Teachers Ask Teachers -Experience Exchange

03/08/2023

In a job market where candidates do anything they can to stand out, we discuss if you should include a picture on your resume or not.

03/08/2023

Topic #3
هو لازم يكون فى مكان لصورتى الشخصية فى C.V او السيرة الذاتية ؟

من الأسئلة المهمة اللى دايما بتتسأل واللى اعتقد فى رأى الشخصى هى اول وسيلة للتعارف بين المعلم اللى فى طريقة لإيجاد فرصة عمل وبين أصحاب المؤسسات التعليمية هى كيفية كتابة C.V او السيرة الذاتية .
المقال هنا بيطرح هل وضع صورة شخصية فى C.V مفيد ولا ممكن يكون من أسباب الرفض فى الوظيفة فى عالم توظيف 2023 ?
هل مفيد فى حالة فرز السير الذاتية بشكل الكترونى ؟ هل بيدى انطباع صحيح ولا ممكن يكون شئ غير احترافي ويجب تجنبه ؟
المقال بيجاوب على كل الأسئلة دى

In a job market where candidates do anything they can to stand out, we discuss if you should include a picture on your resume or not.

15/07/2023

Topic # 2
AI: Artificial Intelligence
الذكاء الاصطناعي و قدرته على استبدال المعلم فى الفصل
سؤال لازم يكون شاغل تفكير كل معلم فى الوقت الحالى ....ازاى اقدر اكون قادر على التطور والمنافسة ؟ هل التدريس كمان على وشك الإنقراض ولا لو ملكنا الأدوات نقدر نوجد مكان مناسب على مائدة التطور .
أسئلة تحتاج إلى إجابات و بحث وتدقيق الفترة القادمة

AI has huge potential to transform the education landscape, for both students and teachers. But will it replace the teacher? Not likely - Issue Date: May 28, 2023

22/07/2022

Topic #1
Classroom management 101
من الموضوعات المهمة جدا و دايما بتشغل عقل المعلم والمربى ....ازاى اقدر "اسيطر" على الطلاب داخل الفصل
والحقيقة ان الترجمة الدقيقة لكلمة classroom management هى "إدارة" الفصل وليس "السيطرة" عليه.
و اعتقد ان إدارة الفصل هى كلمة أشمل و ادق من السيطرة
بالرغم انه من ضمن أنماط الأربعة لإدارة الفصل هو المعلم السلطوى او Authoritarian teacher الا ان الجانب الأكثر دقة فى إدارة المعلم لفصله حتكون كفته بتميل اكثر ان الطالب يكون أكتر تفاعل مع معلمه و زملاءه داخل الفصل و بأقل قدر من السيطرة و الأوامر و اكبر قدر من الاستمتاع و الأمان.
وده بيخلينا نتكلم عن النمط الاخر و الأكثر اعتدالا وهو Authoritative او المعلم الأكثر مرونة والاقل سيطرة و الأكثر قربا لأولاده من الطلاب .
و حتكلم بالتفصيل فى المرة الجاية عن الأنماط الأربعة.

كلام جميل مش كدة ؟؟
نظرى بس حبتين ...مش جاى من أرض الواقع... و تنظير ناس مدخلتش فصول قبل كدة ولا اتعاملت مع طلبة ؟ انطباع دايما عندنا كمعلمين و تربويين ان كلام professional development ده كلام بينفع نسمعه بس مش بينفع نطبقه.
والحقيقة ان نظرا لخبرة معقولة فى هذا المجال ...الكلام قابل جدا للتطبيق ومفتاحه الاول و الأهم علاقة المعلم بطلابه و تحكمها فى الجو العام للفصل وحسن إدارته و دايما ده بيتم عن طريق ان الطلاب بيكونوا عنصر اساسى فى وضع قواعد الفصل و كيفيه إدارته و الموافقة عليها و تطبيقها بيكون أسهل واريح لأنهم هم اللى اختاروا حيحبوا يعيشوا ازاى جوا الفصل فى فترة تواجدهم .

وحضرتك كمعلم ومربى لو تحب تشاركنا خبرتك فى إدارة فصلك تحب تفيدنا بأيه ؟

17/07/2022

اعتقد كلنا كمعلمين بنعانى من صعوبة مهنة التدريس فى الفترة الحالية و زيادة الضغوط و المتطلبات المطلوبة مننا للقيام بمطلبات المهنة على احسن وجه ...عشان كدة حبيت يكون الجروب ده واحة أمان و إستراحة محارب نتبادل فيه الخبرات سواء خبرة تدريس داخل الفصل او خارجها فى التعامل مع المواقف المختلفة بكل رقى و احترام ولغة لائقة ...كيفية تطوير المعلم لنفسه و لو كورسات معينة او شهادات مقترحة نقدر نساعد بيها بعض و يكون وسيلة جيدة للتطور الوظيفى و يمكن أى من الزملاء وهو بيبدأ الطريق نكون يد مساعدة ليه يمكن يحتاجها وميقدرش يحصل عليها بسهولة .

We all know that teaching has gotten increasingly more difficult to manage. We’re constantly asked to do more with less. And there is no end in sight to the increasing pressure on us from testing, parents and administrators, contentious bargaining sessions, the current anti-teacher climate, and top-down leadership.

Teachers need to band together to support each other and make teaching a more sustainable career. There are several things we can do for each other and for ourselves.