صفحة الأستاذ ماجد مجدى مدرس الفيزياء الرسمية

30/10/2025

هل فكرت يوم إن الفيزياء حوالينا في كل حاجة بنعملها؟من أول حركة الموبايل في إيدك… لحد دوران الأرض حوالين الشمس 🌞في الفيديو ده هتفهم ليه دراسة الفيزياء مش بس ...

04/08/2024

08/08/2023

اللي يقول لك الفيزياء صعبه او اللي يقول لك ان الفيزياء سهله
كل واحد بيعبر عن تجربته.
فلو سمحت ما تنساش دورك في الموضوع الموضوع كله بيعتمد عليك انت.
ايه اللي انت ناوي تعمله علشان تخليها صعبه او ايه اللي انت ناوي تعمله علشان تخليها سهله.
كل واحد وليه تجربته الشخصيه فما ترهنش مصيرك وحياتك بتجارب غيرك.
واللي ينطبق على الفيزياء ينطبق على اي حاجه غيرها في الدنيا كلها.
عيش حياتك وتجربتك الشخصيه . حول الصعب سهل بالتدريب والممارسه. بالمجهود اللي انت هتبذله.
وفي النهايه الاختبار هو اختبارك انت مش اختبار حد تانى .

06/08/2022

تأسيس مادة الفيزياء
أولى_ ثانية_ثالثة ثانوى لغات _ عربى

17/07/2022

نداء موجه لأولياء الأمور وليس للطلاب .. ..........
لأن أصواتنا قد بحت مع الطلاب ولم ولن يسمعوا لنصائحنا للأسف الشديد اعتقادا من معظمهم أننا ننبههم لمصلحتنا نحن وليس لمصلحتهم هم.........
يا أيها الأب الذي يطفح دم قلبه من أجل توفير المال لابنه في الثانوية العامة
ويا أيتها الأم التي تعاني الأمرين من أجل أبنائها .. .....
انتهى عصر الحفظ .. انتهى عصر أسطورة الفيزيا وعملاق الجغرافيا ومانيتون التاريخ وسيبويه النحو وفيثاغورث الرياضيات و. و. .و ....
بدأ عصر جديد للثانوية العامة ينطلق مع تقديم دوسيه ابنك في سنة أولى ثانوي وليس في سنة تالتة .... لو حضرتك مش مستوعب اطلع على تمريض أو الحق مكان في التعليم الفني بسرعة قبل ما تلاقي ابنك أو بنتك ضايع .. .....
الثانوية العامة بدايتها سنة أوووولى . سنة أووووولى يارب نفهم .. وتكملتها سنة تانية .. سنة تانية .. بالبلدي أهو ... وختامها .. ها؟ ختامها والفنش . الفنش بتاعها في سنة تالتة .. .......
وأنت مدخل ابنك بقى سنة أولى انس بقى تماما الأسماء اللي بتسمعها ترن ف ودانك خالص من المدرسين .. ده مش معناه إنهم وحشين .. لا
هم مدرسين ممتازين بس أعدادهم كبيرة وأنا أنا . أنا بتكلم عن نفسي ( رجب الشيخ ) لو قاعد قدامي عدد كبير ... لاااازم أشتغل شغل تجاري باحتراف .. يعني إيه؟؟؟
يعني سعادتك هشتغل ع الكيف وليس الكم ..
بمعنى؟؟؟
بمعنى إن عاوز أحافظ ع العدد الكبير من الطلبة ده وأخليه يزيد
أول حاجة ملزمة كدة فخمة تملا العين وتخطفك خطف
و٤ أو ٥ مساعدين كيوت وحلوين
وظبط وربط ف المحاضرة وتشديد ع الغياب والواجب والامتحان واتصال بولي الأمر ودنيا حلوة أووووووي
الله ؟؟؟؟ طيب ما كدة فل الفل يا أستاذ؟؟. اصبر يا مسكين اصبر 👊✊ ...كمل كمل يا أستاذ ..
تعال بقى للمهم .. الكيف .. الكيف .. ما تفهمش بس غلط ..
يعني إيه الكيف؟؟
يعني سيادتك هشتغل على كم بسيط من المادة العلمية وهكيف الطالب وهخليه يفهم الحتة دي ويتكيف أووي ويتبسط وأروح رازع سؤال كدة وأطلع من جيبي ورقة بمية والا ب 200 😂
وياخدها الواد العفريت اللي جاوب السؤال ولو فيه دولارات يبقى مية مية 😳😳😳....
وياخد شوية الواجب يروح يحلهم على نفس الشوية اللي كيفته بيهم ..
وييجي الحصة اللي بعدها ياخد الامتحان والله أكبر الله أكبر ما شاء الله الواد والبت قفله الامتحان ربنا يبارك لك يا مستر .. تقولش طارق شوقي اتصل يبشره إنه من أوائل الجمهوربة 😂😂😂....
طيب ما زي الفل أهو 🤔🤔.
وتستمر الأيام والوقت يجري والمنهج واقف ف مكانه مش بيجري ليه؟؟؟
ما هو بقينا ف شهر 3 او 4. صاحبنا خلاص لم لمته وجبرت واتعشت والبدايات دايما مبهرة
بس النهايات مدمرة ..
الكم اللي باقي بقى؟؟؟؟ نعمل فيه إيه؟؟؟
ما هو الكيف ضيع الكم يا فندم يا محترم
الكييييف ( بسبب الأعداد الكبيرة ) ضيع الكم
نعمل إيه؟؟ نجري بقى شوية عشان المنهج لسة مش عاوز يخلص .. كثف يا مستر .. كثف يا مستر وادفع يا أهبل يا عبيط ...
الحل في الأون لاين .. والعبارة ف الشيكارة .. هنعمل محاضرات اون لاين نكمل بيها ..
اجري يا واد واجري يا بت احجز الكود قبل ما يخلص 😂😂😂😂😂. ادفع يا مسكين
الواد بيضيع البت نفسيتها زفت .. المنهج مش عاوز يخلص منك لله يا طارق دمرت التعليم حسبنا الله و .. ونبدأ ندور على شماعة بقى نداري بيها وكستنا التقيلة ..
اتصل بقى بمدرس برايفت عشان يلم المنهج لا مش هنلاقي مدرس برايفت حلو .. أصل طالما وافق ييجي برايفت يبقى على قده ومش لاقي شغل 😂😂😂
ولو لقينا مدرس برايفت شاطر وطلب مبلغ كبير وده حقه بقى ما هو برايفت .. يبقى ربنا ينتقم منهم المدرسين الجشعين خربوا بيوتنا .. 🙆🙆.......
وفي النهاية الطالب ضاع وفلوس أهله ضاعت بسبب الجهل اللي بدأ من سنة أولى مش من تالتة بس .
والطالب بيذاكر ويجتهد بس مجهود ع الفاضي مجهود في الفراغ .. مجهود مش في مكانه .. ....البنت المسكينة اتسخطت ولونها بهت والواد راح م الدنيا يا عيني
ونيجي نلاقي الامتحان بيضرب مدافع وصواريخ عمرنا ما سمعنا عنها ليه؟؟؟
لأنك ضيعت أهم فترة من الثانوية العامة وانت مغيب ومضحوك عليك من مافيا ما عندهاش ضمير .. وبكرر تاني كلامي مش معنى كلامي إن المدرسين دول وحشين .. معظمهم مدرسين عمالقة .. .
بس دول يا عالم بقوا بيشتغلوا على ليفل عالي أووي لانه اتعود على دخل معين لازم يوصل له بأي طريقة اتعود يعمل في السنة ملايين مش هيتنازل عنها وهيحلبك .. وأنت الضحية والبقرة الحلوب المضحوك عليها
طيب ٱيه الحل؟؟؟....
الحل الأول انتظام الطالب في مدرسته من سنة أولى واهتمامه مع المدرس في الفصل ويحاول يستفيد منه على قد ما يقدر ...
ولو مش فاهم من مدرس الفصل
يبقى أشوف مدرس عنده ضمييييير . عنده ضمييير بيحب مادته أعداده مش كبيرة بيشتغل ع الكيف والكم مع بعض .. همه الأول مصلحة الطالب مش الفلوس بيمتحن الطالب امتحانات واقعية مش ضحك ع الدقون حتى لو ابنك بيجيب درجات وحشة ما تقلقش وتروح زي العبيط تخرجه وتدور على مدرس تاني تضحك بيه على نفسك ...
اسمع مني النصيحة واعمل بيها براحتك ما تعملش بيها براحتك بردو أنت حر ..
بس دوري أنبهك واوعيك عشان دي مسؤولية هنتحاسب عليها قدام ربنا .. .....
اللهم إني قد بلغت .. اللهم فاشهد.
.
رجب الشيخ

23/06/2022

physics third secondary
2023