10/03/2018
في الدرس اللي فات اتكلمنا عن الحروف المتحركة و الساكنة (Vowels and consonants) و كنا ذكرنا في اخر الدرس رقم 20 (Twenty) و كنا قولنا طريقة نطقه تواني (tweny) و قولنا السبب في اختفاء حرف T من النطق له اسباب و الدرس ده هنتعرف علي الاسباب دي.
-حرف T له قواعد علشان ننطقه في الكلمة ,القواعد دي اللي بتخليه مره يبقي قوي و مره يختفي و مرة ممكن يظهر حرف تاني خالص.
------------------
-اول قاعدة معانا (True T).
و المقصود بيها T الصحيحة و دايما بتكون قوية لانها تأتي في بداية الكلمة (At the beginning of word) مثال:
-Test -Table -Tomorrow -Try
او مع بعض المقاطع (With some syllables) مثال:
Star -Connect -Best -Left -Felt
و بمعني اوضح بتكون قوية لما بتيجي بعد الحروف دي (st - ft - ct - lt -pt)
---------------
-القاعدة التانية (Flap T)
و في القاعدة دي حرف T بينطق D خفيفة , يعني مش قوية و القاعدة دي مختلفة عن اللي قبلها.يعني لازم حرف T يقع وسط حرفين Vowel و بتكون القاعدة علي النحو التالي:
Vowel vowel
مثال: water بتنطق wader
Hate (hade)
Forty (fordy)
-ازاي هنا Forty نطقناها fordy و مفيش حروف vowel قبل و بعد حرف T؟
-احنا الدرس اللي فات اتفقنا ان حرف Y يعتبر حرف شبه صوتي (semi-vowel) و ده بنعتبره في الصوتيات فقط و ليس القواعد المكتوبه.
بمعني في الكلمات اللي هنسمعها و علي نفس قاعدة حرف Y هنضيف حرف R في قاعدة حرف T يعني كده بقي عندنا 7 حروف متحركة مع قاعدة حرف T مش 5 الاساسين و علشان كده Forty نطقناها fordy.
--------------
-القاعدة التالتة (Drop T)
اي اسقاط (اختفاء) حرف T من الكلمة.
اذا جاء قبلها حرف N لا تنطق Twenty (tweny)
international (inernational)
بس الاسقاط هنا مش ثابت مع كل الكلمات , لان كلمة parent (والد) هتنطق كما هي و مش هنحذف حرف t ,و لكن نفس الكلمة في الجمع هنحذف منها حرف t لما هنضيف بعدها حرف s و دي القاعدة 👇👇👇
-اذا جاء حرف T و قبله حرف n بعده حرف s لا تنطق
n s
مثال: Parents بتنطق parens
Governments (govermens)
=========
-ملحوظة مهمة جدا: نفس القواعد هنطبقها علي حرف D
بمعني ان تطبيق القاعدة الاولي علي حرف D هننطقه في اول الكلمة قوي مثال كلمة Day او Die
-و لو طبقنا عليه القاعدة التانية هنخف حرف D بحرف D بس نطقه خفيف جدا مثال كلمة Made هتنطق made و لكن نقلل من قوة حرف d
-و لو طبقنا القاعدة الثالثة سيختفي حرف D من الكلمة
مثال: Friends تنطق friens
Handsome (hansome)
=========
هنتعرف في الدروس اللي جاية علي حاجات تانية تخص قواعد حرفي T and D
بمعني انها نفس القواعد اللي شرحناها و هتطبق في الجمل
----------
ترجمة الكلمات التي ذكرت في الدرس
-------Teanslation (الترجمة)-------
-Pronunciation (طريقة النطق) 🗣
-Vowels (حروف متحركة)
-consonants (حروف ساكنة)
-True (صحيحة) ✅
-beginning (بداية) ➡
-word (كلمة) 🆓
-Test (اختبار) ✅❎
-Table (طاولة)
-Tomorrow (غداُ) 🗓
-Try (محاولة) 🏄
-syllables (مقاطع)
-Star (نجمة) ⭐
-Connect (يتصل) 📶
-Best (الافضل) 👍
-Left (غادر) 🏃
-Felt (شعر ب) 😰
-water (ماء) 💦
-Hate (يكره) 😡
-Forty 40 (اربعون)
-Drop (اسقاط) ⬇
-international (دولي) 🌍
-Parents (اباء) 👪
-Governments (حكومات) ⚖
-Day (يوم) 📆
-Die (يموت) 🔫
-Made (صنع) 👚
-Friends (اصدقاء) 👭
-Handsome (وسيم) 🤵
=================================
# تنوية
حتي الان لما نبدأ شرح اول كتاب
و الدرس الحالي و السابق معلومات و قواعد مهمة تهم دارس اللغة قبل البدء في تعليم القواعد اللغوية (Grammar)
-اي استفسار او شئ غير مفهوم يرجي مراسلتنا عبر رسايل الصفحة.
