حضانة دامبو Dumbo Nursery

سؤال مكرر: ابني مش بيسمع كلامي و بيعاندني جدا ،، اعمل ايه ؟

اولا : اول حاجة لازم تعمليها انك تساليه ليه رافض ؟؟ .. لازم تعرفي السبب اللي مخليه رافض يسمع الكلام ،، لان هو في الاغلب مجرد بيحاول يتشبه بيكي انتي !! ،، و هتكون ردوده من نوعية ،، مش دلوقتي ،، بعدين ..بكره ،، انتي عملتي شقاوة النهاردة ،، او اي عبارة من اللي انت بترفضي بيها طلباته ،، اشمعنى يعني هو اللي يتقال ليه لا ؟!! لازم هو يقول لا و ستين لا كمان ،، فحاولي تقللي من كلمة لا قدر المستطاع ولازم تحاولي تفهميه ليه انتي مش هينفع تعمليله اللي بيطلبه منك ،، مفيش رفض و خلاص ،، لازم يفهم السبب ،،

ثانيا: ممنوع بتاتا ان الاب و الام يختلفوا و يتجادلوا قدام الطفل ،، الطفل لما بيشوف كده ،، هيفهم ان كلام الام مش هو الحقيقة المطلقة ،، و قابل للاخذ و الرد و الجدال ،، و بالتالي طلباتها غير ملزمة الاستجابة ،، اشوف انا الطلب الاول و افكر و انفذه لما بس يجي على هوايا

ثالثا: ما يبدو من طلبات منطقيا بالنسبة ليكي .. ممكن يكون بالنسبة لطفلك غير مفهوم بالمرة ..
يعني ايه كفاية تلفزيون .. ليه لازم اكل خضار و انا بحب الشكولاته ؟؟ .. انام ليه
دلوقتي و اسيب اللعب ؟؟ .. لازم تصبري عليه و تفهميه بالراحة ..

رابعا: اللي تقول عليه الام لا ،، لازم الاب يقول لا ،، مينفعش لما يترفض ليه طلب يبقى عارف ان في حد تاني ممكن ينفذه ،، كده هيفتكر انك بس بتقوليله لا عشان بتضطهديه ،، مش عشان لا ده هو الصح ،،

خامسا: حاولي تبعدي عن صيغة الامر قدر المستطاع ،، الطفل بطبعه يرفض التسلط و يميل للتمرد ،، من الاخر اعملي معاه زي ما بتعملي مع جوزك لما تكوني عايزه منه حاجة ،،

سادسا: امنحيه خيارات في الطلب ، يعني مثلا لو عايزه تاكليه ،، متقوليش ياللا عشان ناكل ،، لا قولي تاكل بطاطس ولا رز ؟ ،،

سابعا: لما تهددي بعقاب ،، يبقى لازم تنفذيه ،، و عشان كده لازم عقابك يبقى قابل للتطبيق ،، متقوليش كلمة انتي مش قدها ،، خليكي قد كلمتك ،، و ابعدي عن تهديدات زي هقطعك حتت ،، هموتك ،، لان طفلك من جواه هيكون بيقول الست دي بتقول اي كلام ،، و بالتبعية برضو اي وعد توعديه بيه لازم يتنفذ .

ثامنا: الطفل لازم يفهم ان العياط و الصريخ مش هيجيب نتيجة .. فيبطل يستخدمه كرد فعل .. هو هينفذ الامر هينفذه .يا هيتعاقب .. اوعي ابدا يكون رد فعلك على عياطة انك تتخلي عن موقفك

تاسعا: امدحيه بشده عند الاستجابة ،، الطفل زيه زي اي انسان بالغ ،، يحب اللي يمدحه و يحسسه بقيمته و اهميته و حتى ده بيبقى اهم من المكافئة المادية .. انتي نفسك لو جوزك مثلا قالك كلام حلو .. هتسيبي اللي في ايدك و هتعملي كل اللي طلبه منك ..

و اخر كلمة ..
العند ده حاجة طبيعية ليها اسباب في اوقات كتيرة بنكون احنا نفسنا الاسباب دي . .. العند في كتير من الاحيان بيكون سبب من اسباب النجاح و بيخللي البني ادم يعافر و ميستسلمش للظروف اللي حواليه..
طفلك اعقد مما تتصوري
عاملوا اطفالكم زي ما بتحبو الناس تعاملكم ..

عشان السؤال ده اتسأل كتير مؤخرا

Dr. Ahmed Amin

Happy new year
DUMBO 2017

تدعوكم حضانه دامبو لحفله راس السنة غدا باذن الله من الساعه 10 صباحا و حتي 1 ظهرا
Happy new year

إليكم التعليمات التي يجب تدريب اطفالكم عليها لحماية انفسهم من الاعتداء والتحرش والتعليمات عامة شاملة الأطفال الاسيواء واطفال ذوي الاحتياجات الخاصة وهي:
1- في البداية ياريت افهم كويس ان توعية الطفل مش قلة أدب ولا أنا بفتح عينه ولا هو عيب متتكلمش الكلام العيب دا فالطفل وقتها لو حصله حاجة لا قدر الله بيسكت لانه فاهم انه عيب .
2- لازم اقرب من ابني واتابع معاه تفاصيل يومه في المدرسة لو رجع معيط او منطوي وعايز ينام وخايف اي حد يقرب منه لازم اسأله أول حاجة تتسأل في حد ضيقك في حد عملك حاجة ولو ابني عنده مشكلة في الكلام وعدم القدرة علي التعبير اراقب تصرفاته وسوء مزاجه او ممكن يشاورلي علي الأماكن الحساسة كأشارة .
3- لو ابني بدء يجيله اضطرابات نوم ويصرخ بدون سبب وهو نايم فقد شهيته للأكل وبدء يعيط لو سألتيه عن شخص معين أو يقولك مش بحبه مش عايز اشوفه مش عايز اروح الحضانة أو المدرسة لازم اقلق
4- لو الطفل بدء يحصله تبول لا ارداي أو التهابات في الأماكن الحساسة او لاحظتي ورم او اثر لخرابيش او بدء يلمس الأماكن الحساسة بشكل مفرط ويردد كلمات سيئة.
5- لو ابنك لامح لمواضيع ان فيه سر بينه وبين شخص معين وبدء يجبله ألعاب وحلويات كتير جدا ويقولك عمو او طنط قالتلي مقولش لماما عن السر الكبير أللي بينا.
6- ابني اتغير مزاجه بشكل مفاجيء وميل للعدوانية أو الإكتئاب أو الصمت أو الرفض المفاجئ للعب مع بقية الأطفال أو القيام بحركات أو النطق بكلمات ذي دلالة جنسية واضحة وكذلك رسومات جنسية .

>> كل دي خطوط حمراء .. جرس انذار لازم اقـــــــلــق :( :(

في نصائح لازم نعملها عشان نعلم أولادنا أزاي يحموا نفسهم :

1- امنع ابني من خلع ملابسه أدام أي حد عشان يتعلم الخصوصية ولا حد يطلب منه يخلع ملابسه
2- أقفل باب الحمام ومسمحش لحد يدخل معاايا الحمام ولو في حد كبير استني يخرج وادخل بعده ولو اصر يكون معايا ارجع ابلغ المس بتاعتي

3-عدم الاستحمام مع اي شخص عشان يفهم ان في حدود ومسافة بينه وبين أي شخص لازم احفظ عليها واحترمها
4-عدم النوم فى فراش واحد مع أحد مهما كان .. مهما كااااااااااان
5-عدم الجلوس على رجل أحد أو الوقوف بين قدميه وعدم التقبيل من الفم ابداااا ولا حتي علي سبيل التدليل
6-توعية الطفل علي ان يفرق بين اللمسة الكويسة واللمسة السيئة لأماكن معينة في الجسم
7-عدم زغزغة الطفل وتدليكه فى أماكن العوره خاصة عند وضع زيت الأطفال أو البيبى لوشن عند الغيار حتي لا يعمم ذلك في ذهنه وعندما يفعل غريب ذلك التصرف يراه انه عادي ويستمتع به
8-عدم منح الثقه المطلقه للمحارم وأطفال العائله والأصدقاء والمعلمين والمشرفين في الباصات والمدربين في النادي
9-عدم تناول شئ من الغرباء ابدا علي سبيل الحلويات أو الأدوية أو العصائر
10-عدم فتح الباب لأي أحد طول ما الطفل في البيت بمفرده .
11-لا تجبرى الطفل على تقبيل أحد أو حضنه واحترمى رغبته فى ذلك حتى لا يعتاد
12-عدم الاستسلام اذا تعرض لتحرش لا قدر الله أو اذا حاول احدهم الاعتداء عليهم يجب أن يصرخ ويدافع عن نفسه ويضرب ويجري ويستعين بأقرب شخص ويبلغه حتي يصل إليكي ويعرفك ماذا حدث له .
13-يسمع كلام الكبار فى حدود تخصصهم مثلا المدرس فى عمل الواجب وبالنسبة للسواق الباص يستمع لكلامه فى أساليب الحمايه والركوب والنزول بخلاف ذلك لاأ
14- اجيب عروسة أو صورة ولد أو بنت حسب نوع طفلك وأشرحله عليه الأماكن الخاصة أللي مينفعش حد يلمسني فيها .
15-علمي طفلك ان لا يقبل صداقة احد في لعبة ما او طلب صداقة مواقع التواصل الاجتماعي وأذا راسلة احد وبعث إليه برسالة خليعة يغلق النت ويخبركم بما حدث
16-عودي طفلك على كلمة سر بينكم فقط لأن هناك أطفال يختلط عليهم الأمر فى الأماكن العامه ويذهب الى اخرى ترتدى نفس الملابس وانه لا يذهب مع أي شخص يدعى انك أو أباه ارسلتيه ليأخذه

اذا أتي طفك يشكوا إليك لا قدر الله اعتداء وقع عليه يجب أن تحتوي الموقف وتطمنيه ويراك بالفعل تتجاوبي معه وتصري علي عقاب المجرم حتي يكون عبره ولا يكرر فعلته مع أحد غير ابنك .. لا تتعاملي مع الطفل أنه المذنب لأن ابنك هو ضحية شخص عديم الضمير مضطرب نفسياً وضحيتك أيضاً لعدم توعيته وإرشاده بما عليه أن يفعل ليحمي نفسه.

ربنا يحمي كل أولادنا ويبعد عنهم كل شر وأذي ودي صور كرتون فرجوها لأولادكم وأحكيلهم أزاي يحموا نفسهم من خلالها

تعليم الصلاة للأطفال و للكبار أيضا .. إحرص على أن يراها الجميع بنشرك
#عقول

بلاش كل ما الطفل يتخبط ولا يقع ويتفتح في العياط تجري تقول: "إخص عليك يا كرسي يا وحش.. كده تخبطه؟، طيب أنا هاضربك جامد يا وحش".. وتضربه وتخلي الطفل يضربه.
الموقف ده موروث ثقافي بيعلم الطفل الآتي:
1- إنه ينفس عن غضبه بالضرب، فماتستغربش لما بعد كده يغضب من أخوه فيضربه، انت اللي علمته.
2- بيتعلم إنه لازم لما يحس بالأذى ينتقم لنفسه، ما ينفعش يتعامل مع الواقع اللي حصل له بدون انتقام.. فماتستغربش لو أخوه خبطه من غير قصد - أو بقصد - فضربه أو زقُّه بدون تفاهم.
3- بتعلمه رد الفعل العنيف. وقدام شوية هايستخدم العنف ده كفعل مسموح لأنك انت اللي علمتهوله.
4- بتعلمه إسقاط مشكلته على غيره (يعني بدل ماهو ياخد باله ويحاسب، الكرسي غلطان إنه ماوسعلوش!!) وديه بداية تكوين الشخصية اللي مش بتعترف بخطأها حتى قدام نفسها!
طيب إيه البديل؟..
احتوي الطفل وقدّر مشاعره باهتمام.. هو ده كل اللي هو محتاجه، وبلاش تستخدم مباشرة أسلوب الإلهاء "بص العصفورة" بالعكس تماما..
1- اوصف اللي حصل واوصف مشاعر الطفل باهتمام لكن بدون مبالغة عشان ما توهموش.. "انت كنت بتجري واتزحلقت فوقعت وقعة جامدة على الأرض.. معلش بتوجعك جامد قوي ..انت اتخضيت كمان.. تعالى ندلّكها عشان تخف".. وتحضنه.
2- تصبر عليه لما يهدى وبعدين ممكن تناقش سبب الحادث، عشان ما يتكررش، من غير أسلوب التبكيت لكن بأسلوب التقرير "الشراب بيزحلق ع الأرض.. ممكن تقلعه عشان ماتقعش تاني.
3- سيبه يخرّج مشاعره وما تستخفش بيها، بالعكس ساعده يعبر عن مشاعره وما يكبتهاش. كده بتعلمه ما يستخفش بأوجاع حد، لأن انت بتديله مثل طول عمره في مراعاة واحترام مشاعره وأوجاعه.
4- بعد شوية لو لسه مطوِّل في العياط حاول تفهم منه هو ليه لسه بيعيط.. "انت لسه موجوع؟.. ولا زعلان بس عشان وقعت؟ طب إيه رأيك أروح معاك تغسل وشك وتشرب مياه عشان تهدى وترجع تكمل لعب تاني؟ او نعمل كذا مع بعض..."

كل سنة وانتم طيبين 😊
رمضان كريم