Alex. science café

05/04/2024

النبي صلى الله عليه وسلم قال : ( لا يؤمن أحدكم حتى يحب لأخيه ما يحب لنفسه ).
قال صلى الله عليه وسلم : ( وأحب للناس ما تحب لنفسك تكن مسلما ).

09/02/2024

ده موقع تاني للذكاء الأصطناعي اللامحدود تقدروا تستخدموه بدون اي تجهيز او mail خارجي زي Chat-Gpt بيتبع Google AI
طبعا انا جربته وهو ممتاز وبديلك Access علي بحث جوجل نفسه وتقدر تحمل عليه صور او نصوص بشكل اكبر
وكمان بيعمل اي حاجه في البرمجه
وعلشان تعرف الفرق بينه وبين gpt إسئله وهو حيقولك الفرق بينهم بالتفصيل.
وطبعا طلبت منه نفس الطلب انه يكلمني بالعامية وديه النتيجة:
https://gemini.google.com/?fbclid=IwAR3NHnL0V0sHD03lyopOFrsbbAgWe-w9egI9FNn9FpISiRVUFo312BGC-V0&hl=en

01/02/2024

لسه دلوقتي حالاً،
عملت حساب كامل علي Chat-gpt وبعد ما شبعت أسئلة ودردشه معاه وقبل ما أنام علطول،
فكرت أجرب أكلمه بالعاميه وأشوف حيرد أزاي
وديه النتيجه 😄

24/11/2018

12/11/2018

مدرسة:
هي منصة تعليمية باللغة العربية، أنا كباحث علمي أفخر بوجودها في عالمنا العربي, ده لينك التطبيق الخاص بيها لازم لازم كل فرد عربي أو يتحدث لغتنا يثبت التطبيق ويستفيد منه أو يفيد أخرين.

#دمتم ناجحين متفوقين.
#مدرسة مرحباً بك بلغتنا الأم.
#بنك المعرفة المصري، مدرسة الإمراتي، لغتنا العربية والمستقبل.

#١٢-١١-٢٠١٨ مازن محمود

https://m.facebook.com/story.php?story_fbid=558612491247691&id=100012968349060

08/11/2018

إنت إزاي ذكي كده؟
سؤال شاغل بال علماء كتير، وبعد أبحاث عديدة في الموضوع ده، أصبح عندنا شوية معلومات مفيدة، كتبت بعضها بإختصار،،، يلا نبدأ
- في محاولة من العلماء لربط المجهود العقلي بالذكاء، وجدوا إن الشخص الذكي لا يبذل مجهود عقلي لحل المشكلة بقدر ما يبذل الأشخاص الأخرين.
يعني بإختصار الذكي مش بيتعب دماغة علشان يبقي ذكي، لأ ده ذكي ورايق كمان 😏
- الناس اللي عندها نفس النتائج في الإختبارات العقلية، دماغهم مش بتستخدم نفس الطريقة للوصول للحل.
يعني كل واحد وليه دماغه، كل واحد عنده مناطق في مخه بتنشط بشكل مختلف لحل نفس اللعبة أو التجربة.
وبرده بمعني تاني: المخ عنده أكتر من طريقة للوصول لنفس النتيجة.
- العلماء مش عارفين بالضبط الذكاء بينتج عن اي جزء في المخ، ولكن حددوا منطقه معينة وبيقولوا إن المكان ده فيه مجموعة حزم عصبية مسؤولة عن الذكاء، الحزم ديه يعني شوية خلايا عصبية مجمعة مع بعض، والمكان هو اللي في الصورة، العنوان الأصفر ده PARITO-FRONTAL integration.
- نظرية أخري بتقول إن الذكاء مرتبط بالمخ كله مش بجزء معين، وإن الأشخاص الأذكياء مخهم بيتميز برد فعل معين وليس بمنطقة معينة corresponds with a more network-specific response.
- المهم حاولوا بعد كده يبصوا للموضوع من وجهة نظر تانية وبدءوا يهتموا بالجينات المسؤولة عن الذكاء عن طريق إنهم يجمعوا بيانات عن الجينات من الآف الافراد، وكمثال: وجدوا أكتر من ١٢٠٠ مكان في الجينوم مسؤول عن التحصيل العلمي أو أقدر أقول التميز الدراسي.
- بعض العلماء وجدوا طريقة لتحفيز الذكاء 👌 عبارة عن نبضات كهرباء أو نبضات كهرووومغنااااطيسية Transcranial brain stimulation الموضوع ده في الأول كان بيستخدم لعلاج بعض مشاكل المخ وبعدين إكتشفوا إنه بيزود الزكاء.

ويبقي البحث عن الزكاء قائم ...

في معلومة بكتبها حالآ وأنا ندمان أو مش مقتنع، المهم إن بعض الأبحاث بتقول إن المدرسة بتزود الزكاء وإن الطريقة القديمة في التعليم بتزود معدل الذكاء من ١ ل ٥ درجات في السنة🤐، ولا حول ولا قوة إلا بالله.

أن كده خلصت، لو إستفدت تابع.
ولو سألت نفسك فين العنوان الأصفر ده😉 برده تابع.
ولو حابب تعرف أكتر، المصدر في أول تعليق.


08-11-2018
إعمل شير قبل ما تمشي 💌

06/11/2018

Interspecies Organ Generation Has Arrived:

Our knowledge of and ability to use stem cell technology has been growing in recent years, and now, a proof of principle study has shown that it is possible to grow and then successfully transplant organs of one species in the body of another — a stem cell chimera, so to speak. The study, published online in the journal Nature, sets up the possibility of growing transplantable human tissue using another species as the host.

06/11/2018

جرعة السعادة - The Happiness DOSE :

سؤال مهم ومعلومة جميلة المفروض نكون عارفينها,
السؤال:
هل حاسس بالسعادة ؟
لو الإجابة نعم يبقي نروح للسؤال التاني
إنت إزاي سعيد؟
يعني جسمك إزاي حاسس بالسعادة
الإجابة:
موجودة في العنوان, الإجابة هي كلمة DOSE ده إختصار لأربع هورمونات موجودة في جسمنا ومسئولة عن السعادة, طبعاً في غيرهم مسئول عن الراحة والإسترخاء وكمان المتعة, بس أنا بتكلم عن السعادة:
Dopamine -D
Oxytocin - O
Serotonin -S
Endorphins -E

خد بالك إن السعادة هنا أنواع, يعني مثلا الـ Oxytocin ده إسمه هرمون الحب أو العناق يعني بيفرز في حالات الحب💗 أو شعورك بالثقة في اللي حواليك لذلك ليه علاقة بالروابط الإجتماعية, فلو حاسس بالعزله أو إن محيطك مش متناغم معاك يبقي إنت محتاج تحضن حد إنت واثق في حبه وبتثق فيه زي والديك أو أبنائك أو زوجك.

عندك هرمون تاني مرتبط إرتباط وثيق بالطبيخ وإن أقرب طريق لقلب الراجل هو معدته, إزاي الكلام ده, هرمون الـ Serotonin مرتبط بالشكر والملامة يعني لو مزاجك رايق حتشكر ولو مزاجك سئ حتلوم لذلك هو هرمون متعلق بمودك وبيقلل الإكتئاب بشكل عام.... وكل ده عادي
إنما المهم إن الهرمون ده 80% منه موجود في القناة الهضمية, يعني من الأخر الراجل ياكل كويس😋 ويكون الأكل طعمة حلو طبعاً فيشبع فينبسط فيشكر بس كده بسيطه خالص 🙂.
💡💡💡 ملاحظة مهمة جداً جداً الهرمون اللي بنتكلم عنه ده بيقلل الشهية أه والله بيقللها🤐 بالذات لو أكلت حاجه فيها كربوهيدرات زي البقوليات والشوفان والذره... ولو أكلت حاجة مسكرة كمان, بيحصل ان الأكل ده فيه Treptophan ماده كده بتعرف تدخل المخ وتتحول للهرمون ده جوا المخ وتخليه يحسسك بالشبع, تخيل حتتتتتتي ولو معدتك مش مليانه 🤔 لدرجة إن في ناس بتتعمد تشرب مشاريب فيها كربوهيدرات قبل الاكل علشان تنظم شهيتها وتقلل أكلها كمان, وعلي فكرة برده الكلام ده مع الكربوهيدرات والسكريات بس إنما البروتينات لأ يعني قلل من الفراخ شوية 🍗 علشان ربنا يكرمك وتخس😁.
💡💡💡 ملاحظة مهمة: في هرمون تاني خالص مسئول عن الجوع إسمه Ghrelin بس ده ملوش دعوة بالسعادة بتاعتنا.

تعالي بقي لل Dopamine ده الهرمون اللي مش موجود عن معظم المديرين الفاشلين أيوه الفاشلين لإن الهرمون ده بيفرز في جسمك نتيجة التحفيز وإن حد يمدحك, وعلشان كده إسمه هرمون النجاح والتحفيز, وبيكون عند الأشخاص اللي بيسعوا للنجاح فـ بيساعدهم علي النشاط وزيادة التركيز.
💡ملاحظة كده عالماشي: الهرمون ده بيفرز كتير عن الناس اللي عندها حلم وعايزة تحققة وبيشعروا إنهم إتولدوا علشان يعموا الحاجه ديه, لذلك في خبير بيقول إن الهرمون ده مختص بالـ striving emotion ومعناها زي ما قولت من شوية.

نروح بقي لأخر واحد معانا 🙂 وده ممكن نعتبره بطل من أبطال حرب أكتوبر💪, هرمون هيحسسك بالسعادة يعني هيحسسك بالسعادة مفيش خيار تاني, هرمون البنات بتحبه جداً جداً لإنه تقريباً بيزورهم كل يوم. المهم هو هرمون الـ Endorphin وده بعيداً عن إنه مسكن للألم زي ما كل الناس عارفة, إنما هو كمان بيفرز لما بتلعب رياضه وكمان لما بتضحك وخد بقي التقيلة بيفرز لما تكون عاوز تعيط وتسيب دموعك تنزل علشان ترتاح, يعني مقولت "الدموع بتريح" ديه مقوله حقيقية وممكن نخليها " الدموع بتفرح".

بكده يبقي خلصنا الـ DOSE وإن شاء الله حياتكم تكون كلها سعادة.

😊

✍️

💌

05/11/2018

This surgery makes short people a few inches taller

05/11/2018

الصورة ديه حتكلم عنها وعن التقنية اللي بتتعمل بيها وكمان الفكرة العلمية
لكن حسيبها لحضراتكوا تجربوها الأول:
المهم🔻
إلزق مناخيرك🤥 في الشاشة,
إبعد عنها ببطق وأنت مركز فيها,
وحاول تشوف فيه إيه مستخبي جواها.

إكتب لقيت إيه 🤔 ؟

05/11/2018

Scientists Have Mapped Where People Feel Emotions in Their Bodies:

Love and heartache both happen inside your head, but they're felt in very different places. On the flipside, excitement and fear are two very different emotions, but they feel nearly identical.