصعة وأوصلها إلى بيت عائشة فإذا سألك رسول الله فقل تُهدي لك زينب هذا لتطعمه لأصحابك يا رسول الله ".. وطبعاً ده يوم
عائشة فالخادم جه وبيدي عائشة الأكل وريحة الأكل فعلا حلوة فبتقول : " فمر الغلام من أمامي فرأيت الطعام فقلت ما هذا ؟ ".. فقال : " أرسلته زينب إكراماً لصحابة رسول الله "، فراحت عائشة ماشية و خبطت يد الخادم , فالولد وقع الأكل كله علي الأرض ..

طبعا بيت النبي مش كبير ده أوضة صغيرة كده فالصحابة كلهم كانوا قاعدين والموقف ده حصل فكلهم بصوا لعائشة ، بس تخيلوا النبي إتصرف إزاي ؟! .. لا زعق ولا غضب ولا عمل أي حاجة فما كان منه إلا أن تبسم وجثا على ركبتيه (نزل يلم الأكل) وقال لهم : " لا عليكم كُلوا كُلوا غارت أُمكم :) ".. يقول الصحابة فاستحيينا : "فنزلنا نفعل كما يفعل " (نلم الأكل معاه) ، تقول عائشة : " والله ما رأيت الغضب في وجهه قط " .. تخيلوا بالبساطة دي ^_^
صلى الله على محمد صلى الله عليه وسلم ♡

مرة تانية كانت ليلة السيدة عائشة والنبي فاكرها نايمة وهي كانت لسه منمتش فبتقول :
" لما كانت ليلتى التى كان النبى صلى الله عليه وسلم فيها عندى ، انقلب فوضع رداءه ، وخلع نعليه ، فوضعهما عند رجليهِ ، وبسط طرف أزراره على فراشه ، فأضجعِ َ ، فلم يلبسْ إلا ريثما
ظن أن قد رقدتُ ، فأخذ رداءه رويدا ، وانتعل رويدا ، وفتح الباب فخرجَ ، ثم أجفاه رويدا ، فجعلت درعى على رأسى ( يعنى كانت ليلتي اللى كان النبي صلى الله عليه وسلم بيبات فيها عندي ، قعد على السرير وحط هدومه على جنب وقلع جزمته ونام ، وبعدين أول ما حس إنى نمت أخذ هدومه بالراحة وأخد جزمته وفتح الباب وخرج ، وهى إفتكرته رايح عند واحدة تانية من زوجاته )

فبتكمل و بتقول : " واختمرتُ ، وتقنعت إزرارى ، ثم أنطلقت على أثرهِ ، حَتى جاء البقيعَ فقَامَ ، فأَطَال الْقِيامَ ، ثمَّ رفع يدَيهِ ثلاثَ مَراتٍ ، ثم انحَرفَ فَانحَرَفت ، فأَسرعَ فأَسرَعتُ ، فهروَل فهَرولت ، فأحضَرَ ( أي ركض ) فأَحضرتُ ، فَسبقتهُ فدخََلْت ، فليْسَ إِلَّا أَنِ ْأضجعتُ ( فرحت قايمة لابسة خمارى وغطيت وشى وجريت أشوفه رايح فين ، فوصل البقيع ففضل يصلى و بعدين رفع إيديه ثلاث مرات وبعدين مشى فمشيت ، فأسرع فأسرعت ُ، فهرول فهرولت ُ، فأبطأ فأسرعت ُ، فسبقته فدخلت ، فدخلت تحت الغطا وطبعا عمالة تنهج والغطاء عمال يطلع وينزل ) ..

فبتقول : " فدخل ، فقال : ما لك يا عائشُ ، حشيا رابية ؟ ( يعني عندك أزمة ربو ؟ ) ،
فقولتُ : لا شئ .. فقال : لتخبريني أو ليخبرني اللطيف الخبير ُ.. فقالت : يا رسول الله بأبى أنت وأمى ، فأخبرته .. فقَالَ : أأنت السواد الذى كان أمامي ؟ قالت : نعم ، فقال : أخفتيني يا عائشة فلهدني في صدري لهده أوجعتني ( زي كأنه بيقولها خوفتيني يا شيخة ﻷنه فكرها
جن ) ، فقالَ : أظننت أن يحيف الله عليكى ورسوله ؟ ( أنتى ممكن تفكرى إنى أظلمك بإنى أروح لزوجة تانية فى يومك ) ، فقالتْ : مهما يكتم الناس يعلمه الله ، نعم ( يعنى مهما الواحد يجى يخبى ربنا بيخبره ^_^ْ ) ..

فقال : فإن جبريل آتانى ، فنادانى ، ولم يكن يدخل عليك وقد وضعت ثيابك ، وظننت أن قد رقدتىِ ، فكرهت أن أوقظك وخشيت أن تستوحشي ( يعنى سيدنا جبريل أستحى يدخل عشان هى نامت فنادى النبي ، فالنبى مرضيش يصحيها فكرها نامت لتتخض )ِ ، فقال له َ: إن ربك يأمرك أن تأتي أهل البقيع فتستغفر لهم ... ( فهي بقى عايزة تخرجه بره الموضوع عشان ميزعلش منها ) .. فقالت : كيف أقول لهم يا رسول الله ؟ ، فقال : " قولي السلام على أهل الديار من المؤمنين والمسلمين ، ويرحم الله المستقدمين منا والمستأخرين ، وإنا إن شاء الله بكم للاحقون " رواه مسلم .
شوفتوا قد إيه كانت بتغير عليه وكان بيحبها وحنين عليها ♡

تعرفوا إن من شدة إرتباط سيدنا محمد ﷺ بعائشة ، كان عمرو بن العاص مرة بيسأله : " من أحب الناس إليك يا رسول الله ؟ " ( مستنيه يقوله أنت :) ) .. فقال : " عائشة " ، فقال :
" و من الرجال ؟ " ، فقال : " أبوها ! " ❤ ... ومن شدة حبه ليها كانا يتسابقا ..
النبي كان بياخد معاه السيدة عائشة في المعارك كانت تطبب الجرحى علشان هى كانت طبيبة فمرة من المرات راجعين من المعركة فلقاها زهقانة فعاوز يضحكها ، فقال : " يا عائش (كان بيحب يدلعها بيه) أتسابقينني ؟! " .. فقالت : " نعم يا رسول الله " ،

فقال للجيش : " تقدموا " .. وفضل هو والسيدة عائشة ورا علشان محدش يشوفها ، فنزلت من الهودج فتسابقا فسبقت عائشة النبي وقعدت تقوله : " سبقتك سبقتك ^_^ " ، مرت الأيام ومرت كذا سنة وفي معركة تانية بردوا لقاها زهقانة فقال : " يا عائش أتنزلين أسابقكي ؟ " فقالت : " أجل يا رسول الله "، فتسابقا فسبقها النبي فقال لها : " يا عائش هذه بتلك "
( يعنى إنتى كسبتينى المرة اللى فاتت وأنا اخدت حقى المرة دى ^_^ ) ..
شايفين اليسر فى الدين كان عامل إزاى !!

بلغت رحمته ﷺ كمان بالأطفال كان عنده الحسن والحسين (سيدا شباب أهل الجنة ) أحفاده فكان النبي يخرج من بيته يلاقي الحسن والحسين بيلعبوا فيجري وراهم ويمسك الحسين ويضمه إلى صدره ويقبله بين عينيه ويقول : " اللهم إني أحب حسينا فأحب حسينا " ، ويدخل مرة على فاطمة فيلاقى الحسن والحسين يتصارعا كل واحد بيزق التاني بيلعبوا مع بعض فشافهم النبي فضحك .. وجه من ورا ظهر الحسن وحضنه من ظهره وبدأ يزق معاه عشان يكسب الحسين ، فجت فاطمة تضحك وتقول له : " يا رسول الله ما أراك إلا تفضل الحسن
على الحسين " .. فقال لها : " لا يا فاطمة ولكني مع الحسن والحسين خلفه جبريل ^_^ " كان أحن خلق الله صلى الله عليه وسلم ❤
طيب يا ترى إيه وصف النبى ﷺ وشكله ؟! ..

حنعرف بكرة إن شاء الله ❤

3
يلا صلوا على النبي ^_^
نكمل حكايات الصحابة وحبهم للنبى ❤

كان في واحدة ست أسمها " أُم سُليم " دي تبقى أم أنس بن مالك الصحابي الشهير .. أم سُليم لما النبي دخل المدينة ( هي نصارية يعنى من الأنصار ) كان عندها ابن صغير عنده 10 سنين اسمه أنس فراحت للنبي عليه الصلاة والسلام وكانت كل ست من الأنصار تروح تدي للنبي هدية فأم سُليم معهاش فلوس .. طيب تعمل إيه !! تروحله وتقوله : " يا رسول الله إن صوحيباتي من الأنصار كل واحدة منهن أهدتك هدية وليس عندي مال أشتري هدية وليس عندي أغلى من ولدي أنس فأتخذه خادما يا رسول الله " .

فبيحكى أنس وبيقول : " عشت مع النبي ووالله لم يقل لي يوما قط لم فعلت هذا ولم يقل لي لماَ لم تفعل هذا ! "
مرة واحدة بس النبي قاله ممكن تروح تعمل حاجة وأنس وقتها كان صغير فبيقول أنس :
" فخرجت فلقيت أصحابي يلعبون فقعدت ألعب معهم ونسيت كلام النبي ولعبت لوقت طويل " والنبي كل ده مستني .. فالنبي لقاه أتأخر فخرج يشوفه فين فلقاه عمَّال يلعب ،
فأنس بيقول : " والله جاءني من ظهري وأحتضنني وخبأ عينيَّ وقال : من أنا ! فقال أنس : رسول الله " .. فأنس دوَّر وشه ولسه بيقوله والله نسيت وحيتأسف وكده ، قام النبي قاله :
" يا أُنيس لا عليك .. يا أٌنيس ( بيدلعه ) هلا تفعل ما طلبته منك " ، فقال له : " أفعل يا رسول الله " وطلع يجرى ❤

كان فيه صحابي من الصحابة اسمه " زاهر " .. زاهر ده من الصحابة المعدودين أوي اللي شكلهم مش جميل لأن أغلب الصحابة كانوا جٌمال جدااا :)
وزاهر مكنش إجتماعي أوي كان منطوي شوية ودايما بيقعد لوحده كان بيحس إن الناس مش بتحبه فمرة النبي عليه الصلاة والسلام عايز يمزح مع زاهر .. فزاهر كان في السوق بيشتري حاجات فالنبي يعمل إيه ! يجيله من ظهره عليه الصلاة والسلام فيحضنه ويغمي عينيه الإتنين وقال : " من يشتري هذا العبد ؟؟ من يبتاع مني هذا العبد ؟؟ " .. فزاهر أتخض وقاعد بيحاول يفك نفسه منه ويقوله : " أرسلني أرسلني !! "

فزاهر بيقول : " كنت كلما أحاول أن أفك نفسي منه كان يشتد أكثر " .. لأن النبي قوي عليه الصلاة والسلام ( كان في قوة 40 واحد زي عمر بن الخطاب ، وعمر كان قوى وضخم جداً لدرجة أنه كان ماشي جنب صحابي مرة وكحَّ جامد الصحابي أُغمي عليه من الخوف ، والشيطان كان بيخاف منه وبيمشي من الطريق اللي عمر مايمشيش منه ، فكان النبي يقول : " لو سلك عمر فجاً لسلك الشيطان فجاً آخر ") ومع ذلك النبى عمره ما أستغل قوته دى وما ضرب رسول الله رجلا قط إلا في المعركة وما ضرب رسول الله امرأة قط !!

فقال زاهر : " فشممت كفه فعرفت أنه رسول الله " ، عارفين عرفه منين ؟! ( أصل بيقولك النبي مش زينَّا النبي مسام إيديه مش بتفرز عرق زى العرق بتاعنا ، دى بتفرز مسك بجد ! وكانت كفه ألين من الحريركأنما أخرجت من علبة عطر ! )
فقال زاهر : " فلما عرفت أنه رسول الله جعلت أدخل في حضنه " ويزق ضهره فى حضن النبي فالنبي فهم وضحك ووسع إيديه .. فقال زاهر : " تبيعني يا رسول الله ؟! "
فضحك النبى صلى الله عليه وسلم ^_^ ، وقال زاهر : " يا رسول الله لئن بعتني لوجدتني كاسدا يا رسول الله " ( علشان هو مش جميل شكلا يعنى ) .. فقال النبي : " لا يا زاهر ولكنك عند الله غال :) " .

شوفتوا أد إيه النبى جميل .. طيب تخيلوا رحمته ﷺ كمان بلغت بالعصاة ، فكان عطوف وحنين ورقيق جداً ♡
كان فيه صحابي اسمه " خوَّات بن جُبير "، خوَّات ده كان صحابي جميل وكان شاب صغير وبشر طبعا أي بشر ممكن يغلط فخوَّات بيحكي بيقول : " كنت خارجا يوم من خيمتى فنظرت فى وجهى فإذا بمجموعة من النساء يجتمعن ، فرجعت إلى خيمتى وبدلت ملابسى وتعطرت وخرجت فقعدت معهم " ..

فبيقول : " فإذا بى أنظر فوجدت رسول الله يمر ، فوددت أن تنشق الأرض وتبتلعني "
فالنبي قرب وهو متبسم ( وكان إذا تبسم تلألأ كقطعة قمر ♡ ) فجاء ألى وقال : " السلام عليك يا خوَّات ، ما أجلسك ها هُنا يا خوَّات ؟؟! " ( عارف لما تتخض وعايز تطلع من الموقف فبتقول أى كذبة مش راكبة عالموضوع ، فهو قال كذبة مش نافعة خالص ) فقعد يفكر يفكر وبعدين قال : " يا رسول الله ، شرَد جملي فجئت أبحث له عن لجام ها هُنا " ( يعنى جملى تاه يا رسول الله وجيت أدورله على لجام الى هو الحبل يعنى ) ،

فضحك النبي وقال : " أحقاً يا خوَّات ! " قال : " أجل يارسول الله "، قال : " نعم يا خوَّات وإنصرف" ... فبيقول خوَّات : " قلت فى نفسي سأتخفى عنه حتى ينسى الأمر " ( مش هخليه يشوفني لغاية لما ينسى الموقف ) ، فيقول خوَّات : " فاخترت طريق لا يمشى به النبى أبداً " ، فإذا به يُقبل عليّ من بعيد فقال : " السلام عليك يا خوَات "، فقلت : " وعليك السلام يا رسول الله " ، فقال : " يا خوَّات ، ما فعل شِرادُ جملك ؟ " ( يعنى جملك التايه عامل إيه ؟ ) .. فقلت : " بخير يا رسول الله " ، فجاء اليوم الثاني و قلت في نفسي : " لن أدعه يراني فسلكت طريقا أخر " ، فجاله النبي من نفس الطريق وسأله نفس السؤال ،
فبيقول خوَّات : " رجعت بيتي و قلت لن خرج منه ولن أذهب إلى المسجد إلى أن ينسى
رسول الله اﻷمر " ..

فحبس نفسه يومين و بعدين بيقول : " ولكن أشتقت إلى رسول الله ♡ ، فقلت أخرج في ساعة من الليل هو فيها نائم ( أروح المسجد أصلي ركعتين وأهدي الشوق اللي جوايا وأرجع تاني ) فدخل خوَّات إلى المسجد .. فبيقول : " كبرت و دخلت في الصلاة فإذا بصوت قدم خلفي فإذا به ، رسول الله !! " ( عرف النبى من ريحته صلى الله عليه وسلم ) يقول خوَّات : " فكبر النبي ، فقلت في نفسي سأطيل في الصلاة حتى يذهب ويدعني فأطلتُ في الصلاة " .. فقام النبي صلى ركعتين خفاف كده و وقف ورا خوَّات وقال له : " يا خوَّات أطِل ما شئت فإني منتظرك " ( يعنى يا خوات طول فى الصلاة زى ما أنت عايز أنا قاعد لك ^_^ ) .. فخوَّات بيقول : " فختمت الصلاة و ألتفت إليه " ، فإذا هو متبسم ، فقال لي : " السلام عليك يا خوَّات ، ما فعل شِرادُ جملك ؟ " فقلت : " يا رسول الله والله ليس لي جملٌ " فضحك النبي وقال : " قد علمت يا خوَّات " .. يقول خوَّات : " فرفع النبى يده فقلت سيضربني ولكنه مسح على صدرى وقال : " غفر الله لك يا خوَّات ( ثلاثا ) "
فيقول خوَّات : " والله ما عدت لمثلها أبداً ^_^ " .

فى قصة جميلة تانية .. مرة جه للنبى شاب صغير دخل المسجد و قدام كل الصحابة وقال له : " يا رسول الله ائذن لي في الزنا !! " .. فكل الصحابة انفعلوا جداً ، فالنبي قال له : " أقبل " ( يعنى تعالى ) فجه الشاب ، فقاله النبي : " أدنوا منى " ( يعنى قرب ) ، فجلس بين يديّه فحط النبي أيده على صدر الولد وقاله : " يابني ، أترضاه لأمك ؟ " فقال الولد : " لا " ،
قاله : " أترضاه لأختك ؟ " قال : " لا " ، قال : " أترضاه ( قاله كل المحارم ) " ، والولد
يقول : " لأ " .. فقال النبي : " كذلك الناس لا يرضونه لبناتهم ولا لأمهاتهم ولا لأخواتهم "، وجعل يمسح على صدره ويقول : " اللهم أصلح قلبه وطهر فرجه " فبيقول الشاب : " قبل أن يضع النبي يده على صدري كان الزنا أحب الأشياء إلى قلبي وما إن رفع النبى يده عن صدري حتى كان " هو " أحب إلى قلبي ❤
شايفين التربية بالحب ♡ صلى الله على محمد وعلى آله وصحبه وسلم تسليماً كثيراً

نكمل بكرة إن شاء الله ❤

2
يلا صلوا على النبي ^_^
حب الصحابة للنبى ❤

شفنا أمبارح حب الله عز وجل والملائكة للنبى .. هنكمل انهارده بحب الصحابة رضى الله عنهم للنبى ونبتدى بسيدنا أبو بكر حبيب النبي و خليل النبي أكتر واحد كان بيحب النبي وكان له موقف وكلمة مشهورة أوى معاه ، عندما كانوا في الهجرة وكان رضى الله عنه و الحبيب عطشى جداً ، فجاء بمذقة لبن فناولها للرسول صلى الله عليه وسلم ، وقال له أشرب يا رسول الله ، فيقول أبو بكر رضي الله عنه : " فشرب النبي حتى رضيت ♡ "

وكان بيحبه لدرجة إن أبو بكر كان يتعب لما النبي يتعب و لما النبي يخف هو يخف ، ويضحك لما النبي يضحك كان بيحبه حب عجيب ، هنشوفه من خلال مواقف كتير خلال السيرة إن شاء الله .. احنا عايزين تكون ثمرة السيرة إنك تحب النبي أكتر من نفسك كده ^_^
كان النبي صَلَّى اللَّهُ عَلَيْهِ وَسَلَّمَ مش بيحب إن حد يخدمه ، لكن من حُب الناس له ، كان نفسهم يكونوا معاه في كل لحظة ، فيلحوا عليه أنهم يخدموه صَلَّى اللَّهُ عَلَيْهِ وَسَلَّمَ :)
و في قصتين لخادمين للرسول صَلَّى اللَّهُ عَلَيْهِ وَسَلَّمَ بيبينوا قد إيه كانوا بيحبوه ..

كان فيه صحابي اسمه " ثوبان " ، خادم النبى ومولاه ، فمرة النبي خرج الصبح بدري ورجع متأخر جداً فلقى ثوبان يبكي فقال له : " يا ثوبان ما يُبكيك " .. فقال ثوبان : " إشتقت إليك يا رسول الله "، فقال النبي : " أو غير ذلك ؟ " .. قال : " هناك شيئا آخر يا رسول الله ، تذكرت يوم القيامة وجعلت أتفكر في الآخرة وفي الجنة والنار وعلمت أنى وإن دخلت الجنة فلن أكون معك في المنزلة يا رسول الله فأنت مع النبيين والصديقين " ..

فابتسم النبي وقال له : " يا ثوبان أما علمت أن المرء يحشر مع من أحَب " ( يعني أحنا ممكن منقدرش نبقى زى أبو بكر و عمر لكن نحب النبي أوى فبحبنا ده نكون يوم القيامة مع ثوبان و أبو بكر و عمر و على ) فقال ثوبان : " أوحقاً يا رسول الله ؟! ".. فقال النبي :" أجل "، فيقول ثوبان : " فخرجت في طرقات المدينة أصرخ بها بين الناس ، فما كان الصحابة أشد فرحةً بشئ أكثر من فرحتهم بهذا الحديث بعد الإسلام ".
ووقتها نزل قول الله تبارك وتعالى : { وَمَنْ يُطِعِ اللَّهَ وَالرَّسُولَ فَأُولئِكَ مَعَ الَّذِينَ أَنْعَمَ اللَّهُ عَلَيْهِمْ مِنَ النَّبِيِّينَ وَالصِّدِّيقِينَ وَالشُّهَداءِ وَالصَّالِحِينَ وَحَسُنَ أُولئِكَ رَفِيقاً } ♡ ..

بعد فترة النبي جاله شاب تاني أسمه " ربيعة بن كعب الأسلمي " هو صحابي شاب صغير راح للرسول وطلب منه أنه يكون خادم عنده لغاية لما النبي وافق .. فراح ربيعة يخدم النبي في أي حاجة يطلبها منه صلى الله عليه وسلم ، يقول ربيعة : " فكان إذا جاء الليل يقول لى رسول الله أذهب يا ربيعة لتستريح وتأتي غدا " ، فيخرج ربيعة عشان يروح وبعدين يقف عند الباب بره ويقول فى نفسه : " ما تفعل يا ربيعة ؟! أتعود إلى البيت ؟! أتتحمل فراق رسول الله ، فأفكر وأفكر وأقول والله لا تحتمل فراق رسول الله " .. فييجى عايز ينام ومش عارف يعمل إيه ! فبعد لما يتأكد إن الباب مقفول كويس يقلع الجُبه بتاعته ويفرشها على عتبة الباب من بره ويسند على الخشبة بتاعة الباب ويقول في نفسه : ( عايز يدي لنفسه تبرير يعني )
" لعلّ رسول الله يحتاج فى الليل شيئا ! " ..

فبيقول : " كنت أضع رأسى على الباب " .. ويقول أنه فى ليلة كان تعبان فغلبه النوم ونام وربنا قَدّر إن النبي يخرج يعمل حاجة ففتح الباب فربيعة وقع ، فالنبى اتخض وقال له : " يا ربيعه ما أجلسك هنا ؟! " .. فقال ربيعة : " والله يا رسول الله قلت في نفسي لعلك تحتاج في الليل شيئاً ! " .. ففهم النبي وضحك ^_^ وقال له : " قم ياربيعة " .. ( و قاله علشان يفرحه) : " يا ربيعة سلني ما تريد " ، قال : " وتعطينى يا رسول الله ؟! " قال النبى :
" أجل " ، قال ربيعة : " أسألك شيئا واحداً .. أسألك مرافقتك في الجنة !! "

مع إنه كان فقير و ممكن يطلب أي شيء في الدنيا ، لكن مش عايز غير مرافقة النبي صَلَّى اللَّهُ عَلَيْهِ وَسَلَّمَ في الجنة ♡...
( إن شاء الله نكون من رفقاء النبي صَلَّى اللَّهُ عَلَيْهِ وَسَلَّمَ في الجنة بحبنا له ❤ )
وبعدين يجيله راجل تانى في نص الليل بيخبط ، فالنبي يتفزع ويفتح فيطلع صحابى ..
فيقول له : " أشتقت إليك يا رسول الله وأنا بين أهلي وأولادي فلم أذق نوماً فقلت في نفسي آتيك فأنظر إليك وأعود فأنام "
يا بختهم أصحاب رسول الله ، كانوا كل ما يوحشهم بس يروحوا يبصوا فى وجهه ويمشوا ❤

نكمل بكرة إن شاء الله ❤

1
يلا صلوا على النبى ^_^

السلام عليكم ❤
قبل ما ندخل بقى جوا السيرة حنحكيلكم قصة حقيقية صغيرة عشان تعرفوا أحنا إزاي أصلا فكرنا في موضوع السيرة وكده ..
القصة دي عن بنت كندية كانت مسيحية وأسلمت .. أبوها قسيس كبير في كنيسة وهي بتشتغل خادمة في الكنيسة ( خادمة مش يعني خادمة بالمعنى ده ، خادمة يعني بتعمل حاجات تطوعية في الكنيسة في كندا ) والبنت دي أسلمت فجأة ومنعرفش إيه السبب ، فواحد مرة بيكلمها فقالتله : " أنا أسلمت وأنا مقتنعة تماما بديني ، فسألها سؤال : " إيه رأيك في نبي الإسلام قبل ما تدخلى الإسلام وبعد ما دخلتي الإسلام ؟؟! "

قالتله : " قبل الإسلام كنت أعلم أنه رجلاً مجنون ، عنيف ، ويقتل كل من لا يؤمن بدينه شاهرٌ سيفه متعطش للدماء " .. فالراجل أستغرب قام قالها : " طيب وبعد الإسلام ؟ "
قالتله : " بعد الإسلام عرفت إن هو أعظم إنسان مشى على وجه الأرض "، قالها : " طيب إيه أكتر أمنية نفسك فيها ؟ " .. قالتله : " نفسي في حاجة واحدة بس ! نفسي أموت " ، قالها : " ليه ده الإسلام دين التفاؤل وحب الحياة ، دين جميل مفيهوش كآبة ، ليه عايزة تموتي ؟ " قالتله : " عشان دي الطريقة الوحيدة اللي حشوفه بيها عليه الصلاة والسلام وأقف قدامه وأكلمه ! أنا بقيت بحب الموت عشان أقابله عليه الصلاة والسلام "

قام الراجل سألها سؤال : " طيب توجهي رسالة إيه للعرب المسلمين اللي بيعرفوا لغة
القرآن ؟ " .. قالتله إجابة صعبة أوي : " حقولهم حاجة واحدة بس ، سامحكم الله يا مسلمين إذ لم تعرفونا من هو محمد ! الله بيننا وبينكم يوم القيامة !! "
صعبة أوي !! لما تقوله أنا حقف قدام ربنا يوم القيامة وأقوله هم المسلمين دول السبب يا رسول الله ولا عرفونا بيك ولا بيمثلوا أخلاقك أحنا مش بنشوف فيهم اللي المفروض نشوفه !!

فدي كانت أهم حاجة خليتنا نقول لأ طيب حنقف قدام النبي نقوله إيه ... كانت الفكرة إننا نوصل سيرته بأسهل طريقة ممكنة للناس اللى مش بتقدر تقرأ كتب عنه أو تنزل تروح مكان تسمع عنه ... مش معقول أكتر إنسان بيحبك و أكتر إنسان خايف عليك يوم القيامة متعرفش عنه غير حاجات بسيطة !!

كلنا بنحب النبى بالفطرة بس أحنا عاوزين نعرفه أكتر عشان نحبه زى ما الصحابة كانوا بيحبوه ذى ما حنشوف فى خلال حلقات السيرة حب عجيب ♡ ..
طيب ندخل أكتر على السيرة .. مين هو النبى ؟
أسمه محمد بن عبد الله بن عبد المطلب بن قصيِّ بن كلاب بن مُرة بن كعب بن لؤي بن غالب بن فهر ( والفهر هو قريش ) يعني لقبه قريش ، فالنبي قرشى ..
وقبل ما ندخل فى تفاصيل حياته حنتكلم عن حب ربنا والملائكة والصحابة وزوجاته له ونعرف أنه كان أحب الخلق ﷺ ليهم ..

هنبدأ بحب الله عز وجل للنبى ❤
قال تعالى : { قُلْ إِن كُنتُمْ تُحِبُّونَ اللّهَ فَاتَّبِعُونِي يُحْبِبْكُمُ اللّهُ وَيَغْفِرْ لَكُمْ ذُنُوبَكُمْ وَاللّهُ غَفُورٌ رَّحِيمٌ } .. وقال تعالى : { مَنْ يُطِعِ الرَّسُولَ فَقَدْ أَطَاعَ اللَّهَ } .. { وَاللَّهُ وَرَسُولُهُ أَحَقُّ أَنْ
يُرْضُوه ُ} ... فى حديث جميل أوى عَنْ جَابِر بْن عَبْدِ اللَّهِ قَالَ ، قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : [ أُعْطِيتُ خَمْسًا لَمْ يُعْطَهُنَّ أَحَدٌ مِنْ الأَنْبِيَاءِ قَبْلِي : نُصِرْتُ بِالرُّعْبِ مَسِيرَةَ شَهْرٍ ، وَجُعِلَتْ لِي الأَرْضُ مَسْجِدًا وَطَهُورًا وَأَيُّمَا رَجُلٍ مِنْ أُمَّتِي أَدْرَكَتْهُ الصَّلاةُ فَلْيُصَلِّ ، وَأُحِلَّتْ لِي الْغَنَائِمُ ، وَكَانَ النَّبِيُّ يُبْعَثُ إِلَى قَوْمِهِ خَاصَّةً وَبُعِثْتُ إِلَى النَّاسِ كَافَّةً ، وَأُعْطِيتُ الشَّفَاعَةَ ]

عَن أبي هُرَيْرَةَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : [ أَنَا سَيِّدُ وَلَدِ آدَمَ يَوْمَ الْقِيَامَةِ ، وَأَوَّلُ مَنْ يَنْشَقُّ عَنْهُ الْقَبْرُ ، وَأَوَّلُ شَافِعٍ ، وَأَوَّلُ مُشَفَّعٍ ] .. وخير مثال على تفضيل وحب الله عز وجل للنبى ﷺ الآية الكريمة { إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَاأَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا } .. ومواقف كتير هنشوفها من خلال السيرة هتبين أد إيه ربنا عز وجل كان بيحب النبى ﷺ ..

حب الملائكة للنبى ❤
سيدنا جبريل كان بيحب النبي جدآ ، مرة تأخر سيدنا جبريل فترة فى النزول على النبي
فالنبى زعل عشان بيحبه فقال له : " يا جبريل مالك لم تأتنا لقد أشتقت إليك يا جبريل " ، فقال : " يا رسول الله لقد اشتقت إليك أكثر من شوقك إليّ ولكن ما نتنزل إلا بأمر ربك "
وكانت الملايكة كلها بتحب النبي وتبقى عايزة تسلم عليه ، فسيدنا جبريل يجي للنبي ويقول
له : " يا رسول الله معي ملك ما نزل إلى الأرض من قبل يريد أن يسلم عليك " فيسلم عليه وينطلق ..
طيب ده كان حب ربنا عز وجل والملائكة للنبى يا ترى حب الصحابة عامل إزاى ؟!

حنعرف بكرة إن شاء الله ❤