عمرو الغزالي Amr Elghazaly

17/08/2026

قضى الأمر ورسميا 👌

👈 نظام امتحانات الصفين الثاني والثالث في نظام شهادة البكالوريا المصرية بنظام 50% أسئلة اختيار من متعدد و50% أسئلة مقالية بداية من العام الدراسي المقبل 2026 / 2027.

- نظام امتحانات شهادة إتمام الثانوية العامة بالصف الثالث الثانوي بنظام الثانوية العامة بنظام 50% أسئلة اختيار من متعدد و50% أسئلة مقالية بداية من العام الدراسي المقبل 2026 / 2027✅

14/08/2026

من افضل شركات السياحه الدينية في مصر ( حج وعمره )
( اهتمام من اول الرحله لنهايتها - توعية - إشراف ديني طوال الرحله - مصداقيه )
انصحكم بها اكتر من 10 سنوات تعامل معهم

12/08/2026

فبأي آلاء ربكما تكذبان ...

🛑 "وكالة ناسا سجلت صوت مرعب جاي من أعماق الفضاء العميق، صوته عامل زي خبطة الباب المنتظمة بالظبط! الصدمة إن القرآن سمى النجم ده باسم (الصوت اللي بيعمله ) من 14 قرن في إعجاز فلكي ولغوي يوقف الشعر!" 🛑

لما تفتح سورة الطارق، هتلاقي ربنا سبحانه وتعالى بيقسم بقسم عجيب جداً، وبيحط فيه تفاصيل بتشرح ظاهرة فلكية معقدة في 3 كلمات بس:
{وَالسَّمَاءِ وَالطَّارِقِ * وَمَا أَدْرَاكَ مَا الطَّارِقُ * النَّجْمُ الثَّاقِبُ} [الطارق: 1-3].

العرب زمان فهموا إن "الطارق" هو أي نجم بيظهر بالليل.. وده صحيح لغوياً ومقبول لعقولهم وقتها، بس القرآن دايماً بيخبي في كلماته أسرار "رقمية وفيزيائية" بتستنى العلم الحديث يفك شفرتها. تعالوا نفكك الآية دي ونشوف التطابق المرعب بين وكالات الفضاء وكلام ربنا:

🚪 1️⃣ الإعجاز اللغوي: ليه سماه (الطَّارِقِ)؟
في اللغة العربية، الكلمة جاية من (الطَّرْق)، وهو الضرب بقوة وبشكل منتظم على شيء صلب (زي اللي بيخبط على الباب أو بيدق بمطرقة). ودايماً بيطلق على الزائر اللي بييجي يخبط على بابك.
لكن السؤال المنطقي هنا: ليه ربنا يطلق اسم "الطارق " على نجم؟!
النجوم في السما إحنا بنشوفها بتنور، مش بنسمعها بتخبط!
إيه علاقة النجم بالصوت و الطرق ؟

📡 2️⃣ الصدمة الفلكية: اكتشاف (النجوم النابضة - Pulsars)
سنة 1967، عالمة الفلك "جوسلين بيل" كانت بتراقب الفضاء بالتلسكوبات الراديوية، والتقطت إشارات غريبة جداً ومنتظمة جاية من الفضاء العميق. في البداية افتكروا إنها رسائل من كائنات فضائية!
لكن العلم أثبت إن الإشارات دي جاية من نوع جديد ومخيف من النجوم الميتة عالية الكثافة اسمها (النجوم النيوترونية - Neutron Stars) وتحديداً النوع الدوار منها اللي اسمه (النجوم النابضة - Pulsars).
النجوم دي بتلف حوالين نفسها بسرعة جنونية (ممكن توصل لمئات اللفات في الثانية الواحدة)!

🔊 3️⃣ صوت "المطرقة" الكونية!
النجوم النابضة دي وهي بتلف، بتصدر موجات راديوية منتظمة جداً. علماء الفلك في ناسا وغيرها لما أخدوا الموجات الكهرومغناطيسية دي وحولوها لـ (ترددات صوتية مسموعة) عشان يقدروا يدرسوها.. كانت المفاجأة اللي زلزلت الأوساط العلمية!
الصوت مكنش مجرد ضوضاء فضائية.. الصوت كان عبارة عن (دق منتظم.. طَرَق طَرَق طَرَق ).. كأن في مطرقة عملاقة بتخبط على باب في الفضاء!
القرآن اختار أدق وصف "فيزيائي وصوتي" للنجم ده وسماه (الطَّارِقِ) بناءً على الترددات اللي بيصدرها!

☄️ 4️⃣ الإعجاز الثاني في نفس الآية: (النَّجْمُ الثَّاقِبُ)
القرآن مكتفاش بوصف "الصوت"، ده وصف "الضوء والطاقة" بتاعته بكلمة معجزة: {النَّجْمُ الثَّاقِبُ}.
في اللغة، الثاقب هو الذي يخرق ويثقب الشيء بقوته ليمر منه.
علمياً، النجوم النابضة (Pulsars) بتُصدر من أقطابها حزمتين من الإشعاع الكهرومغناطيسي المرعب (أشعة إكس، أشعة جاما، وموجات راديو عالية الطاقة). الإشعاع ده قوي لدرجة إنه (يثقب ويخترق) كل حاجز في طريقه.. بيخترق غبار الكون الكثيف، والسدم الفضائية، وبيسافر ملايين السنين الضوئية لحد ما "يثقب" غلافنا الجوي وتلتقطه التلسكوبات على الأرض!

يعني هو (طارق) بتردداته وموجاته الصوتية المنتظمة، و(ثاقب) بإشعاعه الكهرومغناطيسي الخارق!

📌 الخلاصة:
تخيل نبي في صحراء مكة، من 1400 سنة، يوصف نجم بـ (صوته) وقوة (اختراقه)، في وقت مكنش فيه لا تلسكوب راديوي، ولا مرصد فلكي، ولا حد كان يتخيل إن الفضاء فيه أصوات ترددية أصلاً!
لما تسمع صوت النجم النيوتروني ده على يوتيوب أو في تسجيلات ناسا، وتحس بالقشعريرة من صوته المرعب، افتكر إن القرآن سجل الصوت ده ووثقه قبل ما العلم يكتشفه بـ 14 قرن

10/08/2026

انا لله و انا اليه راجعون..
توفى إلى رحمه الله تعالى جاري العزيز م/ ايمن كامل
نسالكم الدعاء الصادق له

09/08/2026

بدايه شرح منهج #الفيزياء 3 ثانوي دفعه 2027
#مجانا مع حل الاسئلة الهامه واسئلة الثانويه العامه علي كل درس
المذكرات شرح وأسئلة هتكون متاحه pdf مجانا لكل الطلاب من الاسبوع القادم باذن الله تعالي ومطبوعه كمان للي محتاجها.
( 2 ثانوي ) انتظرونا
معلم اول الفيزياء 💯👇
نعتذر هذا العام عن العمل في الستاتر ونكتفي بالاونلاين فقط
التيار الكهربي 👇

Enjoy the videos and music you love, upload original content, and share it all with friends, family, and the world on YouTube.

03/08/2026

كان رسول الله صلى الله عليه وسلم إذا سمع صوت الرعد والصواعق والزلازل؛ يقول: «اللَّهُمَّ لَا تَقْتُلْنَا بِغَضَبِكَ، وَلَا تُهْلِكْنَا بِعَذَابِكَ، وَعَافِنَا قَبْلَ ذَلِكَ».

رواه الترمذي

29/07/2026

منهج الفيزياء ل 2 بكالوريا
الفصل الاول الميكانيكا ١٢ درس
الفصل الثاني الاهتزازات والموجات ١١ درس
وده نص المنهج والله أعلم
#منقول

29/07/2026

هقولك كلمتين من أخ بمناسبة نتيجة الثانوية العامة:

النتيجة وحشة، مش عليك لوحدك.. فانت مش لوحدك، وده معناه إن الامتحانات كانت صعبة فعلا، ومش عليك لوحدك.. لكن انت لا فاشل ولا ضايع.. انت كنت ضحية لظروف كتير جدا.. لكن انت في إيدك تكون القمة في أي كلية، وبعد الكلية، مهما كان اسم الكلية، في ايدك تكون على القمة.. صدقني أنا جايلك من المستقبل وبقولك عمر ما كانت الكلية هي الأساس إنك تبني نفسك وتنجح وتكون في مكانة محترمة.. لا سوق العمل بقى مرتبط بالكلية، ولا المكانة الاجتماعية مرتبطة بالكلية، ولا بعد ٥ سنين حد هيسألك انت جبت كام في الثانوية العامة.. انت وبس اللي هتفرض نفسك على اللي حوليك وهتفرض نفسك على الوظيفة.. أنا ربنا ما أردش أجيب مجموع كبير في الثانوية ودخلت أداب قسم اجتماع بجامعة دمنهور (البحيرة) واتخصصت من قسم اجتماع شعبة إعلام.. مع إن كان فيه عشرات من كليات الإعلام الكبيرة والعريقة.. لكن مجموعي مجبهاش.. كان حلمي أكون صحفي.. ومع إني كنت في شعبة إعلام داخل قسم اجتماع بكلية آداب.. الحمدلله وبفضل الله.. وصلت لللي أنا عايزة.. في عز ما كانت المنافسة مع خريجي كليات الإعلام شرسة جدا.. لكن طموحي وسعيي وجهدي وكفاحي بعد توفيق ربنا ودعوات والدي الله يرحمه وأمي الله يبارك لي فيها.. خلاني جزء من مؤسسة الأهرام الصحفية العريقة والتاريخية من وأنا طالب في ٣ كلية.. ودي الأهرام اللي مكنش حد أبدا يعرف يدخلها بسهولة.. ودخلتها وأنا لسه طالب صغير وغيري كتير جدا من خريجي كليات القمة في الإعلام مدخلوش لظروف كتير ربما يكون أهمها إنهم مقدروش يكملوا للنهاية.. مش بحكيلك قصة فخر.. لأ خالص والله.. بحكي لك حكاية شاب بيكتب بواقعية عن حياته الشخصية.. علشان تحط المثال ده قدام عينك.. انسى المجموع وانسى الكلية مهما تكون.. انت يا حبيبي قدوة نفسك، وبطل ذاتك، وعنوان القمة.. لا عمرها كانت ولا هتكون بكلية القمة.. وبص حوليك وشوف الطلبة والخريجين وكلياتهم العريقة وانت تتأكد من كلامي.

نصيحة شاب وأب وأخ في نفس الوقت لو تقبلني أخ: أوعى تزعل.. خد من مجموعك ده أكبر دفعة في حياتك إنك تثبت لنفسك أولا قبل أي حد.. إنك ناجح مش فاشل ولا هتكون فاشل مهما غيرك شافك فاشل.. ولا تبص وراك.. بص قدامك وبس.. وقرر تعرّف كل اللي حوليك إنك تقدر.. وصدقني هتقدر وهتنجح وهتوصل.

وهستناك تبعت لي في يوم من الأيام تقولي قدرت ووصلت ومجموع الثانوية العامة ده كان أكبر خدعة في حياتك.. وكلية القمة ولا تسوى قدام شخص قرر يكون هو القمة ❤️
منقول

29/07/2026

بسم الله الرحمن الرحيم
👈 3ث دفعة 2026 .. بعد النتيجه .. كلمتين ‼️

كل أب وأم ولي أمر و مدرس و مسئول ...👇

لازم تكون فخور بإبنك سواء حقق حلمه أو لأ ..

بالرغم من إن كثير من الطلاب حاصلين على درجات عاليه ..

ولكن أيضا الكثير من الطلاب بذل مجهود كبير وعمل اللي عليه ولكن لم يوفق وطلاب كان يستحقوا درجات أعلى من التي حصلوا عليها .. وطلاب كتير مستواهم مقارب لمدرسين الماده وحصلوا على درجه النجاح فقط
وايضا طلاب لم يبذلوا مجهود يذكر وحصلوا علي نتيجه أعلى من مستواهم ..
ولكن كن علي قناعه أن الله سبحانه لا يضيع أجر من أحسن عملا
وان رب الخير لا يأتي إلا بالخير ..
وتاكد أن الله سبحانه وتعالى له حكمه وتدبير في الأمور لا يعلمها الا هو ..

ما دمت عملت اللي عليك سواء طالب أو ولي أمر يبقى تقول الحمد الله ثم الرضا ثم سيبها على الله ثم التفكير في القادم .. الثانويه العامه مجرد خطوة في طريق طويل .. تقدر تخليها قصه نجاح في اي مجال واي كليه مش شرط طب وهندسة .. ممكن تبقى مدرس ناجح أو محاسب متمكن أو محامي صادق أو .. او .. او ...
✨وأسأل الناس الناجحه في حياتها .. عملت ايه في ثانوي ؟ .غالبا هيقولك كنت عاوز كليه كذا ولكن دخلت أخرى ونجحت وتفوقت وكانت هي الخير ليا باذن الله .
#ابنك اهم من الثانويه العامه 👌

وفقكم الله وسدد خطاكم 🤲❤️
💥افرحوا بنفسكم ..
اخوكم / مستر عمرو الغزالي
معلم اول الفيزياء 💯♥️