معلومات مفيده عن الاطفال

ليه الطفل مش هادي؟!!!

الاجابة بسيطة جدا :
عشان يتعلم .. محتاج يعمل دوشة

لانه مش بيتعلم معلومات عشان يذاكر فمحتاج يركز .. لأ

هو بيتعرف ازاي يعيش في الحياة ..
ازاي يتكيف مع البيئة الجديدة ..
بيتعرف على الحواس ..
بيتعرف على شكل الحياة ..
اصوات، روايح، اشكال، احجام، اسماء...
اختلاف الحركة .. نط، جري، عجلة ..
بيتعرف على الناس والمشاعر ..

و من سن ٤ ونص او ٥ سنين يقدر يقعد يذاكر ..
اقصى وقت ١٥ دقيقة تركيز متواصل ..
مش ساعات ..

دي طبيعة الانسان ..

انا مش محتاجه ابني يكون عالم ذرة في الطفولة ..
انا محتاجة انه يشبع "نفسيا" من كل حاجة مسموح بيها ..
عشان يكبر انسان سوي .. مش محروم ..

اه محتاج يعمل دوشة ..
محتاج يتكلم ويسأل كتير .. جدااااااا
محتاج حضن وبوسة ماما وبابا ..
محتاج احترام وتقدير..
محتاج حدود وقواعد ..

محتاج تربية .
يعنى طبيعى يعمل دوشة لكن لازم موجهه
منقول

أقولك علي سر؟🥰

✅عارفه إن الطفل الاقل من 6 سنوات مش بيقدر يقعد يكتب ويحفظ أكتر من 10 دقايق ..

هتلاقيه بيقعد 10 دقايق بالظبط وبعدين يقوم يلعب 5 دقايق او يتحرك ويتنطط ويرجع يكتب تاني ...

وده مش فرط حركة ولاحاجه ده نظام سن متعتبوش عليهم إطلاقا هما كده بيركزو وبيحفظوا أكتر❤️

✅أما الطفل الاكبر من 6 سنوات يقدر يقعد فترة أطول وبتكون من تلت لنص ساعه ...
وبعد كده هيقولك زهقت او عايز أنام

فالأفضل كل نص ساعه ياخد بريك🕓
البريك ده يبقي لعبه تلعبوها سوا او تحكي قصه او اي حاجه بيحبها

1️⃣أولا ده هيحمسه يخلص النص ساعه بسرعه عشان يلعب معاكي
2️⃣ثانيا .. لو في خمول وعايز ينام هيفوق ويرجع لنشاطه تاني
استحاله الزعيق والعصبيه تفوقهم او تكون حل لاستكمال
مذاكرته بتركيز ونشاط👌👌

✍️فضلاً وليس امرا علق بكلمه طيبه لضمان استمرارية وصول المنشورات إليكم 💗💗
أسس طفلك مع مس مامي 👩‍🏫

علشان كل اطفالنا محتاجين نعلمهم لشويه حاجات .. راجعوا مع ولادكم الصغيرين سيناريوهات الخطر ..

🧕🏻حافظ رقم تليفوني ؟

🧕🏻لو تُهت .. و بصيت حواليك مالقيتناش.. اتفقنا هاتعمل ايه ؟
👲🏼استنى في مكاني .. انتو هاترجعوا تاخدوني..

🧕🏻لو الاساسنسير قفل و انت لسه جوا .. هاتعمل ايه ؟
👲🏼هادوس على G و استناكي في الدور الأرضي

🧕🏻لو القطر اتحرك وانا نزلت و انت لسه جوا ..ها تعمل ايه ؟
👲🏼هانزل المحطة اللي بعدها و استناكي

🧕🏻لو احتاجت تطلب مساعدة من حد .. هاتسأل مين ؟
👲🏼هادور على حد لابس يونيفورم .. أو أب و أم معاهم أولاد


مش كله مرة واحدة 🤣 بس لما ندخل مكان .. نراجع اللي متفقين عليه في دقيقة ..
خفيف كده من غير دراما 😆

ما تخافيش انهم يخافوا ..
الحاجات دي ممكن تنقذ حياتهم

لو حسيتي انهم خافوا .. راجعي الخطة أكتر بتفاصيل أدق

أفضل رحلة مدرسية في الدنيا 🕋🤍
اللهم بارك🤍