إتقان _ Itqan

18/06/2020

هل كل اللى بيتقالك صح ... ولا مش شرط (حقولك بس اصبر)
تفتكر مين اللى ممكن يقيم امكانياتك (حتعرف برده.)

انت أعظم مما تتصور...

طالب في جامعة كولومبيا نام في محاضرة رياضيات غصب عنه وصحي على صوت الطلبة لما المحاضرة خلصت .. لقى الدكتور كاتب على السبورة مسألتين .. قال دول أكيد مسائل الواجب ونقلهم في كشكولة عشان يروح يحلهم .. ولما روح حاول يحلهم لقاهم مسائل صعبة جدااااااا .. بس فضل يحاول ويحاول ويروح المكتبة يجيب مراجع ويدور ويبحث لحد ما قدر بالعاااافية يحل مسألة واحدة منهم بس .. في المحاضرة اللي بعدها لقى الدكتور ما سألش على الواجب .

فقام وسأله: يا دكتور حضرتك ما سألتش على مسألتين الواجب بتوع المحاضرة اللي فاتت اللي كتبتهم على السبورة في آخر المحاضرة فالدكتور قاله: واجب!! .. دول ما كانوش واجب .. دا أنا كنت بضربلكم أمثلة على المسائل الرياضية اللي عجز العلم عن حلها ..

اندهش الطالب وقاله: بس أنا حليتهم !!!!
واتعلق حل المسألة في جامعة كولومبيا واتعرفت باسمه لحد النهارده !
الطالب ده حل المسألة لسبب واحد بس .. إنه ما سمعش الدكتور وهو بيقول (مفيش حد عرف يحلها) .. أقنع نفسه إنها لازم تتحل.
😃
إنجاز جورج الأكبر لم يكن حله لتلك المسألتين فقط ولكن في اختراعه للبرمجة الخطية Linear programming تلك الطريقة التى ساعدته فى التوصل للحل المعقد.
قصة العالم جورج برنارد دانتزغ
>> بلاش تسمع كلام حد يقولك ( مش هتعرف )
>> بلاش تقول لنفسك (مش هعرف) .. جرب الأول وبعد كده احكم اذا كنت هتعرف ولا لأ مش يمكن 😉😅
#منقول

أنت من تقيم قدراتك لانك أعظم مما تتصور

19/01/2019

الكنز المجهول فى Google !
أسرار بسيطه بنكتبها واحنا بندور هنوصل الى احنا محتاجينه بكل ببساطه :

1- السر الأول (+)
نستخدم + لما نحتاج ندور على حاجتين مع بعض
- مثال :
Computer+internet
eat + drink

2- السر التانى (-)
نستخدم - لما نحتاج ندور على كلمه معينه مرتبطه بكلمه تانيه بس احنا محتاجين الكلمه الاولى بس
- مثال :
Green - burger
كده هيدور على green بس ومش هيظهر اى حاجه عن burger

3- السر التالت ( " " )
نستخدم " " لما نحتاج ندور فى المواقع على جمله مترتبه
- مثال
" i use facebook "
كده هيدور على كل المواقع الى فيها الجمله ده بترتيب الكلام بالظبط

4- السر الرابع (OR)
نستخدم OR لما ندور على كلمتين فى بس مش مش يكونوا مع بعض
- مثال
Eat or Drink
كده هيدور على المواقع الى فيها eat ومش شرط يكون فيها drink وبرده هيدور على المواقع الى فيها drink ومش شرط يكون فيها eat

5- السر الخامس :site
بنستخدم :site لما نحتاج ندور موضوع داخل موقع معين
- مثال
messi Site:Facebook.com
كده هيدورلك على كلمه messi فى موقع الفيس بوك

6- السر السادس (*)
نستخدم * لما نكون بندور وناسين كلمه من الى احنا بندور عليه
- مثال
how to * football
كده هيدور على كل كل جمله فيها التلات كلمات دور واكيد هتلاقى الى انت كنت بدور عليه

7- السر السابع +time
بنستخدم الامر ده + time لما نحتاج نعرف الوقت فى دوله معينه
- مثال
Time + England
كده هيجبلك الوقت فى انجلترا

8- السر الثامن Info
بنستخدم info لما نحتاج نعرف معلومه عن موقع معين
- مثال :
Info : www.twitter.com
كده هيطلعلك كل المعلومات عن موقع تويتر

31/12/2018

في فيلم Focus البطل وَيْل سميث كان بينصب علي ملياردير

ويل سميث راهن الملياردير أنه يبص علي ملعب مليان لعيبة والملياردير ده يختار رقم اي لاعب ف الملعب و ويل سميث حيقول رقم اللاعب اللي الملياردير اختاره من غير ما يعرف اختياره!

(أنت متخيل حد بيراهنك انك تبص ع ملعب فيه كل لاعب لابس تي شيرت برقم مختلف ويراهنك أنه هيقولك ع الرقم اللي انت بصيت عليه !)

ويل سميث وهو بيشرح ازاي كسب قال انه كرر للملياردير رقم 55 اكتر من سبع مرات خلال اليوم
مره علي باب الاسانسير ومره مكتوب علي جدار في الفندق ومره علي ضهر مشجع في الشارع و هكذا

الفكره أن ويل سميث كان بيملي عقل الملياردير الباطن ب رقم 55 عشان وقت ما يحب يراهن عقله علطول يستدعي الرقم ده

دا حرفيا اللي بيحصل معاك و معايا

عقلنا الباطن بيتملي ب اللي بنشوفه وبنقراه و افكارنا هي انعكاس للي موجود في عقلنا الباطن فتلاقي واحد بيقولك انا مش لاقي شغل والدنيا مقفله ومحدش بيشتغل غير بوسايط، وتلاقي حد بيقولك انك مهما اجتهدت في شغلك عمرك ما هتوصل او مديري و شركتي و غيره من الأفكار السلبية دي!

هما بيقولوا كدا عشان عقلهم الباطن مليان ب ناس بتنقل ليهم بشكل غير مباشر أن مفيش شغل وان المجتهد مالهوش مكان و ان المشكلة في أطراف تانية...

ف نصيحه "إهرب" من الناس السلبيه اللي دايما بتملي عقلك الباطن ب المشاكل والفشل واليأس
خلي عقلك الباطن مليان ب ناس بتديك أمل عشان وقت ما عقلك الباطن يستدعي مشهد معين يستدعي مشهد فيه أمل!

24/12/2018

تعرف ايه عن أطلانتِس⁉.... اللى ترعفه كوم واللى حتعرفه كده كوم تانى😲

( كَانت أُمة عظيمة ، تستوطِن جزيرة عِملاقة ، كانت أراضيها غَنية بـ كُل شئ .. ويعيش شعبها فِي رخاءٍ دائم .
وفي مُنتصف الجزيرة يوجد قصر يكشف المدينة كُلها ،

_يوجد في وسط الجزيرة سهل يقال أنه أجمل من كُل السهول ❤
وبالقُرب من هذا السهل هُناك تَلٌ لا مثيل له .

و حول التل هُناك حلقتان من الأرض و ثلاثة بحار .
=وفيها جدار من الذهب ليمنع دخولْ الناس ، :)
.
وهناك نَبعان أحدهما بارد و الأخر حَار .. يجريان بـ غزارة ولا ينضبان أبدا ،
وقد أُلحِقَ بِهمَا حمامات دافئة لـ الملوك و العموم و النساءْ . ❤.

وعلي الحلقات الخارجية من الأرض هُناك موانئ للسفن ، مُحاطة بمنطقة سكنية تنبُض بالحياةِ لَيلَ نهار . :) ❤

_وفي الداخل كانت هُناك السهول الخِصبة ، التي تُعطي ما لَذ وطاب من خيرات الأرض من جذور و أعشاب و أشجار و أزهار و ثِمار . 🌸
وكُلْ ذَلك كان تَحت الشمسِ الدافئة ...
كَان يحكُمها عَشرة #ملوك 👑 ، يجتمعونَ كل خمس سنوات للتشاور في شئون الحُكمْ و إقرار العَدلْ .

=قوتهم العسكرية لا تُضاهيها قوة .
_تقدمت جيوشهم شرقًا فاستولت علي شمالْ قارة أفريقيا ،
و إتجهوا جَنوبًا فأستولوا علي جنوب أوربا حتي حدود اليونان .
كانوا يحكمون جزيرتهم المَركزية و عدة جُزر آخرى ....
زُينت الجزيرة بالعاج .. و زُرعت فيها الأشجار العجيبة و الأزهار .. و أُقيمت الصهاريج و أنتشَرت القُصور والمباني العظيمة ، التي كانت مبنية بالأحجار المُلونة .. البيضاء .. و الحمراءْ .. و السوداء ...
فيها مَعبد مُغطي كُله بالفِضة ، وفي داخل المَعبد تمثال عملاق من الذهب الخالِص ، يقود عربتُه التي يَجُرها سِتة ُجنحة ..

وتُحيط بِه مائة حُورية من حُوريات البَحر . ❤


وهذا التمثال له شأنٌ عظيم من الضخامة ، حيث كان رأسه يلامس سقف المَعبد ..

_وخارج المعبد كانت تقوم تماثيلْ ذهبية لـ الملوك العَشرة و زوجاتهمْ ...
عُمِرَت أطلانتِس و كَثُرت سُكانها ، و جُنيَ الحصاد الوفير .. وكَثُرَ التعدين عبرَ أرجائها الفَسيحة ،

ذهب و فضة و نحاس و معادن ثمينة ،

غِنى فاحِش .. تَرف كبير يكشف عن كُلْ شئ !!

وفي يومٍ و ليلة
_غَرق شعبها فِي الفساد في آواخِر أيامهمْ !
_فَحل عليهم الدمار !!
_غَرقوا جميعًا !!
_إختفَت ... ... ... ... و إنتهَت ! )

# دَه كان جُزءْ من الوَصف اللي حَكاهْ أفلاطُون عن جِزيرة أطلانتِس . 😄
.

= أهلاً بيكُمْ . 😃😃
.

_علي مَر السنين و الأجيالْ كانت كلمة أطلانتس بتتردد علي آذان الجميع ،
كُنا بنسمع قصتها بس ماكُناش عارفين هَل هي حقيقة ، ولا مُجرد حدوتة بيحكوهالنا قبلْ النُوم . :)

_أطلانتِس المدينة الفاضِلة ،
جَنة الأرض . :) 🌸
اللي بيتَطَلع ليها البَشر عشان يعيشوا في عَصر ذهبي ،
عشان ينعمُوا بـ خيراتها ..
أطلانتِس أرض الأحلامْ . ❤

# خليني بَقي أجيبلك الموضوع من الأولْ خالِص . 😃
من 2500 سَنة فاتُوا .
أول مَرة ذُكرت فيها كلمة أطلانتِس في حياة البشر ،
كانت علي يَد الفيلسوف العظيمْ "أفلاطُون" ...


( الفَــــقـــــرَّة الـأوُلــــــــــــــــــــــــى )


أفلاطون كَتب مُحاورتين مشهورين أوي ليه ، واحدة إسمها (تيماوس) و التانية إسمها (كريتياس)
وحكي فيهم عن قَارة إسمها أطلانتِس كانت موجودة من 11500 سَنة . 😄


وحكى عن الشعب الأطلسي العظيمْ ، وعن حضارة أطلانتِس أعظم حضارة عرفتها البشرية من حيث التكنولوچيا و العلوم و العمارة و الهَندسة و #الفَلك !

و وصفها و صف دقيق جدًا ، أفلاطون وَصَف المدينة و مبانيها و ألوانها و شعبها وتضاريسها و مساحة القارة بالظبط ، وحتي لما وصف السور الخارجي للمدينة قال هو كان كام متر بالظبط !
وصَفها وصف حَي . ❤

وقال في المُحاورات بتاعته ، إن سبب معرفته بـ أطلانتس هو

_إن فيه شخص إغريقي إسمه (صولون) زار مصر سنة 590 قبل الميلاد .
والكهنة المصريين [الفراعنة] حكوله عن قِصة القارة اللي غِرقت من 9000 سنة قبل وجود حضارة الفراعنة أصلاً ..
والقارة دي إسمها أطلانتِس ، وحكوله كل شئ عنها بالتفصيلْ المُمِلْ ..

وعن مكانها :

في المُحيط الأطلنطي ..

وبعدها إنتقلت القِصة شفاهيةً لـ (كريتياس) و صديقُه الفيلسوف (سُقراط) اللي قعدوا مع أفلاطون .. و سردوله قِصة أطلانتس .


وبعدها قرر أفلاطون إنه يكتب قصة أطلانتس في المُحاورات بتاعتُه .
واللي أكِد فيها بدل المَرة ألف 😃 إن أطلانتِس حَقيقة !

# و لو موضوع تأكيده بدل المرة ألف ده مش حاجة مُدهشة بالنسبالك ،
فأسمحلي أقولك إنها حَاجة مُدهشة فُوق ما تتصور . 😃

# لأن من عادات أفلاطون في الكتابات بتاعته إنه كان لما بيتكلمْ في موضوعٍ ما أو يكتب قِصةٍ مَا .. كان بيسيبها عايمة . 😃


يعني مكنش بيحدد هي حقيقة ولا خيالْ !
_كان بيحَير الناس معاهْ . 😃💃

لكن في قصة أطلانتِس ،
أفلاطون كان حَريص جدًا في القصة دي بالذات إنه يكون #مُنصِف ليها ، و أكِد أكتر من مَرة إنها حقيقة ...

المُدهش إن عُلماءْ و مُفكرين كبار لا يُستهان بِهم ، زي سُقراط و كريتياس و أفلاطون ،
كلُهمْ أكِدوا علي صِحة القصة ..
وقالوا نصًا " إنها حقيقة رَغم غرابتها ! "


( الــفَـــــقـــــرَّة الــثـــانِـــــيَـــــــــــــــــــة )


_دِلوقتي الدليل المَادي الوحيد اللي فـ إيد البَشر بخصوص مَوضوع أطلانتِس ، هي كتابات أفلاطُون بَس ! 😃
والكلام اللي حكاهْ .

_و العُلماءْ إنقسموا فَرقين ،
فَريق مُؤيد و فريق مُعارِض ..

_فَريق بيؤكِد إن قارة أطلانتِس حقيقة و مسيرنا في يوم هنوصلها ، حتي لو تَحت المُحيط . ❤

_و الفَريق التاني بيقولوا للفريق الأولانِي .. يا مجانيييين يا معاتيييهْ 😃 أطلانتس دي مُجرد حدوته قالها أفلاطُون عشان يسرح بينا 😃 .. .. أطلانتِس مُجرد أسطورة . ✋

المُهمْ فِضلوا يتخانقوا مَع بعض ، لحد مَا حصلْ حاجة غيرت مَجرى التاريخ تمامًا .. .. .. .. .. .. .. حصلِت مُعجزة !!

# # مَـــديــنـــة طــــــروادة :

ومِين فينا ما سمعش الإسم ده .

قصة مدينة طروادة إتذكرت لـ أول مرة في ملحمتين مشهورين جدًا إسمهم (الإلياذة) و (الأوديسة) سنة 850 قبل الميلاد . 😄

ودي كانت حاجات أسطورية ،

و إتحكى فيهُم عن قصة المدينة #الحصينة طروادة ، اللي الإغريق حاصروها لمدة 10 سنين ، وما عرفوش يقتحموها . 😃

_لحد ما ما الإغريق إبتكروا موضوع حُصان طروادة اللي كُلنا سمعنا عنُه .. وبالفعل إقتحموا المدينة !
و إتذكر في المَلحمة مكان مدينة طروادة .. و إتذكر أحداث القصة بالتفصيلْ ،

وبدون ما نخوض كتير في أحداث القِصة ،

طروادة فِضلت مُجرد أسطورة لـ سنـييييـن طويلة ،
وفضلِت بردُهْ #مُجرد حدوته بنسمعها قبلْ النُوم ..

لحد ما جيهْ عالم ألمانِي إسمُه (هِنري شليمان)
و فِضل يبحث عن مدينة طروادة سنين طَويلة !

وكل الناس إتهموه بالجنون و العَته 😃
وقالوه طروادة مُجرد أسطورة ..

لحد حلول عام 1871 م

أعلن (هنري شليمان) عن إكتشافُه لـ مدينة طروادة !!

في مكان إسمه "هسيارليك" موجود شمال تُركيا .
وده نفس المكان اللي ذُكر في الرواية زمان !
أو في الأسطورة كما يُسميها البَعض . :)

وفعلا عن طريق الأقمار الصناعية ، المُجتمع العلمي بأكمله إتأكدوا إن كلام (هِنري) صح !
و إكتشفوا المدينة بـ كل تفاصيلها ،
و إكتشفوا إن فعلاً كان فيه حَرب قامت في المكان ده في يوم من الأيامْ !!

وكانت صَعقة للعالم كُله ...
.
.
.

# # قَـــــصـــــــــر التِـــــيـــــــهْ :

_علي نفس نهج طروادة بالظبط ،
قصر التيه كان مُجرد قصر (أسطوري)

بيتحبِس فيه الأشرار الوحشين . 😃👿

وكان المُفكرين و العلماء شايفين إنه من دَرب الخيال و الأساطيييير ،

وكانوا بيقولوا لـ المُؤمنين بـ وجوده :
قَصر تيه إيه يا ولاد التِـييييـهْ . 😃😃

وبعد مرور سنوات .
العالمْ الأثري (إيفاتز) أثبَت وجود القصر فِعلاً !!
و أظهرُه للعالم كُله ...
وحول قصته من أسطورة لـ واقع مَلمُوس . :)
و أذهل المُجتمع العلمِي .


# # طَبعا إنتَ نسيت إحنا كُنا بنتكلم في إيه ، 😃

_إحنا كُنا بنتكلمْ عن قارة أطلانتِس ،
والمثالين اللي ذكرتهوملك دول (طروادة - و قصر التيه) غيروا نظرة العالم تجاه .. اللي كُنا بنتعامل معاه دايمًا علي إنه مُجرد أسطورة !
وخلاهم يعيدوا حساباتهُم من تاني .

و إتغيرت أخيرًا نظرة العالمْ تجاه #أطلانتِس المفقودة . ❤

و خلت العُلماء ما يستهونوش بكلامْ أفلاطُون ،
خلتهم يعيدوا نظر ..
وخلتهم يبدأوا في رحلات البَحث و الكشف ...


( الفَـــــقـــــــرَّة الـثَــــــــالِــــــــــــــثــــة )


مِش قادر أوصفلك أد إيه المُجتمع العِلمي إهتم بالموضوع دَهْ بَعد الموقفين اللي فاتوا !!

و دلوقتي هنلخص جهود البشرية في موضوع أطلانتِس إلي شِقين ،

شِق قائم علي المَنطق والحِس 😌 .... و شق الأدلة و البراهين المادية . 📖

في البداية هنبدأ بـ الجُزءْ القائم علي المنطق و الحِس :

في عالم إسمه (فوليتر) كان بيقولْ :

[ إذا لم تكُن أطلانتِس موجودة ، فَيجب أن نخترعها 😃 ]

هُو مش بيهزر ولا بيقلش ، 😄
هو بيتكلم في مفهوم راقي جدًا ،

_لأنه خلال بَحثهم في الحضارات و الشعوب ، إكتشفوا حاجات غريبة جدًا جدًا ، مالهاش أي تفسير غير تفسير واحِد بَس ،
# إن العالمْ قديمًا كان بيمتلك معرفة علمية بطريقة تفوق خيالنا 😃 .. وبالإضافة لـ معرفتهم الخيالية لـ الفلك !!

وعلى سَبيل المثال :

* الحضارات القديمة كانت عارفة كوكبة نجمية إسمها (كوكبة صليب الجنوب)
اللي إحنا ما وصلناش لمعرفتها غير بعد صناعة التيليسكوبات الحديثة . 😃
وده كان شئ غريب جدا جدا جدا ، ومالوش أي تفسير .

* إكتشفوا معابد في (المايا) ،
إتجاهات المعابد دي بتشير لـ إتجاهات شروق و غروب كوكب الزُهرة !!
وكأن المعابد دي إستخدموها كـ مرصد فلكي في يوم من الأيام ! 😃

* حضارات كتير قديمة حكوا تفاصيل دقيقة جدًا عن نجم إسمه (سيرس) المعروف بـ (نجم الشعرى)
زي إنه عنده تابع بيلف حواليه كل خمسين سنة . 😃
والحاجات دي تم إكتشافها حديثًا سنة 1970 م 😄

* العالم الفرنسي (بيري هاليت)
زار قبيلة بدائية جدًا إسمها (قبيلة إيتوري) لاقاهم بيلَقبوا كوكب زُحل بـ إنه الكوكب ذُو الأقمار التسعة !
وفي الوقت ده إحنا كـ بشر مكنش عندنا أي معلومة عن الأقمار بتاعت كوكب زُحل ! 😃
لحد ما تم إكتشاف أقمار زحل في العصر الحديث سنة 1966 م
وطلعوا تسعة . 😃
_طب الناس البدائية دي جابوا الكلام الخطير ده منين ؟؟
=الله و رسوله أعلمْ . ☝

* في عام 1940 م إتنين عُلماء من فرنسا ( مارسيلْ جربولي) و (جيرمان ديترلين) عاشوا فترة وسط قبائل إسمهم (شعب الدوجون) والقبائل دي عبارة عن ناس غلابة عايشين في الصحرا . 😃

_الكهنة بتوع القبائل دي قالوا لـ العلماء ، إنهم عندهم علم ورثوه عن أجدادهم ، مُتعلق بـ أحوال الكون !
و رسمولهم الحلقات اللي بتدور حوالين كوكب زحل بشكل دقيق جدًا !
_وقالولهم إن مجرة درب التبانة شكلها حلزوني !!
الكلام ده سنة أربعين يا مؤمن . 😃

ودي حقيقة فلكية لسه عُلماء الفلك عارفينها حاليًا في أواخر القَرن ده . 😃😃
ومكنتش معروفة قبل كده ..

# كل دي حاجات خلت العُلماء يوجهوا تفكيرهم تجاه تفسير واحدة .

ألا و هو إنه في يوم من الأيام ،
=كان موجود علي وجه الأرض حضارة عظيمة جدًا !
حضارة مجهولة ،
تفوقت في العلوم و التكنولوجيا أكتر مِننا إحنا شخصيًا . :)

وعِلمُهم إنتشر في جميع بقاع الأرض .

(( والله سواء كانت الحضارة دي هي أطلانتِس فعلا ... أو حتي حضارة تانية غير أطلانتس ، :) ))

ده ما يمنعش من إننا #مُتأكدين بإنه #كَان مَوجود حضارة بشرية ذكية بطريقة مُلفتة ، علي كوكبنا في يوم من الأيام .

إتوجدت ... و إختفِت ،



وده كان الشِق المَنطقي . :)



( الــــفَــــقــــــــرَّة الــــرَابـــــــــعــــــــة )


بالنسبة لـ شِق الأدلة و البراهين المادية علي وجود قارة أطلانتِس . 😃❤

المُجتمع العلمي إهتم بـ موضوع البحث عن أطلانتِس لـ درجة تفوق الخيالْ !

# لدرجة إن هتلر 😃 أثناء الحَرب العالمية ،

ساب الحرب و خصص فريق غَواصات تبحث عن مَدينة أطلانتس ! 😃
_بسبب هَوس البَشرية للوصول للمدينة الفاضِلة . ❤

المهم إن العالم كُله بدأ يبحث ، ، كل دولة علي الكوكب بذلت مجهود في البحث عن أطلانتس في أرجاء المُحيط ..

== وخليني ألخصلك الأدلة المادية اللي وصلولها في مجموعة من النِقاط :



# فيه دليل قوي بيثبت إنه كان في الماضي موجود قِطعة عظيمة من الأرض اليابسة في قلب المُحيط الأطلنطي .
بتقوم بدور ، أو قنطرة بين القارات التلاتة (أفريقيا و أوروبا و أمريكا)

بسبب وجود تشابه غريب 😃 في الحضارات القديمة اللي كانت موجودة في التلات قارات دُولْ !

_عندهم نفس المعرفة الفلكية بالظبط !!

_عندهم نفس المُعتقدات الدينية ! 😃

_الأغرب ، وجود نفس الحيوانات و النباتات في التلات قارات المُختلفة !
مع إن العلوم الطبيعية بتثبت إن مش هي دي البيئة الطبيعية للحيوانات و النباتات دي !
يعني ربنا ما خلقهاش في المكان ده . 😃
و إنتقلت بـ طريقة مَا ! خلال جِسرٍ ما ، من قارة لـ قارة !

_ده حتي فيه تشابه في الأبنية و المُنشأت الضخمة في الحضارات القديمة .. اللي بيفصلها عن بعض ملايين الكيلو مترات من المساحات المائية في المُحيط !

إذًا لازم يكون كان فيه أرض بمثابة جسر ربطت القارات دي ببعض في يوم من الأيام وخلت بينهم تواصل ..


# فيه كتاب إسمه (التاريخ الطبيعي)
الكتاب دَه كَتبه عالِم إسمه (آلدر) سنة 77 بعد الميلاد 😃
وذكر في الكتاب إن فيه أرض إختفت بشكل غامض ، وموقعها في بَحر (أطلس) اللي هو المُحيط الأطلنطي حاليًا . :)


# الباحث (يورجين شبانوت) إكتشف في إحدي قُري صعيد مَصر ، وثيقة فرعونية !
بتحكي عن قارة إختفت و إختفى أهلها وراء الشمس . :)
و الوثيقة دي موجودة حاليًا في مكتبة الفاتيكان ..

# وفي العراق في مدينة إسمها (أور)
إكتشفوا وثيقة مكتوبة علي ورقة ذهبية ، بتحكي عن قارة فُقدت و إختفت تمامًا من الوجود .

# ندخُل في الجَد بقي . 😃✋

في عام 1968 إكتشف إتنين من الطيارين المدنين ، جزء بارز من أبنية حجرية في المُحيط ،
وبعد ما الخبر إنتشَر ، وبدأ الخُبراء و المؤسسات العلمية يبحثوا .
_إكتشفوا مُنشئات ومنحوتات حجرية ،
وجزء من جدار حجري ضخم ، و بقايا هرم في قاع المُحيط !! 😃


# سنة 1975 إنطلقت بعثة من روسيا إسمها (بوسيديا 75) بـ رئاسة دكتور (ديفيد ريك)
إكتشفوا مباني حجرية 😃 و طريق حجري مرصوف في قاع المُحيط شمال منطقة كُوبا .

# الحكومة الفرنسية ارسلت غواصات إسمها (أرشميد) تابعة للأسطول الفرنسي ،
إكتشفوا مجموعة متواصلة من درجات السلالم المنحوتة . 😃
والمُدهش جدًا إنهم لما خرجوا عينات من الأحجار دي لـ اليابس و حللوها .
إكتشفوا إن أنواع الحِجارة دي مش تابعة لأي جزيرة أو أي بلد قُريبة من مكان الإكتشاف . :)


# كُلها حاجات مُتفرقة ...
قد يكون جرفتها أمواج المُحيط عبر آلاف السنين ، بعيدًا عن مكانها الأصلي ،


محدش إكتشف مكان أطلانتس ، لكن إكتشفوا آثار و بقايا مُتفرقة ، بتديهم يقين علي وجودها في مكانٍ ما !

لو حطينا موضوع مَعرفة القبائل البدائية لـ الفلك و العلوم بشكل دقيق و مُذهل يفوق الوصف ، (ودي حاجة محدش لاقيلها اي تفسير منطقي)
بجانب موضوع المُنشئات و بقايا المباني اللي إكتشفوها في قاع المُحيط .
ولو ضيفنا ليهم المعلومات والكلام اللي أفلاطون قالُه ..

كده الرؤية هتكون واضحة تمامًا . :)

في حضارة مُتقدمة كانت موجودة علي كوكبنا في يوم من الايام وبقايا مبانيها موجودة في قاع المحيط ..

والحضارة دي أطلانتِس .


(( الــــفَــــــقــــــرَّة الأخِــــــــيـــــــــرَة ))


أصبح التَطلُع لـ إكتشاف أطلانتس مؤخرًا مش بَس لـ مَجرد التمتع بـ عصر ذهبي .
ولا لـ إننا نوصل لـ كنوز و مجوهرات ،
ولا إننا ننعم بـ خيرات أطلانتِس ،
.

التطلع لـ إكتشاف أطلانتس بقي ليه معني تاني ،
وهدف أسمى .

أطلانتس هي المُفتاح ، أو طرف الخيط اللي هيفهمنا حاجات كتير أوي في الكون حوالينا ،
اللي هيفهمنا تاريخ الأرض و تاريخ العلوم علي الكوكب .
تاريخ العلم ،
تاريخ البَشر . ❤

أطلانتس هي اللي هتفهمنا إزاي الناس دول وصلوا للدرجة العظيمة دي من العلم والتقدم .

هي الحلقة المفقودة ،

اللي هتفتح أبواب كتيييرة أوي من المعرفة .
و اللي هَتسَطر صفحات التاريخ من جِديد ..


أطلانتِس مَوجودة .

موجودة في مكانٍ ما ،

حقيقة و واقع ..
لكن .. مازالت أطلانتِس مَغمورة بـ كامِل أسرارها في قاع المُحيط ،
_في إنتظار مَن يُزيل المياه عنها .
_في إنتظار من ينتشلها من نطاق الأسطورة ، إلي نِطاق الواقع المَلموس . ❤

النهاية .

إهـــــــداءْ ....

إهداء إلى المُلهمين الذين زاروا عالمنا علي إستحياءْ ،
إهداءْ إلى أولئِك الذين يتمتعون بالسلام الدخلِي . ❤
إهداءْ إلي الذينَ لا يَعرفون قياسًا لـ الزمن إلا بالسرور ..
إهداء إلى أصحاب الفِطرة النقيه ،
المَلائِكة الصغار ..
إهداءْ إلي رِيمْ و تَسنيم و جُورية و أحمَد . ❤

تَــمت ....

_المصادر بالكامِلْ موجودة في الكُومنتات ..

المقالْ بـ قلمِي ،

#سِّتيف_المُفكِر ، 😃

13/11/2018

اللهم صيبا نافعا

21/10/2018

احيانا بتمر علينا ايام بنفقد فيها الرضا عن نفسنا او بنفقد السعادة والموضوع ده أتكتب فيه كتير، لكن من اهم ماكتب فيه كتاب اسمه اتصالات مفقودة ومن خلال الكتاب ده بيستعرض تسع أسباب للاكتئاب المزمن وكيفية التغلب عليه💪

برنامج الزتونه عملك ملخص سريع فالفيديو المرفق بالاسفل👇

بس علشان هواة القراءة السريعه والناس اللى معندهاش وقت للفيديو 👈جمعنالكم عناصر الكتاب

اسباب للاكتئاب المزمن :

1- ان تشعر ان عملك غير منتج وليس ذو اهميه (الايمان بعملك والسعى لتطويره وتطوير نفسك)

2- ان تحيا حياه بلا هدف (التخطيط لحياتك ولو ل30يوم مقبله)

3- البعد عن الاشخاص المهمه فى حياتك كالوالدين (بر الوالدين) والاخوة (صلة الرحم)

4- عدم التحدث عن ازمة حدثت لك وانت صغير وقمت بكتمها (اخرج مافى صدرك للمقربين وتخلص من تلك العقدة)

5- ضياع الكيان الذاتى امام المقارنات مع اشخاص اخرين (الرضا والاجتهاد)

6- الغرق فى روتين الحياه العملية والبعد عن الطبيعه (التنزه بصفه دورية وممارسة الاسترخاء كاليوجا)

7- انقطاع الامل فى حصولك على مستقبل مشرق (الاجتهاد والدعاء والثقه بالله)

8- مشاكل جينية (وديه علاجها بالادوية)

عشان تكون شريك في البرنامج و تساعده : https://www.patreon.com/elzatoona لشراء الكتب : https://goo.gl/forms/bvYWi946ArmDmzza2 ------------------------------ ا...

22/09/2018

نصائح للراحة والسيطره على حياتك👌

د. إبراهيم الفقي ( استاذ التنميه البشريه ) 👍

1 - نام كويس جداً
2 - اظبط المنبه و قوم صلى الفجر و ردد أذكار الصباح
3 - أول حد تشوفوه من عيلتك قوله كلمة حلوة تخليه يبتسم
4 - كوباية قهوة مع شوكولاتة بتحبها
5 . متستناش حاجة من أى حد
6 . بلاش تركز مع أى حاجة ممكن تضايقك " كبر دماغك "
7 . افتح موبايك و اكتب " Nice Day "
8. استغفر 1000 مرة
9. لو أى حد محتاج منك مساعدة ساعده حتى لو متعرفوش
10 . البس أكتر حاجة بتحبها فـ لبسك و أنت خارج
11. اتفرج على فيديو بيضحكك
12. اتصل بحد مكلمتوش من زمان و قولوه " وحشتنى " ^^
13. اتفرج على صورك و أنت صغير
14. حاول تنجز أى حاجة فـي يومك مهما كانت تافهه
15. حافظ على الصلوات الخمسة فـي مواعدها بالظبط
16. ازرع وردة فـ بلكونة أوضتك
17. حب نفسك و قول لنفسك " أنا بحبنى "
18. اسمع قرآن نص ساعة
19. امسك ورقة و قلم و ارسم أى حاجة حتى لو شخبطة " خرج احساسك"
20. أى حد تعرفه روح سلم عليه و ابتسم أول ما تشوفوه
21. خليك هادى و مرن و متفائل
22. اشترى كتاب حتى لو مبتحبش القراءة و اقرأ فيه لو صفحة
23. داوم على ذِكر الله طول اليوم
24. تصدق " أى مبلغ ، بسمة على وش طفل ، اتبرع بالدم "
25. متفكرش فـ أى حاجة بتزعلك ، انسى كل حاجة ^^
26. لو حد زعلان منك كلمه و قولوه أنا أسف " و الكاظمين الغيظ و العافيين عن الناس "
27. لو حد مزعلك سامحه من قلبك
28. حمام دافى
29. ركعتين قيام و وتر " اوتر "
30. متنساش الناس من دعائك و لك المثل
31. وردَك من القرآن اقرأه فـ أى وقت بس اوعى تنساه " 10 آيات على الأقل"
32. متنساش تتوضى قبل ما تنام و تقول أذكار النوم
33. قبل ما تنام راجع يومك تانى و لو محستش بتغيير حاول تانى
34. متنساش تظبط المنبه لصلاة الفجر
35.ابدأ يوم جديد
36. صل على رسول الله صلى الله عليه وسلم 💯 مره
37. عندك أحبة دلهم على الخير 😍😍

#منقوله

20/09/2018

👏👌
هذا الشخص سبب خسارة كبيرة لشركة الطيران الأمريكية
في سنة 1987م ، المواطن الأمريكي ستيف ورثستين .. إشترى تذكرة ذهبية من شركة الخطوط الجوية الأمريكية سعرها 250 ألف دولار و تسمح له بالسفر على الدرجة الأولى على متن الخطوط الجوية الأمريكية مدى الحياة مجانًا بالإضافة إلى تذكرة مرافق معه سعرها 150 ألف دولار، المهم..
ستيف هذا حجز في أكثر من 10 آلاف رحلة، و في بعض الأحيان كان يسافر ليأكل سندويتش في مطعم معين أو ليحضر مباراة ..
وكان أحيانًا يسافر مع مشردين ليعيدهم لبلدانهم
أو لو كان متضايق يحجز مقعد المرافق لشخص غير حقيقي ليكون المكان بجانبه فارغ خلال الرحلة
و لو كان به ملل يحجز و لا يسافر
و كان إبنه يحضر كل المناسبات الرياضية في كل مكان في العالم ..
و كان أحيانًا يسافر إلى كندا صباحًا ليشتري من كندا وجبة لزوجته تحبها ثمنها 50 دولار فقط
و يحضرها و يرجع قبل الغداء و يقول لها
أنا ذهبت الصباح بسرعة لكندا و رجعت
و في شهر يوليو سنه 2004 فقط سافر لـ 18 بلدًا ..
و كان دائمًا يقول :
أنا أستطيع أن أذهب لأي مكان في أي وقت كل الذي علي عمله أنني أحضر حقيبة ملابسي وأتجه للمطار .
حتى 2008 فقط
(حوالي 21 سنة):
* ستيف كان قد سافر 10000 مرة.
* سافر فيها 10 مليون ميل.
* حصل على 40 مليون نقطة طيران.
* سافر 500 مرة لإنجلترا 🇬🇧
* سافر 70 مرة لأستراليا 🇦🇺
* سافر 120 مرة لطوكيو 🇯🇵
* كلف الخطوط الجوية الأمريكية 21 مليون دولار خسائر.
فكانت ردة فعل الشركة أنها عزمت على أن توقف له تذكرته الذهبية بأي طريقة..
في يوم 13 ديسمبر 2008 م
جاء للمطار ليسافر بصحبة صديق له كالعادة
فوجد رجال الأمن يوقفوه في المطار و يبلغوه أن تذكرته أصبحت غير سارية ..
وهذه كانت الصدمة الكبيرة لستيف ..
و التي بسببها رجع لبيته مصدوم و لم ينم لعدة ايام ..
و لكنه عزم على أن يرفع قضية على الخطوط الجوية الأمريكية و كانت شكواه
أن أمريكا بلد الحرية و العدالة و الديموقراطية و أن الخطوط الجوية الأمريكية دمرت حياته حيث أبعدته عن هوايته المفضلة (السفر).
و بالفعل بعد رفعه الدعوى القضائية ضد الشركة بسبب قيامها بالإخلال بوعودها و مصداقيتها ، وطلبه تعويض من الشركة عن حالة الحزن التي تسببت بها له ،
كسب القضية ،
وحصل على تعويض 3 مليون دولار
بالإضافة إلى إعادة تذكرته المجانية التي تعتبر فعالة مدى الحياة..
#منقول

19/09/2018

تعمل ايه لو حد قال انك مجنون عشان نفسك نحقق هدف معين اللي هو... انك تمشي علي حبل بيربط ببن قمتين برج التجارة العالمية .. وأقرب الأقربين يأكدوا انك بتجري ورا سراب ..بس انت طلعت أسوء توقعاتهم لأنك قررت تحقق شغفك وفعلا حققته...

في رحلته دي اتعرف علي بنت دعمته نفسيآ انه يكمل واتعرف علي أشخاص قرروا يساعدوه بس منهم خاف يكمل واستسلم وباقي أصحابه ساعدوه بس هو عارف هو عايز ايه

وده بالظبط اللي حصل مع فيليب بوتي

(بالفرنسية: Philippe Petit) ولد في 13 أغسطس 1949 في نمور (سين ومارن) في فرنسا، وهو من البارعين في السير على الحبل المشدود، فرنسي الجنسية قام بالمشي على حبال مشدودة بين مباني مشهورة في العالم، مثل في 1971 في كاتدرائية نوتردام دو باري، في 1973 في جسر ميناء سيدني، وفي 1989 بين قصر تروكاديرو والطابق الثاني من برج إيفل، وكذلك في 1995 أمام 000 500 شخص في فرانكفورت.
أشهر مشي على الحبال قام به فيليب بوتي هو المشي بين سقفي برجي مركز التجارة العالمي في نيويورك في 7 أغسطس 1974.

فيلم رجل على الأسلاك الذي تحصل على جائزة الأوسكار 2009 لأفضل فيلم وثائقي، وكذلك فيلم السير الذي صدر في 2015، أعادوا تمثيل وتأريخ هذا المشي بين برجي التجارة العالمي.

خلاصة القصة دي إنك لو تعرف حد مش شرط يكون مقرب ليك عنده شغف اوعي تقلل منه وتحبطه.. انت متعرفش شغفه ده بيعمل في دماغه وقلبه ايه انه ينام ويصحي وهو شايف نفسه وهو بيحقق هدفه دعمه طالما في الخير ده سيدنا النبي صل الله عليه وسلم قال." والله في عون العبد ما كان العبد في عون أخيه "
ولو عندك شغف أوعي تستسلم ربنا شاهد علي قلبك هيسندك ويبعتلك حد يدعمك

11/09/2018

عاوزين كل الناس تتعلم انجليزى..

ناس كتير بتبقى نفسها تتعلم انجليزى🔡 وفيه اللى بيبدا بس ما بيكملش😒 علشان مش لاقى نتائج ملموسة.
النهارده ان شاء الله حنديك شويه نصايح تساعدك👌:

١.خصص وقت⏱ كل يوم للدراسة بس بنسبة واقعيه يعنى ما ينفعش ابقى مشغول🏃‍♂ وورايا حاجات كتيرة واحط ساعتين✌ يوميا للدراسة📜 ...حط بدايه صغيرة وشويه شويه كترها📈 بس ماتفوتش يوم📆 من غير ماتذاكر الوقت⏰ اللى انت حددته.

٢.اعرف معنى الكلمة من الانجليزى للانجليزى وحطها فى جملة علشان تفهم المعنى وياسلاااام👌🏻 بقى لو عملتلها قصة علشان مخك🧠يفتكرها بسرعة🏃وكمان ده بيخليك ماتترجمش فى دماغك الحاجه لعربى ثم لانجليزى ثم لدماغك لان ده بياخد وقت⏳ ويبطأ من قدرتك على الكلام.🗣

٣.استخدم Idioms وديه جمل كامله بتديك معنى زى مثلا لما بنقول عندنا "الناس حتاكل وشى"مش معناه ان الناس حتبقى مستذئبين🧟‍♂🧟‍ لا ده مجازا ..نفس الحكاية استخدم Idioms كتير.

٤.اسمع فيديوهات🎞 واتفرج على افلام🎥 كتير ممكن لو انت لسه مبتدا تشوف الترجمه بالعربى اول مرة ..والتانيه ب subtitle بالانجليزى وبعد كده اسمعه كتير من غير ترجمة خالص ...

شير ومنشن لاصحابك اللى عاوزين يتعلمو لغة..

04/09/2018

- الرسول ما كانش له اخت مغنية اسمها الشيماء
- زعماء الكفار ماكانش شكلهم وحش و ريحتهم وحشة ده كانوا اغنى تجار

- ابو لهب ماكانش قبيح دا اتسمى ابو لهب لشدة جماله
- هارون الرشيد ما مكانش مقضيها خمرة و نسوان
ده كان بيحج عام و يغزو عام و لما يزوره ملك او حد مهم كان يعطيه هدية اختراع جديد لم يرى العالم مثيل له
- عيسي العوام مش مسيحي
- قراقوش ما كانش حاكم مفترى و غبى
ده كان قائد عظيم بنى قلعة صلاح الدين و القناطر باوامر صلاح الدين الايوبى
- محمد على و اسرته ما كانوش بيتكلموا تركى و لا عربى مكسر و لا بيقولو حظرتونا و لا افنظم

- الوالى محمد سعيد باشا ما كانش اهطل و ديليسبس ضحك عليه بطبق مكرونة و خد قناة السويس
ده كان حاكم عظيم اول من جعل المصريين ظباط فى الجيش و عمل المشروع اللى مصر عايشة فى خيره لحد النهاردة مشروع قناة السويس و طبعا ما كانش اسمه الخديوى سعيد لان قبل الخديوى اسماعيل ماكانش فيه لقب خديوى
- الخديوى اسماعيل ما كانش مفرغ حياته للنسوان و لا كان بيريل على المظ و عايز ياخدها من عبده الحامولى و عبده الحامولى عمل ثورة عليه ( فيلم المظ و عبد الحامولى ) لان عبده الحامولى كان من حاشية الخديوى اسماعيل و كان مقرب منه جدا لدرجة ان بعد عزل الخديوى اسماعيل اعتزل عبد الحامولى الغناء و انسحب من حاشية الخديوى توفيق وفاء للخديوى اسماعيل
الخديوى توفيق ما قالش لاحمد عرابى انتم عبيد احساناتنا و لا احمد عرابى كلمه من فوق الحصان و الخديوى واقف على الارض زى ما بيجيبوا فى الصورة العبيطة المرسومة للواقعة دى
- الخديوى عباس حلمى الثانى ما حكمش مصر ساعتين و بعدين شالوه
ده حكم مصر 22 سنة و كانت كلها انجازات بس لان الانجليز عزلوه و الشعب كان بيعشقه فمش هايعرفوا يشوهوه فقرروا انهم ما يجيبوش سيرته خالص و ممكن تراجعوا صفحة التاريخ بالصور
- الملك فؤاد ما كانش شحات و مديون و خامورجى و الهبل ده و لا كان حاكم طرطور الانجليز بيحركوه
لانه كان عنده قصور و اراضى و كان مسئول ملف التعليم فى عهد عباس حلمى الثانى و المشرف العام على الجامعة المصرية فى عهد السلطان حسين و كان حاكم عظيم سدد كل ديون مصر و بنى الجيش المصرى باحدث الاسلحة و توسع فى التعليم اللى هو لعبته و عمل قفزة اقتصادية و فى عهده كانت القاهرة اجمل مدينة فى العالم تابعوا مركز كنوز لحماية التراث الثقافى و اتفرج على مصر فى عهده
- مفيش حاجة اسمها الاسلحة الفاسدة
لان الموضوع بشهادة سعد الدين الشاذلى كانت اسلحة حديثة و متطورة و لم يدرب عليها الجيش المصرى و دى كانت القضية و المحاكمات اللى عليها لانهم ما دربوش الظباط و الجنود على الاسلحة مش لانها بايظة و لا بتضرب لورا زى ما جابوا فى الافلام
منقول بالكامل طبعا وأنا واثق فى كل ما ذكر
تعليق مهم جدا إن الملك فؤاد سدد كل ديون مصر سنة 1935 وبعدها بدأ يقرض أوروبا وانجلترا وأصبحت قناة السويس ملكا خالصا لمصر وتم تعيين 6000 موظف من الجاليات الأوروبية كملاحيين فى القناة بعقود عمل
ثم أتى جمال عبد الناصر بعدها بـ 21 سنة وضحك على شعب بأكلمه بترتيب مع الإعلام كما هو المعتاد وأوهم الشعب أن قناة السويس غير مصرية وإنه أممها
وفى الحقيقة هو لم يؤمم شئ لإنها كانت ملكا خالصا لمصر
وكل ما فعله هو طرد لعدد 6000 موظف أجنبى وبدون إعطائهم حقوقهم