حضانة سمايلي كيدز - Smiley Kids nursery

29/09/2020

ربنا يحفظنا يارب
تقرير منظمة الغذاء والدواء FDA

بعد رصد ٢٢حالة اطفال من عمر خمس شهور ل ٣ سنوات
دخول طوارئ والبعض منها كان وفاه بسبب جرعات زائده او استعمال خاطئ
لل teething preparations containing lidocaine
يعني للعامة جيل الفم المستخدم لعلاج الام التسنين والمحتوي علي مخدر موضعي ليدوكايين،

اسماؤهم في مصر :
Oracure gel
Micoban oral gel
Mundisal gel
(وده أخطرهم)
الاباء بتعطي الجيل للطفل لتخفيف الام اللثه لكن لما يبلع الطفل كميه كبيره
أو متكرره منه أو جرعه زائده طبقا لدراسة منظمة FDA ممكن يتعرض لـــ
1- نوبات تشنج
2- زيادة عصبية وهياج الطفل
3- اضطراب في نظام ضربات القلب
4- اضرار بالجهاز العصبي
5- ترجيع وصرع
6- اضطراب في الرؤية
7- ربما الوفاة
8- وسجلت حاله نادرة للاصابة بنوع من الانيميا يسبب عجز الهيموجلوبين عن حمل الاكسجين للخلايا وهي حاله مهدده للحياة

ونصحت المنظمة بإعطاء الطفل عضاضة لينة بعد تبريدها في الثلاجة
أو أن تقوم الام بتدليك اللثة المتورمة بأصبعها برفق والامتناع التام عن اي مخدر جيل للفم.

كما نصحت المنظمة مقدمو الخدمة الطبية بعدم وصف اي مستحضرات تحتوي علي ليدوكايين او بنزوكايين للاطفال و الرضع وكذلك الصيادلة بوصفها أدويه OTC (مسموح بيعها بدون روشتة)
اخطر نوع فيهم هو دينتينوكس جيل بسبب أنه عليه #بيبي ومكتوب أنه وبيعطي للرضع.
وده تضليل كبير وممكن يسبب الافراط في استخدامه ظنا أنه آمن للطفل.

كمان الجيل بيخدر اللسان وسقف الحلق واللهاه وكل أجزاء البلع عند الطفل مش اللثه بس يعني ممكن يخليه يبتلع جسم غريب أو عمله معدنيه دون أن يشعر ويختنق

المصادر
https://www.cbsnews.com/news/fda-warning-benzocaine-gel-orajel-teething-products/

https://www.fda.gov/news-events/press-announcements/fda-takes-action-against-use-otc-benzocaine-teething-products-due-serious-
safety-risk-lack-benefit

شير في الخير

د دكتوراه طب الأطفال
أخصائي الاطفال وحساسية صدر الأطفال

Despite years of warnings about benzocaine gel, the FDA says reports of illnesses and deaths have continued

21/03/2020

04/02/2020

فكرتي لية ابنك دايما بيبصلك 👀👁
عارفة لية في كل خطوة بيخطيها بيبص لعنيكي ............................................................................................
انتي ببساطة مصدر قوتة
هو مستني يشوف في عينك
متخافش ... دوس ... أنا في ضهرك ⁦💪🏻⁩
متخافش ... جرب ... إغلط ...هصححلك ⁦💪🏻⁩
متخافش...إنطلق....وقعت ...أنا سَاندَك ⁦💪🏻⁩
إكبر ... إتعلم ... إقوى ... أنا جنبك ⁦💪🏻⁩
.................................................................................

دايما خليكي الجيش و الدرع و السند 🦸‍♀️🦸‍♀️
👎اوعي تكسري ثقتة في نفسة بنقدك المستمر و تأنيبك لية
👎اوعي تفكرية دايما بغلطاتة
👎اوعي تتريقي علية قدام اصحابك

01/02/2020

١٠ حاجات لازم تعملها لو عندك بنت👩
1. احضنها👪
لما تصحى من النوم، ولما تيجي تنام، وهي رايحة المدرسة، وهي راجعة من المدرسة، وهي مبسوطة وهي زعلانة وهي
طايرة وهي موجوعة، احضنها. الحضن مضاد حيوي ضد الخذلان والوجع، ومطهّر للقلب من الألم والتخلي.
2. شبّعها🌿
صحيح أغلب طلبات البنات مش منطقية، وساعات بيبقى مبالغ فيها، لكن معلش، ما هو إنت بابا يعني، فشبعها ماديا ومعنويا، أغدق عليها وخلي عينها مليانة -لكن طبعا دون سفه- ولو هترفض لها طلب ما، فلازم تشرح لها السبب بلغة تناسب مخها، لكن ما تتعسفش دون منطق ودون اهتمام بحطها في الصورة، وما تتجاهلش حاجة عايزاها من غير ما تعرف أهميتها بالنسبة لها واحتياجها ليها.
3. امدحها🙋💑
البنات -الصغيرة والكبيرة- بتحب كلمات الإطراء والمديح، وبتحب تبقى أجمل واحدة في عينك، فحتى لو دور البرد مبهدلها وعنيها مدمعة، قول لها: الله أول مرة أعرف إن الدموع بتحّليكي كده!
ولما تجيب لك شهادة الدرجات بتاعتها اعمل لها فرح، واحكي عن تفوقها -قدامها- لقرايبك وأصحابك وكل الناس، وهات لها حاجة بتحبها.
4. قوّيها👍
دايما قول لها إنك في ضهرها، وموجود عشانها طول الوقت مهما حصل، كلّمها عن أهمية التعليم وتكوين الذات، وإنها لازم تتعلم كل حاجة وتشتغل ويبقى معاها فلوس وبعدين تفكر في الجواز، ازرع جواها ضرورة إن يكون ليها شخصية وكارير وحياة حقيقية عشان ما حدش يبتزها باسم الحب ويهدم حياتها برعونته.
اديها الثقة في نفسها، وحملها مسؤولية ولو بسيطة، وقوّم أخطاءها واكشف لها نقاط القوة في شخصيتها، البنت اللي ما خدتش الثقة في في حضن أبوها، عمرها ما هتكتسبها برّه.
٥.اسمعها👂
مش شرط يبقى عندك حلول لكل مشاكلها، لكن على الأقل اسمعها، واديها من وقتك عشان تحكي لك عن ميس العربي اللي مش بتخليها تجاوب، والفسحة اللي بتخلص قبل ما تاكل الساندويتش، وساندي اللي بتيجي تقعد مكانها كل يوم. مجرد تفاعلك معاها واهتمامك هيريحها.
٦ اخرج معاها لوحدها👫
لما البنت تكبر شوية، اعمل لها يوم تخرج معاها فيه لوحدكم، مش خروجة عائلية، لا، إنت وهي بس، تتشيكوا وتروحوا تتغدوا أو تتعشوا في مطعم، وهي اللي تختار وجبتها، ويا سلام لو جبت لها بوكيه ورد.
7. احترم خصوصيتها
ما تنتهكهاش، من وهي طفلة خبّط على باب أوضتها قبل ما تدخل، خلي لها دولاب او جزءمنه بتاعتها بس، لازم يكون لها درج بقفل مفتاحه معاها فقط، اديها إحساس إنها مصونة وما حدش مسلط ضوء في عنيها وبيطالبها بالاعتراف.
8. احترس مما تمرره لها
أكتر حد هيقلّدك: بنتك مش ابنك، عشان كده خليك صاحي ومركز في سلوكياتك قصادها، لو عايزها تقدّر الآخرين وتشكرهم لمجهودهم، قول لها شكرا لما تعمل حاجة، عايزها تعامل جوزها وعيالها بسواء نفسي، عاملها وعامل مراتك بما يرضي الله، أي ثمرة هتطلع بعدين إنت اللي بتروي بذورها دلوقتي.
9. اتصل بيها مخصوص
مهما تكون مشغول، اتصل بيها ولو دقيقة واحدة في اليوم، بيها مخصوص، سواء على تليفونها أو البيت أو حتى تليفون مامتها، المهم تكون المكالمة ليها هي، اسألها عن يومها وأصحابها واتبسطت ولا لأ، مش بلهجة المخبر ولا بلهجة آمرة، إنما بحنية ولهجة متسائلة ومهتمة.
10. حبّها💑
كل اللي فات لو كان بدافع الواجب والعادات والتقاليد وصورتك قدام الناس، مش هيهزّ قلبها، و لكن لو بدافع الحب الحقيقي، الحقيقي الحقيقي، هيوصلها كاملا ومقطّرا، فحبّها، حبّها بجد، واملا قلبها وعقلها، عشان تبقى خيارها الأول دايما لما تقع في مشكلة، أو تتورط في موقف أكبر منها، بقلبها مش بدافع الخوف
منقول ❤

31/01/2020

22/11/2019

ابنك دايما بيعيا
يخرج من دور سخنية يخش في دور كحة
مناعتة ضعيفة جدا و زهقتي من الادوية ..................................................................................................

تعالي اقلك علي اكلات صحية هتزود مناعة ابنك

1- البرتقال 🍊 الليمون 🍋 الكيوي 🥝 الجوافة والتفاح🍎:
دي فاكهة غنية جدا بفيتامين سي، اللي بيحمي من نزلات البرد المتكررة، وبيقوي مناعة الجهاز التنفسي

2- الكرافس والسبانخ ☘️والبروكلي 🥦:
من اكتر الأكلات الغنية بالفيتامينات ومضادات الأكسدة، حماية للجلد، والجهاز التنفسي، وقاية من البكتريا والفيروسات. طبعا كل ما اتاكلت خضرا ونية، كل ما فايدتها كانت أكبر.

3- البطاطا
وما أدراك ما البطاطا، من أحسن الأكلات اللي بتحافظ على الجلد والشعر لأنها غنية بفيتامين أ

4- الأسماك الغنية بزيت كبد الحوت 🐋:
خصوصا السالمون والتونة ، فيهم أوميجا ٣ وفيهم فيتامين د و دول مهمين جدا لتقوية جهاز المناعة

5- 🍯العسل الأبيض: لا غنى عنه طبعا
الرسول علية الصلاة و السلام كان بيشرب معلقة عسل علي كوب ماية و دة بيحقق اعلي استفادة للجسم
العسل بيمنع تكاثر البكتريا و بيزود المناعة و مقوي عام لكل اجهزة الجسم

6- 🍈زيت الزيتون
الأحماض الأمينية بتلعب دور مهم جدا جدا جدا في تقوية مناعة الجسم كمان زيت الزيتون معروف بفوايدة المضادة للالتهابات

19/11/2019