Home > Egypt > Alexandria > Mr Ali Fouad - مستر عليوة

Mr Ali Fouad - مستر عليوة

Mr Ali Fouad - مستر عليوة

Share

Contact information, map and directions, contact form, opening hours, services, ratings, photos, videos and announcements from Mr Ali Fouad - مستر عليوة, Tutor/Teacher, Alexandria.

اتدرب على حل أسئلة الاختيارات والمقالي علم نفس| ثانوية 2026 22/11/2025

لو مبتعرفش تحل اختياري أو مقالي في الثانوية، الڤيديو ده ليك

اتدرب على حل أسئلة الاختيارات والمقالي علم نفس| ثانوية 2026 هذا الفيديو يوضح كيفية حل الأسئلة الاختيارية والمقالية للثانوية العامة وخاصةوالفيديو يعتمد على مادة علم النفس نموذجاً وحل أسئلة متنوعة على المنهج كاملاًلمتاب...

02/10/2025

القلق الاجتماعي واللي منه الخوف الشديد من الإحراج أو النقد في المواقف الاجتماعية، ممكن يخليك تتجنب الكلام في الشغل والمدرسة والدروس والجامعة والخروجات، وكمان لو عندك عرض تقديمي هتبقى متوتر جداً ومرعوب إنك تتكلم قصاد الناس..🥹🥹
افتكر إن كل مهارة بتيجي بالتدريب، سواء كنت طالب او مدرس أو مدير أو شخص بيتعامل مع مجموعة من الناس عموماً، وأي حد جامد كان في البداية خيبة خالص ومتوتر أكتر منك..
🥸إزاي تساعد نفسك لو عندك عرض تقديمي أو هتتكلم قدام الجمهور؟
- جهز الموضوع كويس وذاكره وجهز أنشطة في النص تخلي الجمهور يتفاعل معاك.
- ركز مع نبرة صوتك امتى يبقى عالي أو واطي أو متوسط
- ركز مع حركة جسمك وتعبيراتك مع الكلام
- وزع نظرك على الجماهير متبقاش باصص في جانب واحد بس
- ممكن تبدأ المحاضرة بقصة عارفها كويس أو مثال، أو سؤال للجمهور فبدل ما تتوتر أنت هما اللي يتوتروا..
- اتمرن واشرح لصحابك مثلاً قبلها عشان يقولولك رأيهم ونصيحتهم..
- ممكن تلجأ لمواقع ذكاء اصطناعي تساعدك في وضع نشاط يحفز الناس، أو مثال أو قصة تجذبهم أو فكرة تطبقها في النص لكسر الملل..
🤷‍♂️إزاي المتخصص يساعدك:
- في ناس بتقدم دورات تدريبية في مهارات التواصل والعرض
- لو أنت أصلاً عندك اضطراب القلق فممكن تلجأ لمعالج نفسي
•
•
•
•
• #فلسفة

02/10/2025

مش كل طفل بيتحرك كتير يبقى "فرط حركة".

إنما لو ابنك مش قادر يركز، بينسى بسرعة، بيتنقل من حاجة للتانية بسرعة وعشوائية، ومندفع بدون تفكير.. ممكن يكون عنده اضطراب فرط حركة وتشتت انتباه (ADHD)...

فرط الحركة هو اضطراب نمائي عصبي بيظهر في الطفولة قبل سن 12، يعني مش لما يكبر شخص فجأة يبقى عنده فرط حركة، لازم يكون كان عنده من الطفولة..

وله 3 أشكال: إما الطفل يصاب بتشتت انتباه فقط، أو فرط حركة فقط، أو النمط المشترك بين الاثنين..

أسباب الـ ADHDمش محددة بشيء واحد لكنها بترتبط بعوامل وراثية، وخلل في النواقل العصبية المرتبطة بالتحكم بالانتباه والسلوك.

بالإضافة لمشاكل الحمل من تعرض الأم للسموم والتدخين، ونقص الأكسجين في الحمل، ونقص وزن الجنين.

إلى جانب مشكلات نفسية كعوامل بتساعد في ظهور وتفاقم الاضطراب زي الحرمان النفسي والاجتماعي وإلى جانب دراسات لقت تأثير للتعرض للشاشات سواء موبايل أو غيره كوسيلة ترفيه ( بتقلب في فيديوهات وألعاب وغيره طول اليوم) عامل بيعمل مشكلات في انتباه الأطفال وسلوكهم وحركتهم..

✅ إزاي تساعد نفسك وابنك في البيت:
• رتّب له جدول واضح وبسيط.
• كافئه على السلوك الإيجابي والإلتزام فورًا.
• قلل وقت الشاشات سواء موبايل أو تابلت أو تليفزيون..
• قلل سكريات وأكلات مليانة طاقة، وملونات صناعية، وكافيين لأنها بتديله طاقة أكتر هيحتاج يحرقها وهو أصلاً حريقة لوحده..
• قلل كذلك أكل الشارع والدهون لأنها مرتبطة بسوء التغذية وبتأثر على الصحة بشكل عام.

✅ إزاي المتخصص بيساعد:
• جلسات تعديل سلوك.
• أدوية منشطة لتحسين الانتباه (Stimulants) أو غير منشطة حسب الحالة.
• وضع خطة علاجية وفيها تدريب للوالدين.





#فلسفة

27/09/2025

شاري محل 20 متر، وواخد 20 متر تانيين من الشارع حاطط فيهم بضاعته..
- يا ترى الفلوس اللي بيكسبها لما بيبيع المنتجات اللي فارشها خارج المحل دي فلوس حلال ؟
وفقاً للدين: فالمال اللي بتكسبه من وراء بضاعة معروضة على الرصيف فيه شبهة، لأنك استغليت ( الرصيف) وده ملكية عامة للكل ليك لوحدك بدون وجه حق..
وفقاً للقانون فأنت مفيش في ملكية المحل أو الكافيتيريا بتاعتك بند يخص حقك في امتلاك جزء من الشارع واستغلاله والتربح منه..
وزي ما مش من حق حد يوصل سلك ويسرق كهرباء، مش من حقك تسرق قطعة أرض مش ملكك عشان تستغلها لصالحك..
الموضوع فيها نقاش كتير- عشان كده في مساحة تقولونا رأيكم في المشكلة دي ..




#فلسفة

Claim ownership or report listing
Want your school to be the top-listed School/college in Alexandria?

Click here to claim your Sponsored Listing.

Location

Alexandria

Category

Tutor/Teacher

Culinary Team

Attire

Telephone

+201114381120

Website

Address


Alexandria