اتآسس صح من كجي لابتدائي

لازم نكون متفقين أن نجاح الطفل بيكون أساسه البيت واهتمام البيت بيه مع وجود مدرسه تساعد ولي الأمر لكن الاعتماد كله ع الدرس عمر ما الطفل هيستفاد حاجه وهيبقي مرهق ذهنينا
شكرا وتقديري لكل ولي أمر مهتم بابنه حقيقي بيبان وبيفرق جدا 🌹👍

الفرق بين القصه المشتركه والقصه الموجهه لمنهج العربي أولي ابتدائي 🌹

ردا علي الاسئله بخصوص الكتب افضل كتاب لمرحله الابتدائي لحد 3ابتدائي هو سلاح التلميذ وهذه ليس دعايه لكن افضل كتاب بشتغل منه مستوفي جميع الشرح والاسئله الكافيه علي كل درس
بالتوفيق 💛

منهج العربي التأسيس بالترتيب
الحروف لحد ما الطفل يتقنها ثم الحروف في اول الكلمه وسط الكلمه واخر الكلمه اول ما نخلصها نبدا بالتشكيل فتحه كسره ضمه سكون وكل تشكيل ياخد وقته والكلمات اللي بديها بتكون مكونه من 3حروف فقط ونبدا قرايه مع الطفل كل حصه ثم كلمات اكتر من 3حروف وعلي حسب استيعاب كل طفل واخر مع الاملاء كل حصه👍
كدا اكون رديت علي كل المسچات بخصوص النقطه دي
اللي محتاج اي شي يبعتلي علي الرسايل❣️

ابني ٣ سنين ابدا معاه ازاي ومنين!!!!!!
سؤال متكرر وهجاوب عليه هنا عشان الرسائل مش بقدر اجاوب عليها كلها
اولا ابني مدرك كويس وفاهم بيعرف يتكلم كويس الي حد كبير اشتغل معاه انشطه ومهارات يعني ايه انشطه يعني أعلمه ازاي يمسك القلم وأحببه فدا فيه كتب كتير جدا عباره عن خطوط واحنا بنمشي عليها زي متاهات كدا وانا بخلي الطفل يمشي علي النقط دي لغايه ما يوصل الخطوط كدا اتدرب معايا علي مسك القلم ودا بياخد مننا شويه وقت عادي بعد كدا ابدا معاه بالعربي اعرفه شكل الحرف وكلمات كتير علي الحرف دا وهكذا وارسمله الحرف يعرفه شفوي فقط
طب بالنسبه الانجليزي نعرف صوت الليتر صوت الحرف اهم حاجه زي ما يعرفه اسم letter ايه اعرفه صووووته لغايه ما يتمكن منهم كلهم اشتغل معاه ا letter بصوته واكشن لكل sound وكلمات كتير علي letter بعد ما بتاخد جزء كبير من letter اشتغل blend يعني ايه !!!! يعني الطفل يجمع حروف جنب بعض ويبدأ يقراهم بناء علي sound اللي عارفهم وبكدا الطفل هيعرف يقرأ معايا بسهوله جدا وهبقي مطمنه عليه لو حد عنده اي سؤال يكتبه وهرد عليه ❤️
دمتم متفؤقين🌷

التاسيس الصح والمظبوط فاللغه الانجليزيه تبدأ من المعرفه الجيده لاسم الحرف وصوته sound مينفعش نهائي اشتغل مع طفل وابدا كلمات علطول مع طفل وهو مش عارف يعمل blend للحروف ولا يقرأ الكلمه انا اطفال بتجيلي مش عارفه ولا اسم ولا صوت الحرف وولي الأمر يقولي الميس اللي قبل كدا كانت بتديله كلمات طب ازاي !!!!!
فارجوكم خلي بالكم مع المدرسين اللي بتدي عيالكم لازم الطفل يتأسس كويس جدا يعرف يقرأ ا الكلمه لواحده من غير مساعده وانا بتكلم علي طفل التاسيس قبل ما اشتغل معاه الجرامر فأولي ابتدائي لازم يكون بيعرف يقرأ
تابعو البوست الجي هقول كلام مهم لاطفال التاسيس🌷

الرسائل كتير جدا وانا هنزل بالتدريج كدا أن شاء الله شرح الماث لكجي من الاول خالص
خليكوا معايا واحده واحده والفيديو الشرح اللي هينزل أن شاء الله لو حد عنده سؤال فيه يسأل اول باول عشان هيبقي ورا بعض أن شاء الله ♥️

تحبو ننزل فيديو يشرح منهج كجي ماث وانجلش وحساب زي فيديو العربي كدا
ولا نبدا نشرح علطول الدروس اللي علينا

منهج الحساب كجي وان وتو بالترتيب
شرح هينزل فيديو تابعوني

ملخص لمنهج كجي وان وتو بالترتيب
المفروض الطفل يكون عارف ايه في المرحلتين دول
هنزل فيديو يشرح فيه كل الكلام دا
تابعوني 💓💓