Grow Academy, Alexandria (2026)

17/09/2023

احتفالية العلوم 🌍
يسر مركز القبة السماوية العلمى أن يعلن عن تنظيم "احتفالية العلوم"🔬للعام السابع عشر على التوالي تحت شعار "رحلة إلى داخل باطن الأرض"🌍🌋🦕 وذلك في الفترة من ٢٠ إلى ٢١ سبتمبر ٢٠٢٣ في ساحة الحضارات بمكتبة الإسكندرية من الساعة التاسعة والنصف صباحا إلى الرابعة عصرا.

نظرا لمحدودية الأعداد فقد تقرر تخصيص فترة صباحية خاصة للمدارس والمجموعات (من الساعة ١٠.٠٠ صباحا إلى ١٢.٠٠ظهرا). للتسجيل فيها يرجى التواصل
والاستفسار، يرجى الاتصال بنا: تليفون: ٤٨٣٩٩٩٩، داخلي ٢٣٥٠- ٢٣٥١- ٢٣٥٥ / واتس آب: ٠١٠١٢٣٠٧٧٧٢ /
البريد الإلكتروني: [email protected]

• وفترتان مسائيتان مخصصتان للأفراد والعائلات؛ للتسجيل، يرجي الدخول على الرابط التالي: https://forms.gle/WoAujbjL1V9v1RVp7

الفترة الأولى، من الساعة ١٢.٠٠ إلى ٢.٠٠ ظهرًا.
الفترة الثانية، من الساعة ٢.٠٠ ظهرا إلى ٤.٠٠ عصرا.

في انتظاركم لقضاء وقت ممتع ومفيد❤️❤️❤️

‎‏ ‏

Scienceforall

13/09/2023

🏃‍♀️🏃‍♂️الطفل الحركي الي عامل قلق لكل الي حواليه 😁

الطفل الي بيحب الحركة و مش بيعرف يقعد كتير ، مش بيثبت في مكانه ، مش بيستحمل قعدة العربية و بيزهق منها و مش بيقدر علي قعدة الكافيهات و بيمل جدا فيها و يبدأ يشد و يجري و يوقع و يكسر ⬇️⬇️⬇️

دا مش طفل قليل الادب🚫
و مش بالضرورة يبقي عنده فرط حركة ⛔

كل ما في الموضوع دا نمط شخصيته ، هو بيحب الحركة 🤷‍♀️ ربنا خلقه كدا ، مالوش اي يد في الموضوع ولا اهله لهم تأثير ، زي بالظبط الطفل البصري ، الي يروح مكان مرة واحدة يفتكره بالتفاصيل و لو عدي عليه سنه او ٢ ، و زي الطفل السمعي لو سمع موضوع يفتكره بحذافيره ، دي طبيعتهم ولا التربية ولا البيئة ليهم تأثير 😏😏

الطفل الحركي دا احن طفل ممكن تقابلوه و ذكي جدا فوق ما تتخيلوا 🥰🥰🥰🥰

الناس بتفتكر عشان بيتحرك كتير و مش بيقعد ف هو مش بيحصل اي معلومة ، دي خرافه ⚠️
بالعكس هو بيقدر يجمع عدد كبير من المعلومات و هو بيتحرك و بيستكشف ، بيشغل كل حواسه وقت تلقي المعلومة و دا الي بيخليه مميز جدا 💎

الطفل الحركي محب جداااا للاحضان او اي تلامس جسدي ، يعني تكسبيه لو حضنيته و لعبتي في شعره ، لو لاعبتي معاه wrist ، تديله الوان يلون بايده ، او تديله سفنجه يلون بيها بدل الفرشة ، اي حاجة ملموسه في ايده حينبسط اوي منها و تفرحه ، و تخسريه للابد لو ضربتيه او تعتديتي علي جسمه بدون حق ☠☠☠☠

طيب الفترة دي صعبة جدااا و النزول و الخروج و انه يفرغ طاقته برا شبه مستحيل ، انا كأم اعمل اية ‼️

• حقولك علي شوية افكار تنفع جدااا الطفل الحركي و تهدية شوية ⬇️

- اولا خصصي وقت كل يوم يلعب فية رياضة في البيت ، لو مش عارفة توجيهيه ازاي ، افتحي ال youtube و ابحثي علي zumba for kids حتلاقي فيديوهات كتير جدااا ، خليه يختار واحد و يعمل زيهم

- خصصي مكان في البيت و حطيله فيه trampoline بتاعت الرياضين بتبقي صغيرة ، ينط عليها و يفرغ طاقته 🤸‍♂️

- هاتيله jumping rope و يتعلم نط الحبل

- ممكن تجيبي العجلة بتاعت ال gym فيه منها للاطفال حتساعد جداااا انه يفرغ طاقته 🚴‍♂️

- ممكن تجبيله حلقة الbasketball الي بتتركب علي اي باب اوضة و يلعب⛹️‍♀️

- و جون بيتباع لوحده و يلعب كوره قدم

- حضريله انشطة في البيت تعليميه كلها يبقي فيه حركة ، زي مثلا تعلميه العد بانه يحدف كور جوا سبت الغسيل و هو بيعدهم

- ممكن تعمليله علي الارض باستخدام اللزق hopscotch ، الي هي لعبه الحجلة او فية ناس بتسميها الاولي الي هي بتبقي مربعات و نرمي زلطة صغيرة علي مربع و نحاول نتفاداه و احنا بنط برجل واحدة .

- لو ساكنة في دور عالي استخدمي السلالم مش الاسانسير.

- لو رايحة اي مشوار و هو معاكي امشيها بدل ما تركبي .

كل الافكار دي حتساعد الطفل انه يفرغ طاقته و يبقي اهدي لمدة من الوقت و الاهم حيبقي مبسوط 🥰

و حطي دايما في الاعتبار انه ميقدرش يفضل قاعد ثابت لمدة طويلة ، ف حتروحي عند الناس او حيجيلك ضيوف و عايزاه يقعد في مكانه ، دا مستحييييييل 🤦‍♀️

و رجاءا لكل شخص ، لما تشوف أم معاها طفل حركي هي اخر حاجة محتاجة تسمعها تعليق سخيف او نقد منك ، دا مش بايديها ان ابنها طلع كدا ، و صعب انها تحجب نفسها عن الناس عشان متسمعش كلمه من حد ، ف يتساعدوها و تلعبوا مع الطفل شوية ، يا اما تسكتوا 🤐🤐

كوتش تربية معتمدة و مدربة تربية ايجابية معتمدة من مؤسسة التربية الايجابية الامريكية و عضو فيها