الصفحة الرسميه لمدربة التنميه البشريه سمر عبد الرحمن

١٠ حاجات ممكن تعملهم لابنك اهم من انك تدخلة مدرسة ال ABC-XYZ الدولية المهلبية الي بعشروميت الف دولار :-

١ - وديه البريتيش كاونسل ٣ مرات في الاسبوع ، هيبقي بيتكلم انجليزي كويس احسن من ميس حسناء الي بتدرسله في المدرسة الدولية ، او مستر چون الي هو شغال سمكري سليسيون في بلجراد .

٢ - علمه قران ، هاتله واحد يحفظه او يعلمه ازاي يقرا الكتاب الي هيدخلك انت شخصيا قبله الجنه .

٣ - خليه يتعلم هواية ، بيانو ، جيتار ، رسم ، نحت ، بريك دانس ، باركور اي حاجة لما يتضايق يفكر انه يعملها.

٤ - قوله " لأ " و صمم علي موقفك ، الموضوع ده مهم قوي ،
مش كل حاجة هو عايزها لازم تتجاب ، مش كل حاجة انت مش عايز تجيبها لازم تشرح السبب ، مش كل اما يعيط لازم يصعب عليك , " ممكن يبقي بيستهبل " ، سيبه هيعيط شوية و بعدها هيبقي راجل .

٥ - علمه انه ميعليش صوته ، من غير ما انت تعلي صوتك ، في المانيا انا بركب القطر ١٠ ساعات جنبي اطفال جميع الاعمار عمرهم في التاريخ ما عيطوا ، و لا قريفوا ، و لا كانوا عايزين يرضعوا ، و لا زمزقوا ، و لا اتكرعوا ، العيب فينا احنا مش في الطفل . هو بيسلك نفس سلوكنا احنا.

٦ - متقفش ابنك و هو بيعمل حاجة غلط عشان تذله و تكسر عينه ، و تقعض تقوله كل شوية
" خارج مع محمد برده - و لا خارج مع احمد صاحبك الشمام زي ما قفشتك و انت بتكدب عليا يا كلب يا واطي يا زبالة من ١٠ سنين " لا ما اضربوا الواد بالرصاص اسهل .

٧ - اوعي تقول لابنك انت فاشل . حتي لو هو فاشل.
اوعي تقوله انت زبالة . حتي لو هو زبالة.
اوعي تقوله انت مال ياض جسمك عامل كده ليه ،
حتة لو هو فعلا جسمه عامل كده ليه بالذات لو صغير .

٨ - متقولوش ابدا اي حاجة ، " وريه " ،
متقولوش متعليش صوتك " بصوت عالي " ،
متقولوش متكدبش و انت كداب ،
متقولوش صلي و انت مبتصليش ،
متقولوش ذاكر و انت بقالك ٢٠ سنة مفاتحتش كتاب .

٩ - استغل اي مصيبة هو عملها ، عشان تقوله " متقلقش " انا فى ظهرك ، كسر كوباية ؟ " قوله يلا نشيلها بسرعة قبل ما ماما تشوفنا " او العكس ، حسسه ان مش كل الناس ضده .

١٠ -و دي الاهم - انك تصحي كل اليوم الفجر ، و تدعي في كل صلاة لولادك و متياسش و تصر و تلح في الدعاء كل يوم ، كل يوم ، دي تكفي جدا ان شاء الله .

#أطفال

*23/8 الاربعاء*
*اول* ايام ذي الحجة
لمن يرغب بالصيام للتسعة ايام كاملة ان شاء الله تعالى
*والخميس 31/8*
يوم عرفة
وصيامه نحتسبه عند الله ان يكفر ذنوب سنة سابقة وسنة لاحقة.

واخر موعد لقص الاظافر وحلاقه الشعر واللحيه لمن لديه نيه الاضحيه
*يوم الثلاثاء٢٠١٧/٨/٢٢*
ذكر بها غيرك
وتقبل الله منا ومنكم
وكل عام وانتم بخير.

من الامور التي تزيد من الطاقه السلبيه وتسبب التعب -- هي جلد الذات واللوم المستمر للنفس فلا تندم على تسامحك مع الآخرين فهو ليس ضعف ... ولا تندم على صبرك عليهم فهو ليس إنهزام ... ولا تندم على حسن ظنك بهم فهى ليست سذاجة ... تفكيرك مختلف عن تفكير الآخرين يكفيك انك تفعل ما تشعر به وما يعبر عن نفسك الطيبة وقلبك المتسامح وقدرتك على العفو وما أجملها قدرة " والعافين عن الناس " اللهم اجعلنا منهم ... لا تندم .---بل استمر ع عمل الخير وانشر المحبه لانها كفيله بادخال الراحه الى الروح وزياده الطاقه الايجابيه

بنات انا كنت عند دكتورة تعديل سلوك انهارده وقالتلي شويه نصايح هقولهالكوا لعلها تنفع حد 💛

1-العياط ملوش عقاب يعني مينفعش تزعلي منه انه بيعيط ، العقاب ع الخطأ بس

والتصرف السليم مع العياط التجاهل مهما كان المكان والناس اللي حواليكي .

يعني يعيط سيبيه يعيط ولا تقولي بس ولا تحاولي تراضيه ولا تسهيه ف حاجه تانيه ولا تقوليله هزعل منك ولا كده عينك هتوجعك

مفيش اي كومنت ولما يخلص عياط متلمهوش ع العياط ولا نقولي انا زعلانه انك عيط.. العياط دا تعبير عن الشعور مش خطأ

2-الموبايلات والتاب والتلفزيون ساعه ف اليوم مقسومه علي مرتين لان دا بيأثر ع التركيز مهما كانت الاستفاده .

3- ممنوع الاطفال تنام ف نفس الاوضه مع الاب والام بعد سنه

4-قبل الخروج لازم يكون فيه اتفاق على اللي هيحصل دا هيقلل المشاكل يعني احنا رايحيين كارفور انهارده هنجيب حاجات للبيت وانت هتجيب حاجه واحده وهنلعب لعبتين بس ..

لو وافق اوك اعترض يبقى خلاص مش هنخرج واللي اتفقنا عليه مش هيتغير مهما حصل

5-الطفل لو عمل حاجه غلط قدام حد مينفعش توجه قدام الناس بتاخده ع جنب او ف اوضه تانيه وتعرفه غلطه ولو غلط ف حد برضه متزعقلوش قدام الناس ع جنب وتوجهه وبعدين تطلعه يعتذر.

6-ممنوع يدخولوا الحمام معانا او يشوفوا الام والاب اثناء تغيير الهدووم

7-متعمليش حساب لاي حد ع حساب ولادك قالتلي لو وسط مول وسط اهلك ف تاكسي اي حاجه تعملي الصح

بغض النظر عن الناس متقوليش هسكته مثلا باي حاجه عشان الناس .. الصح يتعمل تحت اي ظرف

8-متخليش ولادك مكتفيين 100%مش كل حاجه عندهم مش كل حاجه عاوزنها يجي لان دا ممكن يوصلهم للسرقه لانهم لما يشوفوا حاجه مع حد مثلا ومش عندهم هيمدوا ايدهم وياخدوها لانه متعود معاه كل حاجه عاوزها

9-ممنوع ياخدوا اي لعبه من عند حد وهما نازلين وممنوع تدي اي لعبه من لعبهم لحد حتى لو بموافقتهم لانهم بعد كده هيشوفوا ان عادي ياخدوا من عند حد طلاما الناس بتاخد منهم.

10-لازم وهما بيلعبوا يعرفوا ان في مكسب وخساره ولو رفضوا متلعبيش معاهم او وقفي اللعب.

11-لما يجيلك حد متطلعيش كل اللعب هتختاري معاه كام لعبه يلعبوا بيها وتشيلي الباقي وهتتقفي معاه انه هيلعب مع الضيوف باللعب ولو رفض يبقى خلاص متلعبش وهما هيلعبوا لوحدهم

12-بالنسبه للشيبسي والبيبسي مهما هتمنعيه وهو صغير مسيره لما يكبر هيطلب ياكله او يشربه

الحل لما هيطلب كده او لو هو بيحبهم اصلا يبقى نتفق انه مره واحده ف الاسبوع لينا وليه مينفعش احنا ناكل ونشرب قدامه ونقوله انت لا هي مره واحده ف الاسبوع بس

13-الكلمه اللي تتقال تتنفذ ممكن تديله مهله ينفذها بس لازم تتنفذ يعني مثلا لم اللعب قال لا اقول تاني لم اللعب لو قال لا طب انا هعد من 1 ل 5 تكون لمتها لو متلمتش تحرميه من حاجه معينه بيحبهااا

وتخلقى عقاب وهمي انت معملتهاش طيب خلاص مش هنعمل سوا الكيك اللي كنا هنعملها سوا انهارده

14-مينفعش نقول هقول لبابا لما يجي وبابا هيزعق قالتلي دا غلط جدا انتي كده بتلغي شخصيتك معاه لازم يسمع كلامك زي ما بيسمع كلام بابا ويعملك حساب زي بابا
💙

مواصفات الراجل الكويس:
١- الراجل الكويس يا حبيبتي مبدئياً مابيلونش ولا يرمي كلام عايم علشان مايتمسكش عليه، الراجل الكويس بيدخل دوغري كدا زي القطر وغير كدا يبقى ورق تواليت ولا مؤاخذة تكرمشي وترمي في اقرب زبالة..
٢- الراجل الكويس مابيخليكيش تمسكي وردة تنتفيها وتقولي بيحبني ومابيحبينيش ولا تجري ولا أم عماشة علشان تقرا لك الفنجان وتجيب لك قراره، لا بيقول لك بمنتهى الصراحة انه بيحبك أو معجب بيكي أو مش طايقك أصلاً يعني انتي وحظك بقى..
٣- الراجل الكويس مابيكدبش ولا بيتمنظر بحاجات مش عنده ولا بيقول لك أصل جدو الباشا وبابي البيه وبعدين تكتشفي ان جدو كان بيسرح ببليلة وبابي كان عجلاتي، الفقر مش عيب لكن العيب انه يستعر من أصله..
٤- الراجل الكويس مابيبقاش طمعان فيكي، طمعان في فلوسك أو في فلوس أبوكي، في انك تشغليه، ومابيبقاش داخل ياخدك سلمة يأمن بيها مستقبله لكن بيبقى داخل عايز يأمن لك انتي مستقبلك، وغير كدا كرمشي وارمي في نفس الزبالة.
٥- الراجل الكويس بيحترمك لانه مقتنع انك انسان ومن حقك انه يحترمك ويحترم رغباتك، مش أناني وداخل يشوف مصلحته هو وبس..
٦- الراجل الكويس راجل محترم لو بيحبك انتي هتلاقيه مركز معاكي انتي وبس مش ماشي يسقم على خلق الله وسكة "بحبك بحبك بحبك" بتاعت مسرحية سيدتي الجميلة، الراجل الكويس انسان محترم ومخلص.
٧- الراجل الكويس من الآخر مابيسيبش وراه مجال للحيرة وضرب الأخماس في الأسداس، أما اللي يحيرك دا، تكرمشي علطول وفي نفس المكان اللي اتفقنا عليه..
الراجل ده أقسم بالله لسة موجود #مانقرضش، هتطلع عينك شوية علي ما تلاقيه، الموضوع محتاج صبر ونفس طويل وغالبا هتقابلي لك بتاع ١٠ او ١١ ورق تواليت لغاية ما تلاقيه، اتقل تاخد حاجة نضيفة :)

"أَعْط كل شيء حجمه فقط لأ أكثر ولا أقل، سواء كان موقف، أو مشكلة، أو إنسان."

كل سنه وانتوا طيبين رمضان كريم عليكم جميعا ان شاء الله