18/12/2025
بعد ما نخلص غصب و صياح على موضوع البنت اللى حاطة رجل على رجل و أستغفر الله ماسكة تليفون تاتش... الأمور هتهدى و تريند يعلى على تريند و هكذا.... احنا مجتمعنا مهترئ نفسيا و خلقيا و اجتماعيا و أى انتظار لأداء متحضر هو ضرب من الجنون.... مجتمع محدش واخد فيه حقه لاست و لا راجل و لا كبير و لا صغير.... ناس ناس مش شخص بتغتصب أطفال و ناس ناس بتدهس أفراد قاعدين على شط البحر فى أمان الله الاقى عربية بتدوسهم من الشارع !!! احنا فى حالة من الاضمحلال أقل ما توصف به إنه مستنقع فاللى عمله الرجل العجوز ده مثال لضفادع المستنقعات... مش مطلوب نتفاجئ و لا نقدر نتضرر لأن ده محيطهم ... احنا اللى غرباء و دخلاء عليهم ... مش المفترض تنهى الضفادع لإن ده مستحيل ما لم تجفف المستنقع و شكرا
