Shahindah elkassas

حلو اوي ومترتب كدا
وبيقول تقريبا كل حاجه عني
ومعرفني اني
بساعد الناس علي التعافي ❤️
النمو بعد الصدمات
بساعد الناس علي معرفتهم بقيمه نفسهم ووضع حدود❤️❤️ صحيه
ويبقى حقائق عن الصحه النفسيه وكمان واصف راي happy client
الحقيقه ان التكنولوجيا بقت بتساعد وبتسهل كتير اوي
واحنا لازم نعترف بجمال الصوره والتفاصيل

هالو حبيبتي
خدي بالك وانتي بيتم نقلك من
الحبيبه زون
الي
فرندشيب زون
الي
الولا حاجه زون
الا تتزحلقي علي سلايد الاكسبكتيشن وتنزلي علي جددووو.. ر رقبه الاحلام الورديه يا بيبي
ها ؟ خدي بالك بقي
هاااا بقي ؟
الاكسبكتيشن اته..دت علي دماغ معاليكي ولا لسه ؟

إيه ألطف Green flag ممكن تتواجد في الانسان؟

مساء الخير
ماسكه ايدي انها تكتب عن الموضوع دا لتاني مره
بس بصراحه انا مش مبسوطه من الصوره دي تماما
ولا حابه أن الناس تاخدها ماتريال
ولو في وجهه نظر واحده اقدر اقولها فأحب اقول
أنا صعبانه عليا لقاء جدا لانها ست اختارت العيله علي حساب نفسها

جداااااااا بس انا شايفه جنبها راجل مقرر بمنتهي الاريحيه أنه يعبر عن استيائه وزعله وبالاحرري يعبر عن حزنه
ودا مينفعش يتقابل بالضحك والابتسامات العاليه اللي طالعه منها
لانه ببساطه مكسور ومش حاسس بالانتماء
ومش هقولك راعي ظروفه بس ع الأقل بلاش نتعامل معامله أنا مش شايفه اللي بيحصل
رغم أنه ذكاء حزين جداااا منها

ثانيا
أنا مندهشه بقدره الراجل دا علي ممارسه حياته عادي
رغم كل الالم النفسي اللي عايشه سواء بخسارته لست حبها واتجوزها
وكان واضح أنه سعيد معاها
وعلي قدرته دلوقتي علي أنه يكون بلا روح بس مكمل في اللي بيعمله
وبصراحه أنا مشفقه عليه اووووووووي وصعبان عليا اوي اوي بس اكيد برده الاختيارات وراها فواتير

ثالثا
مفيش ست تحب تتخان
ولا ست تحب يكون ليها ضره وبالأخص لو كانت بتحب جوزها
بس ليا وجهه نظر تحتمل الصواب أو الخطأ وهي شخصيه تماما
الست اول ماتحس أن الراجل عشق
وخد بالك من كلمه عشق دي
لأن الحب بيروح ويجي بس العشق ملوش دواء
داء عضال مفيش منه فرار الا الزواج بمن تحب
فاول ما تشوف ست تانيه في عين جوزها او حبيبها وفراقها فارقله اوي كدا
لازم تنسحبي
مع كل احترامك لجوزك ونفسك
ومع كامل تعاطفي معاكي بس انسحابك معناه انك اشتريت نفسك اوووي لأن تكملتك في اي جوازه من النوع دا ويعتبر درب من دروب الشقاء
وهتبقي شفافه
مش متشافه ودا مينفعش تعيشه انثي لأن التجاهل قسوه مريره

رابعا
الراجل اللي حب بجد عمره مابيقدر ينسي الست اللي دخلت حياته شقلبتها وطلعت
بيكون مضروب علي دماغه لو الست دي قررت الرحيل
وبيكون حاسس ان روحه خرجت منه لاول مره غصب عنه
بس هو لسه متدفنش وبرده كان من الاول تقدر تقرر عاوز تبعد ولا تفضل في الجوازه

ومن هنا اقدر اقول
أن مش كل العلاقات تصلح للعمر كله
ومش كل الانفصالات هي فشل ساعات بتكون نجاه مستخبيه ورا الغرور الإنساني اللي ممكن ينتهي بكلمه مع السلامه

ومش كل اتنين اتجوزوا معناها أنهم ينفعوا يعيشوا عمرهم كله سوا

وهنا برده يحضرني واحده صاحبتي عمري ماتعاطفت معاها
كانت عندها استعداد جوزها يتجوز اي ست
اي ستتتتتتت الا ست واحده
الاكس بتاعته
ولما سالتها اشمعني هي ؟
قالتلي
اصله كان بيحبها
وهنا أدركت أنها مش بتحبه
هي متملكاه فقططط عشان كدا خايفه ست بيحبهاااا تاخدده منها لأن دا هيبقي اعتراف منها بفشلها وقله حيلتهاا

عموما جوزها اتجوز عليها اتنين الي الان
وطبعا كل الدعم يا جماعه للزوجه الأولي لانها فعلا في وضع لا تحسد عليه تماما

الخلاصه
متمسكش في حد بالعافيه
اللي راح وسابك كويس أنه راح
وعوض ربنا مدهش ارجوكوا بلاش تزعلوا
رغم صعوبه المعادله
بس ساعات كتير بتنجح

سؤال مهم
بتعمل ايه لو حد مقرب منك خانك
وغدر بيك بشكل صعب تصدقه ؟
مستنيه تعليقاتكوا😔

لو عديتي العشرينات فانا احب اقولك أن التلاتينات مرحله حلوه فيها كل حاجه وعكسها بس فيها كمان اختيارات حره مبنيه علي تجارب العشرينات

عاوزه تخرجي وفي نفس الوقت عاوزه لمه البيت
عاوزه تنامي وصعبان عليمي تسيبي الحفله بتاعت تامر عاشور
عاوزه تعبطي وفي نفس الوقت الماسكرا غاليه وحرام عليكي شقي عمرك
فانتي هتحبي وتقرير وتعيش علي حسب انتي عاوزه ايه دلوقتي بمنتهي التردد بس التجربه في المجمل حلوه والتلاتينات كلها شغف واندفاع واستفسار للصحه والوقت

أما بقي لو عديتي الأربعينات
فانتي هانم الهوانم
مش هتخرجي من البيت الا لو عاوزه ومتحمسه جدا وكمان مرتبه الخروجه الا مشوار التمارين اللي بتروحيه غصب عنك و بمنتهي الحب

مش هتحضري حفلات عشان ضهرك مش هيسمح بالمهزله دي
بس ممكن نخرج نتغذي سوا كلنا أو نفطر ودا احسن بكتير
القعده لوحدك هتبقي رفاهيه عظيمه وكبايه الشاي هتبقي يا الف نهار ابيض بجد

العيال ومشاكلهم والوهم في كفه ..ومعاد نومك في كفه تانيه

في الأربعينات الوقت اللي بنقضيه مع نفسنا بيكون اكبررررر بكتير
بتبقي خلاص عارفه
مش عاوزه ايه
مش عاوزه صاحب فلانه دي عشان شكايه بكايه
ومش هروح المناسبه دي عشان محدش قالي
وتبقي عارفه أن مفيش اهم من راحتك النفسيه
وعشان كدا
كل مرحله حلوه
كل مرحله نعمه من ربنا

وكل لحظه انتي بتعيشيها لازم احمدي ربنا انك عشتيهاااا
والأهم أن مفيش حاجه اسمها كبرت
احنا كلنااااااا قمرات في كل حالاتنا معروفه يعني

العدوانية السلبيه من أخطر أنواع الاذي
اللي بيظهر فيها الشخص لطيف وحنين قدام الكل بس انتي الوحيده اللي عارفه حقيقته
وعشان كدا ممكن نتفاجيء أن في ست بتسيب راجل زي الفل
بس هي فعلا ليها أسبابها وساعتها بتتشاف مجنونه
اكتبيلي في الكومنتات ايه مكمله في العلاقه لو فيها حاجه مما سبق