07/08/2022
ازاى ارد على الأسئلة الجنسية عند الطفل ؟
بعد عمر 6 سنوات لازم هتلاقي الاسئلة دي من ابنك او بنتك وده طبيعي جدا .. بس لازم تعرفي تردي عليهم رد سليم و منطقي و صح و يقدر يستوعبه 👇
هو يعنى اية جواز ؟
يعنى راجل وامرأة بيحبوا بعض وبيكونوا اسرة وبيت وعيلة وبيجيبوا اطفال 👪
الاطفال بيجوا ازاى ؟
بعد ما الراجل والمرأة بيحبوا بعض ويتزوجوا ربنا بيحط البيبى في بطن الأم وبيفضل 9 شهور لحد ما يكتمل ويجي لينا بيبى 👶
امتى بنتجوز ؟
لما بنكبر ونخلص تعليم ونعرف نختار ونتحمل مسؤلية
بيت واسرة 👌
طب انا ينفع اتجوز اخويا او اختى ؟
لا الاخوات اسمهم محارم ومينفعش نتجوز منهم ✋
وبنتجوز حد خارج الاسرة او الاقارب من ابن الخال او الخالة او العمة بس مش دلوقتي ويفضل ميكنش من الاقارب عشان بيحصل مشاكل فالحمل والولادة والامراض الوراثية 👌
هو الحب حرام وعيب ؟
الحب مش حرام وعيب ولكن له وقت مناسب وبطرق شرعية ( هيسأل يعني ايه طرق شرعية : طرق حلال ربنا هو اللي حددها ومن حق اي انسان ) عشان يكتمل ويستمر ونحافظ على قلبنا ونعطيه للى يستحق ❤️
❤️
