Art therapy by Abeer

الحياه صعبه اوي....
مفيهاش راحه ولا امان......
الراحه الوحيده لما هنرجع لربنا .....

اصعب حاجه لما تلاقي نفسك بتدفع فواتير مش بتاعتك......
وبتتحاسب علي حاجات حد غيرك الي عملها.......

لو مرحمتش نفسك ....
محدش هيرحمك.....

هو ليه مينفعش اقول مش لاعبه......
مينفعش اقول مش هقدر اكمل كده.....
مينفعش اقول قدرتي علي التحمل خلصت.....

ليه فيه ناس مشاعرهم كتير اوي ؟
فرحهم كبير...
حزنهم عميق....
حبهم قوي .....
كل مشاعر اوي اوي......
بس لاسف صعب يلاقوا حد يقدر يستوعب الكم ده مش المشاعر......
هل هما غلط؟
الغلط هو الكتير......

من كتر ما احنا عايشن في تمثليات كله بيمثل ويزود ...... مبقاش باين منين الحقيقي من المزيف....
اقرب الناس ليك هيصدقوا المزيف لانه بيلمع .... بيعرف يحور ويظبط ... بس الحقيقي مش محتاج ......
ومش عايزه حاجه مش حقيقيه ..... عايز حاجات حقيقيه بس.....
اي حاجه مش طالعه من القلب مش عايزها ......
حتي الي تعبان يزود ويزود في تعبه ..... لكن التعبان بجد بيقول تعبان وهو جايب مرحله اعلي كتير من التمثيل ......
بس عشان كله بيمثل ..... وعايز ردود افعال مبالغ فيها عشان يصدقك......
لاسف محدش هيحس بيك .... اتالم لوحدك اكرملك....

لا اله الا انت سبحانك اني كنت من الظالمين.

كهيعص

لما تتنازل عن حقوقك وتخاف تدايق الي قدامك .....
مع الوقت مش بيقي ليك حقوق ولما تطالب بابسط الحقوق .....
بتتقابل بهجوم كبير اوي .......
بس الغلط عليك انك اتنازلت اتنازلت لغايه ان مبقاش مسموح ليك تطالب باي حاجه.....
بقي طلبك تقيل اوي ..... بقي مش من حقك......
مش بتستحمل ...... كمل بقي واستحمل اكتر واكتر.......
واول ما تنفجر ....... يتشاور عليك ويتزايد .......
شوف الي مش مراعي ..... الي بيعمل تصرفات غريبه........
نعمل ايه بقي ننبذه ونبعد عنه لانه بقي وباء معدي يتخاف منه .....
بقي مؤذي ..... بقي بيعض.......
محدش ممكن يبقي سندك .... محدش ممكن يبقي جنبك علي طول.......
مفيش حاجه مضمونه .......
لانك جميل وحلو طول ما انت بتراعي بس لما تقع تلاقي سكاكين بتقطع فيك بلا رحمه .......
ايه ده انت وقعت ..... ايه ده يلا روح اقف لوحدك زي ما انت متعود ......
محدش بيحب يشوفك واقع ..... محدش بيحب يقرب وانت مش قادر...... طول ما انت حلو وعندك طاقه بس هنقبلك......
غير كده انت مرفوض......
تعبك المك خليهم لنفسك واوعي تتنازل عن حقوقك لاي حد ......
لانك اول ما تقع محدش هيسمي عليك.
ربنا هو سندك الوحيد ..... هو الي شايفنا واحنا وحشين وبنغلط وقابلنا...... وكل شويه يساعدك تقربله ..... وتستغفر ليه عشان عايز يسامحك.

شكلك ثابت من بره....... بس قلبك بيموت بالبطئ .......
خلاص من قادر يتحمل ...... مش قادر يكمل ....... مش قادر.

وَيَوْمَ يَحْشُرُهُمْ جَمِيعًا يَا مَعْشَرَ الْجِنِّ قَدِ اسْتَكْثَرْتُم مِّنَ الْإِنسِ ۖ وَقَالَ أَوْلِيَاؤُهُم مِّنَ الْإِنسِ رَبَّنَا اسْتَمْتَعَ بَعْضُنَا بِبَعْضٍ وَبَلَغْنَا أَجَلَنَا الَّذِي أَجَّلْتَ لَنَا ۚ قَالَ النَّارُ مَثْوَاكُمْ خَالِدِينَ فِيهَا إِلَّا مَا شَاءَ اللَّهُ ۗ إِنَّ رَبَّكَ حَكِيمٌ عَلِيمٌ (128) وَكَذَٰلِكَ نُوَلِّي بَعْضَ الظَّالِمِينَ بَعْضًا بِمَا كَانُوا يَكْسِبُونَ (129)
سوره الانعام