Mr Amr Youssef عمرو يوسف

🌙 رمضان كريم 🌙
أبنائي وبناتي طلابي الأعزاء 🤍
أسأل الله أن يكون شهر خير وبركة عليكم وعلى أهلكم جميعًا،
وأن يجعله شهر نجاح وتفوق وتحقيق للأحلام ✨
اجتهدوا، وخلّوا دايمًا طموحكم عالي،
وأنا دايمًا فخور بيكم 💪📚
كل سنة وأنتم طيبين 🌙🤍
أ/ عمرو يوسف

بسم الله الرحمن الرحيم اللهم عمرة مقبولة يارب 🤲🏻🤍..
أولادي واخواتي الصغيرين وحبايبي تلاميذي ❤️
النهارده جاي أقولكم رسالة صعبة شوية عليّ،
لكن لازم أقولها بقلب مليان حب وفخر بيكم.
الوقت اللي قضيته معاكم كان من أحلى أيام عمري،
ضحكنا، تعبنا، اتعلمنا، ونجحنا سوا
وكل واحد فيكم ليه مكان كبير في قلبي.
سفري للسعودية خطوة جديدة في حياتي،
لكن عمري ما هنساكم ولا أنسى أسماءكم ولا مواقفكم
ولا نظرة الفرح في عيونكم وانتوا بتفهموا حاجة صعبة.
عايزكم دايمًا:
تحترموا نفسكم
تحبوا العلم
تسمعوا كلام أهلكم ومدرسيكم
وما تستسلموش أبداً
افتكروا دايمًا إن النجاح محتاج صبر وتعب،
وأنا واثق إن فيكم معلمين وأطباء ومهندسين محترمين في المستقبل.
هتوحشوني قوي،
بس واثق إننا هنتقابل تاني اكيد انشاءالله ❤❤
ودايماً هفضل فخور إني كنت معلمكم 🤍
ربنا يوفقكم ويحفظكم

معلمكم اللي بيحبكم دايمًا
Mr Amr youssef 🌹

الحمدلله امتحان الصف الثالث الاعدادي جيه سهل وفي المتناول جدا الحمدلله و من توقعات مراجعة امس بفضل الله وكل طلابي ايجابتهم ورسائلهم تفرح..الحمدلله حمدا كثيراًاا
الف مبروك حبايبي وربنا يديمها نعمة وتشرفت بكم جميعا بذلنا جهد ومجهود معا طوال الترم والحمدلله ربنا كلل تعبنا ومجهودنا بالتفوق باذن الله 🙏🏻🥰❤️❤️❤️❤️

أبنائي الأعزاء، طلابي الرائعين،

للأسف وصلنا إلى نهاية رحلتنا هذا العام رحلة عيشنا فيها معًا بحب وبذلنا فيها جهد وتعب ، لكننا كنا دومًا قلبًا واحدًا..
النهاردة لمست منكم محبتكم ليا الحمدلله وانا والله ببادلكم نفس المحبة حبايببي جميعا ولاد وبنات وربنا الحمدلله كلل تعبنا ومجهودنا لحد اخر نفس..

أنا فخور جدًا بكم جميعًا،
حبيتكم كتير اوووي مش قادر اوصف بجد حزني اليوم اني هفتقدكم فترة كبيرة 🙏🏻❤️ . ألقاكم على خير بإذن الله.
يتبقي فقط الصف الثالث الاعدادي وانشاءالله حبايبي تكون نفس نتائج مراحلي الاخري بفضل الله وبعونه 🙏🏻🌹❤️
للأسف عقبال ما جيتلكم من الكنترول ملحقتش اتصور معاكم كلكم لكن في ذاكرتي للأبد والله 🌹❤️

معلمكم المُحب دائمًا، 🌹❤️
{ عمرو يوسف }