Mr/Adham Emad

14/09/2026

What is the element? 🤔 👀

11/09/2026

السلام عليكم ورحمة الله وبركاته

مفيش شك ان اي ولي أمر بيبقا عايز يشوف ابنه او بنته احسن حد ف الدنيا ف كل حاجة

و اهم استثمار بالنسبة ل ولي الأمر ف ابنه او بنته هو التعليم

بيبقا عايز يشوفه بيتعلم احسن علام و يجيب اعلي الدرجات و يشوفه متوفق ف دراسته و يبقا حاسس ان كل تعبه دا مراحش ع الفاضي و ان كل جنيه و كل مجهود غرزه فيه و استثمره ف ابنه او بنته جاب نتجته ف الآخر

وهتلاقي ولي الأمر مبيبخلش علي عيله بفلوس ابدا و بيتعب و بيشقي عشان يوفرله الحياة التعليمية الي للأسف ناس كتير متوفرلهاش نفس الظروف دى و كانوا بس يتمنوا لو عندهم نفس الظروف دي

و منستبعدش ان الأب او الأم نفسهم ايام ما كانوا صغيرين متوفرلهومش نفس الظروف الي بيوفروها لعيالهم دلوقتي

و البعض منهم بيبقا مر بظروف قاسية جدا و مش بيبقا عايز يخلي عيله يعيش نفس الظروف دي و بيبقا عايزه يعيش حياة افضل و ميشوفش الشقي الي ابوه او امه شافوه زمان

عشان كدا هتلاقي ان معظم أولياء الأمور التعليم بالنسبالهم هو الضوء الي ف آخر النفق هو المنقذ الي هينتشل العيل من الضياع و يخليه ينال اعلي المراتب و دي فعلا حقيقة

و تلاقي ي عيني ولي الأمر يدفع دم قلبه من ساعة ما العيل يتولد و يدخله حضانة بآلاف الجنيهات و بعدها يدخل مدرسة

و هنا بقا تلاقي بعضهم دخل مدرسة حكومة عادي و البعض منهم يقولك لا انا عيلي يدخل مدرسة خاصة و البعض الآخر يقول لا انا ادخله مدرسة إنترناشيونال او امريكان او بريتيش و إلخ....

و كل دول ف الآخر يصبوا ف كليات خاصة او اهلية و تلاقي بعضهم يخلي ابنه يسافر و يتغرب ف بلاد برا عشان يتعلم ف ارقي الجامعات

و ف كل ال options دي بردو هيقعد يصرف دم قلبه و يحط الي وراه و الي قدامه عشان يلاحق ع المصاريف بتاعة تعليم ابنه او بنته بس

و دا غير المتطلبات بتاعة البيت و الحاجات الأساسية و لقدر الله لو حد مرض او تعب او حصل اي ظرف ف للبيت

كل دا بقا و ولي الأمر ي عيني متحمله و دا بيخلي ناس كتير تتغرب ف بلاد الله عشان تعرف تحط القرش ع القرش عشان تصد ع كل الهلمة دي كلها

و هنا هنمسك اكتر حاجة بتستنزف ولي الأمر و هي التعليم

و اسمحولي اسأل حضرتكم سؤال بسيط جدا

هل التعليم ف الوقت الحالي لسة هو الطريق الوحيد و الإستثمار الوحيد المثالي للنجاح ف الحياة ولا التعليم بيبقا مهم لمرحلة معينة و بعدها بيتحول للعبة أمار ي تصيب ي تخيب ؟

قبل ما نجاوب ع السؤال لازم نبقا عارفين ان العلم او التعليم مش حكر ع فئة من البشر من حق اي حد انه يتعلم و كمان لازم يكون شخص متعلم ع الأقل يجيد القراءة و الكتابة

و انا مش بتكلم ع دا انا هنا عايز اخصص كلامي ع المرحلة الثانوية لحد التعليم العالي و الثانوية بالذات لإن هي دي المرحلة الي عليها كلام كتير و تكاليفها اكتر

و هنا اجاوب حضراتكم ع السؤال الي سألته من شوية و الإجابة من وجهة نظرى المتواضعة قطعا لا

مش معني ان انت شخص مدخلتش ثانوية عامة او حتي جبت درجة ضعيفة ف الثانوية و ملحقتش كلية من كليات القمة يبقا انت فاشل لا الكلام دا مبقاش صحيح

ليه

دا سؤال نجاوب عليه ف فيدو منفصل عشان الوقت

بس بإختصار شديد جدا النجاح الدنيوى ف هذا الزمان بقا يتمثل ف الفلوس بتعرف تجيب فلوس خلاص انت كدا شخص ناجح سواء بتجيب فلوس بشهادتك الي انت طلع عينك سنين عشان خاطر تاخدها او هتجيب فلوس بأي طريقة تانية اذا انت كدا شخص ناجح

و هنا هييجي ولي الأمر يقولي ليه اختصرت النجاح ف الفلوس فين المكانة العلمية و احترام الناس و تقديرهم ليك و حاجات كتير كدا ...

هجاوب ع حضرتك و اقولك ان بفلوسك تقدر تعمل اي حاجة و الناس هتحترمك بردو و تقولك ي بشمهندس و انت عمرك ما حليت مسألة تفاضل من الدرجة الأولي حتي

و هيقولولك ي دكتور و انت اصلا متعرفش الفرق بين ال
Plant cell & animal cell

فطبعا دا هيزعل مني أولياء الأمور و يقولولي يعني انت عايز اي عايز العيال متتعلمش عايز تخرب دماغ العيال اكتر ما هي خربانة منك لله ي أخي

لا ي فندم والله حاشا لله اني اقول او اتبني فكرة زي دي ابدا

بس انا عايز حضرتك تشوف الدنيا بالمنظور الي ابن حضرتك شايفها بيه و رفقا بيه شوية و بلاش تضغطه و شوف الدنيا حواليه

الدنيا الي كلها مشتتات و ملهيات و وسائل التواصل الي بقت سبب خراب عقول الشباب و البنات و الي فيها أقذر الفيديوهات و قلة الأدب السفه و العري و التفاهة

قيم بتتغرز ف ابنك و بنتك و انت مش حاسس القيم الي لا تبني ولا تعلم ولا تطلع جيل فالح و ابن حضرتك بيشوف و بيلقط و بيقلد لإنه شايف ان كل الي حواليه كدا

و ضيف عليهم النماذج الي بتطلع و بتتشهر من الولا حاجة عشان لقوا ناس بتحب التفاهة و بتموت ف الفيديوهات القصيرة الي تمزجها و تنسيها همومها

كل دي حاجات ابن حضرتك بيتعرضلها من و هو لسة عيل ف ابتدائي و بينشأ عليها و بيتغذي بيها و وصل الحال اننا بقينا نلاقي ناس كبيرة و ناس مجوزة نشئوا ع التفاهة دي

و هنا هلاقي حد يقولي انت ليه مش عايز الناس ترفه اقولك ي حبيبي رفه بس الموضوع تحول من انه ترفيه و دخل ف زون الخطر و مبقاش ف رقابة ع الحاجة دي

فالموضوع وصل ان العيل بقا عنده تعفن دماغ و هي دي السلعة الي بيلعبوا عليها دماغك و دماغ ابن حضرتك ي فندم

بعد كل دا بقا هتجيب العيل دا ازاي و تقنعه بإنه يقعد يذاكر بالساعات و يفتح دروس و يتعلم و حتي لو ابنك الحمد لله ربنا هاديه و محترم و ملوش ف كل دا بس بردو بيتأثر بحكم المجتمع الي حواليه و صحابه الي بيقابلهم و بيتعامل معاهم كل يوم و ف كل وقت

شاب ولا ولد ي حبة عيني دماغه بقا فيها قيم و افكار غريبة هيبقا ازاي عنده القدرة ع التمييز و تحمل المسؤولية و يجبر نفسه و يجاهد نفسه انه يقعد يتعلم و يبقا شخص ناجح

التعليم عايز حد بيقدر يتحمل المسؤولية ع الأقل عارف امتي يهزر و يلعب و يرفه و امتي يقعد يخلص الي وراه

وقت الجد جد و وقت الهزار هزار

ربنا سبحانه و تعالي قال لسيدنا يحيي ي يحيي خذ الكتاب بقوة لازم الجد و لازم تتعب مفيش حاجة مفيهاش تعب

و دا مش معناه ان لو درجة ابنك كانت ضعيفة يبقا هو كدا فشل لا

ربنا اكيد شايله الخير و ان الخير مش ف الكلية دي لو هو تعب و عمل الي عليه عشان كدا لازم نجتهد و نتعب عشان ننال التوفيق للخير مش عشان نجيب درجات

فرفقا بالأبناء و وبلاش نقارن حد بحد و خليك ف ضهره و داعم ليه و شوف موهبته اي و نميهاله و مش درجة الثانوية هي الأساس الي هتحدد مستقبله بلاش الضغط الي من النوع دا لإن والله الشاب المحترم ف الجيل دا والله بقا عملة نادرة ف الزمن دا

ربنا يهدي شبابنا و بناتنا و يرفع عنا هذا الوباء الي احنا فيه لإن حقيقي الدنيا حوالينا بقت بشعة و محدش يأمن ع نفسه ولا ع اهله فيها ابدا

02/09/2026

Phase changes
Senior 2 بكالوريا - Chemistry
Lesson 1

31/08/2026

Senior 2 بكالوريا
Chemistry 1st session
(Phase changes)

16/08/2026

حتة فنية و انت بتعمل
ال electronic configuration لأي عنصر متنساش اني بمشي ع قاعدة ال
Auf_Bau
بالتوفيق ي أبطال 🫡🫡

15/08/2026

تفاعلات الأكسدة و الإختزال كما لم تسمعهم من قبل

15/08/2026

السلام عليكم 🥰🥰
حبايبنا تالتة ثانوى اول محاضرة ف المنهج نزلت و مجانا ع اليوتيوب فيها شرح لل periodic table و تقسيمته و ال uses بتاعة ال 1st transition series و خد بالك عشان نوهت ع افكار مهمة و دا طبعا غير الأسئلة و الأفكار الي موجودة ف مذكرة الأسئلة الخاصة بينا
لينك الفيديو: https://youtu.be/lZQZqAJzwwc
و لو حد عنده مشكلة ف اي حاجة ف القديم ياريت يتفرج ع المحاضرات التأسيسية اللينك بتاعها اهو
https://youtube.com/playlist?list=PLGXFXhOpdF1Y&si=EuiPOcKQ_X4o85y8
بالتوفيق ي أبطال 💪💪

Enjoy the videos and music you love, upload original content, and share it all with friends, family, and the world on YouTube.