Little positive energy

عارف أنت لما يكون نفسك في حاجة ونفسك تحققها وبتدعي ربنا بيها في كل صلاة بتصليها وخلاص جبت آخرك .. هنا اقف مع نفسك وقفة كدة وأسأل نفسك سؤال ، ايه اللي انا بعمله مش مخلي دُعائي مُستجاب ؟ طبعًا ربنا اعلم بالخير لينا جميعًا لكن بيبقي في سبب أو أسباب بتمنع استجابة الدعاء .. زي مثلاً عندك ذنب في حياتك مش قادر تتخلص منه ، كل ما تقول يارب توب عليا وبتوعده مرة واتنين وتلاتة برضه بترجع ليه تاني للاسف .. فا أنت هنا بتقابلك مشكلة لأن طبعّا مش هتبقي تعمل ذنوب وربنا هيستجبلك بسهولة كدة وبيبقي في مسببات بتمنع استجابة الدعاء .. انت هنا جاهد نفسك وخد تحدي مع نفسك وقول مش هعمل الذنب ده تاني في سبيل إن ربنا يستجبلي ، ومش معني كدة اني بقول تاخدها حاجة مقابل حاجة " بمعني تبطل ذنب عشان ربنا يستجبلك ولو مستجابش ارجعله تاني " المعني مش كدة وطبعًا العبادة دي أمر وفرض علينا كلنا ، لكن المعني تحسس ربك انك بتجاهد نفسك عشان يرضي عليك ومعني أنه يرضي عليك أنه هيغرقك من كرمه وفضله الواسع .. فا أنت شوف ايه الذنب اللي مش قادر تبطله واتحدي نفسك تبعد عنه في سبيل حاجة نفسك فيها وبتدعي ربنا يحققهالك .. كرم ربنا كبير وفضله عظيم ❤️

A few positives do impossible... just do it /!⚡