Learn English with Mohamed Amin

حته عميقة لعشاق الجرامر❤
خطأ شائع جداااااااا ياريت نعرف الصح
لو مدرس سأل الطلاب " يا ترى بنجيب ايه بعد to ؟"
تلاقى الرد بسرعة البرق ،بيجى الفعل فى المصدر يا أستاذ
قصده infinitive

يا جماعة المصدر فعلا اسمه infinitive
بس بيكون كده:
To go / to do /to play
حتى احنا لما كنا صغيرين ، كانوا معلمينا يقولوا انهارده يا ولاد هنتعلم
Verb to be / verb to have / verb to do
فاكريين؟؟!!!
اذن لو هنقول to ، و قولنا الفعل بعدها بيكون فى المصدر يبقى ساعتها حضرتك هتكتب
I want to ( to be ) a doctor
و ساعتها المفروض هتستغرب حتى المدرس هيقولك ايه إللى انت كاتبه ده !!!!!
نفهم بقى 👌
المصدر او infinitive ، إسمه to+ verb
المصدر بدون to ، إسمه base form أو bare infinitive
يعنى بعد كده لو هنقول الشكل الأساسي للفعل نقول :

Bare infinitive or base form

Examples:
**********
I have decided (to buy) a new car.
ده كده اسمه infinitive
My father let me (go) out last night.
ده كده اسمه Bare infinitive or base form
و على فكره فى انواع أخرى للمصدر..بس دى ابسط معلومه و إللى كتييير بيقولها بالخطأ
نستخدمها صح بعد كده بقى❤

I regret.................on this trip. I am sure I won't enjoy it.

1. going
2. to go
3. to going
4. go

كل عام و حضراتكم جميعا بألف صحة و سعادة..عيد سعيد❤

Elephant in the room
ألحق!!!!! بيقولك فى فيل فى الأوضة🐘🐘🐘🐘🐘
ده فى الحقيقة "Idiom" بسنتخدمه لما نقصد إن في مشكله واضحه و كبيره زى " الفيل " كده و الناس متجاهلاها و مش حابين إنهم يتكلموا فيها مع إنها ممكن تتطور و تبقى أصعب.
If you say there is an elephant in the room, you mean that there is an obvious problem or difficult situation that people do not want to talk about.

هو سقراط طلع فيلسوف من شويه😂😂😂😂
"By all means marry; if you get a good wife, you’ll become happy; if you get a bad one, you’ll become a philosopher."
Socrates
إسع للزواج بكل السبل ؛ إذا حصلت على زوجة صالحة ، ستصبح سعيدًا ؛ أما إذا تزوجت بإمرأة (تطلع عينك🤣🤣) ، حينها ستصبح فيلسوفًا..

هو ده بجد؟؟🤔🤔
Birds of a feather flock together.
********************************
الطيور على أشكالها تقع...هو فعلا معناها كده ؟! و بسنتخدمه صح!!!!
طبعا مستغربين إنى حاطط صورة cute لطيور جميله مع بعض🤔🤔🤔🤔...
ماهو إحنا إللى بنوظف القول المأثور ده بشكل غلط
Meaning:
*********
People who are similar (spend time together/ are attracted to each other)
يعنى ممكن نستخدم القول المأثور ده لما نشوف ناس حلوه مع بعض❤

الفرق بين IELTS و TOEFL❤

IELTS:

International English Language Testing System
والمعروف اختصارًا (بالأيلتس) وضع بالتعاون بين العديد من المؤسسات البريطانية والاسترالية أبرزهم المجلس البريطاني وجامعة كامبريدج

TOEFL:

Test of English as a Foreign Language
واختصاره (التوفل)، أيضًا هو امتحان لقياس القدرات اللغوية الإنجليزية، وضع من قبل خدمة الاختبارات التعليمية في جامعة برينستون الأمريكية ليكون الاختبار التعليمي الأول لقياس المهارات اللغوية وفق الإنجليزية الأمريكية

مهم جداااااااأااا❤❤
هتفهم من مجرد القراءة❤❤❤
مش كل ما نتكلم عن مكان، لازم نستخدم where
بنستخدم which لما نكون بنتكلم عن المكان كنوع من الشرح او الوصف...
لكن لما نتكلم عن المكان (عملت فيه نشاط او قعدت فيه)، ساعتها بنربط ب Where ...لازم نلاقى فى كلامنا عن المكان (في أو من او على .....عشان يظهر النشاط)
مثلا :
الإسكندرية هى المدينه إللى اتولدت( فيها) ..

Example:
Alexandria is the city where I was born..
دى الشركه إللى بشتغل (فيها) .
This is the company where I work .
بس نخلى بالنا :
لو كتبنا حرف جر ، ما ينفعش نكتب where ..ساعتها بنستخدم which
نفس المثال إللى فوق
This is the company which I work for *
واخدين بالكم من حرف الجر (for) ؟؟؟؟
عشان كده استخدمنا which
طب كمان مثال:
ده الشقه إللى اخويا اشتراها الاسبوع إللى فات
This is the flat/ apartment which my brother bought last week.
ليه استخدمنا which؟؟؟؟ عشان زى ماقولنا مفيش (فى-من- على ....حروف جر ممكن تظهر نشاط بيتعمل فى المكان)
لكن لو قولنا :
دى الشقه إللى اخويا عايش( فيها) ...واخدين بالكم من ( فيها) دى؟؟؟؟
This is the flat where my brother lives.
و على فكره نفس الشرح بينطبق على when لما نتكلم عن الوقت
Friday is the day when we visit our relatives.
Friday is the day on which we visit our relatives.

Alexandria Stadium ❤