أخصائية اضطرابات النطق و اللغة هند جلال

من جلسات ال
Out
القمر

🐏مفيش احسن من اننا نحكي لاولدنا القصه الجميله دي انهارده ♥️

زمان اوي، كان فيه نبي اسمه سيدنا إبراهيم، وكان بيحب ربنا جدًا.
وفي يوم، حلم حلم غريب!
شاف نفسه بيدبح ابنه الصغير إسماعيل!

قال لابنه:
– يا إسماعيل، أنا شوفت في الحلم إني بدبحك، إنت رأيك إيه؟

رد إسماعيل بكل هدوء:
– يا بابا، لو ربنا أمرك، اعمل زي ما ربنا قال … وأنا كمان هكون صبور.

ربنا كان بيختبر طاعتهم، ولما شاف إنهم بيحبوه وبيطيعوه جدًا،
بعت لهم خروف كبير من السما بدل إسماعيل.

ومن يومها، بقينا بندبح خروف في العيد، علشان نفتكر طاعة سيدنا إبراهيم وسيدنا إسماعيل.

---
والرساله المهمه هي ان :
العيد مش بس لبس جديد وأكل لذيذ … ده كمان وقت نتعلم فيه نسمع كلام ربنا ونكون طيبين ويكون عندنا صبر♥️

كان معاكم : أ / إسراء مجدي
(أخصائية التخاطب وتنميه المهارات)

مهم جدا لاي mummy جديده او عندها شك

🤔 ليه ابني مش بيتكلم زي باقي الأطفال؟

تأخر اللغة مش دايمًا سببه الكسل أو الدلع من طفلك، في أسباب كتير ممكن تكون ورا الموضوع، زي :

1. مشاكل في السمع – الطفل مش هيتكلم كويس لو مش سامع كويس.

2. قلة التفاعل والكلام معاه – الكلام مع الطفل من أول يوم بيفرق جدًا.

3. مشاكل في النمو أو الحالة العصبية – زي التوحد أو مشكلات في الإدراك.

4. عامل وراثي – لو في تأخر في العيلة، ممكن يكون له تأثير عليه.

5. تعرض الطفل لأكثر من لغة في وقت مبكر جدًا – ممكن يسبب لخبطة مؤقتة.

6. دايما محبوس في البيت ومش بيغير مكانه – مش بيتعامل مع ناس جديده بأستمرار ويتفاعل معاهم.

7. علي طول الطفل قدام التليفون او التليفزيون – معندكش وقت تقعد معاه وعاوزة ترتاح من الزن فتخليه قدام الشاشات بالساعات.

✅️ كل طفل مختلف، عشان كده لازم تركز مع ابنك اكتر

✨ لو حابب تعرف إمتى تتدخل وازاي تساعد طفلك، تابعني علي صفحتي🤍

✍ كان معاكم : أ . إسراء مجدي
(أخصائية النطق واللغة)

📥 للتواصل أو الاستفسارت : من خلال رسائل الصفحة

📌 يا ترى لاحظت حاجة من دي على ابنك أو بنتك؟❗️❗️

خد بالك، لو لقيت أي من العلامات دي، ممكن تكون إشارة إن طفلك محتاج يتابع مع أخصائي تخاطب:

▪️ لسه الكلام بدري؟
يعني الطفل عنده سنتين ولسه مفيش ولا كلمة واضحة، أو بيقول كلمات قليلة أوي بالنسبة لسنه؟

▪️ فيه "تقل" في النطق؟
مش قادر ينطق بعض الحروف، أو بيبدّل حروف مكان بعض؟ زي لما يقول "بابا تاه" بدل "بابا جاه".

▪️ فيه "اصوات غلط" في النطق؟
اصوات كتير مش عارف يقولها مخليه الكلام كله مش صحيح وبيتنطق غلط زي (الراء ، الكاف ، الجيم ، الشين)

▪️ كلامه مش مفهوم؟
بيتكلّم كتير، بس محدش فاهمه غيرك؟ والجمل كلها طالعة ملخبطة؟

▪️ بيردد الكلام؟
كل شوية يعيد نفس الكلمة أو الجملة اللي سمعها من حد تاني من غير سبب؟

▪️ صوته مختلف؟
فيه بحة، أو صوت مخنوق، أو شكله مش زي باقي الأطفال؟

▪️ مش بيحب يتكلم؟
صوته واطي، بيتجنب الكلام، أو حاسس إن الكلام مجهود كبير عليه؟

▪️ مش فاهم التعليمات؟
يعني لما تطلب منه حاجة بسيطة بيتوه أو مش بيفهمها بسرعة؟

▪️ تشتت وضعف تركيز؟
مش بيقدر يركّز في حاجة فترة طويلة، وبيتنقل من حاجة للتانية بسرعة؟

✳️ لو لقيت نفسك بتقول "أيوة" على كذا نقطة من دول، يبقى محتاج تبدأ تشوف أخصائي تخاطب في أقرب وقت.
التدخل المبكر بيفرق كتير، وبيساعد طفلك يكون زي باقي الأطفال.

🚨⚡️ معاكم : أ / إسراء مجدي
(أخصائية النطق واللغة)

للاستفسارات والتواصل : من خلال رسائل الصفحة ✉️

جلسات ال AAC اصبحت متوفره ف المركز
ربنا يوفقك ميس Haneen Mohamed ❤️💪

هل يواجه طفلك صعوبة في التواصل اللفظي؟
يعلن مركز Brain and body balance عن توافر جلسات تخاطب مع ميس/ حنين محمد منفذ البرنامج وتعتمد الجلسات على أحدث أساليب التواصل المعزز والبديل (AAC) والهدف الأساسى مساعدة الأطفال والبالغين الذين يعانون من اضطرابات النطق والتواصل.

مميزات الجلسات:

✔ استخدام لوحات التواصل والصور التوضيحية
✔ توافر قريبا أجهزة إلكترونية داعمة للتواصل
تحت إشراف :
ا/هند جلال مشرف قسم التخاطب
د. إسراء جابر مدير الاكاديمية