اللجنة الاجتماعية والرحلات - اتحاد طلاب هندسة اسكندرية

الحكاية الثانية ✨
حكاية خريجة دفعة 2025 - انتاج

"ف سنه اولي كنت باخد فلويد والامتحان كان ريتين وانا ذاكرت كويس جدا وحليت كل حاجه ممكن تتحل وعملت كل اللي عليا ومقصرتش ... دخلت الامتحان لقيت أسئله غريبه حتي مش عارفه أفهم السؤال عاوز اي خصوصا النظري مكنتش قادره افهم عشان اعرف أكتب حاجه وكنت طالعه من الامتحان وانا محليتش غير ربعه بس بالمعني الحرفي وباقي الأسئله سيبتها فاضيه معرفتش اكتب فيها كلمه وكنت طالعه زعلانه اوووي وبنسبه مليون ف الميه قولت خلاص الماده دي هشيلها بس بعدها قولت لا بلاش أقول لنفسي كده انا عملت اللي عليا والتوفيق من الله وأكيد هيديني ع أد تعبي مش ع أد اللي حليته ف الامتحان ودعيت كتير .... وبعدها النتيجه ظهرت ببص ع الفلويد وانا مرعوبه فجأه لقيت ال B+ منوره 😂 اللي هو طب انتي جيتي منين طب هل الورق اتبدل ولا اي اللي حصل 😂وقتها فرحت جدا وعرفت إن دي مكافئه ربنا ليا ع تعبي ولما وثقت إن ربنا مش هيخذلني وكان عندي إيمان قوي إني هنجح نجحت فعلا وربنا كرمني آخر كرم والله 🥺♥️♥️♥️♥️♥️"

لو عايز تشارك حكايتك 👇
https://forms.gle/7XTR6TXduRvWYKMfA

ذكرياتنا بتهون علي غيرنا 💚🤍

الحكاية الاولي ✨
حكاية خريج دفعة 2024 - قسم اتصالات

"في سنة اولى قولت اريح شوية من ثانوي واعدادي وقولت اريح حبتين وكان بدأ التخاذل من هنا، اسوأ ترم عدى عليا سنة اولى الترم الاول، طلعت تانية الترم الاول جبت gpa ترم ١.٣ وشيلت مادة واحدة وكنت انا الوحيد اللي شتيلها في دفعتي لدرجة اني كل اما اقول لحد انا شايل كذا يستغرب يقولي ازاي 😂
فا طبعا الترم التاني هاڤ لود كنت مسجل 4 مواد اساسية بدل 6 منهم الماشينز سيبتها مخدتهاش وده خلاني اقدر اطلع من الهاڤ لود من ترم صعب جدا في اتصالات بسبب مادتين هما السيجنالز والماشينز.
استوعبت بعدها ان ربنا شاء اني اشيل اسهل مادة علشان اركز بعد كدة وابطل استهتار (المادة مكانتش بتقفل حاجة وده من كرم ربنا لانها كانت ممكن تيجي في مادة بتقفل حاجات تانية) واني انزل هاڤ لود يخف عليا الترم الصعب ده بالذات اني متأكد اني لو كنت خدت ماشينز كنت هشيلها لان السنة اللي بعدها الموضوع كان اسهل شوية و جبت D بالعافية
وبالمناسبة انا نزلت هاڤ لود مرتين وشيلت مادة يعني كنت متأخر جدا عن دفعتي بس قدرت اعمل ال Academic comeback واتخرج مع دفعتي ان شاء الله 🥰
بس لو مكنتش نزلت الهاڤ لود ولا شيلت المادة كان ممكن اقع في تالتة او رابعة ومالحقش اخلص اللي ناقصني"

لو عايز تشارك حكايتك 👇
https://forms.gle/7XTR6TXduRvWYKMfA

ذكرياتنا بتهون علي غيرنا 💚🤍

ما بين اللخبطة و الضغط و أوقات الحزن
في حكايات ايام الامتحانات بنفتكرها تدينا أمل نكمل و ساعات تضحكنا..

هنستكمل معاكم النسخة الرابعة من حكايات امتحانات💚

احكيلنا موقف حصلك في الامتحانات، سواء غريب، مضحك أو حتى امتحان قدرت تنجح فيه بكرم الله بعد مجهود كبير💚

ذكرياتنا بتهون علي غيرنا ✨
شاركنا حكايتك 👇🏻
https://forms.gle/7XTR6TXduRvWYKMfA

مع تمنيات اللجنة الاجتماعية والرحلات التوفيق للجميع في أيام الامتحانات وأن تمر بخير علينا جميعًا ✨

اخر رحلاتنا الصيفية إلى مرسى علم " جنة البحر الأحمر"🐬

• ٤ أيام ٣ ليالي بتاريخ الخميس ٧/٢٣

» اليوم الاول:
التسكين في الفندق MG Alexander،
- الراحة و تناول وجبة الغذاء
- الاستمتاع بالسنوركلينج و الشاطئ الرملي الخاص بالفندق
- سهرة بدوية في الجبل ( اختياري )
السهرة شاملة العشاء اوبن بوفيه - شو شرقي - شو حصان - تنورة - DJ party

» اليوم الثاني:
- تناول وجبة الإفطار
- التحرك و قضاء اليوم في محمية وادي الجمال و ذلك يشمل نزول شاطئ حنكوراب الملئ بالشعب المرجانية و الاسماك الملونة و زيارة خليج القلعان و شجرة المنجاروف النادرة (اختياري)
- العودة للفندق و تناول وجبة العشاء

» اليوم الثالث:
- تناول وجبة الإفطار
- الذهاب للشاطئ الرملي الخاص بالفندق
أو الذهاب لرحلة اليخت (اختياري)
تقدر تختار ما بين :
- مرسي مبارك مكان تواجد الدجنجو و السلحفاة شامل السناكس
- منطقة صمداي " بيت الدولفين " لمشاهدة الدلافين شامل وجبة الغذاء علي اليخت
- العودة للفندق لتناول وجبة العشاء

» اليوم الرابع:
- تناول وجبة الإفطار
- سفارى بيتش باجي مرسى علم ( اختياري )
- التحرك للعودة بسلامة الله الي الاسكندرية

❕يتم تجميع اشتراك الرحلة بنظامي الكاش والقسط
ويكون نظام القسط كالاتي:
» القسط الاول ٤٢٥٠ جنيه (٥٠٪ من اجمالي المبلغ) خلال يومي الاربعاء والخميس ١٧ و ١٨ من شهر يونيو.

» القسط الثاني ٤٢٥٠ جنيه (٥٠٪ من اجمالي المبلغ) خلال يومي السبت والاحد ٤ و ٥ من شهر يوليو.

» على ان يكون إجمالي سعر الرحلة ٨٥٠٠ للطالب و ٨٧٠٠ للمرافق.

← السعر شامل :
← الاقامة في فندق MG Alexander، صور الفندق:
https://drive.google.com/drive/folders/1PQteWadndGkKD0hzNLLOX2e9XwDkdzk5
← الثلاث وجبات و سناكس و مشروبات Full Board
←الانتقالات من وإلي مرسى علم والمزارات عدا الاختياري

⚠️⚠️
- يجب على الطالب ان يكون مسددا للمصاريف الدراسية
- احضار كارنيه الكلية وصورة بطاقة المرافق
- يبدأ الحجز من الساعة 12 ظهراً حتى 4 عصرا بمقر الاتحاد في شارع انتاج في المواعيد المعلنة

لتفاصيل الحجز وتفاصيل أدق عن نظام التقسيط يرجى متابعة الايڤنت❤️
https://www.facebook.com/share/1DAbkCyiGu/?mibextid=wwXIfr

إليكم ثاني رحلاتنا إلى ( نويبع ودهب ) رحلة الاتنين في واحد🔥🌅🌊

• ٤ أيام ٣ ليالي بتاريخ الخميس ٧/٩

» اليوم الأول:
• الوصول صباحًا إلى مدينة طابا و زيارة قلعة صلاح الدين الايوبي واخذ الصور التذكارية ثم التوجه إلو خليج فيورد اجمل خلجان جنوب سيناء
• ثم التوجه والتسكين بالكامب (دروب كامب) في راس شيطان
• قضاء المدة في الكامب ونزول المياه وعمل سنوركلينج وكياك والسباحة الحرة في شاطئ رملي
• كما يوجد الكثير من الألعاب والفعاليات في الكامب كملاعب لل volleyball وتنس و بنج بونج والكياك والاستمتاع باجواء المنافسة والمسابقات
• ليلا يقدم العشاء وقضاء أجمل السهرات البدوية

» اليوم الثاني:
تناول وجبة الإفطار ثم التوجه إلى وادي الوشواش وراس شيطان (رحلة اختياري).
• ثم الرجوع للكامب وتناول وجبة العشاء مع الأجواء البدوية والسهرات المميزة.

» اليوم الثالث:
تناول وجبة الإفطار ثم التوجه لمدينة دهب وزيارة شاطئ الثري بولز والاستمتاع باليوم هناك
• الذهاب لممشى دهب والتسوق في أجمل مدن البحر الأحمر.
• الرجوع للكامب وتناول وجبة العشاء
ـ اليوم الرابع الاستمتاع بالشروق من الكامب وتناول الافطار ثم العودة للإسكندرية.

❕نظام التسكين بالغرف :
» بالنسبة للشباب Normal huts (دبل وتريبل ) مكيفة بحمام خارجي.
» بالنسبة للبنات غرف deluxe ( ثلاثية ورباعية ) مكيفة بحمام داخلي.
» جميع الغرف و ال huts ترى البحر مباشرة.
← جميع الغرف ترى البحر بصورة مباشرة.
← يوجد خدمات بالكامب وميني ماركت.
← صور دروب كامب:
https://drive.google.com/drive/folders/1yX4FCnpOk5fbVcVNJxLZq0aRYmrbB7gg?usp=drive_link

‼️يتم تجميع اشتراك الرحلة بنظامي الكاش القسط
ويكون نظام القسط كالاتي:
» القسط الاول ٢١٠٠ جنيه (٥٠٪ من اجمالي المبلغ) خلال الايام الاربعاء والخميس ١٧ و ١٨ من شهر يونيو.

» القسط الثاني ٢١٠٠ جنيه (٥٠٪ من اجمالي المبلغ) خلال الايام السبت والاحد ٤ و ٥ من شهر يوليو.

» على ان يكون إجمالي سعر الرحلة ٤٢٠٠ للطالب و ٤٤٠٠ للمرافق.

← السعر شامل :
• الاقامة كاملة (فطار وعشا) في دروب كامب.
• رحلة قلعة صلاح الدين وخليج فيورد.
• جميع خدمات والعاب الكامب ( الكياك - ادوار السنوركلنج - volleyball - تنس الطاولة )
• رحلة الثري بولز والممشى السياحي بدهب.
• الإفطار والعشاء يومياً.
• الانتقالات من الإسكندرية إلي نويبع والعكس في اتوبيسات حديثة مكيفة.

⚠️⚠️
- يجب على الطالب ان يكون مسددا للمصاريف الدراسية
- ⁠يجب احضار كارنيه الكلية للطالب وصورة البطاقة للمرافق
- ⁠يبدأ الحجز من الساعة 12 ظهراً حتى 4 عصراً بمقر الاتحاد في شارع انتاج في التواريخ المعلنة

←لتفاصيل الحجز وتفاصيل أدق عن نظام التقسيط يرجى متابعة الايڤنت❤️
https://www.facebook.com/share/1DAbkCyiGu/?mibextid=wwXIfr

يسعدنا الاعلان عن أولي رحلاتنا في صيف ٢٠٢٦ إلى مدينة السحر والجمال (دهب) 🌄

*والمفاجأة السنادي جميع اسعار الرحلات اقل من اسعار العام السابق🤯*

1️⃣ الفوج الاول: ٤ ايام ٣ ليالي ، بتاريخ الخميس ٧/١٦
2️⃣ الفوج الثاني: ٥ أيام ٤ ليالي ، بتاريخ الأحد ٧/١٢

» اليوم الاول:
التسكين في الفندق Golden Plaza ، ثم الذهاب لشاطئ اللاجونا ونزوب المياة والاستمتاع بمشاهدة الغروب (رحلة مجانية) ، العودة للفندق ثم التحرك ليلًا لسهرة جبل الطويلات (رحلة اختياري).

» اليوم الثاني:
التحرك صباحًا إلي محمية البلوهول وعمل سنوركلينج (رحلة اختياري) ،
التحرك في لانشات لمدة تلت ساعة للوصل لمحمية أبوجالوم وعمل سنوركلينج ثم التحرك إلي محمية البلولاجون شاطئ رملي (رحلة اختياري) ، ثم العودة مساءًا للفندق.

» اليوم الثالث:
التحضير للذهاب إلي محمية 3 بولز وعمل سنوركلينج (رحلة مجانية) ثم الاستمتاع برحلة يخت وتناول الغداء علي اليخت والاستمتاع بنزول البحر والسنوركلينج (رحلة اختياري).

» اليوم الرابع: (خاص بالفوج الثاني فقط)
الذهاب الي وادي الوشواشي والاستمتاع بنزول الماء ثم تناول وجبة الغداء في كامب في مدينة نويبع ثم العودة إلي الفندق (رحلة اختياري).

» اليوم الخامس: (خاص بالفوج الثاني فقط)
التوجه فجرا لمحمية الثري بولز لرحلة السفاري ومشاهدة الشروق من أعلى جبال وادي جُنى (رحلة اختياري)،
ثم العودة للفندق لتناول وجبة الإفطار وتحضير الشنط والعودة الي الاسكندرية بسلام❤️

⚠️ يتم تجميع اشتراك الرحلة بنظامي الكاش و القسط ويكون نظام القسط كالاتي:

1️⃣ الفوج الأول:
» القسط الاول ١٦٥٠ جنيه (٥٠٪ من اجمالي المبلغ) خلال يومي الاربعاء والخميس ١٧ و ١٨ من شهر يونيو.
» القسط الثاني ١٦٥٠ جنيه (٥٠٪ من اجمالي المبلغ) خلال يومي السبت والاحد ٤ و ٥ من شهر يوليو.

» على ان يكون إجمالي سعر الرحلة للفوج الأول ٣٣٠٠ للطالب و ٣٥٠٠ للمرافق.

2️⃣ الفوج الثاني:
» القسط الاول ٢٠٠٠ جنيه (٥٠٪ من اجمالي المبلغ) خلال يومي الاربعاء والخميس ١٧ و ١٨ من شهر يونيو.
» القسط الثاني ٢٠٠٠ جنيه (٥٠٪ من اجمالي المبلغ) خلال يومي السبت والاحد ٤ و ٥ من شهر يوليو.

» على ان يكون إجمالي سعر الرحلة للفوج الثاني ٤٠٠٠ للطالب و ٤٢٠٠ للمرافق.

← السعر شامل :
←الاقامة في فندق Golden Plaza، صور الفندق:
https://drive.google.com/drive/folders/1zumcA8v8Y0l-sruugCpokjqTtgKW0qMv
← وجبة الافطار
← رحلتى اللاجونا، ثري بولز
←الانتقالات من وإلي دهب والتنقلات الداخلية

⚠️⚠️
- يجب على الطالب ان يكون مسددا للمصاريف الدراسية
- ⁠يجب احضار كارينه الكلية للطالب وصورة البطاقة للمرافق عند الحجز
- ⁠يبدأ الحجز من الساعة 12 ظهرا حتى 4 عصرا بمقر الاتحاد في شارع الانتاج في التواريخ المعلنة

لتفاصيل الحجز وتفاصيل أدق عن نظام التقسيط يرجى متابعة الايڤنت❤️
https://www.facebook.com/share/1DAbkCyiGu/?mibextid=wwXIfr

إنه يوم عرفة...🤍
قال قال رسول الله ﷺ: «ما من يومٍ أكثر من أن يُعتق الله عز وجل فيه عبدًا من النار، من يوم عرفة، وإنه ليدنو ثم يُباهي بهم الملائكة»

كل عام وأنتم إلى الرحمن أقرب، كل عام وصحائف أعمالكم بالحسنات أثقل، كل عام و أنتم بخير، عيد مبارك عليكم وعلى الأمة الإسلامية أجمع 🤍