كلية اداب اسكندرية قسم علم نفس

جدول السمر كورس

باقى جدول السمر كورس

جدول امتحانات الفرقة الاولى

جدول الامتحانات الفرقة لثانية

مقرر منهج الفلسفة في الجزء بتاع د\عباس :
من ص 13 : 17 ، و من ص 49 : 59 ، و من ص 73 : 106 .

الفرقة الأولى :
محاضرة د\حنان بتاعت يوم 8\5 أتأجلت ليوم الخميس 9\5 الساعة 4:30
و الفصل الرابع في الامتحان الشفوي لحد قبل نظرية التطور

احمد السعيد " نائب رئيس الأتحاد " يتحدث عما حدث من واقعة هزيلة في الكلية :

توثيق :

امبارح بتاريخ 11 - إبريل - 2013
نظم "طلاب كلية الاداب" وقفـة ضد استغلال الطلاب وغلاء اسعار الكتب وضد الظلم بأشكاله والوانه ،
الوقفة بدأت في ساحـة كلية الاداب بسلمية تامـة في ساحة الكلية و طلع حسن السعدي "رئيس قسم تاريخ" اللي سقط نص دفعة رابعة وهددهم فسحبوا الشكوى اللي اتقدمت ليه وشتم اتحاد الطلاب وقال "الاتحاد ع اللي فيه" وقال "جزمتي اشرف من اي طالب" للطلاب قبل المحاضرة يبص من الشباك ويصور الطلاب المحتجيـن ومعاه طالب "رخيص" بيقوله مين اللي محتجيـن تحـــت ...

طلعت الوقفة بعد اللي عمله السعدي لقسم تاريخ ، ووقف طلاب مننا على ممر الدور اللي بيفرق بين حسن السعدي وبين المدرجات ، وهتفنا ضده ، بعد شوية ابتدت تحصل مشادات كلامية بين طلاب قسم تاريخ الفرقـة الرابعـة اللي لا اخجل عن اني اصفهم بالجبناء ، وحصلت مشادات بيني شخصياً وبين ناس منهم ، وكان نص كلامي معاهم "خايفين ليه ؟ ، إنتوا السلطة ودول جايين عشانكم ، منغير طلاب مفيش جامعات" .... الخ الخ الخ
ولما لقيت الحوار عقيم ، وقفت الحوار معاهم لانهم خايفـين .

كنا طالعين قسم جغرافيا ، والهتاف يبقى على أبو زيد ، الدكتور بقسم اجتماع ، وف قسم جغرافيا قابلنا ناس "بيقولو انهم طلبة قسم جغرافيا" مع ان الظاهر مكانش كدة نهائي ، لانهم ابتدوا ييتعدوا علينا "مع العامل" لما طلعـنا بالرغم من اننا طالعـين ناخد حقهم ،

بعد اشتباكات ، نزلنا الناس تحت في الساحـة عشان اللي حصل ، ولان فيه ناس مننا اتصابت كتير ، ومكانش ينفع تنتهي الوقفة على كدة ، فطلعنا تاني قسم تاريخ ، لان حسن السعدي كان دخل المدرج يتكلم معانا ،
رحناله وسابنا اول مرة ومشي لما لقى ناس بتعارض كلامه لانه بيكدب وبيزيف حقائق حصلت قدام عنينا

وبعدها فضلنا نهتف ضده اكتر ، طبعاً ناهيك عن إن "عبيد السعدي" جم حاولوا يضربوا ناس من المحتجين لما قالوا كلام معجبش فخامة الدكتور زي "محصلش ، ومش حقيقي ، ومتقولش لحد هوش" لانه كان بيتعامل مع الطلبة على اساس انهم طلبة ابتدائي مش طلبة جامعيين جوا المدرج

ولما خرجنا وهتفنا تاني حصلت مشاكل كتـير لان كان فيه اشتباكات فرديه حاولنا نسيطر عليها ، لكن الموضوع كان بيكبـر اكـتر ... وبعدين هدينا الدنيا

ودخل فخامة الدكتور حسن السعدي تاني ، ولهجته اختلفت تماماً عن اول مرة جه ، وجه د.أشرف فراج عميد الكلية ، ووكيل الكلية لشئون البيئة والمجتمع "ممدوح التهامي" ، وانتهى الكلام مع حسن السعدي ...

هنا تتحول الكاميرا ناحيـة أنا ، خالد المصري ، د.ممدوح التهامي ، وطالب ماجستير بقسم جغرافيا جنب مكتب حسن السعدي مباشـرة ,,,
لما كان خالد المصري بيتكلم عن ازاي يحصل معانا كدة ، وازاي حد يتعدى علينا مع د.ممدوح التهامي ، فرد عليه طالب الماجستير بيكدبنا ، ويقوله يبني ،
خالد المصري قاله "همة اربع سنين وماشيين منها" رد عليه الطالب قاله :" مين قالك كدة ؟ انا قاعدلكو هنا"

خلصت المشكلة ، نزلنا الناس لتاني مرة ، وهدينا المحتجيـن عشان متقلبش بدموية بعد ما فعلاً ناس اتصابت وناس وقعت وناس اتعورت ...

طلعت أنا وعمر المصري مع العقيد ياسر بعد ما نزلنا الناس واتكلمنا مع الطلاب ، واي طالب خرب او تعدى أو غيره "هيتعرض لعقاب قانوني" والحمد لله ان كل حاجة اتسجلت فيديو وصور الخ الخ الخ ...

انتهى اليوم "باختصار شدييييييييد" ، لكن لسـة ...
سبحان الله المعز المذل
سبحان الله رب العرش العظيم

مش مستغرب من وجود عبيد لحد دلوقتي ، لكن فرحان بوجود احرار
وهنا آية " أَيَحْسَبُ أَن لَّن يَقْدِرَ عَلَيْهِ أَحَدٌ " سورة البلد (آيه 5)

اليوم السابع | طلاب كلية الآداب جامعة الإسكندرية يتظاهرون احتجاجا على النتيجة تظاهر ظهر اليوم الخميس، طلاب كلية الآداب جامعة الإسكندرية ضد عضوى هيئة التدريس، حسن السعدى وأحمد أبو زيد، احتجاجا على نتيجة الفصل الدراسى الأول، متهمينهما بالتلاعب بمستقبل الطلاب وتعمد إرسابهم. تجمع الطلاب بساحة الكلية وهتفوا ضدهما وحملوا لافتات تطالب الإدارة بتغييرهما، منددين بإهانة كرامتهم بعد أن…

هااااااااااااااام بخصوص النتيجة

ايه اخبار الابحاث معاكوا يا شباب !! :)

بخصوص موعد إمتحانات الشفوي وآخر العام
تحدد :
20 إبريل بدء الإمتحانات الشفهية ..
18 مايو بدء إمتحانات آخر العام

حـــــــــصريا النتيجه النهائيه لفرز انتخابات كلية الاداب جامعة اسكندريه
الفرقه الاولى
حصول قائمة تحالف اداب اقوى بينا على 11 مقعد وحصول الاخوان المسلمين على 3 مقاعد

القرقه الثانيه
حصول قائمة تحالف اداب اقوى بينا على 13 مقعد وحصول قائمة تحالف صوت الطلبه على مقعد واحد

الفرقه الثالثه
حصول الاخوان المسلمين على 7 مقاعد وحصول قائمة تحالف اداب اقوى بينا على 4 مقاعد وحصول قائمة تحالف صوت الطلاب على 3 مقاعد

الفرقه الرابعه
حصول قائمة تحالف صوت الطلاب على 13 مقعد وحصول الاخوان المسلمين على مقعد واحد

وبالتالى حصل تحالف اداب اقوى بينا على اغلبية الاتحاد بعدد 28 مقعد
وحصل تحالف صوت الطلاب على 13 مقعد فقط
وحثل طلاب الاخوان المسلمين على 11 مقعد فقط