SLP/Shaimaa Abd Elfattah

الحب مش شعور واحد زي ما أحنا فاكرين
لما درست عجلة المشاعر ب استفااااااضة اكتشفت أن كل شعور تحته الف شعور ثانوي
اللي بنسميه حب ممكن يكون أحيانًا مودة، أو تعلق، أو إحساس بالمسؤولية، أو احتياج للأمان، أو شعور عميق بالانتماء أو حتي فراغ عاطفي

بدليل أن مش كل اللي بنحبهم بنكون عايزين نرتبط بيهم احيانا
ودا لأن كل علاقة ليها نوع مختلف من الحب

ممكن تحب شخص لأنه شبه بيت قديم إنت عارف كل تفاصيله كويس، مش عشان عايز تبني معاه بيت جديد

وممكن تتمسك بحد لأنه بيديك طمٱنينة وأمان مش عشان فيه توافق حقيقي بينكم

وممكن يفضل شخص في قلبك بدافع الامتنان للي كان ولشكله و طباعه اول ما عرفته ، بدافع الامتنان للي كانه معاك ، مش رغبة في اللي هيكون .

المشكلة إن كتير بنتلخبط بين الحب كشعور، والحب كقرار، والحب كعلاقة ينفع تكمل
بس الحقيقة إن الشعور لوحده مش كفاية دايمًا

في علاقات تنفع للقرب ، ومتنفعش للشراكة
ومشاعر حلوة ، اوي ، بس مش دايمًا معناها إننا ينفع نكمل بيها

والنضج النفسي بيبدأ لما نفهم إن وجود الحب مش معناه إن العلاقة مناسبة

وإن عدم الارتباط مش معناه إن المشاعر مش حقيقية،
وإن إنهاء بعض العلاقات ممكن يكون احترام للحب دا مش خيانة له

والأهم من كده، إن الشخص اللي يقدر يفرق بين الدوائر دي كلها، ده شخص قادر يحب بوعي
مش أقل حبًا، بالعكس، ده حب ناضج، بيعرف إمتى يقرب، وإمتى يحافظ على المسافة، وإمتى يختار نفسه من غير ما يلغي إحساسه

بس في نقطة محدش بيتكلم عنها خالص هنا

معاناة الشخص الواعي جدًا في لحظة “الانفصال الآمن” عن النوع ده من الحب
هو مش بيكره، ومش بينسى، ومش بيبطل يحس
هو بس واخد قرار واعي إن العلاقة مش هتنفع تكمل ف بيقرر يمشي .

وبيفضل جوه صراع صعب جدًا:
قلبه لسه بيحن ، وعقله فاهم
وهو مضطر يعيش الحنين ده من غير ما يمشي وراه
يودّع بهدوء وفي صمت ، من غير ما يبقى الوداع سهل عليه

وبيكون أصعب نوع انفصال ، لأنه انفصال من حاجة كانت حقيقية فعلًا في الإحساس، بس مش مناسبة خالص في الواقع .

ومع الوقت بنتعلم ، الهدف مش إننا نحب أكتر
الهدف إننا نفهم أكتر
لأن الحب من غير وعي بيتعبنا، أوي ،
لكن الحب مع الفهم .. بيخلينا أنضج وأهدى رغم شدة الألم .

والفرق المؤلم هنا
إن الشخص غير الواعي بيكمل أو بينسى أسرع لأنه مش شايف العمق كله
لكن الشخص الواعي بيحس بكل حاجة ، بوضوح
بيفهم، فـ ما يقدرش يتهرب،
وبيحزن، فـ ما يقدرش يستخف،
وبيسيب، فـ ما يقدرش يمسح بسهولة
وعشان كده ألمه مش أعلى صوتًا
بس أعمق وأهدى وأطول أثرًا.

#شيماءـعبدالفتاح

Today's Reminder :
Harmony doesn’t always mean belonging 🤟🫶

صباح الخير
'العقوبة مش تعنيف… والحزم عمره ما كان إهانة'

في فرق كبير جدًا
بين إنك تعاقب طفل
وبين إنك تعتدي عليه نفسيًا..

والفرق ده مش وجهة نظر… ده علم وتربية وقانون

العقوبة التربوية هدفها تعديل سلوك
بهدوء، بعدل، وبما يناسب سن الطفل

العقاب:
مرتبط بسلوك محدد*
مناسب لعمر الطفل*
مؤقت ومفهوم للطفل*
بدون إهانة أو أذى جسدي أو نفسي*
الهدف منه التعليم مش الانتقام*

أمثلة صحية:
حرمانه من لعبة لفترة قصيرة لأنه كسر القواعد
الجلوس في مكان هادئ للتفكير (Time-out)

✔️ العقاب الصح = تعليم + احترام

إنما التعنيف :
جسدي: ضرب، شد، صفع
لفظي: شتيمة، سخرية، تهديد
نفسي: تخويف، إهانة، مقارنة مهينة، تجاهل متعمّد
عاطفي: حرمان من الحب أو الأمان
سواء بالصوت العالي، الزعيق، السباب، التهديد، السخرية، أو التقليل —
ده أذى نفسي صريح
وملوش أي علاقة بالتعليم.
الطفل اللي بتزعقله
مش بيتعلم احترام
بيتعلم خوف
والطفل اللي بتكسره
مش بيطلع متربي
بيطلع مكسور أو عدواني أو مهزوز..

والأخطر؟
إن الأذى النفسي مش أقل خطورة من الضرب
بل أحيانًا أثره أطول وأعمق
وبيفضل مع الطفل سنين

رسالة لكل مدرس، مدرسة، مدير، ومشرف، أخصائي ، ناني وأم وأب
اتقوا الله في ولاد الناس
الطفل أمانة
مش وسيلة تفريغ عصبية
ولا ساحة لإثبات السيطرة
ولا ضحية لصوت عالي ولسان جارح

واللي حابب يفكر إن “دي طريقة تربية”
يفتكر إن

القانون المصري واضح ولو دي طريقة
تربية مكانوش حطولها قانون

قانون الطفل رقم 126 لسنة 2008
يُجرّم أي شكل من أشكال العنف أو الإساءة النفسية أو اللفظية
ويُلزم المؤسسات التعليمية بتوفير بيئة آمنة تحترم كرامة الطفل الإنسانية..

يعني الموضوع
مش بس أخلاق
ولا ضمير
ده مسؤولية قانونية.🤷‍♀️

واللي مش قادر يتحكم في أعصابه
ولا يعلّم من غير ما يجرح
يبقى مش محتاج فصل
يبقى محتاج يراجع نفسه

التعليم اللي بيكسر مش تعليم
والصوت العالي مش هيبة
والإهانة مش حزم
والتعنيف عمره ما كان تربية

اتقوا الله .. اتقوا الله

مساء الخير
الفترة الأخيرة اتسألت كتير ، -وأنا شخصيا -اختبرت جزء كبير من إحساس الخذلان
فحبيت أوضح كام نقطة ..

الخُذلان مش دايمًا جاي من الناس… أحيانًا جاي من التوقعات

الألم بييجي مش من الفعل نفسه،
لكن من الفجوة بين ما توقّعناه وما حدث فعلًا

فخلينا نفرق بوضوح بين نوعين من التوقعات :
---
🔴 High / Unrealistic Expectations

التوقعات العالية أو غير الواقعية

وهي التوقعات اللي بتتكوّن غالبًا من

احتياج عاطفي غير مُلبّى

تجارب سابقة فيها نقص أو إهمال

أو إسقاط لطريقتنا في الحب، العطاء، والالتزام على الآخرين

المشكلة مش في إنك تحتاج،
المشكلة إنك تفترض إن الطرف الآخر قادر أو مستعد يلبّي نفس الاحتياج

Unrealistic expectations are often born from emotional wounds, not from reality.

في الحالة دي، الخُذلان بيبقى مؤلم جدًا،
لأنه بيصطدم مباشرةً بـ

شعور الاستحقاق العاطفي*
الأمل*
والثقة اللي اتحطت في غير محلها*
The pain is not what they did,
but what we expected them to be.

---

🟢 Realistic Expectations

التوقعات المنطقية

وهي التوقعات اللي بتقوم على

الواقع، مش الرغبة

السلوك المتكرر، مش الوعود

قدرات الشخص النفسية، مش صورتنا المثالية عنه

التوقعات المنطقية لا تعني البرود،
ولا تعني إنك تقلل سقف احتياجاتك،
لكن تعني إنك

تفرّق بين who the person is و who you wish they were

وتبني قراراتك على الأول، مش التاني

Realistic expectations are not about lowering standards,
they are about aligning with reality.

--
ف !
مش كل خُذلان يعني إن الطرف الآخر سيئ
ومش كل ألم دليل إنك اتظلمت

أحيانًا الألم بيكون رسالة نفسية بتقول

إنك توقّعت من شخص أكتر من طاقته

أو استنيت شفاءك من نفس الجرح اللي هو سببلك وجع

Disappointment is a signal, not a punishment.

---
الخلاصة هنا إيه :

التوقعات العالية بدون وعي = إرهاق نفسي مزمن
التوقعات المنطقية = أمان نفسي واستقرار عاطفي

Emotional safety begins when expectations match reality.

اختيارك لتوقعات منطقية مش ضعف
ده نُضج نفسي.
ومش تنازل عن احتياجاتك،
ده احترام لحدودك وحدود الآخرين.

تحبوا نكمل توعية ف الجزء الخاص بالتوقعات والخذلان !!

منتظرة استفساراتكم ..
----

بتوفيق من الله وبجهد دكتورة
Hala Elsaid Sayyah د. هاله السعيد صياح
Rabab Hosien

جزاهم الله عنا كل خير
خلصت
كورس أنظمة الأسرة الداخلية – IFS

وكنا سوا بدءنا رحلة عميقة لفهم العقل بشكل مختلف…
رحلة بنشوف فيها الأجزاء الداخلية، صوت الطفل الخايف، والجزء الغاضب، والجزء المُرهق، والجزء اللي بيحاول يحمي…
وبنتعلم إزاي نسمعهم من غير ما نلومهم أو ندين حد فيهم

رحلة خليتني اشوف نفسي وعملائي بعين مختلفة
قوت نظرة الثقة و زودت الهدوء الداخلي
رحلة تقليل الصراع الاحساس بالتماسك

رحلة بتقوي الثقة بين الاخصائي والعميل
و بتزيد التعاطف و القبول الغير مشروط

رحلة تطور مهارات ال
insight والتحليل .

شكرا دكتور هالة ، شكرا دكتور رباب ♥️
شكرا أسما للصحة النفسية ♥️🌿💛