https://www.facebook.com/109499889728071/

Funny Kids academy, سيدي بشر قبلي/ش عبدالله بن مسعود موازى لشارع سيف وحسن رفعت برج روعه أمام صيدليه دكتور احمد رجب بجوار مسجد ذات النطاقين, Alexandria (2026)

01/01/2020

تم نقل الحضانه الي مقر حضانه super zezo بشارع لمعي ليصبحو كيان واحد بنفس اسم الحضانه الأخرى
https://www.facebook.com/Superzezo7/

Personal blog

25/10/2019

طفلك في جو الإعصار محتاجة معاملة خاصة جدا:

١. كل أم تجمع عيالها وتخبيهم جوا البيت حالاً .
نأجل الخروجات لغاية ما الجو يهدا شويه ما فيش تمشية بره البيت دلوقتي ....

٢. جوا البيت ... بابا هيقلع هدومه اللي مليانه تراب علي الغسالة مباشرة... هنقفل الشبابيك والبلكونات كويس جداً ... ونكنس التراب اللي دخل في البيت .. وياريت نحط فوط أو ملايات مبلولة على فتحات الشبابيك أو البلكونات عشان ننقى الهوا من التراب.

٣. لو في طفل بيكح وطفل مش بيكح نوزعهم على الأوَض .. ضروري جدا نعالج بسرعه نزلات البرد .. نلبس ماسكات لو في كحة ومضطرين نقعد في نفس الأوضه ..ماتنسوش اننا قافلين الشبابيك ومافيش مصدر تهوية كويس.

٤. محبكتش الاستحمام دلوقتي يا مدام والله ... تغير درجات الحرارة أكتر حاجة بتنتهزها الميكروبات عشان تنتعش.. أقصى حاجه مياه دافيه وفوطه واغسلي وش وعين وأنف طفلك عشان التراب ولو في حفاظات التغيير العادي كفاية اوي.

٥. السوايل الدافية هيا الحل السحري ماتوقفيش ينسون على كراوية على نعناع على تيليو .. تهدى الصدر وتطرد البلغم خاصة لو ابنك بيجيلو حساسية..

٦. لو في رشح ماتستنيش... محلول ملح ( لايس او اوتريفين) بسرعة كل ساعتين .. وسوايل دافية ان شاء الله كفاية .

٧. اختاري الأكل الخفيف بلاش المسبك والحراق والفلفل الاسود والبهارات اللي ممكن تثير الجهاز التنفسي لطفلك وتخليه يكح .. مش ناقصه هيا 😂

٨. بلاش تتقِّلي أوي في اللبس لأطفالك وفجأه تخففي أول ما الموجه الترابية تخلص خير الأمور الوسط.

٩. لمرضى حساسية الأنف لو في رشح توكلوا على الله واستخدمو أدوية الحساسية وبخاخات الكورتيزون للأنف ومحلول الملح.

١٠. حساسية الصدر : ادي جلسة موسع شعب ( فاركولين) إذا لاحظتي على ابنك الأعراض التالية:
- كحة مستمرة
- نهجان شديد
- صوت صفير( تزييق) عالى
- ضيق النفس.

ربنا يحفظ أولادنا يا رب آمين. ❤️

🙏

د.أحمد الخطيب