https://www.facebook.com/109357218107319/

Mr.Ahmed Essam, Elraml, Alexandria (2026)

28/07/2023

اللهم لك الحمد والشكر عينة من مجهود العام الدراسي المنصرم وعسى أن يكلل الله مسعانا دائما بالخير واليمن والبركات 🌷🌷🌷🌷

20/07/2023

بسم الله نبدأ وعلى بركة الله نسير وعام دراسي سعيد على ابنائي الأعزاء فى العام الدراسي الجديد وبالأخص ابناء المرحلة الثانوية.
نعلن عن بدأ الحجز لمادة الكيمياء للغات(Physical and Online).
للاستعلام برجاء التواصل على الارقام الاتية:
1144842658 WhatsApp
01110599488 Mobile phone

14/08/2021

اهلا وسهلا بيكم معانا في العام الدراسي الجديد بالاخص طلبة الثانوية العامة...
طبعا كلنا عارفين ان بعد التغييرات اللي تمت في طرق الامتحانات و طبيعة الاسئلة ان طبيعة السنه بقت معتمده بشكل اكبر على الاسئلة و طرقها وافكارها الكتير اللي بفضل الله هنغطيها كلها و مش هنسيب ادنى جزء من غير ما نحل عليه مره واتنين وعشره وان تكرار الشرح بدون حل مبقاش بيجيب نفس النتيجة زي زمان و عشان كده عملنا مذكرة تحتوي على كافة انواع الاسئلة اللي بتخاطب كل المستويات من الاسهل حتى الاصعب وبالتاكيد هنغطيها كلها اثناء الشرح.
وعشان كده هنفتح الحجز السنادي للصفوف الاول ، الثاني و الثالث الثانوي في مجموعات صغيره و للتواصل والاستعلام .........
01144842658 whats app
01110599488
Design made by بالعربي - Bel Arabi 🌷🌷🌷🌷

09/08/2021

اهلا بيكم تاني معايا ، أتاخرت اكيد بس راجع المره دي بموضوع غريب جدا و هو الميه (water) 😂😂😂 سامعك ياللي بتقول وايه الغريب في كده 😅 صدقني احنا ممكن لو حد سألنا ايه اغرب حاجة في الكون ؟ تخيل ان الاجابة ممكن تطلع ميه 😅 .
طب ازاي وليه بتقول كده اقولك ليه !!!!
في الاول كده الكوكب بتاعنا الجميل ده الميه نزلت عليه من السما عن طريق مذنبات وشهب كان سطحها مليء بالجليد اللي نتيحة الاحتكاك والحرارة داب واتحول لبخار في البداية وبدأ يتكون الغلاف الجوي بتاعنا وجزء منه كان بخار للميه بس الاغرب من عارفين ايه 😅😅 ان اصلا المية بتركيبها المعروف المكون من ذرة اكسجين (oxygen atom ) و ذرتين هايدروجين (two hydrogen atoms ) متصلين ببعض عن طريق رابطة تساهميه (covalent bond ) التركيب ده خفيف جدا للدرجة اللي المفروض ان تحت الضغط الجوي للارض و حرارتها المفروض يفضل بخار (vapour) و ابدا ميكنش سائل 🤔🤔🤔.
والاغرب كمان هتشوفه لما ترجع الميه تتجمد عند القطبين وتعمل حاجه اغرب من الخيال تتحول لجبال هائلة من الجليد الصلب اللي المفروض يغرق في المياه زي اي جسم صلب لما بيغرق في السائل بتاعه لكن ده محصلش اللي حصل انه فضل عايم على سطح الميه 🤔🤔🤔 و ده بيدل على حاجه واحده بس ان لاول مره المادة في شكلها الصلب تكون كثافتها (density) اقل من شكلها السائل .
و الاغرب كمان هو ازاي جزيئات الميه بتلزق في بعض بشكل ممكن يخليها تصارع الجاذبيه الارضيه بس عشان يتصلوا ببعض و ده بيحصل داخل اجسام النباتات لما الميه تتحرك من الجذر( root) , للاوراق ( leaves ) عن طريق ظاهره غريبه جدا بنسميها الخاصية الشعرية ( capillary property ) 😅😅😅 .
كل الخواص الغريبه دي لولاهه في الغالب مكنش هيكون في حياة على كوكبنا الجزيء ده بيمثل تقريبا اساس كل كائن حي سواء حيوان او نبات ، احنا كبشر نقدر نستحمل الجوع ايام لكن من غير ميه نموت ، والسبب في ده ان وجود الميه في الجسم في صورة محلول مائي (aqueous solution ) بيتنقل جواه كل حاجه من اول غاز الاكسجين اللي بيساهم في ان الخلايا تخرج لينا الطاقة ، لحد الايونات المعدنية (metal ions ) المسئولة عن عم الجهاز العصبي ، وصولا للطعام نفسه اللي بنحصل عليه وختى اخراج اي مواد ضاره للجسم لازم يكون عن طريق الميه . يبقى ازاي مش هيكون جزيء غريب . 🤔🤔
بس نرجع نسأل ليه هو بيتصرف بالغرابة دي و الاجابة ببساطة في ان جزئياته بترتبط ببعض بقوة متوسطة بنسبيها الرابطة الهيدروجينية (Hydrogen bond ) و في الواقع مش رابطه واحده لا كمان اربعة من كل جزيء والربطة دي هي اللي بتخلي المسافات اللي بين جزيئات الميه صغيره جدا بحيث يفضل في حاله سائلة في الوضع العادي و برضه اللي بتقف ورا ظاهرة توتر السطح (surface tension ) اللي بتفسر مدى تقارب جزيئات الميه ببعض و ازاي لما الميه بتتجمد حجمها بيزيد فبيسبب انخفاض في كثافتها و يسبب ان جبال الجليد تفضل عايمه😅😅😅 في الحقيقة الميه الكلام عنها عمره ما بيخلص ابدا ولا هيخلص بس الاهم انك تكون عارف ان الحياة بدونها شبه مستحيله فحافظ عليها تحفاظ علينا 🌷🌷🌷🌷
😁😁😄

06/08/2021

واخيرا تكمل الحكاية مع بعض وبالظبط ١٩٢٦ جه العالم النمساوي العظيم اروين شرودنجر (Arwin shrodinger) ووضع اخر و اكثر النماذج حداثة للذرة (modern atomic model ) .
لكن لازم نعرف انه معملش ده بطوله لا ابدا هو استعان باتنين علماء تانيين عشان يقدر يبني ده الاول كان ديبراولي (De Broglie ) و اللي وضح الحالة المزدوجة للاكترون (Duel nature of the electron) و اللي بتقول ان الابكترون زي ما ليه حاله جزيئية ( Particle nature ) في نفس الوقت له حالة موجية ( wave nature ) و اللي كان اساس مبدأ ديبراولي هي تجربة الشق المزدوج ( double slit experiment ) و اللي اتصرف فيها الالكترون زيه زي الموجات الضوئية بالظبط . 🤔🤔🤔
و العالم التاني كان هايزنبرج (Heisenberg) صاحب اشهر اسم في تاريخ الكيمياء تقريبا 😂😂😂 و اللي وضع مبدأه المشهور و اللي كان اسمه مبدأ عدم التأكد ( Uncertainty principle ) و اللي بيوضح ان لا يمكن باستخدام اي تجربة تحديد سرعة و مكان الالكترون في نفس الوقت و السبب الرئيسي لده هو مدى صغر كتلة الالكترون اللي للاسف بمجرد ما يتعرض لاي موجة عشان تحدد مكانه او سرعته بتتغير في الحال و ده كان امر غريب جدا على العلم 🤔🤔🤔.
وعلى اساس المبدأين دول قدر شرودنجر يضع تصور جديد للذرة ادخل فيه و لاول مره مبدأ الاحتمالية ( probability)
ومن خلال ده قدر يضع معادلة من خلالها نقدر نحدد الخصائص الموجية للالكترون ( shrodinger`s wave equation ) 😎😎 و اللي قدرت تحدد حاجتين :
١) مستويات الطاقة المتاحة للالكترون داخل الذرة .
٢) تحدد بالظبط الاماكن اللي فيها اكبر احتمالية لوجود الالكترون و لكن بدل ما كنا بنصف الاماكن دي بانها مدارات ثابته زي ما بور قال لا هنسميها سحابة الكترونية ( electron cloud ) اللي بس فيها اعلى احتمال لوجود الالكترون لكن عمرك ما تقدر تقول هو فين بالظبط فيها 😎😎😎 و بكده نبقى وصلنا لاخر شكل و اخر نموذج وصله العلم لحد دلوقت ارجو تكون رحلة سعيدة مشيناهه مع بعض بالزمن لالاف السنين 😍😍 اشوفكم في رحلة جديدة واكيد هتنتهي بسعادة زي دلوقت مع السلامة .
😄😄😁

03/08/2021

ونرجع لبعض نكمل الحكاية بعد ما وصلنا لاخر نموذج للذرة وهو (thompson`s atomic model ) .
يظهر العالم راذرفورد (Rutherford) و بالتعاون مع تلاميذه جايجر (Geiger ) و مارسدن (Marsden) ويقوموا بتجربة عظيمة هتغير كل اللي قاله دالتون قبل كده و كانت النتيحة هي الاتي :
١.الذرة جزيء صغير الحجم للغاية و يتكون غالبيته من فراغ يعني فاضي مش زي ما قال دالتون انه كرة صلبة 😅😅😅
٢.وان في وسط الذرة يقع جسم صلب صغير الحجم وشديد الكثافة يطلق عليه النواة (Nucleus) و انا هذا الجسم الصلب الواقع في وسط الذرة يحمل شحنة موجبة (positive charge )
٣. في بقى جزيء تاني اصغر من النواة بكتير جدا بيدون حول النواة بسرعات ضخمه جدا في مدارات محددة الجزيء الصغير جدا ده احنا بنسميه الالكترون (electron) وبيحمل شحنات سالبة (negative charge ) تساوي في قيمتها الشحنات الموجبة على النوتة🤔🤔 طب معناهه ايه الجملة دي معناهه ان كل الذرات في حالة من التعادل الكهربي (electrically neutral ) 😄😄😄
لكن للاسف راذرفورد مقدرش يفسر بالظبط ايه هو المدار ده اللي بيدور في الالكترون او طبيعته ايه وعلى اساس ايه بيدور و من هنا ظهر احد اعظم النماذج .
وهو نموذج العالم نيلز بور (Bohr) في بدايات القرن العشرين اللي من خلاله قدر يفسر النظام اللي بيتحرك بيه الالكترون عن طريق تجربة قام بيها على ذرة الهيدروجين وهي Atomic emission spectra 🤔🤔🤔 واللي من خلالها وضح الاتي :
١. الالكترونات تتحرك في ما يطلق عليه مستويات طاقة محددة (Energy levels) وانه لا يمكن يتواجد بين مستويين .
٢.وان كل الكترون له كمية محددة من الطاقة معتمدا على المسافة بينه و بين النواة و ان الطاقة دي بتزيد كلما ابتعد عن النواة داخل الذرة 😄😄😄
٣. وان الالكترون لو حصل من مصدر خارجي من الطاقة يطلق عليه الكم ( quantum) يقدر يترك مستوى الطاقة الاصلي و يطلع لمستوى طاقة اعلى و بشكل مؤقت و بعد فترة قليلة جدا من الزمن يرجع ينزل تاني لمستواه الاصلي و فرق الطاقة اللي حصل عليه في الغالب بيخرج في صورة كمية من الطاقة اسمها فوتون ( photon) و بتتساوى نفس الكمية دي مع الكمية اللي حصل عليها في البداية قبيل الارتفاع 🤔🤔🤔
ولكن للاسف الاستنتاجات دي كلها كانت فيها مشاكل وهي انه مقدرش يستنتج المعلومات دي غير لذره الهيدروجين بس ده غير انه اهمل ان للالكترون طبيعة موجية (wave nature ) و كمان افترض انه يقدر يحدد مكان وسرعة الالكترون في نفس الوقت و ده كان امر مستحيل اصلا ومن هنا بدأ يظهر اخر واهم نموذج و الاكثر صحة حتى الان واللي هنتكلم عنه في المنشور اللي جي باذن الله و كل التجارب دي هيتم شرحها بالتفصيل داخل سياق محدد مسبقا 💓💓
😄😄😁

02/08/2021

عايزك ترجع معايا تقريبا ٢٥٠٠ سنه لما بدأ يظهر سؤال مهم اوي هو الكون مصنوع من ايه 🤔🤔 يعني الاشياء اللي قدامنا دي من كواكب ونجوم و كائنات حية وصخور و سوائل و دخان معمولين من ايه؟؟ 😅😅 سؤال كان صعب جدا نجاوب عليه زمان .
لكن ييجي المفكر و الفيلسوف اليوناني ديمقريطس (Democritus) ويقول احنا معمولين من مادة المادة صغيرة جدا لدرجة اننا منقدرش نقسمها لاجزاء اصغر تخيلوا و اداهه وصف وقال انه المادة التي لن تنقسم تخيلوا اسمها معايا كده باليوناني كان ايه (atomos) تخيل معايا الوصف ده كان قديم اد ايه 🤔
ولكن يظهر احد اعظم فلاسفة اليونان و هو ارسطو (Aristotle) و يرفض كلام ديمقريطس و يقول ان طبيعة المواد هي خليط من اربع عناصر هم :
١.النار (fire)
٢.الماء(water)
٣.الهواء(Air)
٤.التراب ( Dust)
و ان بتغيير نسب العناصر دي نقدر نغير المادة نفسها من شيء لاخر و هو اللي فضل علماءنا القدامى يحاولوا فين ولكن محصلش بالصورة دي بس هل ده ممكن اصلا اننا نحول المادة لمادة تانية هسيبلك انت اجابة ده 😅😅

ومن بعدهم و في القرن السابع عشر ظهر العالم الايرلندي العظيم بويل (Boyle) وظهر معاه مفهوم العنصر و قال ان كل مادة بتتكون من عناصر ( Elements ) و ان العنصر ده هو ابسط شكل للمادة بحيث منقدرش نفككه لشكل ابسط بأي وسيلة تقليدية و كأننا بنرجع لمفهوم ديمقريتس تاني ولكن بأسم او صورة اخرى.
و نرجع نسأل نفسنا هل وحده بناء المادة دي ليها صفات واضحة نقدر نقيسها او نختبر وجودها من عدمه ؟؟؟؟؟
الاجابة هي ايوه نقدر ومن هنا ظهرت المنهجية العلمية في التفكير .

ويظهرلنا في اوئل القرن التاسع عشر العالم الانجليزي دالتون (Dalton) و يضع مجموعة من التصورات او الصفات ويقول :
١.ان المواد تتكون من عناصر و ان كل عنصر يتكون من جزيئات بالغة الصغر تسمى الذرة (Atom)
٢. وان الذرة هي شيء صلب غير قابل للانقسام ابدا
٣. وان كتلة ذرات نفس العنصر متشابهه و لكن تختلف كتلة الذرة من عنصر لاخر
٤. وان كل مركب( compound ) يتكون من مجموعة ذرات من عناصر محتلفة تتصل بنسب ثابتة

ولكن في نهاية ذات القرن يظهر عالم اخر اسمه تومسون (thompson) و يعدل في كلام دالتون و يقول :
١. ان الذرة هي كرة صلبة لها شحنة موجبة ( positive charge )
٢. و بداخل هذه الكرة يوجد جزيئات اصغر لها شحنة سالبة (negative charge )
والسؤال هنا يا ترى كلام دالتون ده كان على اساس ايه وهل لما استنتجه كان بالفعل عارف ان ده هيكون اكتشافه ولا صدفة القدر هي اللي جعلته يستنتج ده 🤔🤔🤔 هسيبلكم انتم الاجابة و ترتاحوا مني شوية
واشوفكم المنشور اللي جي ونكمل رحلة اصل المادة (origin of matter)

01/08/2021

لو جيت بصيت للشكل ده هتحس انه مألوف جدًا بس ممكن لو سنك كبير تكون ناسي ايه ده بس هو شبه جدار من الطوب مبني ومرصوص بس مش منتظم تحسه ناقص او في اماكن فاضية بس ايه ناقصه هل محتاج ألوان مثلا نبيضه ولا نسيبه كده مليان فراغات 😅😅😅 اظن ده اللي هيكون في بالك بس لو سنك صغير في جامعة او في مدرسة هتعرفه على طول ده 😂😂 وممكن بسببه تستغفر ربنا ايه ده الجدول الدوري (periodic table ) ايه اللي جابه هنا و كمان فاضي ليه كده مش كان مليان رموز و ارقام و كمان الوان راحوا فين 🤔🤔.
بص اقولك على حاجه انا يمكن قصدت اجبهولك فاضي عشان تدرك ان في حجات ناقصه و تفكر هل لو الحجات دي مش موجوده هو هيفقد من اهميته شيء ولا لا ، الاجابة الحقيقية لا مش هيفقد اهميته لان اصلا اتعمل عشان يكون مليان و اي مكان فاضي فيه هو انتظار لحاجة جديدة هنكتشفها او حتى نصنعها بنفسنا 😅😅😅
طب هو ليه احنا عملناه اللي يجاوب على ده عالم فرنسي عاش في القرن ١٨ اسمه انطوان لافوازير(Antoine lavoisir) لقى ان هيكون اسهل علينا كدارسين للكيمياء و العناصر اننا نصنفهم ونحطهم في مجموعات وان كل مجموعة يكون ليها صفات مميزه ليهم و دي كانت نواة الفكرة وفضلت الفكرة تتطور و تتحور و اشكال التنظيم تتغير مره على اساس الشكل الفيزيائي للعنصر physical state و مره على اساس مصدر او مكان العنصر origin of the element .
ولكن مع نهاية القرن ١٩ ظهر عالمين مهمين جدا ومشهورين الاول كان ديمتري مندليف ( Dmitri Mendeleev) و الثاني كان (Julius lother Meyer) 😎 وراحوا و بشكل قدري بحت نظموا العناظر في صورة اعمدة(column) على اساس الوزن الذري للعنصر (atomic weight) و كل عمود من العناصر ( elements ) كان المفروض ليهم صفات سواء كيميائية او فيزيائية متقاربة و بالفعل ده حصل لحد هوب ستوب يبني 😂😂😂😂 لقينا ان بعض العناصر زي مثلا النحاس و الفضة ( copper and silver) كانوا محطوتين في المجموعة الاولى مع صوديوم و البوتاسيوم ( sodium and potassium ) مع في اختلافات كبيرة جدا في الخواص الفيزيائية و الكيميائية ما بينهم 😅😅
مين بقى ييجي من الناحية التانية من القارة😂😂😂😂 بالحل هو العالم الانجليزي العظيم هنري موزلي (Henry Moseley) وهو اعادة ترتيب العناصر وفقًا لحاجة جديدة وهي العدد الذري (Atomic number) او اللي نقدر نقول عليه دلوقت number of protons .
و تبعًا للترتيب ده تم تقسيم الجدول الدوري ل٧ صفوف و ١٨ عامود ومن هنا اصبح الجدول الدوري اقرب للمثالية والاكتمال .
وفي الفترة اللي جيا هنتكلم عن الجدول العظيم ده بشكل اكبر و اعمق😂😂😂 .
😁😁😄

29/07/2021

في الولايات المتحدة الامريكية في القرن الثامن عشر ،وباء الحمى الصفراء اجتاح البلاد ساعتها ظهر طبيب بعلاج سحري علاج خارق للحمى تخيل معايا يا مؤمن العلاج ده كان عبارة عن قرص حجمة يماثل اربع اضعاف حجم قرص الاسبرين لما كان مريض الحمى بياخد العلاج ده كان اول دليل للعلاج هو سقوط الشعر والاسنان لما سألنا عن المادة الفعالة داخل القرص ده طلعت ايه ؟؟
Mercuric (II) chloride salt
ملح كلوريد الذئبق تخيل ذئبق !!! اه هو العنصر رقم ثمانين في الجدول الدوري عنصر غريب جدًا له مجموعة من الصفات اللي مش منتشرة مثلا liquid at standard temperature and pressure , diamagnetic and very toxic واحد من اكثر العناصر سمية على الاطلاق في وقت من الاوقات كان بيستخدم كعلاج ، رمز العنصر ده كان
Hg
رمز ملهوش ادنى علاقة بالاسم الانكليزي للعنصر لكن تلاقي مصدر الرمز من الاسم اللاتيني للعنصر وهو Hydrargyrum
ولما تيجي تلاحظ الاسم وتلاقي ان مصدره لاتيني هتلاقي ان الاسماء اللاتينية هي الاصل ورا اغلب رموز عناصر الجدول الدوري.
و شرح اكبر للجدول الدوري و العديد من العناصر و صفاتهم هيتم في الفترة المقبلة
😁😁😄

28/07/2021

Have you ever wondered about the reason behind the beautiful odor of different fruits?
the reason behind this odor is a certain type of organic compounds which are called esters.
Esters: are organic compounds that are mainly prepared by the combination of acids and alcohols due to condensation.
further explanations will be introduced soon stay tuned.
😁😁😄

Mr.Ahmed Essam

28/07/2023

20/07/2023

14/08/2021

09/08/2021

06/08/2021

03/08/2021

02/08/2021

01/08/2021

29/07/2021

28/07/2021

Address

Telephone

Website

Alerts

Contact The School

Shortcuts

Share

Category

Listing takedown request