Deutsch lernen mit Hakim-DLH

هنتكلم النهارده عن شويه معلومات بسيطه عن الالماني كلغه وليه متصنفه كلغه مهمه في سوق العمل
اول حاجه لازم تعرف ان فيه اكتر من ١٠٠ مليون شخص في العالم بيتكلمو الالماني كلغه اساسيه في ٥ دول ( المانيا، النمسا، سويسرا، ليشتنشتاين (ايوه دوله محدش يعرف عنها حاجه بس من اغنى البلاد في اوربا) و بلچيكا.
٥ دول دول منهم عملاق الصناعه والتجاره في العالم المانيا"
طيب، هل انت محتاج تتعلم الماني؟؟ وليه
اكيد لو انت طالب جامعي او حديث التخرج هقولك ان تعليم الالماني ليك حتى لو اساسيات هيبقا مهم
لو انت دكتور وعاوز تكمل ماستر فيبقا الالماني بالنسبالك مسأله ضروريه
مهندس؟ الالماني هيخليك مميز في مجالك خصوصا في مجالات الصناعات الانشائيه والكهربائيه
فيه بقا مجال المستقبل لخريجين حاسبات ومعلومات وNet developers فممكن اقول الالماني بالنسبالهم خطوه ضروريه
طيب انا يا عم راجل موظف او تاجر او عامل بس عاوز اعلم ابني او بنتي ف الصيف اساسيات اللغه بحيث ان ادراكه يزيد ويفيده بعد كده فبرضه الالماني هيبقا حاجه كويسه جدا كاضافه طبعا انه يبقا بيتعلم لغات حتى لو مش في مدرسه لغات.
اختصارا لو عندك الحاجه والرغبه ابدأ..
البوست الجاي عن شويه نصايح لو انت بتتعلم لوحدك مش من خلال كورس.

يعني ايه Deutsch macht Spaß
دي جمله معناها تعلم الالمانيه متعه
زي بالظبط وانت بتقول لابنك الصغير ان الدوا ده طعمه شكولاته😂😂
بسبب ان اللغه الالمانيه مشهور عنها انها صعبه والجراماتيك فيها صعب فالالمان حبوا يقلشوا على نفسهمم ويقولولك لا يا حبيبي دا الالماني ده تعليمه متعه.
بس هل فعلا الالماني تعليمه متعه؟؟؟
الحقيقه انا شايف ان تعلم اي لغه اجنبيه ف حد ذاته شى مميز وممتع لانك بتكتشف حاجه جديده وبتحس انك مميز
بس الممتع ف الالماني انها من اكتر اللغات الوصفيه!
بمعنى ان معظم الكلمات فيها يتبقا عباره عن وصف زي مثلا Fernsehen ده معناه تلفزيون بس الترجمه الحرفيه الرؤيه عن بعد بص وصف اهو
وكمان عندك Feurzeuge اداه النار ( ولاعه).
لو بصيت حواليك هتلاقي ماركات باللغه الالمانيه اكتسبت قوتها من اسمها الالماني زي Volkswagen ( سياره الشعب)😂😂
او شاومبوschwarzkopf ( الرأس السوادا).
شاركنا برأيك عمرك فكرت تتعلم الماني او صادفت مره كلام الماني وعرفته من شكل الحروف
استنو البوست الجاي عن اللغه الالمانيه ومين دول بتتكلمها

بسم الله الرحمن الرحيم
انا اسمي عبد الحكيم صابر، خريج الألسن قسم اللغه الالمانيه.
طبعا دلوقت اللغه الالمانيه بقت مهمه جدا في سوق العمل سواء مجال الكول سنتر او التجاره او للساعين للسفر لالمانيا سواء اطباء او مهندسين/ حرفيين.
الصفحه دي بتهدف من خلال المحتوى المقدم انها تفيد الراغبين في تعلم اللغه الالمانيه وبتدي معلومات عن سوق العمل وشويه حجات تاني😂..
المحتوى بتاع الصفحه هيبقا بوستات وفديوهات وكمان شويه ترشيحات لافضل المتريال اللي من خلالها تقدر تتعلم الماني.
اتمنى دعمكم للصفحه والمحتوى وهرحب باي اراء او تعليقات لانها اكيد هتفيدني.
في الاخر عاوزين نقول Deutsch macht spaß
ياترى يعني ايه؟ لو عاوز تعرف استنى اول بوست🔥

Liebe Lesere(inen),
DLH ist eine Seite für Deutsch lernen für Anfänger, die ich mich träume, dass ich eine Hilfe für denen Deutsch lernen möchten, zu geben könne.

Durch Posten, kurze Videos und Zoom/ Aktuelle Besprechungen soll ich mit den Studenten(inen) kontaktieren.

Sei Beachtet bitte für die neu 💪🔥.

الترجمه بقا😂
DLH ده اختصار لتعلم الالمانيه مع حكيم، دي صفحه الهدف منها تعليمي هوا تعليم الالمانيه للمبتدئين من خلال بوستات ، فديوهات وكمان كورسات عن طريق زوم او مقابلات فعليه
خليكم ديما متابعين لكل جديد هنا واتمنى المحتوى يبقا مفيد للجميع💪🔥