Dina Nabil

14/03/2026

13/03/2026

Pioneers American High School Randa Mobarak

06/03/2026

" أنت عارف أن وجودك بينا رزق ؟ وضحكتك وابتسامتك بينا رزق؟"

فيه معنى تعلمته إمبارح ياريتنى عرفته من زمان
كان وفر عليا وجع كتير

قريت امبارح فى سورة الزمر ووقفت عند آيه ٥٢
﴿ أَوَلَمْ يَعْلَمُوا أَنَّ اللَّهَ يَبْسُطُ الرِّزْقَ لِمَن يَشَاءُ وَيَقْدِرُ ۚ إِنَّ فِي ذَٰلِكَ لَآيَاتٍ لِّقَوْمٍ يُؤْمِنُونَ﴾
[ الزمر: 52]

سبحان الله ربنا بيقسم الأرزاق ولأن ربنا عادل فكل واحد فينا واخد حاجة مش عند التانى

في تفسير أكتر من رائع للشيخ الشعراوى للآيه دى

أننا فاكرين إن الرزق على هيئة فلوس بس لكن الحقيقه الرزق له أشكال كتير
الصحه رزق
حلمك رزق
سمعتك بين الناس رزق
الأدب رزق
أمانتك رزق

ربنا بينزل الرزق بقدر .بالقدر المناسب لكل واحد فينا ولشخصيته والبراعة الألهيه هنا فى كيفية تقسيم الرزق يعنى مثلا ماينفعش كل الناس تبقى أغنياء ولا ينفع كل الناس تكون على نفس العقليه يعنى مثلا المهندس اللى بيبنى عمارة شوف كام واحد خدم فكرته فى الهندسه اللى بينقل الطوب واللى فحت فى الأرض واللى عمل المواسير واللى عمل الكهرباء ...
اللى فحت فى الأرض معندوش موهبة الهندسة واللى موهوب فى الهندسة معندوش موهبة الفحت فى الأرض ولا الصبر عليها .
*الجزء اللى فوق منقول عن الشعراوى

إزاى بقى نربط المعنى ده بتربية أولادنا احنا محتاجين نفكر بره الصندوق أن لو ابنك/بنتك مش متوفق دراسيا يبقى ده مش رزقك ومش رزقه محتاجين نفكر ربنا أدى أولادنا إيه مميز ( صحة - ذكاء- أمانه -حلم - تواضع- شكل جميل - بسطة فى الجسم - إبداع - بر والدين - شخص إجتماعى ...... حاجات كتير اوى الرزق له أشكال كتير أوى أوى محتاجين نفهم أشكاله ونعلم أولادنا المعنى ده وسط الحياة المادية القاسية

شارك المعنى ده مع أولادكم وقولهم
" أنت عارف أن وجودك بينا رزق ؟ وضحكتك وابتسامتك بينا رزق؟

لو عندك قصة عن الرزق شاركنا بها فى التعليقات