Life coach Asmaa Abolftouh

🤍 ما خلقك ليعذبك (٢٠ )

(و أجمل أيامى لسه ما عيشتوش )

مهم جدا نكون عايشين بمبدأ أن فيه أيام أجمل جايه .. و أن ربنا شايلنا أحلى ..

يا ترى حلمك فى أجمل أيامك اللى لسه ما شوفتوش يكون إزاى ؟ فكرت فيه قبل كده !؟


ممكن يكون أجمل يوم فى حياه إنسان اليوم اللى ربنا يجمعه فيه باللى حبه و يكمل رسالته معاه . و ممكن يكون اليوم ده لحد تانى هو اليوم اللى ربنا يشفيه فيه أو يشفى حد بيحبه . و ممكن يكون اليوم ده لحد تالت أنه يبدأ مشروعه اللى درسه و خططله و استثمر فيه كل فلوسه . و ممكن يكون لحد رابع اليوم اللى يحصل فيه على درجه علميه تعبلها و سهر عليها كتير .. ..

و ممكن و ممكن و ممكن …

مش مهم يكون إيه لأننا بنعيش تجربه إنسانيه فريده و فيها عدد لا محدود من الأحلام و الممكنات

لكن المهم إن يكون عندك يقين إن بكره أحلى لإنك ما دمت بتسعى يبقى انت تستحق…

و فى حد ممكن يكون بيتمنى أن أحلى أيامه يكون .. أخر يوم له فى الدنيا .. يعنى اليوم اللى هيقابل ربنا فيه ..

اللهم اجعل أحب أيامنا … يوم نلقاك فيه🤍

🤍 ما خلقك ليعذبك ( ١٩)

خُلقت لتحيا تجربه إنسانيه فريده ..
و ما خلقك واهب الحياه جزافاً .. فلكل منَّا رسالته فى الأرض ..

واعلم انه من الممكن أن تكون رسالتك موجزها فقط فى إعداد شاب أو فتاه لخدمه البشريه .. فاعقد العزم و النيه لإعداد ذريه لخدمه الأرض و نشر الحب و السلام فى الكون ..

اعلو .. اسمو .. ارتق .. أحب و ازدهر تكن رسالتك 🌱🤍

🤍ما خلقك ليعذبك ( ١٨)

بعدك عن حقيقتك ⬅️ يقلل جاذبيتك

فالجذب منبعه الطبيعه

كن حقيقى … عبر عن كينونتك

فطرتك الأساسيه أساس قوتك الغير محدوده

لا حاجة للأقنعه .. الأقنعه للضعفاء وما أنت بضعيف

و لا تسمح لاحترامك للآخرين و إنزالهم منازلهم أن ينزلك من مرتبتك الحقيقيه و تتحدث بصوت غير مسموع من فرط هيبة أحدهم فى قلبك

احترم .. و لا تخضع
عبر .. و لا تقف
قدِّر .. و لا تقلل حالك

و تأكد أنه أحاطك بوفره من حولك كلها لخدمتك .. لا لتركض خلفها ..

كن عزيزا .. أزدهر .. أسمو ..و ارتق

خلينا نقول تانى ومن الأول علشان الناس اللى سألونى يعنى إيه جلسات كوتشينج و انهم عايزين يعرفوا اكتر

جلسات الكوتشينج جلسه فيها طرفين أساسيين
مين هم ؟
الطرف الأول العميل و هو شخص لجأ للايف كوتش علشان يساعده يساعد نفسه
لوجود تحديات فى حياته و لكن ليست أمراض نفسيه مثل مثلاً انك تكون
✔️ محتار فى اتخاذ قرار معين
✔️ معرفه قدراتك الحقيقيه
✔️ تستكمل رحلتك بشغف لا روتينيه
✔️ تحافظ على مستوى نجاحك و عدم النزول عنه
✔️ ترتب أولوياتك
✔️ تطور أدائك
✔️ السعى بشكل يحقق أهدافك
✔️ التوقف عن كل ما لا يخدم تطورك
✔️ تحديد او تغيير مسارك الوظيفى
✔️ انك تكون مش مرتاح فى شغلك الحالى و عايز تزود مهاراتك ومش عارف تبدأ ازاى
✔️ طالب مش عارف ميوله و الجامعه المناسبه ليه
✔️ شخص متفوق فى مجال من المجالات و فيه منافسه عاليه و عايز يحافظ على مستواه
✔️ الرغبه فى التغلب على عاده سيئه و التوقف عنها
✔️ الرغبه فى بدأ عاده جديده
وغيرها من التحديات ….

طيب كده عرفنا العميل

مين هو الكوتش ؟
الكوتش ده شخص درس العلم ده على إيد متخصصين معتمدين من جهه عالميه زى الإتحاد الدولى للكوتشينج ICF بالولايات المتحده الأمريكيه درسوله العلم ده و دربوه و أشرفوا عليه أثناء ممارسته للمهنه دى لعدد من الجلسات و ذلك للحصول على شهادته المعتمده بإنه كوتش محترف لمزاوله المهنه

الكوتش مطلوب منه دايما أنه ميوقفش عند نقطه أو شهاده واحده علشان كده بيبقى دايما بيدرس و بيعمل جلسات للمحافظه على مستواه المهنى
بالنسبه لى بفضل الله خلصت الشهادات دى

Certified professional coach (CPC )
و دى شهاده الكوتش المحترف المعتمد و اخدتها عام ٢٠١٩

Train the Trainer certification
و دى شهاده إعتماد بتدريب المدربين واخدتها عام ٢٠٢٠

Certified group coaching
و دى شهاده الاعتماد لكوتشينج المجموعات يعنى الكوتش بيقوم بعمل جلسه كوتشينج مع مجموعه لها نفس الهدف و دى كانت سنه ٢٠٢٠

Certified career coach
و دى شهاده الاعتماد للكوتش المهنى حصلت عليها عام ٢٠٢١

Certified Corporate coach
و دى اللى انا بدرسها حاليا وهى كوتشتج المؤسسات

الصفحه دى الغرض منها حاجتين
الأول : رفع الوعى الإنسانى و تصحيح المحتويات الفكريه الخاطئه
التانى : التواصل مع العملاء الراغبين فى عمل جلسات كوتشينج
فرديه أو جماعيه

تابع بوستات التوعيه من خلال تتبع منشورات الصفحه
اضغط follow ليصلك الجديد

https://www.facebook.com/coachasmaaabolftouh?mibextid=LQQJ4d

اطلب مساعده لايف كوتش و ابدأ (((الآن ))))بإيقاظ وعى مختلف

ارسل رساله لحجز جلستك على واتساب الصفحه
+20 1063366281

🤍ما خلقك ليعذبك (١٧)

كثيراً ما يكون الحرمان للمرء دافعاً أن يمنع عن غيره
و كثيراً ايضاً يدفعه للعطاء

فمن حُرِمَ أشياء أرادها فى حياته أمامه طريقان قد يسلك أحدهما دون أن يشعر

إما أن يمنح ما حُرِم منه بحب و عطاء ليستشعر الرضا من الطالب .. وكأنه بسعاده الآخرين بعطائه يسعد و تطيب نفسه إذا تذكر وقتما أراد و لم يجد

وهنا يحرك النفس الفطره و الرحمه و الحب و استشعار الوفره و و هنا تُطَابِق استناره النفس استناره الروح
فيُعطَى وفره من الكون أكثر مما قدم

و إما أن يمنع الآخرين ما حُرِم منه فليسوا أعز عليه من نفسه
وهنا يحرك النفس قوى دونيه سفلى لا ترى الجانب المضىء من الحرمان الذى تعرضت له و الذى بإمكانه أن يصنع إنسان مستنير يحول حرمانه إلى قوه للاستغناء
إنما ترى القسوه و النقص فى الكون فتورثها للآخرين و يستقر فى ذهنيته ان تجربه الحرمان لابد أن يمر بها كل إنسان

وبين هذا و ذاك

أعط و أكرم و زِد لأن ما يفيض منك يفيض عليك
ولكن اعط بيقين

أعط و اجعل وفره الكون مفهوم مستقر فى ذهنيتك

أكرم الإنسان أكرم الحيوان و اجعل منك سبباً لرزق غيرك فما أسمى من ذلك !

أعط المال .. اعط الطعام .. اعط الحب .. واعط الحنان و الرفق

قدم النصيحه و أوصل العلم و انشر المعرفه و بث الحماس

أعط و لا تنتظر لأن حقك مكفول بقوانين صنعها صانع الكون الذى وهبك الحياه

أعط و اسمو و ازدهر و ارتق لتكن رسالتك فى الأرض

🤍 ما خلقك ليعذبك (١٦)

نظرتك التى تعكس محتواك الفكرى لما حولك من بشر و موجودات تحدد طريقه تعامل تلك الموجودات معك

فإذا نظرت للشىء أو الشخص بنظره إنبهار و أنه شىء لن يتكرر و أنه لا مثيل له فإنك تنظر من موضع ضعف و دنو و سيبقى دائما أعلى منك و بعيد عنك

و إذا نظرت من منظور الوفره و إن خزائن مالك الكون مملوءه من ذلك الإنسان و تلك السياره و هذه الوظيفه و ان بداخلك قوه لا محدوده و أنك فى موضع قوه و كل ما حولك خُلِق لأجلك
ستكون أنت الأعلى و سينجذب حتماً إليك كل ما هو أضعف

إحساسك بقوتك يحددها المحتوى الفكرى الذى ينعكس على رؤيتك لكل تفاصيل حياتك

و اعلم انك لست الجسد الذى أنت عليه الأن

بداخلك كنز من الطاقات و القوى و الإلهامات لا يفنى

بداخلك روح مختاره حره لها كل الإمكانات و القدرات الأن و فى اللحظه وهبها لك واهب الحياه

انت قوى بما يكفى أن يخضع لك كل ما فى الكون فقط تذكر حقيقتك

و أكررها لك و لنفسى
اعلم انك لست الجسد الذى أنت عليه الأن

🤍 ما خلقك ليعذبك ( ١٥)

الناس فى الدنيا مختلفه .. منها اللى المال بيفيض عليه . و منها اللى معندوش فلوس يجيب أكل لنفسه فى اللحظه . و منها اللى يا دوب الدنيا معاه ماشيه . ومنهم اللى و لا غنى اوى و لا فقير اوى ..
و يبقى المالك و الغنى و الباقى هو (( الله)) و لا سواه.

طيب ليه كده و ليه انا اتخلقت ابن بواب و ليه انا اتخلقت ابن السفير و فين العدل يا رب .. و بدون الدخول فى تفاصيل ممكن تلخبطك لان اخرها هتعرف ان انت اللى اخترت .

خلينا نقول دلوقتى انك لاقيت نفسك فى حالك ده لأنه أنسب حال ليك . علشان تعيش رسالتك اللى اتخلقت عشانها ، و اللى هى معرفه نفسك اللى من خلالها هتعرف معرفه من وهبك الحياه . يعنى معرفه الله

و المفروض اعمل ايه .. عرفت انى اتخلقت فقير او غنى عشان أعيش رسالتى .. أعيشها إزاى بعد ما عرفت؟

أقولك و أقول لنفسى معاك .. حاول تمشى على الكاتلوج أياً كانت ديانتك .. أكيد ليك قواعد فى دينك تمشى عليها فى حياتك .. و حتى لو ما كنش ليك دين فطرتك هتهديك فى يوم من الايام للطريق الصح بس بشرط ( انك تكون صادق فى رحلتك ) ..

حاول تقرب من قواعد الكاتالوج و الأهم انك تبعد عن انك تلوث نفسك بالغل او الحسد او الحقد او اى ملوث يعكر صفو فطرتك الحقيقيه ، اللى هى الخير و النقاء . لانك بمجرد ما بتلوث نفسك بيبقى عندك قوتين جواك لازم واحده تغلب فيهم …واحده منهم لا محدوده القوى اللى هى روحك اللى واهب الحياه نفخها فيك مفيهاش أدناس و لا خبث هى روح اتخلقت علشان تكون نقيه و طاهره . و القوه التانيه هى نفسك اللى انت عملتها بإيدك ..

وأكيد دايما روحك هتغلب نفسك .. فلو نفسك مش متناغمه معاها هتخسر و هتشقى و هتزعل وعمرك ما هتشوف السلام الداخلى جواك لانه مش هيحصل الا لو مشيت فى طريق المعرفه اللى هو رسالتك .. اللى اتخلقت علشانها .

هتمشى على فطرتك و هتطابق تصرفاتك فطرتك الحقيقيه يبقى نفسك و روحك هيكونوا متناغمين و هتسعد و لو كنت لا تملك إلا قوت يومك لإن فكره الغنى و الفقر دى أفكارك الذهنيه اللى انت خلقتها بنفسك .. وعمر الغنى ما ارتبط بالسعاده

لو بدأت بصدق من النهارده حاول تشوف هل نفسك متناغمه مع روحك .. و هل الاتنين ماشيين مع بعض فى طريق رسالتك فى الدنيا ؟ و لا انت ملخبط و نفسك و روحك غير متناغمين .

و اعرف كويس انك اكتر حد فى الدنيا تعرف تجاوب على السؤال ده ومفيش حد مهما كان قربه منك أو يعرف عنك كتير يعرف أدك .
حاول تجاوب و تصلح و انضم روحيا الى كل واحد هيقرى الكلام ده و يحاول يعيش رسالته و يوصل للسلام

ازدهر اسمو ارتقى

🤍 ما خلقك ليعذبك(١٤)

((((((((((((((((((( الخوف )))))))))))))))))

لو دققنا التأمل فى أسباب المعاناه النفسيه و الصدمات و حالات الإكتئاب و الأزمات و القلق و التوتر و الضيق و أحاسيس كثيره تملأ الوجدان البشرى و تشعره بعدم الراحه و ضيق النفس هنلاقى ان كثير منها سببه الخوف

(((((((الخوف من إنى مالاقيش))))))))

ممكن عند واحد ميلاقيش فلوس .. عند تانى ما يلاقيش غدا .. عند تالت ميلاقيش دوا… ميلاقيش صحه … ميلاقيش أمه.. ميلاقيش اهتمام.. ميلاقيش تقدير ..ميلاقيش قيمه..ميلاقيش إشباع لغريزه عنده.. ميلاقيش و ميلاقيش ….

و الخوف كان سبب أساسى فى أكل آدم و حواء من الشجره
لأن الشيطان لما غواهم .. وسوس لهم بأنها شجره الخلد
و قال لهما: ما نهاكما ربكما عن أكل ثمر هذه الشجرة، إلا أن تكونا ملكين من الملائكة، أو تكونا من الخالدين!

و الحل فين ؟
الحل فى التسليم .. ربنا خلقنا بنى آدم و كرمنا بنفخ الروح فينا التى لا تفنى و منحنا الإختيار و أنزلنا إلى الأرض لنحيا تجربه إنسانيه متمثل كل منا فى صوره جسده و ده اللى لم يعطه رب العزه لحد غيرنا إلا الجن

التسليم يتعمل ازاى ؟
تقدر تسلم بأنك تعلم جيدا أن من وهب لك الحياه ليس كمثله شىء تولى أمرك و أن مهما حدث لك من عثرات و نكبات فإنها تحدث لجسد فانى فقط أما روحك فهى خالده
(فأهدأ بتفعيل تصورك بأنك قوه لا محدوده تعيش تجربه إنسانيه ستنتهى لتبدأ روحك فى مراحل أخرى إلى أن تخلد نعيما ً أو شقاءً) و حاول تقرى الجمله دى تانى

و لو دققت النظر و تأملت ستجد ان خوفك مالوش أى فايده غير أنه يعيشك فى جحيم دائم بعيدا عن السلام الداخلى اللى لو تحققت فعلا بيه مش هيهمك انت غفير و لا أمير فى كل أحوالك حاسس السلام لأنك تعلم أنك فى دور بتأديه و هيخلص

فاحرص على أداء دورك بيقين فى رب العالمين و لا تتعجل شىء او تستأخر شىء وده لانك واثق انك مخلوق علشان تنعم مش علشان تشقى

لكن اللى بيحصل انك لما بتحيد عن رسالتك اللى ربنا خلقك علشانها او بتنسى اجابتك لربنا لما أجبت و انت فى عالم الذر
(ألست بربكم؟ قالوا بلى ) وانك نزلت الأرض علشان رساله و انك غير مجبول و لكنك مختار… فلو مشيت على رسالتك هتنعم و لو حيدت هتشقى .. يبقى هتستريح

فليكن سيرك بأمان لأنك تستمد قوتك من قوه غير محدوده لا تتعلق بزمان و لا مكان و لا حيز
تعلقك بخالق الكون واهب الروح

احرص و اسعى إلى الخالد و ليكن التسليم فى الزائل والخالد
و بالسعى مع التسليم يأتى السلام الداخلى الذى لا يتعلق بمال و لا صحه و لا جاه بل يتعلق فقط بانطباق نفسك مع روحك و رسالتك التى خُلقت لاجلها ..



#الخوف

🤍 ما خلقك ليعذبك (١٣ )

لكل طالب بيختار طريقه و لاى إنسان بيحاول يدور على العمل المناسب:

حاول تبحث على رسالتك اللى ربنا خلقك علشانها و اللى ممكن تقوم بيها و انت مش حاسس بالوقت مهما طال و انت بتعملها

حاول تساعد و تقدم و تعطى و الفلوس هتيجى لأنك خرجت عطاء فلازم هيدخلك عطاء أكبر لان دى قوانين الحياه

اتعلم كويس و اتقن و صر و اتحدى و آمن بموهبتك ايا كانت ..

امشى فى إتجاه شغفك وما تمشيش زى القطيع ..

مش قصدى أكيد أقدح فى تفكير أى إنسان لأن إحنا مكرمين بعقل و إختيار من واهب الحياه لم يُعطى لمخلوقٍ سوانا فى الكون و لكن أقصد ترك العنان لشغفك و روحك فى إختيار الطريق المطابق لما خُلِقت له

بلاش الجرى ورا الشائع و المنتشر و بلاش تتبنى الأفكار بدون قناعات انت نفسك ممكن تكون مش مؤمن بيها ..

إصرارك على طريق لا يتوافق مع روحك لا ينتج عنه إلا حياه لا تتطابق مع طاقاتك الداخليه و لا تجنى إلا تعاسه و روتينيه و شقاء و شكوى و شعور دائم بإنك ضحيه الظروف و المجتمع

💫كل الإحترام و التقدير لكل من آمن بذاته فكان مثالا ًمزدهرا راقيا يشع العطاء لمن حوله
💫لكل من سهر و عمِل لتحقيق غايته و حلمه
💫لكل من عمل بصمت و نجح و ازدهر بالعلن

الحب مش كل حاجه ،،، الأمان هو الحب و كل حاجه

لكل بنت بتختار شريك حياتها

❤️انتى أكيد محتاجه الحب فى حياتك❤️

محتاجه تحسى انك بتحبى و بتتحبى
ويكون فى شخص دايما مسئول عنك وانتى مسئوله عنه
وبيسأل عليكى وبتسألى عليه
وعارف كل حاجه عنك وانتى كمان عارفه كل حاجه عنه
❤️ شعور جميل بيدفى القلب و بيملاه
❤️ شعور بيحسس الإنسان أنه عايش

و لما المكان اللى فى القلب ده بيبقى فاضى احساسك بحياتك بيكون كئيب وناقصه حاجه علطول
ناقصه إحساسك انك عايشه وإنك إنسانه

المطلب ده مطلب شرعى ليكى انك تلاقى اللى بيحضنك وبيخاف عليكى علطول فى كل مواقفك لما بتبقى فى وفاق او فى خلاف معاه هو بيحبك وبيخاف عليكى وحاضنك دايما

وهو ده اللى انا عايزه اتكلم عنه احساسك بالامان فى الوقت الصعب بينك وبين شريك الحياه
ان مهما حصل بينكم فيه ثوابت مبتتغيرش

🔸اوعى تفرطى فى الشخص اللى بيديكى الامان والحب ولو ملقيتهوش استنيه مترميش نفسك
🔸اوعى تسيبى نفسك للشخص اللى بيقولك بحبك بس لكن بيرميكى لما بتتخانقوا او بتختلفوا
🔸اوعى تسيبى نفسك مع الشخص اللى بتهون عليه دمعتك وحزنك مبيوقفوش
🔶اوعى تتنازلى عن الامان لان ده اللى هيبقالك لما الحب يقل التعبير عنه لما الدنيا تخدكوا والولاد تشغلكوا عن التصريح واظهار الحب زى اول ما عرفتوا بعض لما وهج الحب بيقل الأمان هو اللى بيرجع إحساسكم بيه وبيخليكوا تعدوا كل الصعب

فكره اللايف كوتشينج ببساطه وجود لايف كوتش عنده من الخبره و العلم الصحيح و الأدوات لمساعدتك فى رحله إستكشاف نفسك من خلال تحفيز إدراكك و وعيك لمعرفه نقاط قوتك و نقاط تطويرك اللى أكيد هتساعدك فى ⤵️

✔️ صنع قرارت سليمه
✔️ تصحيح المحتويات الفكريه الخاطئه
✔️ معرفه قدراتك الحقيقيه
✔️ استكمال رحلتك بشغف لا روتينيه
✔️ الحفاظ على مستوى نجاحك و عدم النزول عنه
✔️ ترتيب أولوياتك
✔️ تطوير أدائك
✔️ السعى بشكل يحقق أهدافك
✔️ التوقف عن كل ما لا يخدم تطورك
✔️ تحديد او تغيير مسارك الوظيفى

تابع بوستات التوعيه من خلال تتبع منشورات الصفحه
اضغط follow ليصلك الجديد و لإعلامك باللقاءات الشهريه

https://www.facebook.com/coachasmaaabolftouh?mibextid=LQQJ4d

اطلب مساعده لايف كوتش و ابدأ (((الآن ))))بإيقاظ وعى مختلف

ارسل رساله لحجز جلستك على واتساب الصفحه
+20 1063366281

🤍 ما خلقك ليعذبك ( ١٢)

انت من تضع المحتوى الفكرى لعقلك الباطن الذى يتحكم فى أحداث حياتك

احرص على جعل محتواك اللاوعى حقل مستنير من الأفكار الواعيه يجذبك إلى حياه أفضل و ابتعد عن المظلم من الأفكار

واعلم ان ذلك المحتوى فى اللاوعى هو يافته عريضه تعلقها على رأسك يراها الناس و لا تراها أنت و يوافقونك فيما أعلنت عن نفسك

فاحرص على جوده الإعلان عن نفسك فبقدر حكمتك و وعيك فيما ترى الآخرون و ما تحدث به نفسك.. يتجاوب معك كل ما أحاطك بالكون حتى الجمادات و الحيوانات

و اجعل الهاله التى تحيط بك فيضاً من الحب يشع الحب منك فيجذب الحب إليك من كل الموجودات

أستنر .. أزدهر .. و اسمو و ارتق