20/02/2021
اية هو التسويق عبر وسائل التواصل الاجتماعي، أو Social Media Marketing.
بص بقى يا باشا فى الايام الاخيره ده و بعد كورونا و الحظر اللى مش موجود اصلا انتشر اوى فكرة التسويق على الانترنت و ناس كتير اوى نجحت بالفعل من حاجات بسيطه ما بالك بقى لو انت اصلا مشروعك كبير بس محتاج شويه تغير .
طب اكيد دلوقتي انت بتسال على حاجات كتير زى
هو كان بيبيع ايه ؟ كانت رخيصة ولا غالية ؟ بدأ امتى و بدأ يكسب امتى ؟ و ازى بدأ ؟ هل فعلا مربحة أكثر من البيع العادي ؟ أسئله كتير بدور فى دماغك و مش بتخلص !!!!
اكيد انت مش مجرد ما تقراه او تسأل حتى صاحب الشغل هتفهم منه الدنيا ماشيه ازاى لا محتاج تسال متخصص فى التسويق ودراسة المشروعات ودراسة المجتمع و المنافسين لأنه مافيش مجال مش فيه منافسين .
وده مش سهل و مرهق اكتر خاصه انت اصلا مش عارف انت محتاج ايه او عايز ايه غير انك عايز تبدأ مشروعك او تبدأ حياة جديدة .
لأنه التسويق عبر وسائل التواصل الاجتماعي فيسبوك و انستجرام و الواتساب و التيلجرام و تويتر و يوتيوب و سناب شات كل حسب المناسب لى منتجاتك أو خدماتك أو حتى بلدك و ده انت مش هتقدر تحدده بنفسك .
وكمان طرق و شكل النشر على مواقع التواصل الاجتماعى المختلفة ده بيختلف من واحده للتانيه زى نشر النصوص والصور ومقاطع الفيديو والمحتويات الأخرى اللي تجذب انتباه الجمهور و ده بيختلف فى مقاساتها و شكل النصوص نفسها وإلى جانب إعلانات المدفوعة.
من الاخر افهم انت عايز ايه .
