For Legal Careers - F.L.C

معلومات قانونية♥️
(الدعاوى التي لا يلزم توقيع المحامي على صحف الدعاوى الخاصة بها)
_دعاوى المهر والجهاز والشبكه والحبس
_الدعاوى المتعلقة بالنفقات والأجور والمصروفات
_تحقيق الوفاة والوراثة
_الدعاوى المتعلقة بحضانه الصغير وحفظه وضمه والانتقال به
_الدعاوى المتعلقة بالإذن للزوجة بمباشرة حقوقها.
_تثبيت الوصي المختار وتعيين الوصي المشرف والمدير لمراقبة أعمالهم
_اثبات الغيبه وانهاؤها
_تقدير نفقه القاصر من ماله.
_طلب تنحي الولي عن ولايته واستردادها.
_جميع المواد المتعلقه بإدارة الأموال.
_تعيين مصف للتركة وعزله واستبداله والفصل في المنازعات المتعلقه بالتصفية.
Counselor/Dina Mostafa

موضوعنا النهاردة عن الخلع ✋✋

🔷🔷ايه هو الخلع في الاسلام 🔷🔷

هو فراق الزوجه بعوض يأخذه الزوج منها أو من غيرها بألفاظ مخصوصه أو افتداء الزوجه نفسها بمال تدفعه لزوجها مقابل فراقه لها وخشيت بسبب تلك الكراهيه ألا تؤدي حقه الذي فرضه الله عليها .

🔷🔷 س / هل في اسباب لطلب الخلع؟
ج / لا
الخلع لا يلزمه اسباب محددة او معينة للمطالبة بيه ويكفي الدعوى إنها " تبغض الحياة مع زوجها " وأنه لا سبيل لاستمرار الحياة الزوجية بينهما وانها " تخشي ألا تقيم حدود الله تعالى" ، فالمحكمه التي تنظر دعوي الخلع لا تبحث في أسباب قانونيه أو شرعيه معينه أو أضرار محدوده حيث ينحصر في محاوله الصلح بين الزوجين فإن أخفت و توافرت شروط الخلع حكمت به .
⛔السند القانونى :-
⚖️ولقد نصت الماده ٢٠ من القانون رقم ١ لسنه ٢٠٠٠بشان تنظيم بعض أوضاع وإجراءات التقاضي في مسائل الأحوال الشخصيه ✍️:-

"للزوجين أن يتراضيا فيما بينهما علي الخلع فإن لم يتراضيا عليه وإقامت الزوجه دعواها بطلبه وأفتدت نفسها وخالعت زوجها بالتنازل عن جميع حقوقها الماليه الشرعيه وردت عليه الصداق الذي أعطاه لها حكمت المحكمه بتطليقها عليه ولا تحكم المحكمه بالتطليق الخلع إلا بعد محاوله الصلح بين الزوجيين وندبها حكمين لموالاه مساعي الصلح بينهما خلال مده لاتجاوز ثلاثه أشهر وعلي الوجه المبين بالفقره الثانيه من الماده ١٨ والفقرتين الأولي والثانيه من الماده ١٩ من هذا القانون وبعد أن تقرر الزوجه صراحه أنها تبغض الحياه الزوجيه بينهما وتخشي إلا تقيم حدود الله بسبب هذا البغض ، ولايصح أن يكون مقابل الخلع إسقاط حضانه الصغار أو أي حق من حقوقهم ويقع الخلع في جميع ألاحوال طلاق بائن ويكون الحكم في جميع الأحوال غير قابل للطعن عليه بأي طريق من طرق الطعن "

📍📍ما هي حقوق الزوجة عند الخلع ؟

تتنازل الزوجة في الخلع عن جميع حقوقها المالية والشرعية و هذا التنازل يشمل (( مؤخر الصداق و نفقة العدة و نفقة المتعة)) وترد للزوج مقدم الصداق الحقيقي الذي استلمته.

▪️ولكن لا يشمل التنازل : جهاز الزوجة ( الثابت بقائمة المنقولات الزوجية ) , ولا يشمل الشبكة و هدايا الخطبة إلا إذا اتفق الزوجان مسبقا على اعتبارها من مهر الزوجة , ولا يشمل التنازل حقوق الصغار من نفقة وحضانة ( و هذه الحقوق لا يجوز التنازل عنها ) .

✍️✍️بعض مشاكل ومعوقات تنفيذ إجراءات دعوي الخلع وحلولها :-✍️✍️

1-

60 عبارة قانونية للربط بين الفقرات عند كتابة العرائض :

1- مما لا شك فيه ... 2- وتأسيساً على ذاك ...
3-إستناداً الى ما سبق ... 4- ولا مناص من القول ...
5- وعلى العكس من ذلك... 6-وعليه ...
7-وتجدر الأشارة ... 8-وجدير بالذكر ...
9-ومن هذا المنطلق ... 10- وفضلاً عن ذلك ...
11-وتماشياً مع ما تم ذكره ... 12- وأستخلاصاً لما سبق ...
13-وتنطوي وجهة النظر في ... 14 ولتوضيح ذلك ...
15- وخلاصة القول ... 16-ونافلة القول...
17-وبناءً على ذلك ... 18وبطبيعة الحال ...
19- ولذلك ينبغي... 20- وتفسيراً لذلك ...
21-وفي هذا المقام ...22-وفي واقع الأمر ...
23-ولكن لا يفوتنا أن ننوه ...24-وفي مقابل ذلك
25-إلا أنه على الرغم من ... 26- ومن الجدير بالملاحظه ...
27-ويلاحظ أن ... 28- وقد حاولنا...
29-هكذا يتبين ... 30- وإنطلاقاً مما سلف ...
31- وعلاوة على ذلك ... 32- ونتيجة ذلك ..
33- وبغض /وبصرف النظر ... 34- وفي نفس الصدد ...
35- وعلى خلاف ذلك ... 36- ولابد من الأشارة ...
37- لابد من التأكيد على أن ...38- ومن زاوية أخرى ...
39-بادئ ذي بدء ... 40- في مستهل الحديث ...
41- وناهيك عن ذلك ... 42_ لاسيما...
43-الأمر الذي يقضي ...44- وبما لا يدع مجالاً للشك ...
45- وحيث ان الثابت ... 46 ولما كان ذلك كذلك ...
47-ومن البديهي ... 48- على المستموى النظري ...
49-على المستوى التطبيقي ...50-على المستوى الإجرائي ...
51- من وجهة نظر تاريخية... 52- إن الأصل في ...
53- وحرصلً على ... 54- إنه من الأساس ...
55- وهذا لا يغني أن ...56- وفي هذا الإطار ...
57- ومن الضروري...58- ولعل من المفيد أن نؤكد ...
59- ولذلك يجب الأخذ في الحسبان ...
60- وحرياً بنا التطرق لذلك الموضوع...

لما تيجي تشتري شقه
- حاول تروح الشقة مرتين مرة الصبح ومرة بالليل.
- طول في المعاينة على قد ماتقدر وسيب الباب مفتوح.
(لو الشقة عليها مشاكل..العصفورة هتبلغ انها اتفتحت )
- مافيش بائع هيعرفك بعد ماياخد كل فلوسه.
- لازم تبقى جزء من قيمة الشقة لو فيه اى حاجه ناقصة.
- الشقة اللى مافيش فيها عداد كهرباء .. ماتاخدهاش.
- التوكيل بالبيع لوحده مش كفاية..لازم عقد بيع.
- مش لازم خالص توقيع شهود على العقد.
- لو هتخلص ثمن الشقه لازم تستلمها فى نفس يوم دفع الفلوس.

:
☆ ماتشتريش من وكيل عن صاحب الشقة بتوكيل عام الا اذا كنت عارفهم كويس جدا.
☆ صاحب الشقة يعملك توكيل خاص بالبيع حتى لو مسافر.
☆ لو البائع فوق ٦٥ سنه ولاده يوقعوا شهود على العقد.
☆ لو هتشترى من ورثة لازم كل الورثة يوقعوا على العقد
لو حد من الورثه قاصر لازم الوصى عليه هو اللى يوقع عنه ولازم يطلع قرار بموافقة النيابة الحسبية على البيع .
☆ لازم التوقيع على كل صفحات العقد.
☆ لازم التوقيع يكون امامك مافيش توقيع مسبق.
☆ اوعي تسيب اي فراغات فى نسختين العقد ويفضل العقد يكو من ثلاث نسخ.
☆ ممنوع اي تعديل بخط الأيد فى العقد.
☆ الأفضل ان العقد كله يكون مكتوب كمبيوتر.

: اوعي تمضى على إيصالات امانه، أكتب الاقساط فى العقد [ القيمة وميعاد القسط ].
#لااااااااازم : تسأل عن زوجة المالك حقك جداً .. احسن يكون مطلقها ومعاها قرار تمكين
ً : انك تدخل لجار واتنين فى العماره، وتسألهم عن الشقة المهم تديهم الأمان وفهمهم ان الكلام بينكم سر .. علشان يقولوا الصراحة.

يبقي مهم وانت بتشتري شقة لازم تتأكد من سند ملكية البائع وتسلسل الملكية حتى آخر مشتري وكمان عقد للأرض سواء عرفى أو مسجل وتتأكد من صحته
تكتب عقد يضمن الثمن وبنود تضمن حقك وشرط جزائي وتوكيل في الشهر العقاري بالبيع للنفس أو للغير والتنازل للنفس أو للغير ولكافة التصرفات الناقلة للملكية امام كافة الجهات والمصالح الحكومية ومصلحة الشهر العقاري والتوقيع علي عقود البيع الابتدائية والنهائية
وفي كافة اجراءات التعامل مع الكهرباء والمياه والتليفون والضرائب العقارية والغاز الطبيعي والتعاقد ورفع وتركيب والتنازل عن عدادات هذه المرافق
ولا يحق لأي من الطرفين إلغاء هذا التوكيل إلا بحضور الطرفين ويسري هذا التوكيل في حالة الوفاه .

ً يكون معاك محامى ثقة بلاش تستخسر وتوفر اتعاب المحامى .. وجود المحامى هيأمنك ويمنع عنك بلاوى كتير دور المحامى مهم علشان يتأكد من صحة مستندات الملكية وتسلسل العقود ويتأكد ان الشقة مفيش عليها اي مشاكل.

COUNSELOR Dina Mostafa

إيه السبب وراء رفض دعوى الطلاق للضرر؟
أسباب رفض الدعوى بتتلخص في عدم إثبات الضرر على الزوج وبالتالي بيتم رفض الدعوى من قبل الزوجة .
بس قبل ما نعرف الأسباب بالتفصيل لازم نعرف أنواع الطلاق للضرر.
• الطلاق للضرر للهجر
• الطلاق للضرر للزواج بأخرى
• الطلاق للضرر للسب والقذف
•الطلاق للضرر لسوء العشرة
• الطلاق للضرر لسجن وغياب الزوج
• الطلاق للضرر لعدم الانفاق والضرب.
بتترفض الدعوى في حالة ان الزوجة بتعجز في اثبات نوع الضرر زي سوء العشرة أو الزواج بأخرى أو طلبت المحكمة من الزوجة شهود والزوجة مقدمتش الشهود للمحكمة فـــــــ تخسر الدعوى.

COUNSELOR Dina Mostafa

الطلاق عن طريق المحكمة أنواع كل نوع له طبيعة وأسباب وآثار مختلفة :
1- الخلع : وهو النوع الأشهر بين الزوجات لسهولته ولأنه مضمون ومش محتاج أسباب وبيكون طلاق بائن والحكم فيه نهائى وبيترتب عليه حرمان المطلقة من "العدة ، المتعة ، المؤخر" .
2- طلاق لعدم الإنفاق : وده نوع محدش بيلجأ ليه لإنه بياخد وقت وبيحتاج إثبات إنه مش بينفق وتحذير من القاضى للزوج وفى الآخر كمان بيكون طلاق رجعى يعنى الزوج يقدر يراجع المطلقة تانى يوم الحكم عشان كده محدش بيلجأ ليه لإنه فعليا غير ذى جدوى او جدواه بعيدة قوى .
3- الطلاق للضرر : وده النوع الأفضل للزوجة لإنه بيحافظ ليها على كل حقوقها وبيكون طلاق بائن لكن مشكلته إنه مش سهل لإن لازم الزوجة تثبت أمام المحكمة وقوع ضرر قوى عليها يستوجب التفريق وكمان لازم شهود الضرر لو هتثبت بشهود يكونوا شهود عيان يعنى شافوا الضرر ده وهو بيقع على الزوجة سواء مثلا ضرب او سب او خلافه غير انه مش بيبقى حكم نهائى زى الخلع يعنى لسه ليه استئناف وبيطول شوية .
4- الطلاق لإستحكام الخلاف : النوع ده بيجمع بين الخلع فى سهولته وبين طلاق الضرر فى صعوبة استحقاق الزوجة حقوقها وبيكون طلاق بائن وله حالتين فقط فى القانون ملهمش ثالث بس هنخصص له بوست لوحده عشان يبقى بإستفاضة لإن ده بيعتبر أفضل نوع طلاق للزوجة اللى صعب عليها تثبت ضرر للمحكمة .
5- طلاق اللعان : النوع ده هو الأصعب على الإطلاق فى أنواع التفريق بين الزوجين وربنا ما يكتبه على حد أبدا يارب وده بيكون بعد نزاع بين الزوجين على نسب مولود وانكار من جانب الزوج ثم توافر شروط اللعان وتوجيه الزوج لزوجته يمين اللعان واتهامه بالزنا وفى الحالة دى بيتم التفريق بينهم للعان حتى لو مطلبوش الطلاق وبيكون طلاق أبدى مش بس بائن يعنى ميرجعوش لبعض ولا بعقد ومهر جديد ولا حتى بمحلل خلاص خلصت يعنى.
ده كان سرد بسيط وميسر قدر الإمكان عن أشهر أنواع الطلاق اللى ممكن تصدر من المحكمة بين زوجين مش بنوضحها عشان نشجع عليها ولكن عشان اللى خلاص وصلت لمرحلة صعبة من استحالة العشرة تقدر تنقى النوع اللى يناسبها وتطلب من محاميها يرفع النوع اللى يمشى معاها عشان توصل من أقرب الطرق .

COUNSELOR Dina Mostafa
01123041269