علمنى - Teach Me

سحر الذاكرة وتقنيات تقوية الذاكرة!
أول اختبار بعمله في دورة تقوية الذاكرة ك تحديد وقياس لمستوى قوة ذاكرة المتدرب الحالية هو اختبار الصور.
وهو ببساطة اختبار بيكون المتدرب فيه مطالب انه يحفظ اكبر عدد ممكن من الصور العشوائية بالترتيب في ٥ دقائق.

الجمعة الماضية كانت كان عندي اول سيشن في دورة العقل القوي، وعملت بالفعل مع المتدرب الاختبار ونتيجته تحت خالص في الصورة وحصل فيه على ١٨ صورة صحيحة.

تخيل اننا في خلال اقل من ساعتين اتعلمنا فيهم اول تقنية من تقنيات التذكر قدر يحفظ كام صورة؟
30
40
50
لا ولا واحدة من دول.
قدر يحفظ 93 صورة بالترتيب!!!
متخيل؟
مجرد تقنية ومجرد ساعتين كانوا كافيين انهم يغيروا دماغ المتدرب، وثقته بنفسه.

هي دي تقنيات التذكر وهي دي اللي بتعمله.
مش محتاج اقولكم ان دي البداية، وإن دي مجرد حاجة بسيطة للي ممكن الدماغ يعملها لما يتمرن، ويتعلم تقنيات أكثر تقدم.

SM Challenge 6 Day 1 Ended.
The first day was great:
✅ All matches were live.
✅ Results are saved automatically in database and shown immediately after competitors finish any discipline.
✅ Everything went smothely.

Thanks to all participants and looking forward for second day tommorow.

Results of day 1 here: strongmindsoftware.vercel.app/competitions/sm-challenge/6/ranking

فيه ناس كتير كل مفهومها عن التعلم الحفظ والفهم.
وتدور خناقات كل يوم وليلة ما بين الناس اللي بتميل للحفظ، والناس اللي بتميل أكتر للفهم، وانتوا عارفين طبعا ان الحفظ سيء السمعة وهو الطرف المهزوم غالباً.
واللي الناس متعرفهوش أصلا ان الحفظ والفهم ما هم إلا مهارتين من مهارات التفكير الدنيا حسب تصنيف بلوم الحديث، واللي بيقسم مهارات التفكير الى:
1. مهارات التفكير الدنيا، وهي التذكر ثم الفهم ثم التطبيق.
2. مهارات التفكير العليا، وهي التحليل ثم التقويم ثم الإبتكار.

معظمنا متخيل انه لما يدرس ماده، ويحل عليها وليكن 50 تدريب ويدخل الامتحانات يلاقي شوية أمثلة نظري مع مسئلتين تلاته زي اللي هو أخدهم ويحلهم ويجيب 100% انه هو كده فهم المادة فهم عميق واستوعبها كويس.

ولكن للأسف اللي حصل في الاختبار السابق ما هو إلا اختبار لمهارتين فقط من مهارات التفكير الدنيا، وهم التذكر والفهم فقط فا متفرحش أوي بال 100% لإن ممكن حد تاني يجيب 70% في إختبار آخر بيختبر مهارات تفكير أعلى ويكون أفضل منك بمراحل.

ولذلك انا اتعودت في الاختبارات والواجبات، وخصوصا في البرمجة اني مش بس أختبر المهارات الدنيا ولكن أيضا أضيف ليها جزء من المهارات العليا في التفكير.

فلذلك الواجب نادرا لما تلاقيله مسئلة انت أخدتها أو أخدت شبيه ليها بنسبة 100%، والإختبار على الأقل 30% حجات انت مشوفتهاش قبل كده، وده لاني بتطلع اني عاوز اختبر قدرتك على تركيب قطع البازل، والمفاهيم البسيطة اللي انت اتعلمتها، واعادة ترتيبها مرة أخرى لحل المسئلة الجديدة، وتنفيذ المشروع الجديد، وده بحد ذاته بيعزز مهارات التفكير العليا عندك، وبمرور الوقت بتتعلم أفضل، وتتعمق أفضل، وفهمك واستيعابك والأهم التحليل والإبتكار بيكون أفضل.

والحقيقة ان دي من أكتر النقاط اللي بعاني فيها مع الطلبة وخصوصا النمطيين، والمتشبثين منهم بالنمطية، واللي مبيكونوش عاوزين أبداً يخرجوا خارجها، وكذلك أولياء الأمور اللي بعضهم بيعتقد خطأً ان ده هيعقد الولاد وان ده تقيل عليهم وووووو الى آخره.

في النهاية الغالبية العظمى بتجيب فوق ال 90% لإني ببقى حاطط حجات زيادة فوق ال full mark، وحرفيا فيه ناس كتير بتبهرني لما يتحطوا جوه الليفل ده من الإختبار، وفيه ولاد بينسوا الفون والألعاب وبينغمسوا جوه التفكير والابتكار ومحاولة تنفيذ حاجة جديدة أنا أصلا مطلبتهاش في البروجكتس اللي اديتهالهم.

وعلى رأي عادل إمام أنا بتكلم عن حاجة تعيش العمر كله 😁👌

انا سعيد جدا للإعلان رسميا على اصدار تحديث جديد على موقع العقل القوي

#نظام إدارة دورات تقوية الذاكرة.
كل اللي عليك انك تقوم بإنشاء دورة جديد بتفاصيلها، وتضيف ليها جميع المشاركين وبعد كده هتظهر في لائحة الكورسات زي الصورة 1.
وبمجرد ما تدوس على Details هتدخلك لصفحة الكورس، واللي بتحتوي على 4 صفحات أخرى.
1. صفحة ال Overview.
ودي بتعرض تعريف بالدورة وتفاصيلها والمدرب وكمان المشاركين في الدورة.
2. صفحة ال Results.
ودي بتعرض نتائج المشاركين وعدد المحاولات اللي لعبوها خلال الدورة من على الموقع بشكل أوتوماتيك بدون تدخل منك، وكمان بتعرض أول محاولة خلال وقت الدورة وأعلى محاولة علشان تشوف مقدار التحسن وهم كمان يشوفوه.
3. صفحة ال Matches.
جميع التدريبات اللي لعبها المشاركين وأنهوها بالفعل مع وضع ضابط وقت حفظ محدد لتجنب عرض المحاولات الأقل في الوقت.
4. صفحة ال Tracking.
علشان تعلم على كل واحد سلم الواجبات كاملة وتقدر تعرضها ليهم أيضا بضغطة زر واحدة على كل مربع.

ملحوظة: النظام متاج للمدربين على الموقع وللمدربين اللذين #اجتازوا برنامج إعداد مدرب ذاكرة محترف بجميع شروطه ونسبة تدريباته، وممكن مستقبلا ان شاء الله يكون متاح للجميع برسوم بدون أخذ الدورة كاملة اذا كنت مدرب بالفعل.

رأيكم؟

الافضل في دورة برمجة الويب انها تكون اونلاين.
ليه بقى؟
فيه ٣ اسباب اساسية:
1. اننا بنحتاج الطلبة يشوفوا الشاشة بتاعة المدرب كويس، وده للأسف مش متوفر في الأماكن وبيكون صعب عليهم يتابعوا من شاشة في القاعة او بروجكتور علشان عنيهم، وده بيكون سهل جدا نعمله اونلاين بأننا نعمل share screen والكل يشوفها بسهولة من البيت.
2. الاونلاين سهل جدا نسجله علشان لو غيبت او فيه حاجة مش فاهمها، فتقدر بسهولة ترجع للتسجيل لو احتاجته.
3. برمجة الويب بتحتاج لاب، ومعظم الاماكن للأسف غير مهيئة بديسكات علشان سلامة الأجهزة، وكمان احيانا بنحتاج نت ومع كثرة الأجهزة ف غالبية الاماكن مش مهيئة ل ده، ده غير الوقت الضائع بتوصيل جميع الأجهزة على النت، واللي ممكن نوفره في الاستفادة من الدورة.

انا عارف ان ممكن تكون تجربتك مع الاونلاين سيئة، بس صدقني معانا كل شيء مختلف لان فيه متابعة، وفتح كاميرا واصلا كله بيكون شغال مع المدرب ف مفيش ثانية بتضيع، وكله بيشارك ويتفاعل ده غير متابعة الواجبات على الواتس مع المدرب.

ده غير اننا بنعمل سيشن مجاني بدون اي رسوم علشان تجرب بنفسك وتشوف ان كانت الأمور هتمشي معاك ولا لأ قبل ما تدفع اي مليم.

يمكنك الإنضمام لجروبنا على الواتس وتابع الجديد أول بأول: https://chat.whatsapp.com/J5E1lldt0xrKiPf11ltIMy
او اتواصلوا معانا فون او واتس على رقم: 01001267026

الصورة من دورة سابقة.

ترك ابنك فاضي طول الصيف هيفسحله المجال انه يكتسب عادات سيئة زي ادمان الهاتف، والألعاب الضارة وغيرها.
ومن اجمل الحجات اللي ممكن تخلي ابنك يشترك فيها هي تعلم البرمجة.
واحنا بنقدملك دورة لتعلم البرمجة من الصفر إلى الاحتراف ان شاءالله.
في دورتنا ابنك هيتعلم يكتب اكواد على طول من الصفر، ويعمل مشاريع حقيقية بلغات وادوات متقدمة جدا.
هينغمس فيها طول فترة الصيف، وهتبعده عن أي حاجة ممكن تدمره او تدمر عقله.
هيتعلم يفكر ويخطط وينفذ، ده غير ان البرمجة والذكاء الاصطناعي هو لغة اليوم والمستقبل.
تقدروا تسجلوا معانا دلوقت في دورة برمجة الويب.
السن من اول ١١ سنة فما فوق.
ابعتولنا خاص لو عندكم اي استفسار، ولو حابين تحجزوا.

تخيل انه يصبح عندك القدرة على حفظ ارقام الهواتف؟!
بمعنى لما حد يمليك رقمه متكونش محتاج انك تجري على الفون وتكتبه.
بل تحفظه وتخزنه جوه دماغك على طول.
مش بس كده وكمان تفضل فاكره يوم او يومين بدون حتى ما تراجعه مرة واحدة بس، وده اللي بيكون صعب جدا تعمله حتى مع ابسط المعلومات.
اهو ده بالظبط اللي بتعمله تقنيات الذاكرة.
وقبل ما تفكر في اي حاجة، فالموضوع لا هو خدعة ولا سحر ولا شعوذة ولا فيه اي حاجة مخالفة.
احنا بنكون حافظين المعلومات زي ما اي حد بيحفظها تمام.
لكن كل الحكاية ان تقنيات الذاكرة بتعلمك طرق وتقنيات جديد غير اللي انت بتستخدمها، واللي بيها بتقدر تحفظ اصعب المعلومات مهما كان شكلها او حتى درجة صعوبتها.
الفكرة نفسها يا صديقي في طريقة الحفظ نفسها.
فيه طريقة تخليك تحفظ بصعوبة وتنسى بسرعة البرق، وطرق تانيه الحفظ بيها اثبت وأقوى.
الموضوع كله مرتبط ب ازاي اصلا الذاكرة بتشتغل، وايه هي اللغة المفضلة بالنسبة لها
ف ابحثوا وخدوا كورسات واتعلموا تقنيات الذاكرة، والأهم انكم تستخدموها هتوفر عليكم كتير.

بعض الناس فاهمه الذاكرة بشكل خاطئ.
تصورنا عن الشخص صاحب الذاكرة القوية، انه شخص مش بينسى أي حاجة وأي حاجة بيشوفها أو بيسمعها بيفتكرها.
تعالوا نفترض ان فيه حد ممكن فعلا يوصل للمرحلة دي.
هل ده شيء كويس؟
بالنسبة للمعاومات اللي مش مهمة؟ والأحداث الحزينة؟ والمعلومات اللي احنا مبقيناش محتاجينها حاليا؟ .. هل محتاجين انها تكون واخده جزء من تفكيرنا؟
ربنا سبحانه وتعالى خلق الذاكرة عندها القدرة على فلترة المعلومات، ومن رحمة ربنا بينا انها مش بالسهل تفتكر كل المعلومات اللي بنواجهها، وبنحتاج نبذل شوية جهد علشان نقدر نخزن المعلومات المهمة بالنسبالنا.
ف الشخص صاحب الذاكرة القوية، مش الشخص اللي عنده القدرة انه يحفظ أي حاجة وكل معلومة بتقابله ولكن،
هو الشخص اللي لما بتيجي قدامه معلومات مهمة وهو محتاجها بتكون عنده الأدوات والطرق اللي تمكنه من تذكر المعلومات دي.
ومن هنا بدأت دراسات وأبحاث الذاكرة وتقنياتها، وهي مجموعة من الممارسات والسلوكيات والتقنيات اللي بتساعدنا نحفظ المعلومات المختلفة، من قرآن كريم ل شعر ل كلمات أجنبيه ومصطلحات وقوانين ورموز وتواريخ وغيرها.
فالخلاصة ان الشخصة صاحب الذاكرة القوية هو الشخص اللي بيعرف يحفظ وقت ما يحتاج يحفظ مش اي وقت وكل معلومة.
وافتكر ان النسيان نعمة زي ما الذاكرة نعمة، وتعلم كيفية استخدامها وقت ما نحتاجها نعمة.

تم تحديث جميع دوراتنا التدريبية على موقع يوديمي واضافة العديد من التدريبات والشروحات الإضافية
ودي حاجة بتتم بإستمرار علشان نحافظ على الجودة ونعدل الدورة علشان تكون بأفضل شكل ممكن
وبمناسبة قدوم شهر رمضان عملنا عرض خاص على الدورة لو اشتركت من خلال اللينكات اللي تحت
الدورات هتساعدك انك تحسن قوة ذاكرتك وتركيزك وهتعلمك العديد من التدريبات العملية لحفظ العناصر والقرآن الكريم والشعر والأرقام وغيرها كتيير
تقدروا تعرفوا تفاصيل كل مستوى من خلال اللينكات التالية

المستوى الأول: https://www.udemy.com/course/photographicmemory/?couponCode=E87B274DF4FB3F1B52D9
المستوى الثاني: https://www.udemy.com/course/photographicmemory2/?couponCode=C9BC246E7D2B43B5E785
المستوى الثالث: https://www.udemy.com/course/photographicmemory3/?couponCode=02E0CD833011E907134F

الذاكرة الفوتوغرافية 1 ذاكرة فائقة القوة

صباح الخير
رقم Strong Mind القديم 01277239272 للأسف انسحب وحد تاني اشتراه
احذفوه وضيفوا الرقم الجديد من فضلكم: 01280855835
وتقدروا تتواصلوا معانا على الواتس من هنا: https://wa.me/201280855835