ولادنا أمانة

💭 إزاي تساعد الطفل اللي بيحس إنه “مش محبوب كفاية”؟
أصعب وجع عند الطفل… مش الزعل ولا العقاب،
أصعب وجع هو إحساسه إنه “مش محبوب بما يكفي”.
الإحساس ده بيفضل جواه… وبيطلع في شكل غضب، أو انسحاب، أو محاولة جذب اهتمام بأي طريقة.

المهم تعرف إن الطفل مش بيقول الجملة دي بصوت…
هو بيقولها بسلوك.

✅ إشارات إن الطفل حاسس إنه مش محبوب كفاية

1) بيطلب اهتمام طول الوقت
مش لأنه مدلّع… لكن لأنه خايف يختفي.

2) بيتضايق بسرعة من أي كلمة
الحساسية الزايدة رسالة… مش مشكلة.

3) بيحاول يرضي كل الناس
حتى لو ده على حساب نفسه.

4) بيغير من إخواته أو الأطفال التانيين
مش غيرة… خوف من فقدان مكانه.

5) بيتجنب التجارب الجديدة
لأنه خايف يغلط… فيخسر حبّك.

✅ إزاي تساعده يحس إنه محبوب؟

1) افصل بين السلوك والطفل
قول:
“أنا زعلان من اللي حصل… مش منك.”
الجملة دي بتنقذ قلب صغير.

2) ادي حب بدون شرط
احضنه… وأكد له إن حبّك مش مرتبط بطاعته أو تفوقه.

3) اقضي وقت فردي معاه
عشر دقايق بس يوميًا ليه هو بس…
بتساوي عنده الدنيا كلها.

4) اسمعه من غير ما تقاطعه
لما يحس إن صوته مسموع… إحساسه بقيمته بيعلى.

5) امدحه على شخصيته… مش بس إنجازاته
“بحب طيبتك.”
“عجبني إصرارك.”
دي كلمات بتبني روح مش بس ثقة.

6) طمّنه إنه مش محتاج يكون كامل
قوله إن الغلط جزء من التعلّم…
ومش هيغيّر مكانته عندك.

🎯 الخلاصة:

الطفل اللي حاسس إنه مش محبوب…
مش محتاج هدايا ولا مكافآت،
هو محتاج يقين… إن وجوده في حياتك غالي،
وإن حبّك ثابت،
وإنه مش محتاج يثبت نفسه كل يوم علشان يتقبّلك.

📩 لو محتار تتعامل إزاي مع مشاعر ابنك،
كلم متخصص يساعدك تفهم جذور خوفه وتدعمه صح.
🔔

٤ أفكار غيّرت طريقتي في الردّ علي زنّ ولادي (من زعيق لإحتواء):
⁨ ١. الزن مش تحدّي شخصي
ابني مش بيزن علشاني أنا… هو بيزن علشان مش عارف يعبّر أو ينظّم مشاعره.
ولما شِلت الفلتر الشخصي ده، بدأت أسمع الزن بشكل مختلف تمامًا.

٢. أنا المسؤولة عن تنظيم أعصابي
مش لازم أستنى إنهم يهَدوا علشان أنا أهَدى.
أنا ممكن أخلق المساحة الآمنة اللي يهدوا فيها… لما أهدى أنا الأول وأشتغل علي زنّ دماغي أنا الأول.

٣. كل زنّ وراه احتياج
حتى لو الطريقة مستفزة… فيه رسالة مستخبية.
مش دايمًا لازم أوافق، لكن دايمًا لازم أفهم.

٤. الحدود مش معناها قسوة
أنا ممكن أقول “لأ” بطريقة واضحة، ومحترمة…
تحفظ كرامتي، وتحفظ مشاعره.
الزن مش هيقف لو وافقت، لكن ممكن يهدى لما يلاقي رد واضح… مش رد ضعيف أو منفجر.

مين فينا ما حسّتش يوم إنها على وشّ الانفجار؟
ومين فينا ما تمنّتش يكون عندها طريقة ترد بيها على الزن… من غير ما تجرح، ومن غير ما تضغط نفسها

💛

يوجه رسالة للشباب:

اعمل اللي عليك وبس.. الشركة بترقي العصافير ومهما اشتغلت محدش شايفك ملكش دعوة اعمل شغلك وبس.. ابنك مش عايز يذاكر ولا عايز يلتزم في الصلاة.. اوعى ترمي طوبته.. كمل دورك معاه للاخر وملكش دعوة بالنتيجة.. هترتاح لما تُدرك حدود مسئوليتك وتفهم إن رب بيدبر الأمر من حيث لا نحتسب وله تصاريف عجيبة

كل سنة وانتم طيبين ويعود علينا وعليكم باليمن والبركات

| 78٪ من المراهقين بيفتحوا الموبايل مرة على الأقل كل ساعة!

إشعار صغير، لحظة ملل، أو حتى من غير سبب واضح… نلاقي نفسنا ماسكينه تلقائيًا. ومع الوقت ده بيقلل تركيزنا، بياخد من وقتنا، وبيأثر على نومنا وحالتنا النفسية.

الاستخدام من غير وعي ممكن يخلّينا نفتح رسايل من ناس غريبة، نقبل طلبات صداقة مش آمنة، أو نشارك معلومات وصور وإحنا مش مركزين… وده ممكن يعرّض خصوصيتنا وسلامتنا الرقمية للخطر.

لما نستخدم الموبايل بوعي، إحنا مش بس بنحافظ على وقتنا وتركيزنا…

إحنا كمان بنحمي نفسنا، حدودنا، وبياناتنا.

قبل ما تفتحي الموبايل اسألي نفسك:
أنا محتاجاه دلوقتي… ولا دي مجرد عادة؟

«وعيك باستخدامك للموبايل = أمانك الرقمي.» ✨

حملة توعية للبنات بالتزامن مع يوم الإنترنت الآمن

الطفولة مش سنين… الطفولة إحساس.
في أطفال كتير بيكبروا قبل أوانهم…
مش علشان هم عايزين،
لكن علشان الظروف خدت منهم حقهم في اللعب والضحكة والأمان.
لما البيت يبقى ساحة صراع…
ولما الموبايل يبقى بديل عن الحضن…
ولما الطفل يتحمل مسؤوليات أكبر من سنه…
ساعتها الطفولة بتتسرق في هدوء.
البوست ده رسالة لكل أب وأم 👇
خلوا ولادكم يعيشوا سنهم…
قبل ما يكبروا فجأة وإحنا مش واخدين بالنا.