Mr/Eslam Alaa Eldin

بسم الله الرحمن الرحيم
بإذن الله متاح برايفت علم نفس واجتماع وفلسفه ومنطق ثانوي عام
للحجز والتفاصيل التواصل ع رسائل الصفحة أو واتساب علي رقم
012 20991639

لقد وصلت إلى ‏‏١٠٠‏ من المتابعين‏! شكرًا على الدعم المتواصل. لم يكن بإمكاني على الإطلاق تحقيق ذلك دون مساعدة كل فرد منكم. ‏🙏‏‏🤗‏‏🎉‏

♦️يعلن أ/ إسلام علاء الدين عن فتح باب الحجز للعام الدراسي الجديد 2023-2024
♦️حجز مادة علم النفس والاجتماع
🎯 يوجد حجز مجموعات برايفت
🎯 يوجد حجز مجموعات أونلاين عبر برنامج Zoom
♦️ للحجز و للتفاصيل يرجي التواصل واتساب علي الرقم
📞 01220991639
📞 01008492791

ظهور نتائج الثانويه العامه 2022
اي حد عاوز النتيجة يسيب رقم الجلوس

جرب تروح مبنى النادي إللي بتشجعه سواء كنت أهلاوي أو زملكاوي وقولهم أنا بأشجع النادي من سنين وعايز أدخل
مستحيل هتدخل من الباب.. دا ممكن يطلبوا لك الامن ويقولوا عليك مجنون كمان
عرفت قيمتك ؟ !

أنت مجرد حنجرة بدون مقابل ، إنت ولا حاجة بالنسبة لهم .
عايز تهيص ؟ براحتك ؛
لكن بلاش تزعل صاحبك منك وتندفع وتفكر نفسك حاجة مهمة ،،

أنت بالنسبة ليهم و لا حاجة
و بالنسبة لصاحبك ممكن تكون كل حاجة ،،،،
بتحب نادي أيا كان إسمه بس متعرفش تدخله أصلا
لكن صاحبك أو قريبك فاتح ليك قلبه وبيته حتي لو بيشجع نادي منافس ليك ..

ياريت نعرف قيمة بعض وبلاش التعصب الأعمى لفريق بعينه يخسرنا بعض
دول 22 مليونير بيلعبوا مع بعض والخسران هو أنا وأنت.

هل الكورة صلحت تعليم ولا أفادت صحة ولا عالجت فقر ولا نصرت مظلوم ؟!!
الكورة ولاعيبتها زي الممثلين ، مصلحتهم وبس ، ولا حتى تلزمهم الجماهير .

مش عارف تربي عيالك متخلفش من الاول طالما انت مش قد المسئولية .
مش عارف توجههم للصح والغلط يبقه برضو متخلفش .
مش عارف تدى لعيالك دعم نفسي ومعنوى من صغرهم يبقه برضو ملهاش لازمة الخلفة .
متعملوش كوارث نتيجة لحظه عاطفية تجمعكم وتخلفوا طفل ف يوم من الايام يبقه مجرم او مضطرب نفسي ربوا عيالكم من صغرهم رباية صح ع الاقل احسن مانتوا اتربيتوا 👍

عن كمية الجهل والغباء والمرض النفسي اللي بقينا فيه كل يوم بيتأكدلي اكتر ان المجتمع دة حرفيأ 99٪ منه مضطربين نفسياأ .
اللي بيقتل واحدة عشان بيحبها واللي بيقتل مراته واللي بتقتل جوزها واللي بيسرق واللي بينتحر ازاي كل دة مباح عند الناس دي ازاي بيجيلهم قلب حقيقي يعملوا كدا ازاي تقدر تستحمل تقتل روح ف ايدك مهما كنت بتحبها او لا عمر دة ميديلك الحق تقتلها ولا تمس روحها واللي انتحر عشان غالبا علي مفهمت من بوستاته انو بيعاني من اكتئاب ومعاه مشاكل مع والده انت مش خايف من ربنا ؟ يعني انتحارك دة الحل مثلا لكل اللي انت عايشو كلنا عندنا ابتلاءات ومشاكل كلنا بنمر بظروف حرفيا مهلكه نفسيأ وجسديا بس عمر م الانتحار كان الحل .
للأسف مش عارف هنروح فين بعد كدا واي تاني ممكن يحصل اكتر من اللي بنشوفه لإن فعلا احنا عدينا مرحله البشر دى احنا وحوش عايشه مع بعض والبشر يتعد ع الصوابع .
ربنا يرحم امواتنا ويرحم ضحايا المنصورة النهاردة وبإذن الله حقهم هيرجع

عمرك سألت نفسك قبل متحكم علي شخص انه مجرم اي السبب اللي خلاه كدا ؟
1- الوراثه انو يكون عنده عامل وراثي او چينات من الاب والام انو يكون عنده قابليه لدة ومع اقرب سلبيات من البيئه بيبقه مجرم .
2- البيئة ونتاجها لو طفل سوى ومحترم ممكن يتولد ف بيئة قذرة كلها مجرمين تخلي عنده دة فعلا ولو مش كلها مجرمين هتلاقي كلها جهل وفقر وغباء فهتخليه مجرم
طب سؤالي بقا انه لما يتحاكم محاكمه صارمه هل هيطلع كويس ولا اوحش من الاول ؟
مستني اجابتكم 🌸♥️

أكتر كارثة ممكن تعملها في بني آدم إنك تخليه في صراع بين أصله الطيب وبين رد الفعل اللي المفروض يعمله علشان مايبقاش ( أهبل والناس تستعبطه)

في حين ان شخص تاني بيرد عليك ولسانه كرباج ماتقدرش تفتح عينك فيه ..
شخص بيتقي الله في تعامله معاك فتقول عليه ده أهبل وهيستحمل
وشخص تاني بيلففك حوالين نفسك فتبقي تحت رجله ..
الصراع ده صعب ومميت جدا نفسيا ..

بيبقي الإنسان يعافر بين فطرته وأخلاقه ودينه وبين إحساسه إنه عاوز ياخد حقه ويشفي صدره..
بين الثقه في وعود الله وأخذ الحق بقوة أو المسامحة بإحسان
وبين لحظات الانتقام الشيطاني ..

ماتسألوش الناس بتتغيرو ليه غير لما تشوفو حصاد أفعالكم معاهم !

نصيحتي لطلاب ثانوية عامة الفترة دى حاول تهدا ومتجهدش عقلك لان اجهادك النفسي دة بيزيدك توتر اكتر هتقولي طب اعمل اي ؟
1- نظم وقت نومك ، نام بشكل كافي عشان تقوم فايق مش مصدع ولا جسمك متكسر .⏰
2- نظم جدول المراجعة بتاعك بحيث ميكونش مكبوس معلومات فتلاقي نفسك بتفتكر حاجه وتنسي حاجه 📚
3- راجع مادة سهله مع مادة صعبة ✏️📗
4- خلي مراجعتك بسيطه بتعتمد ع نقاط وافكار معينة .📑
5-حاول تبعد عن الكافيين لانه بيزيد التوتر كفايه فنجان قهوة واحد او كوبايه نسكافيه واحدة ☕
6- ابعد عن المحبطين الفترة دى واللي شايفين ان دي مجرد سنه ملهاش تلاتين لازمة 👍
7-حاول تحط فواصل بين فترات المذاكرة بتاعتك في اليوم 🎧
8- اقفل فونك خالص وانت بتذاكر عشان متتشتتش📱
9- ذاكر ف اضاءة كويسه وانت قاعد وبلاش وياريت بلاش قعدة السرير دى خالص عشان هتنام 😂
10- واخيرا اللي بيتعب بيلاقي اجتهد واتأكد ان ربنا مش هيخذلك ومهما تجيب من مجموع يرضيك او لا اتأكد برضو ان ربنا ليه حكمة ف كدا وإن دة قدر ومكتوبلك بس إجتهد انت وسيب النتيجة ع ربنا ومهما كانت النتيجة قول الحمدلله لعل القادم افضل ♥️🌸

ازاي اعرف ان الشخص اللي قدامي غير سوي نفسيا او عقليا ؟!
عن طريق المظهر الخارجي من لبس وشكل
يعني الشخص الطبيعي بتكون هدومه منسقه ومهندمه نضيفه جسمه متناسق شعره متسرح عكس الشخص غير السوي
وعن طريق ايماءات وشه وتصرفاته وحركات جسمه الشخص الطبيعي بتكون ايماءات وشه وريأكشناته متفقه جدا مع الموقف اللي بيمر بيه وبتكون حركات جسمه طبيعية جدا

بمشي في الشارع بركز في المواقف اللي بتقابلني او تحصل قدامي شايف كمية كآبة غير طبيعية عند اغلب الناس نادرا لما بقينا نشوف حد فرحان او بيضحك من قلبه يا تري دة بسبب اي ؟!
ياريت اي حد يشوف البوست بتاعي يقولي من وجهه نظره اي سبب الكآبة والحزن دلوقت اللي بيمر بيه الناس